رواية الاعمى الفصل الثانى عشر 12 بقلم ليلة عادل

فى غرفه هادى – هادى يتحدث فى التليفون مع اميرة لكن تقف امام باب الغرفه فى الخارج ماجى تسمعه يزداد غضبها

اميرة … ايه يا هادى ده وقت تكلمنى فيه خير

هادى … منا بكلمك من الصبح وببعتلك رسايل وانتى مش بتردى

اميرة … خير

هادى …عايز اشوفك

اميرة … اسفه

هادى … عشان خاطرى هما 5 دقايق من فضلك هقبلك بكره فى الكافيه اللى جنب الفيلا على الساعه 8 بعد متخلصى مع مروان

اميرة … طب ما نتكلم فى الفيلا

هادى … لا انا مش هبقى موجود هستناكى بالكافيه ماشى

اميره … طيب سلام

(تقفل اميرة وهى محتاره ثم تقوم وتمسك مزكرتها وتكتب فيها)

– فيلا مروان 1 ص

غرفه مروان- يتصل مروان بالمحامى

مروان … الو يا حسن صحيتك

حسن … لاء

مروان …عايزك تسمعنى كويس

فيلا مروان 12م

فى الحديقه مروان يقف عند حمام السباحه ثم تدخل اميرة وتقف بجانبه

اميرة … بمزح ايه بتفكر تنط

مروان … بعرف اعوم

اميرة … خلاص يبقى انا اجيب المايو بقا ونبلبط سوى زى ايام سخنه

مروان … مايو؟؟؟؟

اميرة … ايه يا روحى بتغير متحبنيش اللبس قصير

مروان … انتى بقيتى دلوعه وبتتاخرى على فكره هبداء اضايق بلاش احسنلك

اميرة … اموت انا فى العصبى والجد يا ناس

مروان … اميره

اميره … عيوني

مروان … اتاخرتى ليه

اميره … وحشتك اوى كدا

مروان … اممممممممم

اميرة … خلا ص خلاص متقلبش وشك كدا صحيت متاخر

مروان … والهانم صحيت متاخر ليه

اميره … اصل كنت سهرانه اكلم ابوزياد كنا بنتفق نسمى البيبى اللي جاى ايه انا عايزه يونس

مروان …. (بسخريه ) .. وهو عايز ايه

اميره …. (بمزح ) ما مراتو قفشته قبل ميقولى هههههههه وبعدين قفلت افكر فيه

مروان … هههههه قفشته انتى بتجيبى كلام ده منين

اميره … من اخر الشارع يمين ههههه

مروان … انا فقدت الامل فيكى من زمان

اميرة … ههههههههههه طب يلا عندنا مذكرة كتير انت بقيت بتدلع اوى عايز تسقطنى

مروان … انا بردو ههههههه يلا

احد الكفيهات 8م

هادى ينتظر اميرة على احد الترابيزه ثم تدخل اميرة يقف هادى بسعاده لاستقبالها ويسلم عليها وتجلس على الكرسى المقابل له

اميره … (تجلس برخامه ) ها خير بسرعه لانى مش عايزه اتاخر

هادى … لا هما كلمتين اولهم بحبك ثانيا عايز اجاى اتقدملك

اميرة … انت

هادى … مستغربه ليه هو مش باين عليا

اميرة … لا مش دى قصه انا مشكلتى اكبر من كدا

هادى … ايه هى

اميره … عايزه امشى

هادى … انتى لسه جايه بعدين مقولتيش ردك

اميره … انا مش موافقه

هادى … ليه

اميرة … انا همشى

(تقوم تقف اميره وهادى يقف )

هادى … من فضلك خليكى اعتقد من حقى افهم

(تجلس اميره مره اخره وتصمت قليلا )

اميرة … بص من الاخر انا شفتك

هادى … شوفتى ايه

اميرة … انت وماجى

هادى …(يصمت قليلا )… شوفتى ايه

اميرة …(بشده ) متستهبلش انت فاهم ازاى اخوات يعملو كدا انا مش مستوعبه قلة الدين متوصلش للدرجه الحقيره دى

