رواية لقيط الفصل الثاني عشر 12 بقلم أمل رجب

ظهر يوسف مكانه على الأرض وبيعيط زين قربله بسرعه : مالك يا حبيبي مدخلتش الاوضه لى

يوسف بعياط : جسمى كلوا واجعنى ومش عارف اتحرك

زين بقلق : وجعك فين يا حبيبي

يوسف : رجلى وبطنى وراسى مش قادر يا زين

زين : طب قوم معايا

يوسف : مش قادر

زين : قوم معايا يا حبيبي هاخدك المستشفى

يوسف بعياط : مش قادر والله

زين : هساعدك بس قوم يلا يا حبيبي ( زين ساعد يوسف يقوم معاه ونزلوا بعد مرور دقائق وصلوا المستشفى )

الدكتور بصدمه من شكلوا : فى اى ومين اللي عمل فيك كدا دا لازم محضر

زين : كان رايح يجيب النتيجة بتاعته لقيته راجع كدا

الدكتور : اكيد اللى عمل فيه كدا مفيش عنده رحمه ولا قلب ساعده يبنى ينام على السرير ( زين ساعد يوسف أنه ينام وبدأ الدكتور يكشف عليه )

زين : خير يا دكتور

الدكتور : في كسر في رجله

زين : طب الوجع اللى فى بطنه

الدكتور : لا دى شويه كدمات سطحية بس فى ضرس مكسور ( وبص ليوسف ) فى اى وجع فى اى مكان تانى

يوسف بتعب : لا

الدكتور : تمام كدا هو هيتجبس بس يعني مش هيطول والأدوية والكريمات دى للكدمات والوجع والف سلامه عليه ( وبص ليوسف بابتسامة ) ابقى خد بالك من نفسك يا بطل ( بعد شويه كان يوسف اتجبس وخرج مع زين ركبو العربية )

زين : لسه فى وجع يا حبيبي

يوسف بتعب : لما اخد العلاج هبقي كويس 

زين بزعل : الف سلامه عليك يا حبيبي

( يوسف بصله بابتسامه وسكت بعد شويه وصلوا وزين طلع يوسف شقتهم وساعده يغير هدومه ونيمه على السرير وفضل معاه لحد ما نام ونزل عند جدته )

نرمين : كنت فين ويوسف فين 

زين : يوسف نايم فوق 

نرمين : لا يوسف مش فوق هو فين 

زين : والله فوق بس انا طلعت من شويه حسيته تعبان اخدته للدكتور

نرمين : طيب هو عامل اى

زين بحزن : رجله مكسوره واتجبس وفى شوية كدمات في جسمه وبالعلاج هيكون كويس المهم بابا عامل اى

نرمين : كويس بس خايفة ليصمم على رأيه و يوسف معدش يروح المدرسة 

زين : متخافيش هيروح وانا هكلمه بس لما يفوق ويبقى كويس

كاميليا : يارب يشفيهم يارب و يهديك يبنى ( بعد شويه اسلام فاق وبقى كويس )

نرمين : اسلام انت كويس 

اسلام : الحمدلله ( وقام وقف ) 

كاميليا : خليك يبنى هنا انهارده

اسلام : معلش يا امى مش برتاح غير فوق ( وبص لمراته و ابنه ) يلا ( وطلعوا و زين ساعد اسلام يدخل اوضته وسابه وراح اوضته هو كمان )

نرمين بزعل : عجبك اللى انت عملته فى ابنك دا

اسلام بعصبية : نرمين بطلى تفكرينى بدل ما اقومله ولو مسكته الوقت مش هيطلع عليه صبح 

نرمين بخوف : خلاص خلاص تصبح على خير ( اسلام بصلها بنرفزه ونام ونرمين راحت تطمن على ولادها ونامت ) ( تانى يوم الصبح نرمين جهزت الفطار زين ساعد يوسف يطلع من اوضته يفطر معاهم اسلام بص ل يوسف بصدمه وزعل وبص ل زين )

