رواية ظالمي الفصل العاشر 10 بقلم دعاء محمود

سدره بزعيق :اي ده يا مراد اي اللي انا شايفه ده فهمني

مراد راح خد الشريط وخد جواب من ايد امه 

مراد:ثرياااا عقبال مرجع تكوني جهزتي شنطي وشنط زينه 

 ومسك زينه ومشي من غير ميتكلم 

زينه ومبطلتش عياط ركبها العربيه 

مراد خدها لمكان فاضي جدا 

زينه بعياط شديد:والله كونت متخدره والله يا مراد انا معرفش لي بيحصل فيا كده انا شكلي بقي قدام اهلك وحش اوي يا مراد انا حبيتهم اوي واعتبرتهم العوض ليا ليه يبقي شكلي قدامهم كده ااااااااه ع حرقت قلبي 

شدها مراد جامد وخدها ف حضنو 

مراد:متخفيش طول مانا ف ضهرك يا زينه متخفيش 

زينه بعياط:ابعد عني يا مراد انت شفقان عليا بس مش بتحبني مين هيحب واحده حصلها كده وشافها مع راجل تاني ابعد عني

مراد:صرخي يا زينه وطلعي كل الحزن اللي جواكي 

بعدت زينه عن حضنو وفضلت تصرخ بكل طاقته وتعيط بسهستريا لحد ما اغمي عليها 

مراد جري عليها:زينه قومي يا حبيبتي وشالها وخدها شقتوا وادها مهداء 

سابها نايمه ونزل راح السرايا 

مراد دخل السرايا وهو موطي راسو

سدره،:فهمني اي اللي شوفناه ده 

رافت بحزن:احكلنا يا ابني متسبناش كده 

مراد رفع راسو ليهم وخانتو دمعه ليه نزلت 

جريت سدره عليه حضنتو

سدره:عمري مشوفتك بتبكي يا مراد ف اي احكلنا يا ابني 

مراد:ممكن محدش يتكلم معايا دلوقتي وتبطلو اساله كتير انا هاخد هدومي انا وزينه وهمشي وهشرحلكم كل حاجه بعدين 

زياد شال السنط مع مراد وركب معاه  وراح شقتوا  ودخلوا قعدوا 

زياد بحزن:هو ده جوز امها 

مراد:اه

زياد:بتحبها 

مراد بحزن:حضن اخوه وقالو بحبها يا زياد غصب عني حبتها انا اسف ليك 

زياد:انا اللي اسف محدش هيقدر يحب زينه قدك يا مراد 

هنجيب حقها وانا جنبك 

مراد:زينه اتحملت كتير اوي يا زياد مبقتش قادر اعمل اي حاجه تخليها كويسه 

زياد:بس انت دلوقتي الفيديو ف ايدك ممكن بسهوله تجبلها حقها 

مراد:كان ف جواب مع الشريط استني نقراه

جاب الجواب وبدا يقراو ومحتواه كان كالاتي 

اهلا بعيله الضوء دي مرات ابنكم المصون انا معرفتش اخد فلوس من ادهم بس هاخد منكم اكيد عيله الضوء مش هيستخسرو كام مليون عشان سمعتهم 

