Uncategorized
رواية العشق لا يعرف وطن الفصل الخامس والعشرون 25 بقلم أية إنسان
رواية العشق لا يعرف وطن الفصل الخامس والعشرون 25 بقلم أية إنسان
 |
| رواية العشق لا يعرف وطن الفصل الخامس والعشرون 25 بقلم أية إنسان |
رواية العشق لا يعرف وطن الفصل الخامس والعشرون 25 بقلم أية إنسان
_ ردت هاجر : نعم .
_آسر : بقولك الفرح بكره .
_ بالسرعة دي يا أسر .
_ لازم كل واحد يعرف مقامه كويس وننهي الموضوع دة بقى .
_ اه طيب اللي انت عاوزه يا آسر .
_ هاجر هو أنا ليه حاسس ان الموضوع عادي بالنسبه ليكي .
_ تقصد اي .
_ اقصد انك مش فارق معاكي الناس تعرف انك متجوزه وكل دة مش حقيقي أو لأ .
_ علشان فعلاً انا مش فارق معايا مين يعرف ومين لا .
_ للدرجة دي مش هماكي سمعتك .
_ مفيش بنت بتحب الناس تجيب سيرتها وخصوصاً لو بكلام مش كويس .
_ اومال مالك شايف الموضوع مش فارق معاكي .
_ اتنهدت هاجر وقالت : آسر شوف انت عاوز تعمل اي واعمله بعد إذنك ومشيت من المكتب .
_ أسر في نفسه : خايف يكون كلام ليل صح وأنك السبب في كل دى يا هاجر .
☆ ————– بقلم الكاتبة/ آية إنسان —————-☆
_ صحي مصطفى من النوم وقام خد شاور وخرج كانت ميرا في المطبخ فقرب حضنها من ضهرها وقال : صباح الجمال .
_ ميرا بإقتضاب : صباح النور .
_ خير مالك بتردي من غير نفس ليه كده .
_ مصطفى هو انت ازاي كده مش حاسس بالذنب من اللي بتعمله معايا .
_ وبعدين يا ميرا اى لزمه الكلام دة دلوقتي يا حبيبتي .
_ انا حقيقي مش مصدقه نفسي اني عملت كده .
_ خلاص تعالي يا روحي نعيده تاني يمكن تصدقي وشدها على اوضه النوم ولكن هي قطعته وسحبت ايديها بغضب وقالت : انت اكيد مش طبيعي انت اي يا اخي مش بتحس انا مش طيقاك .
_ لف مصطفى وشه وضربها بالقلم من شدته وقعت في الأرض فنزل مسكها من شعرها وقال : جرى اي يا بت اوعي تنسي نفسك يا روح امك ودور الخضره الشريفه دة مش عليا كل اللي حصل كان بمزاجك وكيفك وانتي اللي جيتي لحد عندي وطلبتي دة فبلاش الوش دة معايا احسن اقسم بالله اخليكي تكرهي اليوم اللي اتولدتي فيه ماشي أنا هقوم اخد دش أخرج تكوني حضرتي الفطار وتغيري القرف دة وتستنيني جوه فاهمه يا ميرا .
_ ميرا بدموع : فاهمه فاهمه بس سيب شعري .
_ وبالفعل سابها مصطفى ودخل ياخد شاور .
☆ ————— بقلم الكاتبة/ آية إنسان ————– ☆
في فيلا السمري :
_ الباب بيخبط .
_اكمل : ادخل .
_هاجر : ازيك حضرتك يا عمو عامل اي .
_ الحمد لله بخير يا هاجر انتي عامله اي .
_ الحمد لله بخير ، انا جبت لحضرتك الغدا هنا علشان العلاج .
_ تسلم إيدك تعبتي نفسك ليه يا هاجر .
_ مفيش تعب ولا حاجه أنا زي بنتك بردو ودة واجبي يا عمو .
_ مادام وصلت لبنتك يبقى قولي يا بابا احسن .
_ بجد يعني حضرتك مش هتضايق .
_ حد يضايق من بنته بردو .
_ طيب اتفضل كل علشان العلاج بقى .
_ انا هاكل بس بشرط .