هادى … بس بس اخوات مين دى مش اختى

اميرة … (فى صدمه وزهول ) … بتقول ايه

هادى … هفهمك اول شى انا اسمى اسامه وخريج تجاره انا وماجى نعرف بعض من 7 سنين , كنت لسه متخرج من الجامعه عرفنى عليها زميلى كريم كان بيشتغل عندها فى الجاليرى اتعرفنا على بعض فى حفله , وفضلنا مع بعض لحد ما شافت مروان طبعا الشهرة والفلوس زغللت عنيها قالتلى هتجوزه وهنفضل سوى , انا مكنش فارق معايا طبعا اللى بنا علاقه وفلوس وبس , و بعد اول كام شهر من الجواز حصل بينهم مشاكل بسبب سهرها الكتير و بييتها بره من غير اذنه , اكتر من مره كان هيطلقها بس هى كل مره كانت بتعرف تضحك عليه

اميره … يعنى العلاقه دى كانت من قبل الجواز

هادى … اه بسنتين

اميره … وتجوزته ازاى

هادى … ها فهمك .. لا هى كانت مطلقة اصلا

اميره … انا معرفش موضوع جوازها ده المهم كمل ازاى داخلتك البيت على اساس اخوها

هادى … لما مروان عمل الحادثه كانت فرصه بنسبه ليها انها تجبنى اعيش معاهم لان ده هيقلل سهرها برا ومروان مش هيبقى عنده حجه يطلقها , جتلها فكره خصوصا ان اخوها مقاطعها من اكتر من 15 سنه مستحيل يرجع , وكمان مروان مشفهوش قبل كدا كلمت الناس وضربت الورق

اميره … ازاى كان بيجلكم قلب تعملو كدا فيه

هادى … لانه اعمى عمره ما هيفكر اننا بنعمل حاجه سوى, حتى لما سمعنا مره عرفت ازاى اضحك عليه , ولو شك فينا عمره ما هيعمل اى رد فعل لان مافيش راجل فى الدنيا هيروح يقول لحد ساعدنى انا شاكك ان مراتى على علاقه مش تمام مع اخوها , و انا بنسبه ليا مش فارق معايا

اميرة …(تشعر بقرف ) ارجوك كفايه

هادى … بس بعد فتره حولت افهمها ان مروان فعلا شاكك فينا , واسالته وطريقته متغيره بس هى عنيده مش بتسمع الكلام

اميرة … ازاى تعمل كدا فى واحد فتحلك بيته و كان بيعاملك زى اخوه انت ازاى بتتكلم كانك بتعمل حاجه عاديه

هادى … لا مش عادى وصدقينى الفتره الاخيره علاقتى بماجى بدات تتنتهى وفعلا قررت اسبها

اميره …(بسخريه ).. ليه ضميرك صحى

هادى … عشان بحبك

اميرة … انا دلوقتى فهمت

هادى … مش فاهم

اميرة … اصلها بعتتلى رساله من تليفون مروان انه فى المكتب ولما روحت اتفاجأت بيها بهدلتنى وشتمتنى

هادى … انا هجبلك حقك دى بقت مجنونه اوى , اوعى تقربى منها انا عارف ماجى دى شيطانه ممكن تاذيكى

اميرة … هادى ممكن طلب

هادى … اكيد

اميره … ارجوك ما تعملش كدا فى مروان كفايه استغفال فيه وخيانه ارجوك

هادى … صدقينى من غير متقولى اصلا هو مش بس بقا شاكك ده متاكد , بس فاضل يمسك حاجه بايده لولا عماه كان بقا فى كلام تانى

اميره … مالهاش علاقه ما انت بتقول انكم مع بعض من قبل الجواز

هادى …عندك حق

اميرة … يارب ما يعرف ده لو عرف ممكن يموت فيها , سنه ونص مش مصدقه والله حسبى الله ونعم الوكيل , والله مروان ما يستاهل منها كدا ولا منك

