Uncategorized

رواية الاعمى الفصل الحادى والعشرون 21 بقلم ليلة عادل

 رواية الاعمى الفصل الحادى والعشرون 21 بقلم ليلة عادل
رواية الاعمى الفصل الحادى والعشرون 21 بقلم ليلة عادل

رواية الاعمى الفصل الحادى والعشرون 21 بقلم ليلة عادل

شقه اميره 7م
يوم كتب كتاب
فى الرسبشن مظاهر احتفاليه بسيطه مع حضور الاهل والاصدقاء متجمعين على ملامحهم السعاده مع الاستماع للاغانى ثم يدخل مروان معه منير داخل الشقه يقوم باستقبالهم الاب ومعه ادهم
ادهم … بابتسامه …ازيك يا دكتور مبسوط انك جيت
مروان … مبروك يا عريس
الاب … (بقرف ) نورت
مروان … منور باهلو
ادهم … اتفضلوا
منير … اميره فين
ادهم … لسه بتلبس
(ثم يجلس مروان ومنير على احد الكراسى)
مروان … منير
منير … ايه يا حبيبى
مروان … لما اميره تخرج عرفنى
منير … حاضر
داخل غرفه اميره-
اميره لابسه فستان سواريه طويل باكمام تقف عند المرايا تظبط الروج و نور تقف بجورها …ثم تدخل عليهم الام
الام … ايه يا ميرو خلصتى ادهم برا
اميره … اه خلصت الماذون جه
الام … لسه … (تقترب منها تبوسها ) … مبروك يا حبيبتى عقبال مشيل عيالك
اميره … لسه بدرى اوى
الام … بدرى مين انا عايزه على اخر السنه اشيل زياد
اميره … هههههههههههههه طب يلا
(يخرجو الى الخارج)
الرسبشن-
زغاريت من الجميع ثم يقترب منها ادهم فى نفس اللحظه يقف مروان ومعه منير ولكن ملامح الحزن تبداء تسكن فى وجه مروان
ادهم … ايه الحلاوة دى يقبلها من ايدها
اميره … ( بخجل ) … انت احلى يا حبيبى …… تنظر بجانبها … ايه ده الدكتور مروان جه تعال نسلم عليه
(تذهب اميره هى وادهم الى المكان الذى يجلس فيه مروان)
اميره … شكرا انك جيت
مروان … مكنش ينفع ماجيش مبروك .. مبروك يا ادهم
ادهم … الله يبارك فيك
اميره … الله يبارك فيك عقبالك
منير … مبروك يا ميرو
اميره … الله يبارك فيك
منير … مش كنتى تقولى ان هيبقى فى موزز كنت عملت حسابى
اميره … ههههههههه انت اختار وانا اظبطك
منير … اتفقنا
ادهم … حياتى تعالى اعرفك على سيادة اللواء
اميره … يلا يروحى
ثم تبداء الاغانى وسط فرحة من الجميع ويرقصون ثم تاتى والدة ادهم بالشبكه يمسك ادهم ايد اميره يبداء بتلبيسها الشبكه بعد الانتهاء يقوم بتقبلها من جبينها -مروان كان يجلس هو ومنير بقرب منها ينظر لهم كانه يراهم بحزن وغيره
منير … يلا نمشى
مروان … ليه
منير … يعنى احسن شكلك مضايق
مروان … لاء مش مضايق لازم اتحمل غلتطى , ولازم اتوجع زى ما وجعتها , لازم اشوفها وهى بضيع منى لازم احس بكل وجع حسته لازم ادوق نفس الكاس , لازم يا منير
(ثم يدخل الماذون)
مروان … متقولش ان الماذن جه
منير… لاء جه
(يذهب ادهم لمروان )
ادهم … دكتور ممكن البطاقه
مروان … اه طبعا .اتفضل (يخرجها من جيبه )
ادهم … خليك مستريح لما نخلص هجبلك الدفتر لحد عندك
مروان … ماشى
(يتم كتب الكتاب وسط هدوء من الجميع ولكن اثناء كتب الكتاب مروان كان يتخيل انه مكان ادهم و انه اصبح يرى بعد الانتهاء يقوم الاب باخذ الدفاتر ليمضى عليه مروان ثم يقوم ادهم بحضن اميره واللف بيها وسط فرحه وزغاريت من الجميع وسعاده على ملامح اميره وادهم