_ اللي هو اي .
_ تقوليلي مالك مين مزعلك .
_ انا…. ووقفت بفخر وقالت : انا محدش يعرف يزعلني دة انا ازعل بلد .
_ يا واثق انت .
_ هههههه اومال .
_ بس انتي مش هتضحكي عليا بالكلمتين دول .
_ صدقني مفيش .
_ يعني أسر مش مزعلك .
_ ههههه صراحة ابنك دة اي واحدة تتمناه جدع وحنين وطيب عصبي حبتين بس قلبه طيب .
_ الله الله على الكلام الحلو يا بخته .
_ هههههه مهو اكيد طالع لباباه مش كده ولا اي .
_ هههههه يا ريت أسر واخد كتير من طبع والدته الله يرحمها .
_ اتنهدت هاجر بحزن وقالت : الله يرحمها هستأذن انا بقى علشان حضرتك ترتاح بعد إذنك .
_ خرجت هاجر ونزلت تحت فخرج أسر من خلف العمود جنب اوضه أبوه فهو سمع كل حاجه هي قالتها وأبتسم ودخل يطمن عليه .
_ دخلت هاجر المطبخ : بتعملي اي يا دادة ندى .
_دادة ندى : بعمل اكل ليكى علشان مكلتيش من الصبح .
_ يا حلاوتك وانتي بتدلعيني والله هبكي .
_ بعد الشر عنك من البكي يا بنتي .
_ تعرفي يا دادة انا مشوفتش ماما بس بحسك انك أمي ومقدرش استغني عنك أبداً اوعي انتي كمان تتخلي عني .
_ قربت ندي من هاجر وقالت : لو كنت هتخلى عنك مكنتش جيت معاكي هنا يا بت دة انتي بنتي اللي مخلفتهاش وخدتها في حضنها .
_ خياااانه .
_ اتفزعت هاجر وندى من الصوت ولفوا وكانت أسماء .
_هاجر : حرام عليكي يا اسماء فزعتيني .
_اسماء : ازيك يا دادة يا قمر عامله اي .
_دادة ندى : بخير يا حبيبتي .
_ بصت أسماء لهاجر نظرات عتاب بس قربت منها هاجر وخدتها وطلعت بره في الجنينة .
_ قالت اسماء بعتاب : كده يا هاجر كام مره اقولك متقلقنيش عليكي .
_ مش خايفه على سمعتك يا أسماء .
_ ردت أسماء بدهشه : سمعتي مالها سمعتي .
_ يعني انا بلا فخر سمعتي بقت على كل لسان عمله زي الوباء كل اللي بيقرب مني لازم يتعدي فعلشان كده كله بعد عني .
_ انا لو مش مقدره اللي بتمرى بيه كنت قولت كلام يزعلك انتي مجنونه يا هاجر انا عارفه ومتأكدة انك مش ممكن تعملي كده وأن في حاجه غلط في الموضوع دة .
_ اتنهدت هاجر بحزن باين على ملامحها وسكتت .
_ قربت منها أسماء وقالت : مالك يا هاجر .
_ مش عارفه يا اسماء حاسه ان اللي جاي مش خير خالص وان مصيري مجهول إحساس من جوايا مخوفني اوي .
_ اول مره اشوفك في الحاله دي يا هاجر عمرك ما كنتي ضعيفه كده .
_ تعبت من تمثيل القوة يا اسماء انا عاوزه امشي من هنا خلاص .
_ تمشي تروحي فين يا هاجر .
_ مش عارفه بس ارض الله واسعه عاوزه مكان جديد بناس جديده .
_ طب وانا .
_ هههه انتي شيفاني قايمه ماشيه .
_ تصدقي انك غلسة .
_ انا فرحي بكرة على فكره .
_ اي فرح مين .
_ انا .
_ متهزريش .
_ مش بهزر .
_ ودة ازاي .
_ مش عارفه آسر قال كده .
_ هو اي اللي آسر قال كده .
_ صدقيني مش عارفه يا اسماء انا الفتره دي بحاول اعمل كل اللي هو عاوزه ويريحه علشان اخلص من التمثيليه دي بقى .
_ طب هتلحقي تجهزي كل دة .
