Uncategorized

رواية غيبوبة حب الفصل الرابع 4 بقلم رودينة جاب الله

 رواية غيبوبة حب الفصل الرابع 4 بقلم رودينة جاب الله 
رواية غيبوبة حب الفصل الرابع 4 بقلم رودينة جاب الله 

رواية غيبوبة حب الفصل الرابع 4 بقلم رودينة جاب الله 

كنت قاعدة بصلي وبحمد ربنا ع حلم السنين اللي اتحقق واخيراً ماضيعتش تعبي وتعب اهلي والباب خبط 
_ ممكن ادخل ؟ 
= اتفضل يا عبدو 
_ ألف مبروك يا بسنتي 
= الله يبارك فيك يارب 
_ شوفي بقي هديتك وقوليلي عجبتك ولا لأ 
فتحت العلبة لقيته خاتم دهب=الله دا حلو اوي بس شكله غالي اوي اوي 
_ مفيش حاجة ف الدنيا تغلي عليكِ 
= حلو اوي بجد بحبك اوي والله 
_ وانا كمان بحبك .. بحبك اوي 
ادركت انا قولت اي = ربنا يخليك ليا 
_ يااه زمان لما حد كان فينا بينجح كنتي بتديني هدية ومعاها حاجة صغيرة كدة كانت بتفرحني اوي ياريت الزمن وقف 
بأستغراب=حاجة ايه دي؟
_ حاجة كدة يعني 
= ايوة ايه هي يعني 
_ بس ماتزعليش بقي انتِ اللي طلبتي
= والله ما فاهمة حاجة
ميل عليا وطبع ع خدي قُبلة_مبارك يا بسنتي 
قلبي كان هيطلع برا من كتر دقاته .. قربه لوحده يدوخ بالله 
ضحكت = ما انت دافع بقي 
الأيام بتعدي بلطف زي لُطفه .. مفيش مواقف تذكر بينا ودا من طلب ماما لينا من زمان .. طلبت مني ألبس قدامه الحجاب ويبقي بينا حدود اينعم هو بيكسر كل الحدود اللي بعملها بكلمة بس هو سافل انا ماليش دعوة .. اينعم انا بحبه يكسر الحدود عادي بس انا سافلة مالكوش دعوة !
_ انهاردة اول يوم ف الكلية .. تمشي عدل ومش عايز مياصة ! 
= مياصة !
_ ايوة مياصة يا بسنت .. مياصة علشان تعصبيني وتحرقي دمي
ضحكت=طيب حاضر 
اتعصب_ع فكرة انتِ مش صغيرة وسمعتك وانطباعك بيتاخد عنك من اول يوم ليكِ ف الكلية فهماني 
= حاضر 
_ خلي بالك من نفسك وبالذات من اروش خلق الله
= حاضر 
_ اي حد منهم يجي يقولك مش محتاجة مساعدة تقوليله لا شكراً وتمشي فاهمة 
= حاضر 
_ هتقوليله اي ؟ 
= ساعد نفسك 
_ ايوة .. اي ! 
= اي ! 
_ مش بنت لا يُمكن بس حلوة جدعة خليكِ كدة 
= هو انت مش رابعة ؟ 
_ اه 
= طب ما تيجي تشقطني انت وهمشي معاك عادي 
_ اي !
= ماتخدش ف بالك يلا علشان ما نتأخرش 
اليوم كان متعب وموتر جداً بس كنت مطمنه علشان عبد الرحمن معايا وعديت يومي وحضرت محضراتي وطلعت لعبد الرحمن ..
_ ها عملتي اي 
= هو السبع سنين دول كتير اوي يعني !
_ انتِ لحقتي 
= انا فرهدت اوي .. هما سبع سنين جامد 
ضحك_يعني ايه سبع سنين جامد
= مفيش حكم مخفف ????
_ لا ياختي مفيش و انجري ع البيت بقي ياللي قادرة ع التحدي
..
الحياة لطيفة ووجوده ألطف ، بتعدي الأيام وبنكبر ولا بنحس مش بيفوقنا غير حدث مهم بيحصل او مناسبة مثلاً زي انهاردة كدة فوقنا ع حفلة تخرج عبد الرحمن ! مين يصدق إن السبع سنين عدوا كدة ف غمضة عين ؟! مين يصدق إن عبد الرحمن بقي الدكتور عبد الرحمن رسمي ! السنين بتمر ومش بنحس بيها بس المهم انها تمر بسلام .. والسلام مش كفاية لازم تحقق فيها ولو انجاز واحد حتي ! وانا انجازي حتي الآن هو عبد الرحمن !❤
_ جاهز يا دكتور ؟
= متوتر والله
_ ليه المفروض تبقي فرحان 
= ما انا فرحان والله بس متوتر اوي مش مصدق إن خلاص كدة هتخرج !
_ لا صدق وأفرح علشان بقيت دكتور عبد الرحمن رسمي فهمي نظمي ! 
= الحمدلله .. عقبالك يا دكتورتي 
_ يارب بقي 
= خلاص هانت كلها 3 سنين وتفرحينا 
_ إن شاء الله 
= إن شاء الله 
_ مالك تاني !
= كان نفسي بابا يبقي معايا اوي انهاردة .. كان نفسه ابقي دكتور
_ الله يرحمه .. شايفنا يا عبدو ! شايفنا وحاسس بينا وفرحانلك وافرح انت كمان خليه يتباهي قدام الملايكة واللي معاه إن ابنه بقي دكتور ! وبعدين انا وماما معاك ولا بقي مش مكفينك !