اسلام : النتيجه بتاعتك هتظهر امتا

زين بتوتر : لسه يومين

اسلام : عايز درجات زى الناس سامع 

زين : حاضر أن شاء الله 

( اسلام بصلهم وقام )

نرمين : مش هتفطر 

( اسلام مردش عليها )

نرمين : فطر اخوك يا زين عشان ياخد علاجه يا حبيبي 

زين : حاضر يا ماما ( نرمين بصتله بابتسامة ودخلت لاسلام ) 

عند اسلام وهو فى اوضته 

اسلام فى باله : اى اللى انا عملته دا معقول انا اعمل فى ابنى كدا دانا قاطعت زين عشان زقه غصب عنه رأسه اتفتحت ياترى فيك اى تانى يا حبيبي ( قطع تفكيره نرمين وهى بتحط الاطباق قدامه 

نرمين : شوفت منظره 

اسلام : يستاهل كدا واكتر من كدا

نرمين : اسلام انت مش بتعرف تخبي حاجه عنى حتى لو خبيت عينك فضحاك انا شوفت فى عينك نظره الحزن والزعل عليه بس انت بتكابر 

اسلام بعصبية : انا مش فاضى للكلام دا انا عندي شغل 

نرمين بصدمه : شغل اى وانت تعبان كدا

اسلام : مش تعبان ولا حاجه

نرمين : طب أفطر اول عشان تاخد علاجك 

( اسلام هز رأسه ب طيب وفطر واخد علاجه ونزل )

عند يوسف فى اوضته وباين عليه الحزن والزعل 

زين : مالك يا حبيبي فى حاجه وجعاك

يوسف بدموع : هو انا بجد معدش هروح المدرسة

زين بضحكه : لا طبعا مين قالك كدا 

يوسف : بابا وهو لما بيقول حاجه بتتتفذ 

زين اخده فى حضنه بضحكه : لا هتروح وانا هكلمه وبعدين دانت الصغير واخر العنقود وبابا بيحبك اكتر حد فى الدنيا كلمها ويمكن اكتر منى كمان يعنى مش هيزعلك ومش هيرفضلك طلب 

يوسف بعياط : مهو بيحبك بردو لانك اول العنقود واكتر منى كمان لانه عمره ما ضربك كدا

زين بضحكه:هاخدها يا اخويا بعد يومين متقلقش 

نرمين دخلت عليهم بضحكه : اى التفائل دا يا زين

زين : والله يا ماما مرعوب ربنا يستر بقى 

نرمين : أن شاء الله هتجيب احسن من السنه اللى فاتت ( وبصت ليوسف بزعل وحزن ) وانت عجبك اللى حصلك دا دى منظر درجات دانا مكنتش بشوفك فى البيت من كتر الدروس 

يوسف بحزن : والله يا ماما الامتحانات كانت صعبه اوى 

نرمين بعصبية : صعبه ولا سهله مش دى الحاجات اللى كنت بتاخدها فى الدروس واللى كنت بتزاكرها 

زين : براحه يا ماما فى اى وبعدين كفايه الضرب اللى اخده امبارح

نرمين بزعل : مهو دا اللى واجعنى وواجع ابوك اوى 

يوسف بدموع : انا اسف يا ماما

نرمين اخدته فى حضنها بزعل : خلاص يا حبيبي ارتاح الوقت ( وسابته وخرجت 

بعد يومين عند زين وهو خارج وكان رايح يجيب النتيجة )

اسلام : ها يا زين رايح تجيب النتيجه

زين بقلق : اه يا بابا أن شاء الله

اسلام بابتسامة : أن شاء الله يا حبيبي أو ما تجبها طمنى يا حبيبي

زين : حاضر يا بابا عن ازنك

اسلام : اتفضل وخد بالك من الطريق وسوق براحه 

زين : حاضر يا بابا سلام

اسلام بابتسامه : مع السلامه يا حبيبي ( ومشى )

