Uncategorized
رواية العشق لا يعرف وطن الفصل الثامن والعشرون 28 بقلم أية إنسان
رواية العشق لا يعرف وطن الفصل الثامن والعشرون 28 بقلم أية إنسان
 |
| رواية العشق لا يعرف وطن الفصل الثامن والعشرون 28 بقلم أية إنسان |
رواية العشق لا يعرف وطن الفصل الثامن والعشرون 28 بقلم أية إنسان
_ليل : ليه بس يا عمرو بتقول كده .
_عمرو : يا سلام يعني مش عارف انت بتستعبط يا ليل .
_ عمرو خد بالك من كلامك معايا انت عارف اني مش بستعبط .
_ حلو مقولتليش ليه أن أسر هيعمل فرحه النهارده .
_ ابتلع ليل ريقه وخد نفس وقاله : مهو اكيد لو كنت أعرف كنت قولتلك يا عمرو .
_ يا سلام انت لما جيت عندي قولتلي أسر هياخد هاجر ويسافر لكن مقولتليش أنه هيعمل فرح وحضرتك ما شاء الله منور جنبه يبقى متعرفش ازاي .
_ انا كلمني وقالي تعالي معايا مشوار ورحت معاه تفاجأت أنه وقت الفرح عامل حفله وقالي النهارده فرحي كنت عاوزنى امشي واسيبه ولا أقف جنبه علشان ميحسش بحاجه .
_ والبيه مسافرش ليه .
_ مش عارف انا سألته وهو قالي بعدين واضح أن في حاجه حصلت في الفرح بينه وبين هاجر بس مش عارف هي اي .
_ليل انا كل خططي بتفشل بسبب انك مش قادر تخلي أسر يثق فيك ويحكيلك حاجه .
_ مهو البركه فيك خليته مش قادر يثق في حد .
_ للللليل .
_ في اي يا عمرو انا بحاول اعمل اللي انت عاوزه .
_ ماشي يا ليل بس صدقني لو عرفت انك بعتني مش هيحصل كويس .
_ ماشي يا عمرو سلام .
_ قفل ليل واتنهد وقال في نفسه : مش عارف هو أنا مقلتلوش ليه بس مش قادر ابيعه اعمل اي .
_ اتعصب عمرو جامد ورن على سارة .
_سارة : الو .
_عمرو : انتي فين .
_ خير افتكرتني ليه بقى .
_ كنت عاوز اقولك أن أسر اتجوز .
_ نعم اتجوز اتجوز ازاي .
_ زي الناس يا حلو ادخلي على صفحته هتشوفي حفله جوازه وانتي نايمه في العسل .
_ لا أسر مش ممكن يحب غيري .
_ اهو حب واتجوز بس مهما كان انتي بردو كنتي زميلتي وميهنش عليا اشوفك بتغرقي واتفرج .
_ ودة من أمتى الحنيه دي .
_ جرى اي يا روح امك تصدقي انا اللي غلطان إني كلمتك وريني بقى هتتصرفي ازاي وقفل السكه في وشها .
☆ ————— بقلم الكاتبة/ آية إنسان —————☆
رن الفون عند أسر :
_آسر : الو .
_ سارة : قدرت تعملها وتتجوز حد غيري يا أسر .
_ انتي عاوزه اي .
_ ليه عملت كده .
_ انسه سارة انا راجل متجوز والنهارده فرحي ومحدش بيتصل بحد يوم فرحه الساعه ٣ الفجر .
_ أسر علشان خاطري اسمعني .
_ متتصليش هنا تاني ومش كل شويه ترني من رقم غير التاني .
_ أسر انا بح….
_ ولكن أسر قفل السكه في وشها ولبس هدومه ونزل يتمشي شويه .
☆ ————– بقلم الكاتبة/ آية إنسان —————☆
_ الساعه ١٠ الصبح صحيت هاجر من النوم وقامت دورت عليه في الاوضه ملقتش حد فلبست ونزلت تحت وفضلت تتمشي لحد ما لقت نفسها قدام قبر ابوها وفضلت واقفه قدامه ساكته مش عارفه فضلت وقت اد اي ساعه اتنين تلاته لحد ما الجو قرب يليل فقامت رجعت الاوتيل ولكن دخلت وكان أسر قاعد وفي قمه الغضب فقام جرى عليها وشدها من دراعها وقال : كنتي فين .
