رواية صدمة العمر الفصل الاول 1 بقلم هاجر العفيفي

-أنا هتجوز

الاتنين كانوا فى حاله من الصدمه وخاصة ملك ال كانت فرحانه جدا  بس فجأه حست ان الدنيا بتلف بيها معقول ال سمعته ده صح

يوسف بصدمه : ملك ان انتي بتتكلمى جد حامل !!

ملك بدموع وانهيار : طلقنى

يوسف بصدمه أكبر : ملك أهدى افهمينى أنا

قاطعته بصراخ : بقولك طلقنى ايه مبتفهمش

وسابته وجريت على الأوضه وبدلت ملابسها وخرجت

يوسف كان واقف مش عارف يتكلم ولا حتى يدافع عن نفسه

ملك مسحت دموعها بجمود : يعلم ربنا أن كنت بعاملك كزوج وكنت بعمل كل حقو*قى بس انت قررت انك تبعد مش مستنيه انك تقولى ايه سبب جوازك بس انت بقالك فتره متغير وانا خلاص زهقت من العلا*قه ال بدي فيها ومباخدش منك غير عدم اهتمام وبرود مشا*عر سلام يايوسف ياريت تبعتلى ورقة طلاقى على بيت أهلى بدون شوشره

وسابته ومشيت من البيت بأكمله

يوسف جلس مكانه على الأريكة وفجأه فونه رن رد بصعوبه

يوسف : أ الو

روان : ها عملت ايه ياچو قولتلها

يوسف بدموع محبوسه : ملك مشيت وسابت البيت

روان بفرحه : وفرت وقت ومجهود ها بقا هتيجى تتقدم امتى

يوسف بخنقه : هكلمك بعدين يارواان معلش مشغول سلام

قفل معاها وغمض عيونه بحزن وألم

????????????????????????????????????????????????????????????????????????????أستغفروا

روان بفرحه : ماما ياماما خلاص يوسف هيجي يتقدملى خلاص وخلصت منها

أحلام (أمها) بخبث : عرفتى توقعيه جدعه يابت

روان بمكر : ايه ياماما ده انا تربيتك برضوا

فى الوقت ده خرج أخوها والذى يدعى أكرم

أكرم بغضب : أنتى متخلفه يابت انتى ولا اتجننتى ازاى تاخدى جوز بنت خالك

روان بعصبيه : وأنت مالك انت دى حياتى وأنا حره

أكرم بعصبيه أكبر : وأنا مش موافق على الهبل ده كله

أحلام (أمهم ) بغضب : انت أتجننت يا أكرم ملكش دعوه بأختك لما اموت ابقى احكم عليها مفهوم يامحترم

أكرم بصلهم بغضب وقلة حيله وسابهم ومشى خالص

روان : سيبك منه ياماما خلينا نفكر هنعمل ايه فى البت دى تانى

أحلام بخبث : أنا هقولك

????????????????????????????????????????????????????????????????????????صلوا على شفيعكم

عند ملك كانت ماشيه مش مستوعبه ال حصل يعني يوم مايحصل وتبقى حامل وتروح تفرح يوسف تتصدم فيه تتصدم فى حب عمرها كانت ماشيه وتايهه ودموعها مغرقه وشها وفجأه حست بدوران وعربيه خبطتها وقعت على الأرض ود*م نا*زل منها وفقدت الوعى