(تقوم تقف ثم تجلس مره تانيه)

اميرة … ليه

هادى … هو ايه

اميرة … سبب الخيانه بعد الجواز يعنى بعد ما عرفته وكدا ليه كملت فى القرف ده

هادى … لا مروان كويس جدا وراجل معها فكل شى , هى اللى رخصيه وزباله ماتستهلوش وانا زيها عايز فلوس وعربيه خصوصا ان اهلى على قد حالهم وساكن فى منطقه شعبيه , كان نفسى اسكن على النيل ويبقى معايا فلوس كتير واعيش عيشه مرتاحه

اميرة … مافيش سبب فى الدنيا يخليك تبيع ونفسك للفلوس .,. وعد شرف ان المقابله دى محصلتش ولا حد هيعرف عنها شى لحد ماموت

هادى … (عيونه بها دموع) … انتى انضف حاجه فى حياتى ياريت كنت شفتك من زمان

اميرة … ياريت

(ترحل اميرة وهادى يجلس على الترابيزه هو حزين ويبكى)

تجلس اميرة فى عربيه محتاره تعمل ايه تفكر ثم تتخذ القرار انها لا تذهب مره

اخره لبيت مروان ثم ترحل

– شقه اميره 10م

تجلس اميرة فى غرفتها وهى تكتب ماحدث بينها هى وهادى …بعد ثوانى تقطع الاوراق ثم تذهب الى المطبخ لتحرقها تقول مستحيل حد يعرف حرف عن اللى حصل.. ثم تضع ايدها على وجهها و جبينها وتتحدث بصوت داخلى – اعمل ايه يارب انا مقدرش اقوله ., اقوله ايه انت كنت مغفل مره دى غير اى مره هو واضح ان مش هينفغ غير كدا !!

فيلا مروان 6 ص

مظهر خارجى للفيلا بدون حركه وقت الشروق بعد ثوانى اميرة تدخل بعربيتها حديقه الفيلا ثم تنزل من العربيه وتاخذ نفس عميق جدا وتتحرك الى الباب ثم تطرق الباب تفتح لها كيلا

اميرة … صباح الخير

كيلا … صباح النور

اميرة … دكتور مروان لسه نايم

كيلا … ايوا هدخل اصحيه

اميرة … لا انا هدخل

تدخل اميرة الى غرفه المكتب وتنظر بعمق الى الغرفه و المكتب والصور ودولاب الهدايا مع نظرات حزن ودموع , و تقوم بمسح دموعها وتدخل الى غرفه النوم التى تكون داخل غرفه المكتب ايضا , تقترب اميره من السرير بلهفه وشوق ونظرات حب مع حزن , و تجلس بجوار مروان على السرير ببطى وهو نايم

اميرة … ( بصوت داخلى حزين مكتوم ) … انا بجد اسفه على اللى هعمله النهارده بس انا مقدرش ابص فى وشك بعد كل اللي حصل , هحس انى بخونك انا كمان , اه ياحبيبى معرفش ازاى يعملو فيك كدا ليه , ليه بجد انا نفسى اصرخ واحكى كل حاجه بس مش عارفه يارب قدرنى

ثم تقوم بلمس شعره ووجه و بصوت هادى تحاول ان تيقظه

اميره … يا دكتور يا دك كل ده نوم ها

مروان …(بنوم ) ايه ده انتى هنا من امتى

اميرة … من امبارح

مروان … (بجديه يقوم يجلس على سرير) متهزريش

اميره … تعرف انك زى القمر وانت لسه صاحى

مروان … لاء مش وقت هزار هى الساعه كم

اميرة … (تبص فى الساعة) … 6 ونص

مروان … انتى مش شايفه ان احنا بدرى اوى

اميرة … منا حبيت اشوفك بتصحى عامل ازاى يعنى اتجوزك واصحي قبلك اتخض لازم اعاين البضاعه ولا ايه ههههههههههههههه