_ سيب دراعي يا أسر .
_ ردي عليا بدل ما أكسره كنتي فين .
_ وانت مالك لما انت نزلت قولتلك انت رايح فين .
_ انا اعمل اللي عاوزه انتي لأ .
_ ليه إن شاء الله بصفتك اي .
_ بصفتي جوزك يا محترمة .
_ يوووو انت مبتزهقش من اللي بتعمله دة فوق لنفسك احنا فتره وكل واحد يروح لحاله .
_ طيب يا هاجر طلاق مش هطلق الإ بمزاجي وخروج تاني مفيش هخليكي كده لا طايله سما ولا ارض .
_ وانا مش جاريه عندك تتحكم فيها وهتطلقني يا أسر وغضب عنك .
_ ههههه بجد مستعجله اوي تطلقي ليه عاوزه ترجعيله صح وحشك مش كده .
_ انت اتجننت خلاص يا أسر وعيشتك دي كلها تقرف بتشك في كل حاجه واي حاجه أنا بعملها وانا مش مضطره ابرر ليك اي حاجه بعملها لانه دة مش حقك .
_ ضغط أسر على ايديها جامد وقال : لا حقي انتي كلك على بعضك ملكي يا هاجر وكل نفس بتطلعيه لازم اكون عارفه سامعه ولا لا .
_ اتعصبت هاجر جامد وقالت : حلو عاوز تعرف كنت فين كنت عند إياد اه روحت ليه وعرفته أنه خلاص هخلص من قرفك دة علشان انا زهقت منك يا أسر .
_ محسش أسر بنفسه غير وهو شايف بوقها بينزف من شده القلم اللي إدهولها فرفعت نظرها ليه بنظره غريبه مش عارف هي غضب ولا حزن ولا لوم وعتاب بس سحب نفسه وخرج من الاوضه وهي قعدت على السرير وغمضت عيونها بإستسلام .
_ خرج أسر وراح بار وفضل يشرب يشرب لحد ما بقي سكران جامد .
☆ ————— بقلم الكاتبة/ آية إنسان —————☆
في شقه مصطفي :
_ دخل عند ميرا إلي شبه الجثه الهامدة من كتر الإعتداء وقرب منها وهي عماله تعيط وقال : ما انا قولتلك بلاش تتحديني وتقفي قصادي عجبك منظرك كده .
_ ولكن هى بتعيط بس .
_ يلا يلا قومي خدي شاور كده وروقي عقبال ما انزل واجي يا بيبي .
_ ولبس مصطفي ونزل وهي فضلت تعيط فهي المدلله
في قصر ابيها يحصل فيها كده .
☆ —————- بقلم الكاتبة/ آية إنسان ————–☆
_ دخل مصطفي بار وقرب من البنت اللي قاعده ولابسه لبس اللي مبينه اكتر بكتير من اللي مغطيه وقال : حبيبي اللي وحشني .
_ ههههه أهلاً أهلاً يا بوب وحشتني .
_ علشان كده نزلت وجتلك قولت اطمن عليكي وعلى وبص بصه خبيثه وضحك .
_ قليل الادب انت يا بوب اي المزه الجديده مش مكفياك .
_ هههههه لا دي بقت لا تصلح للإستخدام إنما أنت حاجه تانيه .
_ يا سلام ازاي بقى .
_ لا الموضوع طويل تعالي وانا اقولهولك في مكان لوحدنا .
_ هههههه يلا بينا .
☆ —————- بقلم الكاتبة/ آية إنسان ————–☆
_ في بيت أسماء اللي قاعدة تفكر في ليل وحكايته واد اي هي متعاطفه معاه مهما كان الشخص قوي بيحتاج حد جنبه وخصوصاً عائلته وجابت ورقه وقلم وفضلت تكتب حوالين الموضوع دة علشان تعرف العالم كله أنه مش شرط تكون ابن مين أو متعلم اي مكانك الاجتماعيه اي فلوسك اي قبل كل دة في سؤال مهم انت اي .
