رواية حبيبتي المتهورة الفصل الرابع 4 بقلم هنا أحمد

بوسى:خليكى انتى يا ماما انا هفتح لو لقيته هو ههزقه

مامتها:بس يا بت عيب دا هيبقى خطيبك وبعدين انا اللى هفتح

بوسى:لا لا انا اللى هفتح هه وراحت وبعدين بتفتح لقيته محمد اتصدمت من كتر الصدمه قفلت فى وشه تانى لحد ما استوعبت انه هو وفتحت وقالتله:انت اهب*ل يابنى جاى لحد هنا ازاى تيجى من غير ما تقولى

محمد:يعنى ينفع انتى تيجى بيتى من غير ما تقولى ووحش ليا وبعدين وحشتينى قولت اجى اشوفك واشوف حماتو

مامتها من جوه:مين يا بوسى

بوسى:دا الزبال يا ماما

محمد بيبرق وبيقولها:الزبال يا حي*وانه دانا هنفخك

بوسى:لا لا والله ما قصدى بس حصل مشكله ومش هينفع اقولك دلوقتى روح دلوقتى وهقولك بعدين

مامتها كانت لسه هتيجى فهى قفلت

مامتها:ايه يا بنتى كل ده ما خلاص قوليله مفيش زباله واقفلى فى ايه

بوسى بتوتر:يا ماما لا بس بس اه كنت بقوله ممكن يبقى يجى بعد كدا عشان لو فيه زباله بعد كدا ياخدها معاه

مامتها:ماشى تعالى بقا نكمل موضوعنا

بوسى:موضوع ايه يا ماما هو اتقفل من قبل ما يبدأ

مامتها:بت اسمعى الكلام وتعالى

بوسى:اهو جيت

مامتها:مش عايزه أدهم ليه بقا قوليلى سبب مقنع

بوسى:بنى ادم لزج ورخم اوى وانا اصلا بحب واحد تانى هه

مامتها:واحد مين ده يا حيوانه وتعرفيه منين واسمه ايه انطقى

بوسى:فيه ايه يا ماما ما بوراحه شويه هقولك يا ستى وحكتلها اللى حصل واللى عملته وجريت

مامتها قامت تجرى وراها وقالتلها:يالهوى دى تربيتى انتى بتهزرى يا بت صح لا لا مجنونه وتعمليها ان مسكتك لهوريكى اطلعى يا بت هنا

بوسى من جوه الاوضه وقافله على نفسها فتحت طلعت راسها وقالت لو مش عاجبك طلقنى ودخلت بسرعه

مامتها:وكمان بتهزرى يا حي*وانه هى دى تربيتى ليكى انتى اتجننتى اطلعى فورا انا مبهزرش طب استنى هتصل على أدهم

طلعت بوسى فورا وقالتلها:ماما لاااااا دا مجنون والنبى اوعى تقوليله خلاص جيت اهو

مسكتها ضربتها بالشبشب اللى فى ايدها وقالتلها:انتى ازاى تعملى كدا انتى تعرفيه كويس اصلا وتروحى من غير ما تقوليلى طب ايه رأيك انك هتتجوزى ابن عمك ودا اخر كلام

بوسى:ماما والنبى لا عشان خاطري هفهمك محمد طيب والله وبيحبنى وانا بحبه اوى وفجأه……..

يتبع…