نرمين بقلق : اسلام لو جاب ايٱ كان مجموعه اى اتحكم فى عصبيتك شويه

اسلام : انا متفائل ب زين وان شاء الله هيجيب تقدير كويس انا نازل بقى يا حبيبتي عايزه حاجه

نرمين بابتسامة : سلامتك يا حبيبي خد بالك من نفسك

اسلام بابتسامة : وانتى كمان ( ونزل ) 

عند زين ظهر فى كليته ومعاه جاسر و احمد

احمد : يبنى اهدا بقى مش كدا

زين بخوف : اهدا اى دا انا نيلت الدنيا السنه اللى فاتت واخدنى فى حضنه وقالى عوضها السنه الجايه

جاسر : خلاص السنه دى هياخدك فى حضنه بردو ويقولك عوضها السنه الجايه

زين بقلق : دا انت مشوفتش يوسف اخويا اتعمل فيه اى دا انا شلته من أيده بالعافيه 

جاسر : والله هتجيب تقدير حلو 

احمد : الحمدلله ابويا مالوش دعوه حاسس انى. لو مت هيعرف صدفه 

زين : لا لا اكيد ابوك بيحبك 

جاسر : الحمدلله ابويا وامى واخواتى مسافرين

احمد : ومروحتش معاهم لى يا اخويا 

جاسر : روحت بس محبتش هناك فضلت ازن عليهم عشان انزل تانى 

زين قام وقف : طب يلا عشان النتيجة زمانها طلعت يلا يا اخويا منك ليه ( بعد مرور بعض الوقت عرفوا النتيجة ) 

عند اسلام بقلق : هو أتأخر لى كدا 

نرمين بخوف : ما يمكن يكون جاب مجموع مش حلو 

اسلام : هيبقى دا اخر يوم فى عمره هو واللى نايم جوا 

نرمين بقلق : طب ادخل ارتاح على ما يجى 

اسلام بعصبية : انتى عايزه توزعينى وخلاص ( وسابها ودخل اوضته ) 

نرمين : يا ترى انت فين يبنى يارب طمنى عليه ( عند اسلام وباين عليه الخوف والقلق )

اسلام فى باله : يا ترى انت فين يبنى معقول كل دا بتجيب النتيجه طب حتى لو جبت مجموع مش حلو تعالى بردو طمنى عليك وبص فى ساعته يارب يرجع بقى ( بعد مرور نصف ساعة الباب اتفتح ) 

نرمين بسرعه وراحت عليه : عملت اى يا حبيبي وكل دا كنت فين اتأخرت لى

زين : اهدى يا ماما وهقولك كل حاجه بس بابا فين 

نرمين : فى اوضته مستنيك 

زين مسك أيدها متجه الى غرفت اسلام خبط ودخل بعد ما اسلام اذنله 

اسلام : كنت فين ولى اتأخرت ها

زين : والله يا بابا العربية عملت حادثه وانا جاى 

اسلام بصدمه : حادثه اى وحصلك اى يا حبيبي انت كويس فيك حاجه

زين : انا كويس والله بس 

اسلام قرب منه و تفحص وجهه وجسمه بالكامل : طب حاسس بوجع تعالى نروح للدكتور

زين بحزن : انا كويس بس العربية ادمرت خالص 

نرمين : فداك ميت عربيه المهم انك كويس 

زين : الحمدلله يا ماما

اسلام : طب عملت الحادثة دى ازاى 

زين : كنت ماشي و الطريق كان فاضي فجأة طلع قدامى راجل كبير حاولت افرمل قمت داخل فى شجره 

اسلام : الحمدلله انها اجت على قد كدا يا حبيبي ها عملت اى فى النتيجه ( زين بصله بتوتر و خوف وسكت …. )