☆ ————— بقلم الكاتبة/ آية إنسان —————☆
_ الساعه بقت ٣ الفجر دخل آسر بيتمطوح في الاوتيل وشاف هاجر نايمه فقرب منها وقال : انتي حلوه بس غبيه بتعصبيني وقرب منها فحست هاجر بحد بيحاول يقرب منها وفتحت عيونها شافت أسر وشه في وشها فقامت مخضوضه وقالت : في اي مالك .
_ ههههه انتي خايفه ليه اني اقرب منك .
_ انت سكران يا أسر .
_ تؤ تؤ أنا في كامل عقلي .
_ لاااا كده كتير وقامت تخرج من الاوضه فشدها لحضنه راحه فين .
_ أسر لو سمحت ابعد عني .
_ ليه خايفه من قربي منك ليه .
_ أسر انت مش في وعيك وسع .
_ اي محافظه على نفسك علشانه ولا خايفه اكتشف حقيقتك أنه سابك علشان انتي كنتي ماشيه معاه .
_ انت بتخرف تقول اي انت اتجننت اكيد اتجننت وانا مستحيل افضل معاك دقيقه واحده كمان وحاولت تخرج بس هو قفل الباب ومنعها تخرج وشدها من شعرها وزقها على السرير وقال : عاوزه تخرجي علشان تروحيله انا بقى مش هخرجك وهاخد حقي منك ودلوقتي .
_ رجعت هاجر لورا وقالت : أسر لا علشان خاطر ربنا بلاش .
_ خايفه من اي يا محترمة انا جوزك ودة حقي .
_ أسر انت مش في وعيك بالله عليك سيبني امشي .
_ تؤ تؤ أنا بقى هعرفك ازاي تسببيني وتروحي ليه .
_ انا مروحتش لحد انا كنت بكذب عليك .
_ قلع أسر قميصه وقرب منها وقبل ما تجري مسكها كتف إيديها وبص في عيونها جامد وقال : هتندمي يا هاجر صدقيني .
_ أسر علشان خاطري بلاش بالله عليك انا هموت لو عملت كده .
_ ههههه موتي .
_ أسر بلاش تكسر اخر حاجه بينا لو سمحت .
_ ولكن لا حياه لمن تنادي فهو مغيب عن الوعي فقطع هدومها وهي فضلت تصرخ بإسمه وتحاول تبعده عنها ولكن هو اقوي منها ولكن بدون وعي خبطته بالكوبايه الازاز على دماغه فوقع سايح في دمه .
_ هاجر قامت براحة وهي هتموت من الرعب خايفه يكون مات فقربت منه بالراحه وقالت : أسر أسر قوم بالله عليك وبعدين نزلت تحت طلبت الدكتور وفي ظرف خمس دقايق كان الدكتور فوق وعمل معاه اللازم وخيط دماغه وطمن هاجر أن الإصابة خفيفه فإطمنت هاجر وقعدت قدامه وقالت بصوت ضعيف : حرام عليك انا عملت ليك اي علشان تعمل كل دة وفضلت صاحيه طول الليل جنبه خايفه تنام احسن يقوم تاني او يحتاج حاجه وفضلت جنبه ولكن النوم غلبها ونامت وهي قاعدة على الكرسي .
_ وجاء الصباح وابتدأ أسر يفوق ولكن دماغه بتوجعه جداً وفتح عيونه بالراحة وشاف هاجر وهي نايمه على الكرسي وهدومها متقطعه فقام بالراحه ومسك دماغه وافتكر كل اللي حصل إمبارح فقام خبط أيده في المرايا كسرها فقامت هاجر مخضوضه وقامت تجري عليه في اي ومسكت إيده اللي بتنزف وقال : حصل اي .
_ فزقها أسر بعيد وقال : أبعدي عنى ومتقربيش مني مش انتي مش عاوزه قربي ابعدي عني بقى .
_ يااااا للدرجه دي هو انت لازم قربك يكون كده حلو اللي انت عملته إمبارح ضرب وإهانة وسكر لا وكمان حاولت انك ت…… وسكتت غمضت عيونها واتنهدت وقالت : كفايا لحد كده يا أسر كفايه انا مش قادرة استحمل اكتر من كده انت بتعمل معايا كده ليه .
_ اسكتي يا هاجر .
