رواية حبيبتي المتهورة الفصل الخامس 5 بقلم هنا أحمد

بوسى:ماما والنبى لا عشان خاطري هفهمك محمد طيب والله وبيحبنى وانا بحبه اوى وفجأه لقت اللى قدامها واتوترت اوى وسكتت وقالت:أدهم!! وبلعت ريقها
مامتها بتوتر:أدهم يابنى جيت امتى وبعدين ازاى متخبطش قبل ما تدخل يابنى افرض البت قاعده براحتها تدخل كدا
أدهم لسه على وضعه وببرود:براحتى اعمل اللى انا عايزه مش انتى ولا بنتك اللى هتقولولى اعمل ايه وبعدين انتى عارفه انى معايا مفتاح يعنى هتسمعى وهتعرفى مين بيفتح ولا فيه حد تانى ممكن يجى غيرى يااا مرات عمى وبيبص على بوسى
بوسى بتوتر:حد حد مين لا محدش بيجى غير غيرك انت بس وعن إذنك يا ماما هروح ارتاح شويه
أدهم بعصبيه:تعالى هنا يا بت انتى انا لسه مخلصتش كلامى انتى مخبيه ايه وبكل صراحه كدا
مرات عمه:هتخبى ايه يعنى يابنى مفيش حاجه هى بس مرهقه شويه وابتسمت
ادهم:هو انتوا مفكرنى مش عارف اللى بيحصل من ورايا ولا ايه ولا نايم على ودانى انطقى كنتى بتقولى ايه قبل ما اجى واتزفتى سكتى
بوسى فى سرها دا طلع نايم على ودانه ونايم فى العسل الحمدلله يارب مسمعش حاجه وقالتله:كنت بقول انى مش هتجوزك يا أدهم لو اخر راجل فى العالم انت فاهم

أدهم ببرود:كلامك دا تحطيه فى الباسكيت اللى جمبك ده ولا ليه اى لازمه زيك بالظبط
بوسى بغضب وعصبيه:انت ازاى تقولى كدا ولما انا ماليش اى لازمه عايزنى ليه وبعدين ايه البرود بتاعك ده هو انت معندكش دم بقولك مش بحبك مش بحبك خلصنا كانت ماشيه مسكها من ايدها جامد وقالها:لسانك يتلم والا والله هندمك وانا عارف ازاى هندمك كويس اوى واخليكى تيجى انتى اللى تقوليلى انك عايزه تتجوزينى
بوسى بتريقه:لا يا راجل ايه الثقه دى تؤ تؤ يا عينى ميعرفش مين بوسى يلا يا شاطر من هنا بقا عايزين ننام
أدهم:طب تمام اوى اصبرى عليا محضرلك مفاجأه حلوه اوى انتظريني ومشى
بوسى بخوف :يالهوى يالهوى كان لازم اعمل فيها بسبع رجاله ربنا يستر دا متخ*لف لا وواثق فيا يا ترى هيعمل ايه
عند محمد
محمد بعت مسدج لبوسى بيقولها:انا هوريكى على انك تقفلى الباب فى وشى وان كنتى انتى متهوره انا متهور اكتر منك اصبرى عليا
بوسى ردت وقالتله:معلش والله كان فيه حاجه حصلت ومعرفتش اقولك وبطل جنان بقا ومتعملش حاجه مجنونه عشان خاطرى
محمد:انتى لسه شوفتى جنان اتقلى وقفل نت خالص
بوسى بتوتر:يا محمد محمد محمااااااااد
بوسى بتفكير:يالهوى بقا هعمل ايه الاقيها من ده ولا من ده ربنا يستر