_ اكيد هو عامل حسابه على كل حاجه .
_ انا بتكلم عنك انتي .
_ انا مش عاوزه غير امشي يا اسماء .
_ يعني مش همك الفرح الفستان اليوم شكلك .
_ ولا هممني اي حاجه خالص انا بعمل كل دة علشان خاطر شكل آسر مش اكتر لكن أنا ولا تفرق معايا .
_ بس دة اليوم اللي بتحلم بيه اي بنت .
_ ليه محسساني اننا واخدين بعض عن قصه حب مثلاً دة كله تمثيل .
_ مش يمكن يحبك .
_ لا مش ممكن .
_ طب وانتي .
_ انا اي .
_ مش ممكن تحبيه .
_ لا .
_ ليه .
_ علشان مش هينفع .
_ ليه يا هاجر .
_ بت انتي اسكتي هنفضل نتكلم عنه طول اليوم ولا اي .
_ اهربي اهربي .
_ مش بهرب بس معنديش اجابه لسؤالك ، تعالي احكيلي بقى اي اخبار شغلك بس واحنا بنعمل كيكه نتسلي .
_ اشطا يلا بينا .
_ خرج آسر من عند أبوه ونزل تحت شاف ليل واقف تحت وسرحان .
_آسر : اي دة ليل جيت امتى .
_ ليل : لسه جاي عامل اي صوتك قلقني .
_ استني هقول لحد يعمل لينا قهوة وهاجي .
{ _ ليل في نفسه : انت سمعت كل حوارهم ولسه مصدق أنهم بيجروا ورا الفلوس .
_ بس مش يمكن يكونوا شافوني فقالوا يمثلوا الدور .
_ يا سلام انت مصدق نفسك يا ليل فوق بقى . }
_ دخل آسر المطبخ وشاف هاجر واقفه بتعمل كيكه وبتحكي مع اسماء فدخل وقال : مساء الخير .
_ ردوا الاتنين : مساء النور .
_ قالت اسماء : انا أسفه جيت من غير ميعاد وجيت كذا مره بس الهانم على طول تليفونها مقفول .
_ آسر : لا أبداً مفيش اسف تنوري في اي وقت .
_ كلك ذوق يا دكتور أسر.
_ هاجر انتي بتعملي اي اطلعي وخلي حد من الخدم يعملك اللي انتي عاوزاه .
_ لا أبداً مفيش مشكله ثم انا كده كده زهقت فقلت اعمل كيكه .
_ على راحتك بس فين عم حسين .
_ مش عارفه هو انت عاوز حاجه .
_ اه عاوز ٢ قهوه مظبوط .
_ تمام انا هعملهم .
_ مش عاوز اتعبك .
_ لا عادي مفيش تعب .
_ ماشي بعد إذنكم .
_ غمزت اسماء وقالت: الراجل مش عاوز يتعبك.
_ اتلمي .
☆ ————— بقلم الكاتبة/ آية إنسان ————–☆
دخل أسر وليل المكتب :
_ليل : قولي بقى حصل اي يا أسر .
_ مفيش بس موضوعي انا وهاجر بقى يتحكي فيه كتير وانا لازم احط حد للموضوع دة.
_ وناوي تعمل اي .
_ انا هعمل الفرح بكره .
_ بالسرعة دي يا أسر .
_ لازم انا مضطر .
_ بس والدك لسه تعبان والدنيا كلها مقلوبه استني شويه .
_ لا لا هو دة الوقت المناسب وانا هكلم الصحافه والاعلام يحضروا بس مش هعرفهم المناسبه غير في وقتها وبكده مفيش حد هيكون عارف غير انا وانت وبابا وهاجر .
_ تقصد انك مش معرف حد بالموضوع .
_ لا مش معرف حد لازم يكون مفاجأه لان لو حد عرف قبلها مش عارف ممكن يعمل اي .
_ انا جنبك يا أسر متقلقش .
_ ابتسم أسر وقال: اكيد يا صاحبي عارف يا ليل رغم اني معرفكش من كتير بس حسيتك اخويا .
_ احتقر ليل نفسه اوي ومش عارف يرد بأي .