_ اقولك انا ليه يا أسر قولت واحده ملهاش لا اب ولا ام بتسافر من بلد لبلد من غير رقيب أهلها طردوها كانت مخطوبه وخطيبها سابها علشان مش كويسه قبلت تتجوزني بدون اي مقابل علشان ملهاش مكان تروحه اخليها جاريه اضربها وأهنها واعمل كل اللي انا عاوزه مهي ملهاش حد بقى صح مش هو دة اللي فكرت فيه بس فوق لنفسك يا أسر انا هاجر العامري اللي عمر ما حد قدر يرفع أيده عليه من وقت ما اتخلقت على الدنيا ، ودي تاني مره حد يرفع أيده عليا مره عمي وكانت بسببك ومره انت بس معلش يا أسر الغلط دة غلطى اني مهربتش وخليتك انت تتحمل مسؤوليته الفضيحه لوحدك فأوعي خيالك يصورلك اني علشان معنديش لا أهل ولا شغل ولا بيت هقبل اني اتذل ليك لا مش انا يا أسر ومش هسمحك على الإهانة دي أبداً اول مره في حياتي أحس إني رخيصه اوي كده .
_ وقف أسر مصدوم من كلامها هو مفكرش كده هي بتقول اي .
_ دخلت هاجر غيرت هدمها وخرجت قالت ليه ؛ انا عاوزه امشي من هنا .
_ بص أسر عليها وقال : ساعه وهنتحرك وبالفعل بعد ساعه اتحرك أسر معاها وراح علي شقته فبصتله بمعنى احنا جينا هنا ليه .
_ رد أسر وقال : هنقعد هنا أسبوع وبعدين نرجع الفيلا علشان مش هينفع نرجع دلوقتي .
_ فنزلت هاجر من العربيه من سكات وطلعت اوضه ودخلتها وفضلت قاعده فيها لحد ما الجو ليل فخرجت تشرب ولكن سمعت صوت حد بيتكلم فقربت من مصدر الصوت وسمعت صوت أسر لكن صوته غريب جداً واضح أن في حاجه غلط ففتحت تشوف في اي وقربت منه وكان بيخرف فقربت حطت إيديها على دماغه فكان سخن جداً فخرجت جابت طبق وقماشه وفضلت تعمله كمدات بس بعيد عن الخياطه ولحسن الحظ كانت الخياطه في دماغه من ورا وفضلت معاه تعمله كمدات لحد ما نزلت حرارته فخرجت تعمله اكل وبعد شويه دخلت صحته بالراحه واكلته شربه خضار وكل معلقتين ونام تاني ففضلت جنبه على الكرسي ونامت على الكرسي وبعد ساعه حست بحركه فقامت وكان هو قايم فقالت : انت رايح فين .
_ ولكن لا يوجد رد فقامت وقفت قدامه وقالت : انا بكلمك انت رايح فين .
_ أبعدي عني وزقها بعيد عنه وكمل طريقه ولكن هي جريت تاني عنده وقالت : أسر انت مش كويس انت رجعت سخنت تاني .
_ انا انا زي الفل انا لازم امشي .
_ طب عاوز تروح فين .
_ هروح عند امي وحشتني .
_ وماما اسمها اي .
_ اسمها هاجر .
_ وانا كمان هاجر .
_ لا انا عاوزها هي .
_ طب اي رايك تاخد شاور وننزل نروح ليها .
_ لا انتي لا انا بس اللي هروح ليها .
_ ماشي بس هتروح كده خد شاور وانزل روح .
_ لا هروح كده .
_ لا لازم تروح نضيف وحلو كده علشان ماما تحبك .
_ ماشي ودخل أسر الحمام وهاجر لبسته في دماغه كيس يمنع دخول الميه شعره ودماغه علشان جرحه وقالته : خد شاور وأخرج على طول ماشي وانا بره خرجت وشويه وسمعت صوت هبد في الحمام ففضلت تخبط ولكن مفيش رد ففتحت الباب ودخلت شافته واقع في الأرض فقربت عليه وحاولت توقفه بس هو تقيل جداً ولكن حاولت وهو قام معاها وفتحت الدش ووقفته تحت الدش بهدومه وهو واقف بس مش قادر يقف وكل شويه يميل هيقع فهاجر تلحقه فميل بدماغه على كتفها فقربت منه سند على كتفها واتغرقت معاه وبعد شويه خرجته وقعدته على الكرسي وقلعته الجاكت وقالت ليه : أسر أسر صحصح كده شويه وغير هدومك .
