Uncategorized
رواية العشق لا يعرف وطن الفصل التاسع والعشرون 29 بقلم أية إنسان
رواية العشق لا يعرف وطن الفصل التاسع والعشرون 29 بقلم أية إنسان
 |
| رواية العشق لا يعرف وطن الفصل التاسع والعشرون 29 بقلم أية إنسان |
رواية العشق لا يعرف وطن الفصل التاسع والعشرون 29 بقلم أية إنسان
_ قعد أسر يفكر مع نفسه وعاد جمله ليل مره واتنين وتلاته فقال : انا فعلا مقولتش لهاجر على مكان الفرح يبقى ازاي هي قالت لإياد ومن أول ما جت هنا والفون بتاعها واقع في البسين واصلاً مخرجتش من البيت طول الوقت انا اي اللي عملته دة بس يا ربي وبعدين نزل يلف بالعربيه مضايق من نفسه اوي .
☆ ————— بقلم الكاتبة/ آية إنسان ————–☆
فون أسماء بيرن :
_اسماء : الو .
_ليل : جميل اوي موضوع كنت أستطيع ، حلو انك بتتكلمي عني .
_ انت جبت الرقم منين .
_ بتتكلمي عني ليه .
_ دة مش رد على سؤالي .
_ صح دة مش رد على سؤالي .
_ ليل .
_ اسماء .
_ ابتسمت اسماء على عقل ذلك المجنون .
_ هتفضلي تضحكي لوحدك .
_ لا أبداً مش بضحك .
_ كذابه اوي .
_ احترم نفسك .
_ انا محترم .
_ طيب يا محترم جبت رقمي منين .
_ يا بنتي هو أنا اي حد دة انا ليل الهواري يا بنتي .
_ ربع ثقتك يا اخي .
_ ههههه بجد عجبني الفيلم القصير اللي عملتيه بغض النظر انك بتشهري بيا بس عادي .
_ تؤ تؤ أنا مش بشهر بيك انا اتكلمت عن الناس اللي بترمي حجتها على الدنيا والظروف .
_ يا عاقل انت .
_ طول عمري يا ابني .
_ اه ما انا واخد بالي بأماره انك كسرتي ازاز العربيه بتاعتي .
_ احم ليه السيرة دي ثم متبقاش قفوش كده و….. لحظه لحظه انت ازاي يا محترم تقول انك زميلي وكمان تشيلني بتاع اي انت مجنون .
_ طايب يا أسماء مبسوط اني اطمنت عليكي سلاموا عليكوا .
_ هههههه جبان .
☆ ————- بقلم الكاتبة/ آية إنسان —————☆
_ دخل مصطفي شقته وهو عامل دماغ عاليه وكانت ميرا قاعده مستنياه ولكن شكلها مهلك وتعبان وقالت : انا عاوزه البرشامه .
_ تؤ تؤ تؤ مفيش .
_ اخلص يا مصطفي انا مش قادره .
_ هههههه تستاهلي يا بيبي .
_ رفعت ميرا السكينه في وشه وقالت : هقتلك يا مصطفي صدقني هقتلك .
_ سيبي يا شاطره اللعبه دي من ايدك .
_ يبقى انت اللي اخترت وضربته بالسكينه في بطنه وقع على الأرض فخدت مفاتيح الخزنه وفتحتها وخدت كل البرشام منها ومشيت من البيت .
☆ —————- بقلم الكاتبة/ آية إنسان—————☆
_ جاء الصباح وطلع أسر خبط على هاجر وفتحت وكانت جهزت شنطتها .
_آسر : هتفضلي كده لحد امتى يا هاجر .
_ سابته ومشيت خطوتين فمسك إيديها وقال : حقك عليا .
_ بصت ليه نظرة عتاب وشالت إيده من على إيديها ونزلت ركبت في العربيه من ورا وهو ركب وطلع على الفيلا وبعد شويه وصلوا ونزلوا مع بعض فدخلت وكان أكمل قاعد فجريت سلمت عليه وقالت : عامل اي يا بابا .
_أكمل : بخير مادام شوفتك انتي عامله اي اتبسطي في السفر .
_ اوي اوي يا بابا اول مرة اتبسط كده في حياتي الخير والبركة في ابنك بقى .
_ في الوقت دة دخل أسر وقال : ازيك يا بابا .
_أكمل : لو كنت جيت من دقيقه كنت سمعت المدام وهي بتشكر فيك وفي الرحلة .
_ اكتفي أسر بالإبتسام وقال : عمرها ما قالت حاجه وحشه في حقي .
_ لا لا انا اغير كده .
_ ضحكت هاجر وبعدين قالت : بس قولي اي الحلاوة دي يا بابا .
_ انا بردو اللي حلو ولا انتي يا بكاشه .