مراد:تفتكر مين ده

زياد:ممكن يكون ادهم

مراد:لا مش ادهم هو مشي غبي عشان يجيب دليل ادانته لحد هنا 

زياد:سبها عليا اكيد هيكلمك وانا جمبك وهتصرف 

احنا كده ممكن نرفع القضيه

مراد:مستني لما ينزل ادهم لانو هرب ع اليونان حابب يشوف هنعمل اي وهنتحرك وله لا 

زينه:هرب انت اذاي مقولتليش 

مراد:انت اي صحاكي 

زينه:رد عليا 

مراد:مكنش ف فايده اقولك كونت هتعملي اي يا زينه يعني تتعبي اكتر 

زينه:هو انت جبتني هنا ليه

مراد:هنعود هنا فتره لحد متولدي

زياد :هقوم امشي انا لو احتاجتو حاجه كلموني 

زينه:مراد احنا مش هنرجع بيت عمو رافت وماما سدره

مراد:استني اديني فتره امهد الموضوع وافهمهم

زينه :هتفهمهم اي يا مراد محدش هيصدقني شكلي بقي وحش اوي عندهم 

مراد شالها:مش عاوزين عياط يلا حبيبت مراد تدخل تنام بقي ممكن ودخلها اوضتها 

ونام ع كنبه 

زينه:انت هتنام هنا 

مراد:الاوضه التانيه مبهدله جدا 

زينه:ممكن سؤال 

مراد:اسالي

زينه:بعد مشوفت الفيديو كرهتني واستعريت مني

مراد:محصلش انا مفيش  ف الكون حاجه تخليني اكرهك فاهمه 

زينه:بتحبني وهتفضل جمبي 

مراد بصلها بحب:طول العمر 

ونامو

رافت:اكيد اللي شوفناه ده فبركه

سدره:لا دي حقيقه لو كانت غير كده ابنك كان اتكلم 

رافت:انا حبتها كانها ياسمين بنتنا هي اللي رجعتني لحياه تاني 

سدره:وانا كمان حبتها جدا بس اللي عملتو ده محدش يغفرو يا رافت 

يا عالم وراها اي 

رافت:زينه مظلومه انا متاكد مستحيل تكون عملت كده 

تاني يوم 

منتصر :الو دكتور مراد 

مراد:مين معايا

منتصر :معاك صاحب الشريط 

مراد:عايز اي 

منتصر :طلبي واحد الفلوس مقابل ان الفيديو مشوفوش رواد التواصل الاجتماعي وتحافظ ع سمعتكم 

مراد:كام

متتصر:2مليون 

مراد :واللي يديك ضعفهم 

منتصر :خدامو

مراد:هقابلك ف مكان وقالو عنوان ساعه 11

وقفل

مراد:زياد كلمني انا اديتو عنوان كافيه مصر جديده تعاله ع بليل  هناك ع 11

زياد:تمم هتعمل اي 

مراد :………

زياد :تفتكر هتنجح الخطه دي 

مراد:هنجرب

زينه:بتكلم مين

مراد:ده زياد 

زينه:شكلك بتلعب ب ديلك

مراد:مقدرش يا قمر 

ريتال:مالك يا زياد من إمبارح متغير 

زياد:حصل حاجات كتير اوي يا ريتا

ريتال :ف اي احكيلي 

زياد حكلها اللي حصل

زياد:صعبانه عليا اوي البنت دي مش متخيل اللي حصلها 

انا فعلا طلعت زباله ومحبتهاش

ريتال ببكاء:طب وهتعمل اي هي دلوقتي 

زياد:انتي بتتنيلي تعيطي ليه

ريتال:اصل بتخيل احساسها هو معقول كده 

زياد:انا هحاول اساعد مراد ع قد مقدر 

ريتال:وانا معاكم 

زياد:بلاش انتي العبه كبيره مش هقدر ادخلك فيها 

ريتال:ارجوك يا زياد انا عاوزه اساعدك  وحاجه كمان عاوزه اتعرف ع زينه  دي

زياد:فكره حلو انك تتعرفي عليها ع اقل تهوني شويه عليها بقولك اي يلا تعالي معايا اعرفك عليها 

رن زياد ع مراد وقالو انو جيلوا 

مراد:زياد جي ومعاه واحده صاحبتو قومي غيري هدومك 

زينه :حاضر وهحضر حاجه تتاكل كمان 

بعد وقت وصل زياد 

مراد:ريتا 

ريتال:عامل اي يا ابيه وحشتني اوي 

زينه بغيره:وف مرات مراد يا حبيبتشي 

ضحكو كلهم ع طريقتها 

ريتال خدت زينه بالحضن:اذيك يا قلب حبيبتشك

بتغيري عليه يا بطه 

زينه:ضحكت ع طريقتها  هروح اكمل الاكل عقبال مترتاحو

ريتال استني جايه معاكي

واتعرفت زينه ع ريتال وقعدو يضحكوا مع بعض 

مراد بغيره:ياست زينه اللي لقا احبابو ينسي اصحابو 

زينه:انت اللي ف قلب يا ابو الاحموزي 

ريتال :يلا انده الجلانف اللي برا عشان ترسو السفره 

مراد:نعم نرس السفره لي وانتو  فين

زينه:مراد

مراد:زياد يلا عشان نرس السفره ياض 

وكلو واعدو يهزرو 

مراد:انا رايحه انا وزياد مشوار 

ريتال:ماشي وانا هعد مع زينه نرغي شويه عقبال متيجو 

ومشي زياد ومراد 

زينه:بتحبيه 

ريتال :هو مين 

زينه:عينك فضحاكي يا بنتي كانك عشقاه كمان

ريتال:بحبو من زمان اوي من لما كونا اطفال كمان بس هو جلامف لا يبالي 

زينه:ع فكره بيحبك بس مش عارف 

ريتال:اتمني  قوليلي بقي انتي ده كرش وله حمل 

زينه:حمل ف توم 

ريتال:مشاالله ممكن اقولك حاجه  بس وعد متزعليش 

زينه:انا حساكي اختي يا ريتال واول مره ارتاح ف تعامل مع حد كده وعد مش هزعل 

ريتال:انا وزياد صحاب جدا هو حكالي كل حاجه حصلت معاكي 

زينه باحراج :يعني انتي عارفه اللي حصلي 

ريتال:اه  وعاوزكي تعتبريني اختك واكون جنبك  انا اكتر حد ممكن يحس باللي مريتي بيه لان صحبتي وانتيمتي واخت مراد حصلها حاجه ذي دي 