_ لا لا هنام مش قادر .
_ طب معلش غير بس هدومك ونام شويه وهجيلك وبالفعل خرجت تغير هدومها ولبست ترنج بني وسابت شعرها علشان ينشف وخرجت دخلت اوضه أسر وشافته وهو نائم عاري الصدر فقالت : يختي اي اللي انت عامله دة آسر آسر قوم كمل لبس آسر طب قوم معايا شويه وعدلته ولبسته بقيت هدومه وغطته علشان ينام .
_آسر : انا عاوز اروح عند امي .
_ قربت هاجر عليه وقالت : نام انت دلوقتي وانا هقولها تجيلك وجت تمشي مسكها من إيديها وقال : عاوز ماما هاجر .
_ هاجر في نفسها : قلبي زعلان ومجروح اوي منك بس مش قادرة اشوفك كده يا أسر ربنا يهون ويتم شفاك على خير فحاولت تشيل إيديها بس هو قافش فيها فقعدت جنبه على السرير وبمجرد ما قعدت استخبي أسر في حضنها .
_ احم أسر أسر انت بتعمل اي .
_ ماما خليكي جنبي متسبينيش انا حاسس اني تايهه من غيرك .
_ قربت هاجر منه وقالت : شششش نام يا أسر انا جنبك فدفن رأسه في صدرها وحاوط بإيده وسطها ونام براحه وكأنه خايف انها تمشي وتهرب فعامل زي الكماشه عليها وفضلت هي تلعب في شعره لحد ما نامت وهي قاعدة على السرير وسانده ضهرها على السرير لحد ما جه الصبح وفاق أسر من النوم وحس أنه ماسك حاجه جامد وأنه في حاجه على وشه فقام براحه وكان شعر هاجر اللي على وشه وشاله وشاف نفسه وهو في حضنها فقام وعدلها على السرير لان واضح انها تعبانه من النومه دي وغطاها كويس وفضل قاعد جنبها يتأمل ملامحها وافتكر كل اللي حصل إمبارح واد اي هي فعلاً استحملته وقام علشان يمشي .
_ صحيت هاجر وقامت وقفت قدامه وقالت : أستني رايح فين يا أسر .
_ خارج .
_ وبعدين معاك يا أسر مش اتفقنا ان انت هتسمع الكلام علشان ماما هاجر تحبك تعالي اقعد وشدته قعدته على السرير وحطت إيديها على دماغه لقيت حرارته نزلت فإتحرجت وقالت : واضح انك بقيت كويس وجدت تخرج مسكها من دراعها بالراحه وقال : استني ليه عملتي كده .
_ عملت اي .
_ فضلتي جنبي بعد اللي عملته .
_ علشان معرفتش اعمل غير كده يا أسر .
_ هاجر انا آسف انا مكنتش في وعيى انا بس ….
_ قاطعته هاجر وقالت : انت قولت اللي مش قادر تقوله وانت فايق يا أسر بعد اذنك وخرجت دخلت اوضتها ونامت وهو قام لبس ونزل وبقى يرجع بالليل .
_ عدى الأسبوع أسر بيحاول كل يوم يعتذر منها ولكن هي مفيش فايدة بتفضل في اوضتها طول الوقت ومش بتتكلم معاه صوتها وحشه اوي بس مش عارف يعمل اي فقام خبط عليها فمش رديت تفتح الباب فقال من بره : بكره هنرجع الفيلا حضري نفسك ومشي قعد بره فرن عليه ليل .
_ليل : ازيك يا عريس عامل اي .
_ كويس يا خويا .
_ مالك في اي .
_ مفيش .
_ شكل العروسه منكدة عليك صح .
_ هههههههه لماح اوي .
_ تلاقيك فاجأتها يا راجل حد يعمل فرحه من غير ما يقول لعروسته قبلها بشهر حتي دة من جبروتك يا اخي حبستها ومنعت خروجها لا كمان مردتش تقول ليها مكان الفرح .
_ مره واحده قام أسر وقف وقاله : انت بتقول اي عيد الكلام كده .
_ في اي يا عم مالك .
_ اقفل دلوقتي يا ليل .
☆ ————–