رواية ذات الخمار والملتحي الفصل التاسع 9 بقلم أوشين عبدو

الحاج :تشكرى يابنتى بس ابوكى مش مدى حد فرصة يتكلم والسلام عليكم اة حابب اقولك قبل ما أمشي أنه عصام تعبان جدا ومش عصام اللى أعرفه وابوكى السبب وانا مش مسامحه وحتى لو ابوكى وافق انا مش موافق على الزواجة دى .ملك جريت على الأوضة واشتغلت تبكى يارب كل مالها ما تتقفل يارب افرجها من عندك انا مش هارن كالعادة على رقية واحكيلها انا بشكيلك انت وحدك يارب انت عالم بيا من غير ما أتكلم يارب اجعله من نصيبى ونامت على المصلاية .بيت عم عصام وصلهم الأخبار كلها عن الزواجة وأنها اتفشكلت ومش عارفين السبب غير أنه ادهم رفض بسبب أنه الحاج كان مسجون 

هدير :انا فرحانة جدا انها اتفشكلت الزواجة دى يا ماما 

أم هدير ربنا يجعله من نصيبك يا بنتى 

هدير :امين يا ماما 

ودخلت هدير اوضتها وهاتموت من الفرح لأنها قدرت تفشكل الزواجة

هدير وهى فى اوضتها وفرحانة بعملتها قالت أما ارن على البت رشا أخبرها بالجديد 

هدير :الو رشا 

رشا :ايوا يا هدير 

هدير :الزواجة اتفشكلت وانا فرحانة جدا جدا جدا 

رشا :يابنتى انتى مجنونة ومتخيلك يعنى عصام هايزوجك

هدير :ايوا ..بعد اللى عملته مافيش رجعة تانى لملك دى ومستحيل تاخدوا منى انا روحت لباباها وقولتله على عمى كان مسجون ومش قولتله أنه هو برىء من الأساس 

وحضرتها الست هدير بتتكلم مين سمعها اخوها زين وزين دا صديق عصام الصدوق وبيحبه جدا وواخده قدوة ليه 

زين : انتى بتقولى ايه هو انتى السبب 

هدير :اة انا السبب وأنت مالك وابعد كدا عن وشي 

زين :يابنتى انتى ماتعرفيش ربنا ماتخفيش منه انتى ايه يا شيخة بصى تعرفى انتى حرام فيكى الضرب وانا مش هاخسر نفسي و اضربك انا هاقول لابوكى وهو يتصرف معك انتى عديمة الإحساس 

هدير :ابقى قوله كدا وانا مش هاخلى زواجتك تتم من أخت عصام  (عائشة)

زين:طاب ها قوله واللى تقدرى تعمليه اعمليه 

زين راح جرى على بيت ملك وبيرن الجرس 

أدهم :مين 

زين :انا يا عم ادهم زين ابن عم عصام 

ادهم :احنا مش هانخلص من العيلة دى بقى يارب 

وادهم فتح الباب ها يا زين عايز ايه 

انا جاى اقولك بس ياريت تسمعني للآخر أنه اختى هدير خبرتك الكلام ناقص عن عمى ومش قالت لك أنه طلع براءة وأنه زمياله فى الشغل هم السبب ورا كل ما ولفقوا التهمة لعمى وقدمنا تسجيل مرخص للمحكمة باعتراف زمايل عمى فى الشغل وهم اللى حطوا شنطة الفلوس فى عربيته