مروان … (مضايق يمسح وجه وبغضب) … اوفففففف

اميرة … بس بس براحه عليا قوم فوق كدا واستر نفسك عيب احنا لسه فى فتره الخطوبه ماينفعش اشوفك كدا , هستناك فى المكتب ولو عايزنى اساعدك فى حاجه اندهلى عموما اوعي كدا … (تجيب التيشرت من اخر السرير) … امسك اهو اخر دلع عشان تحس بقمتى اجبلك الفوطه كمان

مروان …(بنرفزه يقف ويمسك التيشر يقوم بارتدائه ) اطلعى برا

اميره … هخليهم يحضرولنا الفطار فى الحديقه ماشى

– تخرج اميره من الغرفه مروان وتاخذ نفس عميق وبصوت واطى هقدر اعملها ان شاء الله مش هضعف

اميره تخطط لفعل شئ كبير بعد ما عرفت الحقيقه من هادى هل ستقول لمروان الحقيقه ماذا ستفعل ماذا يدور براسها !!!

– حديقه الفيلا مروان 7 ص

فى حديقه , اميرة تجلس على كرسى وعلى الترابيزه الفطار ثم يدخل عليها مروان تقف اميره لاستقبالة

اميرة … بمزح ..يا هلا وغلا حد بيصحي قمر كدا لا هتجوزك متقلقش

يجلس مروان على الكرسى الامامى لها و واضح على ملامحه انه متضايق ومنزعج جدا

مروان … ها خلصتى

اميره … لا لسه وحشتنى

مروان … (بشده ) الجنان ده اخرته ايه , على فكره انتى هتخلينى اقولك متجيش تانى

اميرة … تقدر تعملها

مروان … (بنرفزه )… اه يا اميرة اعملها مدام مافيش عقل , بتتصرفى من غير تفكير كنت فاكرك اتغيرتى بس طلع لاء

اميرة … ممكن تهدى

مروان … لاء مش ههدى تصرفاتك مش عجبانى بس انا اللى غلطان عشان كنت بسيبك من غير ما اكلمك

اميرة … كل ده عشان ايه هى فرقت الساعه 8 من 6

مروان … اميرة

اميرة … عيوني

مروان … انتى عارفه كويس مش ده قصدى

اميرة … يا سلام اشمعنا ما كيلا بتدخل عليك فى الاوضه حلال ليها وحرام ليا

مروان … (بغضب ) متعصبنيش بجد

اميرة … طب اسفه مش هعمل كدا تانى ممكن تفطر بقا

(تمد ايدها بسندوتش)

مروان … لا مش عايز اكل

اميرة … وحياتى

مروان …(بجديه ) قولتك لاء

اميرة … طيب انا كمان مش هاكل وذنبى فى رقبتك ماشى ها

مروان … انتى ما بتفطريش فى الميعاد ده اصلا , يدوب فنجان النسكافيه على الريق لحد الساعه 4 يبقى فطار وغدا سوى , لحد ما هتموتى من اللى بتعمليه فى نفسك

اميره … خايف عليا

مروان …اوف

اميرة … يعني انت اللى ماشى على نظام صحى اوى , طول ما انت قاعد قهوه وسجاير , الحمد الله اه انا خليتك تخف من السجاير شويه بس مش قادره عليك فى القهوة دى , تعبتنى كل بقا

مروان …(بجديه ) اميرة انا بحترمك وبخاف عليكى , اى حد يشوف اللى بتعملي ده هيفهم غلط , انا راجل لما تدخلي الاوضه عليا وانا نايم وتقعدي جنبى كدا هيقولو عليكى ايه , افهمى بقا

اميرة … محدش هنا

مروان … بلاش عند فى الغلط

اميرة … ده مش عند ده حب كان نفسى احضر معاك يوم من اوله لاخره زى السخنه

مروان … وسمعتك

اميرة … انا بحبك وبس ماليش دعوه بقا بكلام الناس وبعدين مافيش ناس ده الشغاله وبس

مروان … (بنرفزه ) … انا مابحبش ازعلك بس انتى اللى بتوصلينى لكدا , انتى اللى هتخلينى (قبل ان يكمل كلام )