_ انا بكاشه دة ظلم .
_ طلب اطلعوا أرتاحوا من السفر في اوضتكم فوق وصحيح يا هاجر انا غيرت الديكور يا رب يعجبك وطلبت من دادة ندي تنقل كل هدمك لأوضه أسر .
_ نعم ليه يا بابا عملت كده .
_ الله مش جوزك وهتقعدوا مع بعض في نفس الاوضه فنقلنا حاجتك فيها .
_ ابتسم أسر بخبث وقرب منها حضنها قدام أبوه وقال : دة شئ طبيعي يا جوجو لازم حاجتك تكون جنب حاجتي .
_ هاجر واقفه محروجه جداً ومضايقه جداً فقالت بصوت هامس : ابعد عني بتعمل اي .
_ رد أكمل : خلاص ابعد عن البت هتموت من الإحراج يا قليل الادب عيب .
_ الله هو انا بعمل حاجه عيب دة انا جوزها حتي .
_أكمل : يا سلام جتك نيله أطلع أطلع على فوق يا خويا .
_ طب بعد اذنك يا بوب بقى وشال هاجر وطلع بيها على فوق وهي هتموت من الإحراج .
_هاجر : أسر انت بتعمل اي ابعد عني .
_ دخل أسر بيها الاوضه ونزلها وهي نزلت وضربته في صدره جامد وقالت : انت قليل الادب ورجعت ضربته تاني وقالت : ومش محترم ، وضربته تالت : وانا مش عاوزه اشوف وشك تاني ، وضربته رابع : ومش هقعد معاك في مكان واحد ، فشدها ليه ولزقها في الحيطه وقال : مهو مش هنخرج من هنا إلا لما نصفي كل الحسابات انا عارف اني غلطان حقك عليا .
_ ابعد عني .
_ مش هبعد غير لما تسامحيني .
_ وانا مش هسامحك أبداً يا أسر ومش هنسى اللي عملته .
_ انا مش هقولك اني مش غلطان عاقبيني بأي حاجه إلا أنك متتكلميش معايا هاجر انا بقالي أسبوع بحاول اصالحك انتي زعلك وحش ليه كده .
_ أبعد عني لو سمحت يا أسر .
_ قد كده مش طايقه قربي منك .
_ علشان قربك دة مش بيجيب غير الوجع حرام عليك عملت فيك اي علشان تحاول انك …. وعيونها اتملت دموع وبتحاول تهرب من نظراته .
_ انا عارف أن اللي عملته كله غلط انا معترف حقك على قلبي اللي زعلك انا أسف انا مكنتش في وعيى ثم انتي قومتي بالواجب وحط أيده على دماغه وقال : كده تفتحي دماغي .
_ مكنش في إيدي حل تاني .
_ طب خلاص بقى يا هاجر علشان خاطري .
_ انا كمان قولتلك علشان خاطري بس مسمعتش كلامي .
_ يا هاجر بلاش عقابك يكون قاسى كده انا معتذرتش في حياتي .
_ طب ابعد عني بعد أذنك ممكن .
_ يعني مفيش فايده .
_ سكتت هاجر ولفت وشها الناحيه التانيه فسابها أسر ونزل.
☆ ————— بقلم الكاتبة/ آية إنسان —————☆
في المستشفي :
_ دخلت جيسيكا عند مصطفى اللي نايم وقالت : الف سلامه عليك يا بوب مش تخلي بالك القطه طلع ليها ضوافر وبقت تخربش .
_ وحياه امي لأخليها تبكي بدل الدموع دم بس لما أخرج من هنا .
_ هههههه شد حيلك انت بس انا لما كلمتني ألحقك وجيت شوفت الدم قولت انك هتموت بس عمر الشقي بقي يا بوب .
_ شكراً يا حبيبتي اردهالك في حياتك يا رب .
_ بعينك يا بوب .
☆ ————— بقلم الكاتبة/ آية إنسان —————☆
_ نزل ليل ورن على أسر وراح يقابله في كافيه وفضلوا يتكلموا كتير .
_ ليل : وناوي تنزل شغل فين يا أسر .
_آسر : جالي شغل من مستشفي كبيره هنا ومستنين الرد .
_ طب ما ترد دي فرصه العمر مش هتتكرر.
_ اه هرد بس كنت عاوز استني شويه .
_ ليه .
_ عادي بفكر .
_ يا أسر .
_ يا ليل .
_ ههههه ماشي ماشي يا دكتور .
_ لا خليك انا اللي ماشي .
_ ربنا يهنيك يا عم سلام .
☆ ————— بقلم الكاتبة/ آية إنسان —————☆
في فيلا السمري :
_ دخل أسر الفيلا وكانت هاجر بتاكل مع أكمل على السفره .