= مكفيني ونص وتلت تربع .. ربنا يخليكوا ليا 
_ ويخليك لينا يارب .. يلا بقي علشان مانتأخرش ! 
الحفلة كانت حلوة جداً وكنت فخورة بعبد الرحمن .. قد أيه هو قدر يثبت بكفاءة إنه قد المسؤلية ! فرحناله من قلبي وفخورة بيه فوق الفخر فخر والله ❤
اسمه اتنادي وطلع استلم شهادته ونزل جري باس أيد ماما .. قد أيه هو لطيف وقد أيه ابن اصول وقد أيه بيقدر اللي قدامه ❤
_ عجبتكم الحفلة؟ 
* طبعاً يا نن عيوني، مبارك يا حبيبي
_ الله يبارك فيكِ يا ست الكل
_ وانتِ يا بوسبوس
= حلوة اوي الحفلة وانت كنت احلي الموجودين والله 
_ وانتِ بصيتي ع الموجودين ليه ????
= أيه يا عبد الرحمن اللي بتقوله ده!
_ زي ما سمعتي بتبصي عليهم ليه 
= وانا هبص عليهم ليه انا بقولك…
صوت قطعني وجبلي شلل نصفي ف خدي الايسر كدة اه-عبدو يا عبدو كدة هتمشي من غير ما تسلم عليا 
_ اهلاً ازيك يا سلمي
-مش هتعرفني ع طنط
_ اه طبعاً .. سلمي يا ماما ودي بسنت اختي 
* اهلاً يا حبيبتي 
– اهلاً بيكِ يا طنط
= اهلاً يا زلومة 
– مابحبش حد يقولي كدة 
= طيب يا زلومة خلاص ماتزعليش 
– برضو ! 
_ احم طيب يا سلمي اشوف وشك ع خير
– إن شاء الله يا عبدو ماتعرفش هتوحشني ازاي 
_ الله يخليكِ .. استأذنك بقي سلام عليكم 
..
ركبنا العربية وانا وشي هيطلع نار ! ايه قلة الادب دي ها ؟؟ وايه اللي قاله دا ! اخته مين بس انا اخته ! انا اخته ازاي طيب !! منك لله ياخي حسبي الله ونعم الوكيل 
* البنات مابقاش عندهم حياء 
_ ليه يا ماما بتقولي كدة 
* شوف البت بتتمايص ازاي وتدلعك قدامنا ! ماخدتكش بوستين ليه بالمرة 
ضحك_يا ماما البنات كلها دلوقتي بقت كدة 
* لا بقي ازاي ما بسنت اهو عندك عمرها ما تعمل كدة 
_ وهي تقدر ولا ايه 
= البنات يا ماما يا حبيبتي مش بتعمل كدة غير مع اللي بيدلهم فرصة ويتعودوا عليه انما اللي يصدها مش بتعرف تكلمه كلمة .. أما انا بقي فأكيد مش هعمل كدة علشان تربيتك وعلشان طبعاً اخت عبد الرحمن ! 
* ربنا يحفظك يا حبيبتي 
بصلي ف المراية وكنت فاهمة نظرته .. نظرة  كلها استفسارات ع تلقيح كلامي ! اكتفيت بأني ادير وشي وافتح الشباك يدخلي هوا يمكن يلطف روحي ويهدي من النار اللي جوايا !
وصلنا البيت ودخلت اوضتي وقفلت عليا وشوية ولقيته بيخبط 
_ ممكن ادخل ؟ 
= ما انت دخلت خلاص ! 
_ مالك فيه حاجة مزعلاكي 
= لا ابداً ازعل ليه 
_ حاسك متغيرة 
= لا يا حبيبي اتطمن انت مابتحسش اصلاً
_ الله يخليكِ يا حبيبتي دا العشم برضو .. مالك يا بت 
= ماليش يا عبد الرحمن او مايهمكش بمعني أصح!
_ لا ازاي بقي اختي ويهمني زعلها 
= بس احنا مش اخوات يا عبد الرحمن ! 
_ أحب اقولك اني ماتصدمتش من معلومتك الجديدة وإن كل الناس عارفة بس عمرنا مانروح نقول وإني عمري ما فكرت ف سلمي ولا حتي هفكر ف اي واحدة علشان حبيت مرة واتكتب عليه يتوأد من قبل ما يتولد وإن سلمي هي اللي بتتحدف عليا ف كل داهية وإني ماعرفتش اقدمك ليها غير إنك اختي علشان ماجرحكيش وإني اسف إني نسبتك ليا ودا مايشرفكيش عن إذنك ! 
= عبد الرحمن .. عبدالرحمن استني هنا !
3 ايام .. 3 ايام لا بيكلمني ولا بلمح طيفه .. مكسوفه ووشي ف الارض طول ما انا ف البيت .. ازاي فهم كلامي وغيرتي كدا ! ازاي فهم اني مكسوفه منه وإنه مايشرفش وهو يشرف بلد ! ازاي فهم بالغباء دا ! مالقيتش حل قدامي غير إني ادخله الاوضة بقي وأمري لله 
_ ممكن ادخل ؟ 
= ما انتِ دخلتي خلاص 
_ مالك !
يتبع ……
لقراءة الفصل الخامس : اضغط هنا
لقراءة باقى فصول الرواية : اضغط هنا

اترك رد