اميره … (بهدوء) … حقك عليا غلطه مش هتتكرر تانى متزعلش حاضر بس ارجوك متبوظش اليوم ده بالاخص , وتسمع كلامى فيه النهارده بس لو عايز تطردنى بعدها موافقه

مروان … (بتوتر واستغراب) … بتتكلمى ليه كدا كانه فعلا اخر يوم

اميرة … اصله بصراحه فعلا اخر يوم …لا يعنى اقصد هسافر اشوف جدتى هى فى دبى مش انا حكتلك

مروان … كدب تانى

اميرة … لا والله اسال منير انا طلبت منه يظبطلى الورق هسافر شهرين وهرجع

مروان … (بلهفه) … شهرين هتبعدى عنى شهرين .قصدى يعنى الرساله وشغلك خلاص فاضل اقل من شهرين على الرساله

اميرة … هاجألها شويه لان كل مره باجل السفر بس مره دى بابا مصمم اننا نسافر انت متعرفش بابا لما بيقلب بيقى عامل ازاى

مروان …(بزعل ) .. مافيش حل تانى

اميرة … ياريت هتفطر بقا

مروان … لا خالص ماليش نفس

لقطات سريعه لوجود اميره فى الفيلا وهى تجلس مع مروان فى الحديقه واخره عند الخيل ثم ياتى اخر تواجد بينهم فى مكتب مروان

– مكتب مروان

اميره تجلس على الكرسى المقابل للمكتب ومروان يجلس على كرسى المكتب

اميرة … انا همشى بقا

مروان … متخليكى شوية

اميرة … الساعه بقت 11انا مش متعوده اتاخر للوقت ده

مروان .. طب نص ساعه

اميره .. حاضر تصمت قليلا وباسف ….عارف ان الدنيا دى غريبه جدا

مروان .. غريبه ازاى

اميره .. اصل طول عمرى بتمنى اقرب منك بدعى ربنا انك تحبنى بدعى ربنا انك تحس بيا تحس بجودى فى الحياه

مروان … ما خلاص وصلتى لحلمك

اميره (بصوت حزين جدا ) وصلت اه , بس بعد موصلت بايدى بختار ارجع للصفر تانى , تخيل كدا انك تكون وصلت لقمة الجبل اول ماتوصل يقولولك يلا انزل عشان فى رياح جاية ومتلحقش تفرح حتى انك وصلت

مروان .. اميره فى ايه

اميره .. فى حاجات لو عرفتها بتجبرك على اختيار حاجات غصب عنك انت مش عايزها

مروان : كلامك كله الغاز ليه

اميرة : والاصعب ان مش قادر تكمل كلامك تقول جزء وبتحذفه جزء

مروان .. اميره من فضلك فهمينى عايز اعرف مالك ارجوكى

اميره .. احيانا بتكون قلة المعرفه افضل انا انا لازم امشى بس اوعدنى انك تاخد بالك من نفسك ها

مروان … بتتكلمى كانك مش هنشوف بعض تانى ليه

اميرة … لا طبعا مقدرش انا اليوم اللى بيعدى عليا واحنا مش مع بعض بموت , انت مش ساكن جو قلبى بس انت روحى اللى من غيرها اموت هتوحشنى .. (تصمت قليلا) .. مش هتقولها

مروان … (بحزن) … هى ايه

اميرة … لا ولا حاجه هكلمك اول موصل سلام

مروان … اشوف وشك بخير

تخرج اميره من باب الفيلا وهى تبكى ثم تركب العربيها وهى بهستريه بكاء وانفعال تفضل تضرب فى الدركسيون ثم تخرج خارج البوابه – يقف مروان عيونه فيها دموع مش فاهم حاجه عاجز عن فعل اى شى فهو يحس ان اميره بها شى وانها تكذب لكن ما بيده اى شى

(بعد مرورشهر )