_ آسر : خيانه كده مش تستنوني .
_أكمل : تعالى يا حبيبي هي أصلاً مش بتاكل بس قاعده بتاخد بحسى وانا شبعت الحمد لله هطلع انام بقى تصبحوا على خير .
_ قعد أسر جنبها وقال : كنتي مستنياني ؟ .
_ وهستناك ليه بقى .
_ طب ينفع نتكلم شويه .
_ لا .
_ ليه بس دة انا محتاج اتكلم معاكي في موضوع ضروري .
_ بخصوص اي .
_ ينفع ناكل لأني جعان وتعملي فنجان قهوه من إيدك الحلوه ونتكلم بره .
_ سكتت هاجر وكلت بهدوء وقامت دخلت المطبخ عملت قهوه وخرجت للجنينه وكان أسر واقف بره .
_هاجر : إتفضل .
_ تسلم أيدك .
_ عاوز تتكلم في اي .
_ انتي لسه زعلانه مني .
_ لو دة موضوعك يبقى تصبح على خير وجت تقوم مسك إيديها وقال : قلبك أبيض بقى خلاص يا رمضان .
_ غصب عنها إبتسمت وقالت : عاوز اي .
_ عاوزك تسامحيني .
_ صدقني يا أسر لو فكرت في يوم ترفع أيدك عليا هتزعل أوي صدقني .
_ انتي بتهدديني .
_ لا مش بهددك انا بعرفك بس مش أكتر .
_ قرب أسر عليها وقال : هتعملي اي بقى .
_ وبعدين معاك بقى يا أسر ابعد كده شويه .
_ هاجر هو انتي بتخافي مني .
_ اي السؤال الغريب دة.
_ يعني لو بتخافي انك تكوني معايا في مكان عرفيني .
_ لا مش خايفه منك بس ….
_ بس اي ؟ كمليها …..مش واثقه فيا صح .
_ بصراحه بعد اللي حصل انت بإيدك اللى كسرت الثقه بينا وانا لو بتكلم معاك دلوقتي مش علشان سامحتك أو اني مش زعلانه لأ قلبي مش ريمود أول ما أقوله انسى هينسى فغصب عني .
_ وانا هعرف اخليكي تسامحيني ازاي بس وسعي إيدك كده من على حجرك .
_ أحطها فين على دماغي ولا اقطعهم .
_ لا هقولك انا .. و قعد جنبها على الكنبه وحط رأسه على رجليها وحط أيديها على دماغها .
_ أسر انت بتعمل اي قوم .
_ بس بقى .
_ هو اي اللي بس بقى أتلم وقوم .
_ اسكتي بقى خليني احكي الموضوع المهم .
_ أنجز .
_ بصي يا ستي انا فيه مستشفى هنا من اكبر المستشفيات في مصر عارضه عليا انزل اشتغل فيها .
_ حلو ما تنزل .
_ اصل بصراحه .
_ امممم .
_ لا خلاص مفيش حاجه .
_ اتكلمت هاجر بصوت حنون : احكيلي وانا هسمعك .
_ خايف .
_ من اي .
_ اتنهد أسر وقال : المستشفى دي أنا كنت بتعالج فيها من سنه ونص تقريباً فضلت أتعالج ست شهور بس انا مش مجنون .
_ مين قال انك مجنون مش كل اللي بيدخلوا مستشفي الامراض العقليه بيكونوا مجانين اوقات كتير بيكونوا اعقل من الناس اللي بره علشان كده دخلوا المستشفى ، ثم الأمراض دي زيها زي اي مرض في العالم انت مش لما بتتعب بتروح مستشفى ويمكن تتحجز لحد ما تخف وانت تعبت شويه ودلوقتي خفيت .
_ كلامك حلو اوي يا هاجر .
_ علشان كلام حقيقي .
_ يعني اقبل .
_ انت مستني رأيي علشان تقبل .
_ لا مش اقصد بس حبيت اخد رأيك لو اتضايقتي خلاص .
_ على فكره دي مش حاجه تقلل منك انك لما تعوز تاخد رأئي في حاجه أنت مش بتلغي رأيك أو هتعمل برأيي انت هتعمل اللي انت عاوزه بس بنتناقش .
_ معاكي حق .
_ لو عاوز رأيي متوافقش .
_ ليه مش انتي في الأول قولتي اقبل .
_ قبل ما تحكيلي اللي حكيته .
_ ودة هيفرق في حاجه .
_ أكيد .
_ ازاي .
_ لو انت عملت اي خطأ سواء مقصود أو لا هيفكروك انك انت السبب وأنه خطأ ناتج من خلل في مخك ودة مش حقيقي لان كلنا بشر والغلط وارد جداً ولأن البشر مش كلهم بيستروا وينسوا ممكن يقللوا منك وانت مش قليل خليهم هما اللي يجروا وراك ويحاولوا يشتغلوا معاك .