_ في الوقت دة الباب خبط وأسر قال : اتفضل .
_ دخلت اسماء وهي ماسكه صنيه القهوة وقالت : معلش هاجر مشغوله في الكيكه وانا ….. ولكن سكتت وبصت على ليل بغضب وقالت : القهوه يا دكتور .
_ رد ليل وقال : هو انت جبت خدامه جديده يا أسر .
_ ردت اسماء : تصدق انك واحد التربيه معدتش عليه .
_ وقف ليل بغضب وقال : انتي اتجننتي يا بت انتي .
_ بت لما تبتك وخليك واحد محترم .
_ حاول أسر يلطف الجو وقال : حصل خير يا جماعه عيب كده انتو مش صغيرين ليل دي اسماء صاحبة هاجر ، ودة ليل صاحبي وميقصدش يا انسه اسماء .
_ليل : لا اقصد هي أصلاً شكلها شكل خدامين .
_ مسكت اسماء فنجان القهوة وحدفته في وش ليل وقربت منه وقالت : الخدامين دول هما انت وأمثالك انت واحد مريض وسابته وخرجت كان هيلحقها ليل ولكن مسكه أسر .
_آسر : انت اتجننت يا ليل في اي مالك ومالها عيب كده .
_ زعق ليل وقاله : انت مش شايف قله آدبها .
_ في الوقت دة دخلت هاجر وقالت : اي في اي يا أسر اسماء خرجت جري من الفيلا كده ليه وانت اي بهدلك كده وشاورت على ليل .
_ رد ليل وقال : وانتي مالك انتي … طبعاً مهي مش صاحبتك لازم تكون قليله الأدب زيك .
_ أسر زعق وقال : ليلللل خد بالك انت بتقول اي .
_ بلا ليل بلا قرف بقى وسابهم وخرج .
_ خرجت هاجر بهدوء وراحت قعدت في الجنينه بصمت .
☆ ————– بقلم الكاتبة/ آية إنسان ————–☆
في أحد المطاعم :
_ ازيك يا اياد عامل اي .
_ الحمد لله يا يوسف عملت اي في اللي طلبته منك .
_ امسك يا معلم دة عنوان ست هاجر ودة رقمها بس خلي بالك فيلا أسر السمري عليها حراسه شديده .
_ لا متقلقش انت سيب الموضوع دة عليا .
_ ماشي سلام .
_ إياد في نفسه : خلاص يا هاجر بكره لازم اخدك ونمشي سواء ذوق أو عافيه كفايا بقى لحد كده .
☆ ————— بقلم الكاتبة/ آية إنسان ————-☆
_ خرج أسر قعد جنب هاجر في الجنينه وقال : متزعليش بس صاحبتك زودتها معاه اوي .
_ بصت هاجر ليه وقالت : لا عادي بس حصل اي اسماء خرجت تجري كده ليه .
_ بصراحه …………… وحكى آسر اللى حصل ظ
_هاجر : انا مش عارفة الكائن دة شايف نفسه على اي اكيد صاحبك دة عنده مشكله نفسيه ومحتاج يتعالج .
_ هاااجر .
_ متزعلش اوي كده على صاحبك انا بس بقول الحقيقه كل تصرفاته دي بتدل على أنه مش طبيعي عنده نقص بيحاول يخبيه بأسلوبه الزفت دة .
_ هاااجر خدي بالك انك بتتكلمي عن صاحبي .
_ وانت مخدتش بالك أنه جرح صاحبتي .
_ خلاص يا هاجر حصل خير كلميها وانا اعتذر ليها .
_ وانت تعتذر عن حاجه معملتهاش ليه انا هكلمها واعتذر ليها علشان هي جت علشاني وخرجت زعلانه من هنا .
_ طب خلاص بقى متزعليش لا انتي ولا هي .
_ عادي يا أسر حصل خير .
_ فقرب منها وقال : بقولك اي .
_ اي دة في اي ابعد كده شويه .
_ أهدى يا رمضان بس هقولك .
_ الله في اي يا أسر .
_ انا لقيتك زعلانه فقلت اصالحك .
_ احم لا مش زعلانه ثم انت لازق فيا كده ليه .
