رواية إيجار زواج الفصل العاشر 10 بقلم رحمة محمد

صفيه :أدهم انت اكيد جرى لعقلك حاجة

أدهم :ليه علشان بقولك هتجوزها واعيش حياتي طبيعي يبقى جرى لعقلي حاجه

صفيه :اكيد لما تسيب كل البنات اللي حواليك دول والي بيتمنوا اشاره من ايدك وتروح تتجوز واحده زي هنا يبقى اكيد ده شئ مش طبيعي

أدهم :خلصنا يا صفيه شوفي حاجه تاني احكي فيها

صفيه :مفيش أهم من حياتك ومستقبلك إلى انت عايز تدفنهم مع بنت تخينه وسمرا زيها دي مفيهاش ميزه واحده ليه يعني

أدهم :انا ماشي

صفيه :خلي في بالك يا أدهم لو فكرت تكمل الجوازه دي انا هقول لهنا على كل حاجه من اول انك انت اللي زقيت البنت اللي قالت قدامها على الفكره لحد النهاردة

أدهم :هههههه براحتك سلام

صفيه طبعا كانت هتشيط ازاي هو مش خايف انها تقول لهنا لأن بكدا هنا هتسيبه بس طبعا موصلتش لأي حاجه في دماغها فقررت انها لازم تعرف مصدر ثقته في نفسه دي

////////////////

حسين :في أي يا منى مالك كدا شايله الهم فوق دماغك ليه وبعدين مش خلاص امنيه حياتك بتتحقق اي بئي إلى مزعلك

مني :مفيش يا حسين ده بس من فرحتي و زعلي أن هنا هتسبني وتمشي

حسين :يا شيخه قلقتيني بطلي هبل وبعدين خلاص هنا هتبقى في عصمه راجل وده إلى احنا بنتمناه ولا ايه

مني :اه يا خويا طبعا

حسين :مش عارف مش مرتحلك ليه

مني :بصراحه بئا كدا انا مش مرتاحه للجوازه دي

حسين :ايييييييه

////////////////

أدهم :انتي فين

هنا :هكون فين يعني في الشغل اكيد

أدهم :طيب اجهزي علشان هعدي عليكي اخدك عايزك في موضوع مهم

هنا :وانا مش عايزه اتكلم معاك وأظن انك عملت ولسه بتعمل إلى فى دماغك كدا كفايه اوي

أدهم :هنننننا نص ساعة بالكتير واكون عندك تستأذني وتنزلي بدل ما تندمي

هنا :مفيش حاجة هندم عليها اكتر من اني عرفتك،، بعدها قفلت السكه

أدهم بص بغضب للفون :جبتيه لنفسك يا هنا