(بعد قليل من كتب كتاب )
مروان … يلا نمشى
منير … ماشى
(عند قيامهم تراهم اميره وتذهب اليهم )
اميره… رايحين فين لسة فى جاتو وعشاء وشكولاته الفرح
مروان … مبروك اتمنى من قلبى ليكى السعاده
اميره …(بقرف ) مى تو خليكم شويه
منير … معلش اصل بنتى تعبانه لازم اروح
اميره …(باسف ) لا الف سلامه (ثم تنظر الى مروان ويتغير ملامح وجهها وصوتها وبسخريه ) شكرا يا دكتور انك جيت شهدت على كتب كتابى اصل كنت خايفه متجيش مكناش هنلاقى شاهد ميرسى
مروان …(بنرفزه ) يلا يا منير
(ترجع اميره وهى تضحك ضحكه سخريه الى ادهم)
– شقه مروان 10 م
يدخل مروان الى غرفته ويقفل الباب جامد وهو مضايق ومتعصب
الدادا … ايه مالو
منير … خدى بالك منه الايام دى
الدادا … ما هو اللى عمل كدا فى نفسه
منير … عيل غبى
الدادا … طب وايه الحل
منير … مافيش حل اتجوزت
(واثناء حديثهم يسمعو صوت ضجه داخل غرفه مروان يجرو عليه)
منير … مروان فى ايه
مروان … ( يبكى ) … خلاص راحت منى للابد يا منير خلاص , كل حاجه حلوى ضاعت منى , كل اللى حصل النهارده كان مفروض يبقى ليا انا مش هو , هى بتعتى انا
منير … مروان خلاص مالوش فايده دموعك وندمك انت اخترت
مروان … اللى اخترته هو الصح بس قلبى وجعنى.., اوعى تكون فاكر انى ندمان بالعكس لو الزمن رجع بيا لورا هختار نفس الاختيار , بس قلبى وجعنى
منير … مش عارف اقولك ايه , معرفش انت ليه ساكت كدا كان لازم ترفض انك تروح من الاساس
مروان … انا استحق كل حاجه بتعملها فيا استحق الاذى والوجع , كل حاجه بتعملها فيا انا مرحب بيها , المهم انها تبقا مبسوطه عايزها تبقا سعيده وبس , حتى لو موتى وجرح قلبى على ايدها شرف ليا
منير …(بغضب ) انا مش عارف انتم بتعملو كدا ليه فى بعض , انت بتحبها وهى بتحبك اخر عندكم ده
ضيعكم انتم الاتنين
– شقه اميره 1ص
(اميره فى الغرفه تخلع ملابسها ثم تطرق الام الباب)
اميره … اتفضل
(تدخل الام على ملامحه الاستياء والغضب )
الام … ايه اللى عملتيه ده
اميره … عملت ايه
الام … ازاى تعزمى مروان ازاى اصلا تخليه يشهد على جوازك
اميره …(بلا مبالاه وهى تعلق الفستان فى الدولاب ) ايه المشكله دكتورى ولازم اعزمه
الام … انتى بتستهبلى طب مافكرتيش ايه شعور ادهم
اميره …(تقفل الدولاب وتنظر لها ) ادهم عارف ووافق
الام … وضحكتى عليه ازاى بقا
اميره …(مضايقه ) فى ايه يا ماما مالك
الام … انتى بتغلطى انا كنت فاكره انك نسيتيه وفعلا هتعيشى حياتك عادى بس طلعت غلطانه
اميره … انا بردو مش فهمه ايه اللى مزعلك
الام … اللى مزعلنى ان بنتى بتضيع , وبتضيع جنبها انسان مالهوش اى ذنب غير انه بيحبها
اميره … مش فاهمه
الام … اميره انتى بتظلمى ادهم معاكى متخليش انتقامك من مروان يخليكى تكسرى قلب انسان كل ذنبه انه حبك
اميره … (بثقه ) انا بحب ادهم , مروان مين ده اللى افكر فيه اصلا , ده بقا ماضى واتنسى خلاص , غلطت عمرى اللى الحمد الله بصلحها بعدين افرحى بنتك اتجوزت
الام … اتغيرتى