_ بصالحك يا هاجر .
_ مالك يا أسر من الصبح انت كويس .
_ دة انا زي الفل وفضل يقرب منها .
_ لا لا انت اكيد تعبان انا انا هقوم وجت تقوم فشدها وقعت في حضنه فرفعت عيونها وقابلت عيونه وإيديها محطوطه على قلبه وفضلوا باصين لبعض لوقت مش عارفين قد اي بس هو يقسم أنه لم يري سحر مثل الذي في عيونها .
_ خرجت دادة ندى تنادي على هاجر فسمعتها هاجر وانتبهت لصوتها وجت تقوم من حضن آسر حاوطها بأيده .
_ أسر يا أسر بتعمل اي حد يشوفنا .
_ اللي يشوف يشوف .
_ يا أسر حصلك اي وبتحاول تفك نفسها ولكن هو قابض على وسطها جامد .
_ يا أسر بالله عليك سيبني عيب كده .
_ هو اي اللي عيب يا بت .
_ علشان خاطري بالله عليك دادة ندى جاية .
_ هسيبك وانتي قلبتي زى طماطم كده وبالفعل سابها وهي قامت وقفت فدخلت عليها دادة ندى وقالت : اي يا هاجر بقالي ساعه بنادي عليكي مش بتردي ليه .
_ رد أسر وقال : انا عمال اقولها دادة ندى بتنادي بس هي مش عاوزه ترد .
_ بصت هاجر وضيقت عينها وقالت : انت انت … دادة ندى متصدقيهوش دة بيكذب .
_آسر : انا بكذب يا رمضان وخبطها بخفه على دماغها وقال : طب أساليها يا دادة مكنتش بترد ليه وبص ليها بتحدي وقال : قوليلها مش رديتي ليه .
_ ضربت هاجر برجليها في الأرض وقالت : اعااااا _ وجريت وهي هتفرقع من الغيظ ودخلت الفيلا .
_ هههههههه ضحكت ندى وأسر على هاجر فقالت ندى : على فكره انا شوفتك وانت مكلبش فيها بس مش حبيت اضايقكم .
_ احم انتي شوفتينا .
_ هاجر طيبه اوي وشافت في حياتها كتير يا أسر خليك يا ابني الكتف الحنين اللي تتسند عليه حتى لو مش بتحبها على الرغم اني شايفه غير كده وسابته ودخلت وهو دخل وراها وكانت هاجر قاعده بتاكل .
_ دخل أسر وزعق وقال : بقى كده على العموم كتر خيرك يا هاجر شكراً .
_ بصت هاجر ليه نظرات عدم فهم وقالت : ماله دة في اي مجنون دة ولا اي وبعدين قالت بصوت عالي : انت مجنون صح .
_ هي وصلت لكده ماشي متتكلميش معايا تاني بقى ماشي .
_ فقامت وقربت منه وقالت : هو في اي يا أسر حصل اي .
_ كمان مش عارفه حصل اي بس انا اللي غلطان تصدقي اوعي بقى كده وسابها وطلع .
_هاجر : مهو حاجه من اتنين يا اما هو اتجنن أو هو اتجنن انا مش فاهمه حاجه هو أنا زعلته في اي يمكن عملت حاجه وانا مش واخده بالي انا هطلع اشوف في اي وطلعت دخلت الاوضه بتاعته وقالت : أسر يا أسر ولكن مفيش رد .
_ أسر يا أسر …وفاجأة مسكها من وسطها فصرخت فحط أيده على بوقها وقال بصوت عالي : عاوزه اي ولكن حس بضربات قلبها العاليه فلفها ليه وقال : أهدي اهدي مكنتش اقصد اخضك وقعدها على الكنبه وجابلها تشرب وقال : اهدي خلاص .
_ بصت هاجر ليه وقالت : حرام عليك يا أسر كنت هتوقف قلبي ينفع كده .
_ انا آسف مكنتش اقصد ثم انتي كنتي عاوزه اي أصلاً .
_ في اي بقى مالك زعلت من اي .
_ لف أسر وشه وأبتسم على إهتمامها بيه وبزعله وقال : لا خلاص مفيش حاجه .
