رواية قصة حور الفصل الاول 1 بقلم أحمد سليم

 رواية قصة حور الفصل الاول 1 بقلم أحمد سليم

حور دي بنت جوزي امها توفت يوم الولاده بتعتها حور بنت ٧شهور انا كنت زي امها ويمكن اكتر شويه حور دلوقتي عندها ١٥سنه تحس انها ملاك نازل من السماء سبحان الخالق فيما أبدع جمال مش طبيعي بس عندها شويه مشاكل غير طبيعيه حور لا بتسمع ولا بتشوف ولا بتتكلم يعني من فئة الصم والبكم والعمي ربنا يتولاها برحمته انا عمري ما قصرت معها في اي حاجه كنت زي امها واكتر والله في يوم من الأيام كنت عند وحده صحبتي بزورها في بيتها وصحبتي مقتنعه بالسحر والشعوزه والأعمال والاتر والحاجات دي بس هيا بتبالغ شويه وديما عندها ستات من الي بيشوفوا الودع ويقرئوا الفنجان والكف ديما كانت تقولي تعالي خليني اشوف الودع بتاعك قلها حرام عليكي دي تخريف و كذب المنجمون ولو صدقوا  المهم قعدت تتحايل عليا لحد ما وفقت انها تشوف ليا الودع الست الي كانت عندها في البيت ست كبيره في السن وشها مكرمش وشكلها يخوف تقريبا بدويه فردت الرمل علي منديل قماش مع شويه حجاره ومعاها عود في ادها بتقلب بيه الرمل وترسم عليه وهيا بتقلب الرمل قالت ليا انتي عندك ثلاث اولاد صبيان قلتلها ايوا صح وعندك بنت مش بنتك قلتلها صح  قالت هيحصل مشكله في البيت هتهز كيان البيت والبيت هيتخرب لو محلتوش المشكله دي بالعقل وقفلت المنديل بالرمل ومشيت انا مدتش للكلام بتعها اهتمام وقلت اهو تخريف متجمين عشان يخدوا فلوس وخلاص وبعد شهر تقريبا حور بنت جوزي تعبت جامد جدا ترجيع ودوخه اخدتها للدكتور يكشف عليها كشف عليها بالسونار الدكتور قال الف مبروك المدام حامل القصه للكاتب احمد سليم حامل ازاي يا دكتور قال انا عارف انتي بتسأليني انا روحوا شوفوا انتوا عملتوا ايه في المسكينه دي ايه ولا سبتوها عند مين ولا حصل ازاي وقام طردني من العياده