_ ودة إزاي .
_ هو انت مفكرتش تفتح مستشفي لنفسك .
_ بس دة محتاج وقت كبير عقبال ما تخلص .
_ واي يعني بس هتكون حاجه بتاعتك وتقدر تساعد فيها الناس وانت تختار كل حاجه على ذوقك مادام تقدر تعمل كده .
_ طب وهفضل من غير شغل لحد ما تخلص المستشفى .
_ لو عاوز تنزل المستشفى دي لحد ما المستشفى بتاعتك تخلص أعمل كده بس متقولش لحد دلوقتي انك هتعمل كده .
_ اشمعنا .
_ مش عارفه بس خليها مفاجأه .
_ خلاص هرد عليهم واقول ليهم موافق .
_ هما كلموك امتى .
_ امبارح .
_ رد عليهم بكره .
_ اشمعنا .
_ يعني خليك تقيل حبه كده علشان محدش يقول ما صدق .
_ ههههه بتخاف على مظهري انت يا رمضان .
_ لا عادى انت قولت تاخد رأيي وانا قولت عادي عاوز تعمل بيه عادي مش عاوز انت حر .
_ شكراً على النصيحه يا رمضان .
_ آسر .
_ عيوني .
_ اخرتها أي .
_ يعني اي مش فاهم .
_ هنفضل كده لحد أمتى .
_ مستعجلة انك تسيبينى ليه يا هاجر .
_ أسر متفسرش كلامي على كيفك انا مش بتكلم على كده .
_ عاوزاني أفسر كلامك ازاي يعني .
_ أسر انا بتكلم عن نفسي انا هفضل كده لحد أمتي انا عاوزه اشوف شغلي حالي دنيتي اللي واقفه .
_ هو أنتي طلبتي حاجه وانا قولتلك لأ .
_ أسر أفهمني انت ليه مش حاسس بيا انا مش بتاعه قعاد بيت انا بحب اروح واجي اسافر وارجع مش هفضل كده القعدة في البيت بتخنقني .
_ انتي عاوزه تسافري وتروحي وتيجي كده عادي يا هاجر .
_ انا مش هسافر طول ما أنا معاكم هنا لكن مش هفضل في البيت .
_ خلاص استني اكلملك حد من رئساء اي جريده وتنزلي فيها .
_ لا يا أسر انا مش هشتغل بواسطه من حد انا هنزل ادور على شغل زي اي حد .
_ بس انتي مش اي حد انتي هاجر السمري .
_ انا هاجر يا أسر ولو شغلي هيجي مجامله ليك مش عاوزاه .
_ يا بنتي انتي ليه مصممه تتعبي نفسك .
_ انا مشتكتش ليك .
_ بس أنا مش موافق على كده .
_ أسر لو سمحت انا بكلمك بكل هدوء بلاش تمنعني من حاجه بحبها .
_ اتنهد أسر وقال : ماشي يا هاجر اللي يريحك .
_ ماشي .
_ خدي الفون دة.
_ اعمل بيه اي .
_ العبي بيه ، هو اي اللي هعمل بيه اي رجعت ليكي خطك وسجلت رقمي وحطيت صورتي عليه اي خدمه يا رمضان .
_ لا يا شيخ .
_ اه والله علشان كل لما أوحشك تلاقيني في وشك .
_ لا مش هتوحشني ريح نفسك .
_ اخس على الصحاب ولكن مره واحده اتعدل وقرب منها وقال : هاجر هو أنا لما ضربتك القلم كان جامد .
_ إرتسمت ملامح الحزن على وشها وقالت : تصبح على خير وقبل ما تطلع مسك إيديها وقام طبع قبله رقيقه على خدها وقال : آسف .
_ وقفت هاجر متجمدة في مكانها ووشها كله قلب احمر من شده الخجل .
_آسر : رمضان انت متنح كده ليه .
_ انت انت قليل الأدب انا أصلاً مش هنام معاك في أوضه واحده لا انا هنام في الجنينه احسن .
_ طايب بسم الله وقرب شالها .
_ أسر أسر هصوت وهلم عليك الناس نزلني نزلني .
_ هتسكتي ولا أسكتك انا .
_ طب نزلني اااااسر .
_ طب متزعليش بقى من اللي هعمله فوق .
_ سكتت هاجر وهو طلع بيها على الاوضه وحطها بالراحه على السرير وراح قفل الباب بالمفتاح .
_ إبتلعت هاجر ريقها وقالت : أسر انت هتعمل اي وفضلت ترجع لورا .
_ هعمل اللي عملته وانا مش في وعيي يا هاجر .
☆ ————–