_ أسر بطل شغل المخطوبين دة اقولك مالك مفيش .
_ انا يا بت بعمل كده .
_ انا عماله اقولك في اي من بدري عملت ليك اي .
_ مهو انتي لو مهتمه كنتي عرفتي لوحدك .
_ لا لا انت سخن صح وقربت حطت إيديها على دماغه وقالت : فيك اي يا أسر انا ابتديت اقلق .
_ قرب منها وقال : بتخاف عليا يا رمضان .
_ فضلت ترجع لورا لحد ما لزقت في الحيطه فقالت : يا أسر خلاص هدخل في الحيطه اي حصلك .
_ هو انتي ليه محسساني اني مجنون وبشد في شعري .
_ بصراحه تصرفاتك مش طبيعيه من الصبح .
_ ليه بتقول كده يا رمضان .
_ يووووو اي رمضان دي كمان .
_ مش عاجبك رمضان .
_ قد كده شايفني ولد علشان تقولي يا رمضان .
_ هو في ولد حلو كده .
_ احم انا انا ……
_ ضحك أسر ضحكه رجوليه رنانه سرحت فيها هاجر .
_ عيونك حلوة اوي يا رمضان .
_ كده طب وسع بقى انا غلطانه اني طلعت اشوفك مالك وسع بقى .
_ تؤ تؤ انتي اللي طلعتي بمزاجك تخرجي بمزاجي .
_ يعني اي .
_ يعني مفيش نزول من هنا .
_ أسر انا مش فاهمه مالك بس انت غريب اوي كده .
_ تعالي يا رمضان يا خويا لما اقولك .
_ رمضان بردو ماشي يا أسر شكراً .
_ هههههه هو ينفع اللي عملته يا رمضان .
_ عملت اي .
_ بقى انا استناكى طول النهار من غير اكل وادخل ألاقيكى بتاكلى من غيرى دة ينفع فينا من كده بردو .
_ ضيقت هاجر عينيها وقالت : بقى انت زعلان علشان كده وكنت هتوقف قلبي علشان كده ومسكت المخدة وطلعت تجري وراه وقالت : طب والله لاوريك .
_ اهدي يا رمضان هفهمك .
_ بردو هيقولي رمضان وحدفته بالمخده في وشهه .
_ بقى كده طب تعالي وطلع يجري وراها ويضربها بالمخده .
_ أسر خلاص دي بتوجع والله .
_ والله ما انتي عماله تخبطي بيها .
_ اصل كنت فكراها فيها ريش نعام زي اللي بسمع عنهم في القصص والحكايات .
_ لا الابشن دة مش عندنا احنا عندنا المخده بطلع لهب مش ريش .
_ ههههه صح معاك حق بس كفايه بقى والله تعبت من الجري .
_ خلاص صعبت عليا يا رمضان .
_ ماشي يا أسر ممكن ننزل علشان ناكل وانا عملت كيكه حلوه اوي هتعجبك يلا ننزل بقى .
_ مسك ايديها وقال : يلا يا رمضان .
_ يلا يا خويا هههههه .
_ نزل أسر السلم ولاحظ أن هاجر اول مره متقلوش سيب أيدي بس مبسوط ونزلوا كلوا مع بعض وجابتله كيكه وقالت : هاااا اي رأيك .
_ تسلم ايدك يا رمضان .
_ هات الطبق مفيش اكل هات .
_ لا لا خلاص يا هاجر يا عسل حلو كده .
_ ايوه كده .
_ وفضلوا يهزروا كتير وبعدين قالت هاجر : انا هطلع انام .
_ طب يلا بينا .
_ بينا على فين .
_ ننام يا رمضان انت زي اخويا بردو وانا خدتك في حضني يومين .
_ تصدق انك قليل الادب .
_ كده ماشي يا رمضان بكره تندم .
_ حدفته بالتفاحة وطلعت تجري .
☆ ————– بقلم الكاتبة/ آية إنسان —————☆
_ فضلت أسماء تتمشي شويه ومش عاوزه تروح مضايقة من كلام المغرور دة ولكن وهي ماشيه فأجأة ……. .