اميره … ده شى يفرحك انا مش بقيت هبله زى زمان , بالعكس انا بقيت قويه محدش بعد كدا هيقدر ينزل دمعه منى
الام … تصبحى على خير
(تخرج الام وتغلق الباب)
نادى المعادى 2م
اميره تقف عند التراك وترى امامها شاب فاقد البصر ومعه زوجته تسرح فى خيالها تتخيل نفسها مكانهم هى ومروان و بعد لحظه تفوق
(تقول لنفسها فوقى بطلى هبل ثم تدخل عليها نور )
نور … ايه بتكلمى نفسك
اميره … اتاخرتى ليه
نور … معلش ايه اللى عملتيه امبارح ده
اميره …(بضيق ) هو فى ايه مالكم خلاص نسيتو اللى عملو فيا
نور … لاء هو يستاهل الشنق انا بتكلم عليكى وعلى ادهم اميره انتى كدا بتظلمى ادهم مش مروان , يعنى حرام ادهم محترم اوى بيحبك بجد ميستحقش منك انك تاخديه مجرد اداه لانتقامك من مروان
اميره … صدقينى بحبه مش قصدى كدا
نور … انتى بتضحكى على نفسك انتى ماشيه بسكه غلط اظن كفايه
تسرح اميره…و بصوت داخلى تتحدث , هو لسه شاف حاجه التقيل جاى ورا لازم اعذبه زى ما عذبنى لازم انسيه طعم الراحه والنوم لازم ادمره
نور … انتى يابنتى
اميره …(نرفزه ) ييييو بقولك ايه لو مغيرتيش الحوار همشى
نور … خلاص طيب اهدى متتعصبش عليا تعالي نقعد نشرب حاجه فى الكافيتيريا
– شقه اميره 12ص
غرفه اميره- اميره نائمه على السرير وتتحدث مع ادهم على التليفون
اميره .. قولى يا باشا بقى بقالك 5 ساعات مختفى ليه
ادهم … والله يا ام زياد روحت على طول ونمت ولسه صاحى
اميره …(باستغراب شديد ) ام زياد
ادهم … مش نفسك تسمى زياد
اميره … تصمت تتذكر حديثها مع مروان على التليفون فى احد المرات
ادهم … ايه روحتى فين
اميره …لاء معاك يا حبيبى , اه بحبه دومى معلش هدخل التوليت واكلمك
ادهم … ماشى
(بعد ان تغلق التليفون تقف اميره امام المرايا وتكلم نفسها )
اميره … ايه مالك انتى نسيتى اللى عمله فوقى ده حتى الرحمه ميستهلهاش
– شقه مروان 2 م
البلكونه- مروان يجلس فى البلكونه يشرب قهوه ثم تدخل عليه فاطمه وهى تحمل بايدها علبه هدايا
فاطمه … مروان جتلك العلبه دى
مروان … (بزهول) … علبه . افتحيها بسرعه
فاطمه … فيها شكولاته وكارت
مروان … مكتوب ايه
فاطمه … استنى .. مكتوب هجرك مؤلم انا اعلم ..ولكن هجرى مميت وستعلم
مروان … (بحزن وبصوت داخلى ) … انا عرفت خلاص (ثم يتحدث لفاطمه ) هاتى العلبة من فضلك يا ماما فاطمه اتصلى بمنير خليه ياجى
فاطمه … حاضر
– مركز دكتور مروان 10ص
مكتب مروان
مروان يجلس على كرسى المكتب ثم تطرق عليه الباب اميره
مروان … اتفضل
اميره … ازيك يا دكتور
مروان … الحمد الله
اميره … كنت جايه اخلص باقى الاجراءات بتاعت فسخ العقد قولت اجى اسلم عليك
مروان … لسه مصممه تسبينا
اميره … (تجلس ) اه جاتلى عروض افضل من هنا
مروان … زى ما تحبى
اميره … عجبتك الشكولاته
مروان … اى حاجه منك بتعجبنى
اميره … (بسخريه ) اصل لقيتك مشيت قبل متاكل الشكولاته فقلت لازم ابعتلك دا انت شاهد على كتب كتابى
مروان … هههههه مش هتتغيرى
اميره …(نظرات كره وانتقام ) اضحك ولسه بكرا هتضحك كمان
مروان … ماشى .. انا معنديش مانع كل اللى ياجى منك حلو او وحش , لو سم على قلبى انا موافق , سواء ضحكتينى او بكتينى انا موافق , مش هزعل