زينه بصدمه :اي لا احكيلي بقي

ريتال:ياسمين كانت جميله جدا وطيبه اوي بس و كان ل عمو رافت اخ ولاد اخوه كانو بيكرهو جدا وشايفين انو خد حقهم قررو ان واحد منهم يتجوز  ياسمين واتقدملها اخوهم الكبير رفضتو وقررو كلهم ينتقمو من عمو رافت فيها  لانها اغلي حاجه عندو وفعلا عملو خطه وخطفوها واغتصبوها كلهم 

وياسمين فضلت فتره كبيره تعاني لانها كانت خايفه تحكي ل اهلها جدا  خصوصا مراد لانو كان شديد  اوي وفضلت شهر مكتئبه لحد منتحرت 

وسابت جواب حكت ف كل اللي حصلها  

اللي عانه عمو رافت ومراد وطنط زياد كان مسافر طول فتره دي 

خصوصا عمو رافت حالتو ساءت جدا وكان حابس نفسوا ع طول ومقاطع الكل 

زينه بصدمه لانها اول مره تسمع كلام ده:عشان كده 

زينه :يعني تفتكري مراد شفقان عليا ومبيحبنيش؟

ريتال: بطلي هبل مراد بيعشقك ده مش شفقه ده حب يا زينه

وفضلو يرغو كتير جدا 

عند مراد

زياد :فهمت هنعمل اي  خلي رجالتك يراقبو كويس اول ميخرج من هنا 

شخص:تمم يا باشا 

مراد:ساعه11

زياد:يا مسهل 

فاجاه كرسي اتشد واعد قصادهم منتصر 

منتصر :اهلا يا دكتور 

مراد:انت بقي منتصر 

منتصر:مش هنتكلم ف المهم هنعمل اي 

مراد:4مليون قصاد انك تخلي ادهم يرجع مصر 

منتصر:بس ده صعب ادهم من ساعه مراح هناك دماغو ضاعت وانا خسرتو

مراد:ده شغلك انت بقي قدامك لحد اخر الأسبوع ادهم يكون عندي هنا 

منتصر:هحاول 

تمم 

ومشي منتصر 

مراد:خلي رجالتك يراقبو كويس وعاوز ملف كامل عنوا بكرا 

زياد :تمام 

يلا نرجع ل بنات عشان ريتال اتاخرت

مراد:هي ريتال تعرف حاجه عن موضوع زينه

زياد بكسوف:اه 

مراد:غريبه عارفك مبتحكيش لحد حاجه اشمعنا المره دي وريتال بالذات حكتلها 

زياد:بحس برتاح لما احكلها 

مراد ب استغراب:تمام 

ورجعو البيت لقوا صوت ضحك زينه وريتال عالي 

زينه:يخربيتك انتي مسخره هموت من ضحك 

مراد بصصلها ومبتسم لضحكتها 

ريتال:ها وقد شرفه استاذ زياد  روحني بسرعه عشان امي هتشلوحني 

زياد :تشلوحني 

مراد:هي مش قعدت مع زينه انت هتسمع اعجيب بس ااستني 

وسلمو ع بعض وخدها زياد وروحو 

مراد:اول مره اشوفك مبسوطه كده 

زينه:من يوم موت شمس اول مره احس  ان ليا صحاب 

شمس كانت صحبتي الوحيده وامي 

مراد:وانا مينفعش اكون صاحبك وقرب منها جامد

زينه بتوهان من قربو :تنفع ونص 

مراد:باسها من خدها وقام جري 

زينه بصدمه :مجنووون مراد والله مهسيبك 

ريتال:يلا اصبح علي خير 

زياد مسك ايدها:اتبسطي النهارده 

ريتال:جدا وحبيتها جدا

زياد:شكرا

ريتال:ع اي 

زياد:كل حاجه كونت محتاجك ف حياتي 

ريتال بكسوف:زياد ع فكره انا بحبك  وقالت جملتها ونزلت جري من العربيه 

زياد:هو انا مصدوم لي وقلبي ده بيدق ليه اكون بحبها بس كلمه بحبك منها كاني اول مره تتقال 

منتصر:الو يا ادهم  مش ناوي ترجع 

ادهم:لا

منتصر بخبث:حتي لو قولتك ان عيالك وزينه تحت ايدي وهقتلهم 

ادهم:ابعد عن زينه واللي ف بطنها يا ادهم ياما هنسفك انت فاهم 

منتصر ب ارتياح لان خطتو نجحت:انزل احميهم مني لو تقدر 

ادهم:انا نازل بكرا وهقتلك يا منتصر 

وب الفعل ركب ادهم الطياره ورجع مصر 

منتصر :ادهم رجع مصر يا استاذ مراد فين الفلوس بقي 

مراد هتوصلك 

تاني يوم 

مراد:اي الخبط ده ف اي 

ظابط :استاذ مراد مطلوب القبض عليك بتهمه قتل منتصر عبد الدايم