اميره …(باستغراب وسخريه ) اممم ومين بقا اللى قالك زعلك فارق معايا اصلا , او كلك على بعضك كدا فارق معايا ههههههههه ضحكتنى والله
مروان … المهم انك كويسه ومبسوطه انا كدا مرتاح انك سعيده فى حياتك
اميره … بصراحه مبسوطه جدا انت متعرفش ادهم بيحبنى ازاى , ولا بيعمل معايا ايه , وبصراحه انا بشكرك جدا اول شئ انك علمتنى كتير , وغيرت فيا حاجات اكتر , وكمان ركز اوى فى اللى جاى , انك رفضت الجواز منى
مروان … امممم صح لازم تبقى قويه , مش اى حاجه سواء كانت كبيره او صغيره تضعفك او توقعك , لسه الدنيا قدامك انتى لسه متعلمتيش حاجه من الدنيا ومن الناس
اميره … اه صح انا بصراحه بعد ما فكرت لقيت كلكم كان عندكم حق , ايه اللى يخلينى اتجوز واحد اكبر منى فى السن هههه يعنى كنت هبله , واكتشفت كمان ان حبى ليك كان وهم زى حب الفانز لاى فنان مجنون بيه , يعنى اكيد كنت هطلق منك وكنت هندم , لكن حبى وعلاقتى بادهم حاجه تانيه مختلفه ميه فى الميه
مرواه … امممم كملى
اميره …( تقوم بغيظ)عارف ادهم بيحبنى اوى اوى وانا كمان بقيت مغرمه بيه , اول ما بيخدنى فى حضنه بحس انى فى عالم تانى فى حضنه بالقى الامان , اول مره احسه مع حد غير بابا , ههه يالهوى عليه بقا لما بيشوف حد بيعكسنى ييتجنن وانا بفرح اوى اوى ,(بسخريه ) انت حتى دى مكنتش هتقدر تعملها هتشوف اللى بيعكسنى ازاى سورى يعنى
مروان … لاء عادى انتى صح
اميره … ربنا يخليه ليا يارب ويقدرنى ان اقدر اسعده انا فعلا اسفه ليك على كل كلامى معاك
مروان … اى كلام
اميره … انى بحبك وانى طلبت منك فرصه انا كنت مغفله بجد , بجد شكرا انك فوقتنى من الوهم ده , معرفش لو كنت سبتنى ووافقت على العلاقه الفاشله دى اللى مفهاش اى تكافئ دى كان هيحصل ايه , يلا على العموم انا مش عايزه اطول عليك همشى , اصل انا ودومى هنسافر سوى السخنه وناويه اعملوه مفاجئه حلوة , نسهر للصبح ونبداء يوم جديد سوى يلا سلام يا دك (تقف)
مروان … هو مش ده كتب كتاب بس
اميره …. اه
مروان … امال هتسافرو لوحدكم ازاى مينفعش على فكره
اميره … بقرف .. ميخصكش على فكره بعدين مش يمكن مكتفناش بكتب كتاب وخلينها حاجه تانيه
(اثناء حديث اميره كان مروان هادى جدا يستمع لها لكن بداخله قلبه ينزف)
مروان … اميره عايز اقولك حاجه صغير انا ( يصمت قليلا ) انا قلبى ليه الشرف ان جرحة و موتة يكون على ايدك
اميره … وانا مش هنولو الشرف ده سلام
بعد ان تخرج يخبط على المكتب بايده بغضب ثم يرمى جميع الاشياء اللى على المكتب ………
عند خروج اميره خارج بوابه المركز تلتقى بمنير
منير … عامله ايه
اميره … الحمد الله
منير … كنت عايز اتكلم معاكى شويه
اميره … بخصوص
منير … لما اقابلك هعرفك
اميره … بقله زوق … والله الايام دى مش فاضيه مسافره لما ارجع سلام
منير … ماشى سلام
ينظر لها باستغراب على طريقتها معه ثم يدخل داخل المركز
يتبع ……
لقراءة الفصل الثانى والعشرون : اضغط هنا
لقراءة باقى فصول الرواية : اضغط هنا

اترك رد