Uncategorized

رواية عشق مخيف الحلقة الثامنة 8 الجزء 2 بقلم ندى

رواية عشق مخيف الحلقة الثامنة 8 الجزء 2 بقلم ندى 

رواية عشق مخيف الحلقة الثامنة 8 الجزء 2 بقلم ندى 

رواية عشق مخيف الحلقة الثامنة 8 الجزء 2 بقلم ندى 

الدكتور خرج بعد فحص حسام : انا اسف بس الحالة صعبة شوية

فهد بقلق : صعبة ازاي 

الدكتور : كان هيصيبه جلطة بس ربنا ستر ، محتاج راحة ويبعد عن اي ضغوطات او عصبية الفترة دي 

بيجاد : طب ممكن ندخله 

الدكتور : هو نايم دلوقتي.. بس عادي ادخلوا اي وقت طبعا 

بيجاد : تمام شكرا يا دكتور 

فهد دموعه نزلت .. بيجاد حضنه : بس .. كل حاجة خير من عند ربنا .. اهدي كدة 

سلمي قربت منهم بسرعة بعد ما عرفت بتعب حسام جرت للمستشفي : حسام فين 

بيجاد : جوة .. هو كويس متقلقيش 

سلمي قربت من فهد : حبيبي بتعيط ليه طيب .. هو حسام فيه حاجة.. انا هدخل اشوفها 

دخلت سلمي قعدت جانبه بقلق ودموعها نزلت  : حسام حبيبي ..ايه اللي حصل بس .. اوعي تسيبني يا حسام .. بلاش تقلقني عليك .. قوم بقي .. يارب يخف يارب ويبقي كويس 

وطت باست ايديه بحنية وبعدها خرجت بسرعة ل فهد : فهد هو ايه اللي حصل بالظبط

فهد بتوتر : مفيش ده شغل عادي 

سلمي : هتكدب عليا يا فهد .. 

فهد : صدقيني مفيش لما نحل القضية دي ونشوف كل حاجة صح ولا غلط وبعدها هقولك 

سلمي : هو هيبقي كويس صح 

فهد : ماما متقلقيش .. هي عمتو دخلت العملية ولا لسه 

سلمي : ايوة دخلت من شوية ، الحمدلله انها معرفتش اي حاجة عن حسام .. كان زمانها اجلتها 

فهد : خير بإذن الله …متخافيش .. خليكي هنا مع بابا وانا هاروح الشغل ضروري وهخلص واجي 

سلمي : طيب ربنا معاك يارب 

بيجاد : يلا يا فهد

فهد : يلا 

———–

يوم التلات 

فهد دخل شقة ابوه .. كان حسام قاعد في البلكونة 

فهد قرب منها وحضنه : عامل ايه يا بطل 

حسام بحزن : عرفت حاجة يا فهد 

فهد : بابا الموضوع ده شكله غلط .. انا فكرت كويس وحاسس فيه حاجة غلط .. ازاي هتبقي عايشة لحد دلوقتي .. ماما الله يرحمها ، انا عمري ما هقدر استوعب عكس كدة 

حسام : بس الصورة بتثبت انها هي .. دي شكلها .. نفس ملامحها 

فهد : بابا لازم نتأكد الاول وبعدها نشوف …عشان بجد مش هستحمل انك تتعب كدة تاني 

حسام : ولو نهي كل ده عايشة ..متخيل ان امك تكون عايشة كل ده .. .هستني ايه .. لازم تلاقيها 

سلمي دخلت وبصت ل حسام بصدمة ودهشة : عايشة 

حسام اتوتر : سلمي 

سلمي بحزن : انتوا خبيتوا عليا .. انت بالذات خبيت عني .. هي فعلا مراتك عايشة ..

فهد : ماما احنا لسه متأكدناش 

سلمي بحزن : ولما تتأكدوا هتعلموا ايه ياتري .. همشي انا مش كدة 

حسام بغضب : سلمي ايه الجنان اللي بتقوليه ده 

سلمي : جنان .. انا مجنونة تمام .. كل اللي حصل ده بسبب انك عرفت ان مراتك عايشة .. و يومين كاملين بتكدب عليا .. كأني عيلة صغيرة هتضحك عليها بكلمتين.

دخلت سلمي بغضب الاوضة وقفلت الباب وعيطت كتير اوي : بتكدب عليا يا حسام ليه ، يارب انا معنديش مكان غير هنا .. يارب مش هقدر اسيب حسام ، يارب انا بيحصل معايا كل ده ليه.. انا عملت اي في حياتي عشان يحصل كل ده 

فهد بحزن : هنعمل ايه 

حسام : مش عارف 

فهد : قوم صالحها طيب ، هي ملهاش ذنب في اي حاجة من اللي بتحصل دي

حسام اتنهد وقام 

——–

بسنت : انا بقيت كويسة خلاص 

جاد : ياختاي لازم تاكلي يابنتي هتموتي من قلة الاكل 

بسنت : بعد الشر عليا 

جاد ضحك : ماشي بس كُلي بردو 

بسنت : العيال وحشوني عايزة ارجع البيت بقي 

جاد : لسه كام يوم كمان بس .. عشان ميحصلش اي حاجة

جنة دخلت الاوضة بعد ما خبطت : السلام عليكم 

جنة بصتلهم وضحكت بشدة : ياربي بجد .. انتوا اكفال فعلا 

كان جاد قاعد جنب بسنت ومكتف ايدها وبيأكلها بالعافية 

جاد : خليكي انتي في روميو بتاعك 

بيجاد خبط و وبسنت غطت وشها بسرعة .. : مين بيجيب في سيرتي 

جنة ضحكت ومسكت ايد بيجاد : بص بيعمل ايه

بيجاد : الله يسهلو … بيجاد بص لجنة وقال : يلا بينا بقي 

جاد : انت لحقت قعدت 

بيجاد : عندي شغل …وقولت نبص عليكوا ونمشي علطول 

جاد : ربنا معاك .. هو فيه جديد 

بيجاد : لا لسه 

جاد : لو فيه حاجة كلمني 

بيجاد بضحك: خليك انت بس في اللي انت فيه وركز 

جاد : امشي ياض من هنا 

جنة : متقولش علي حبيبي ياض 

بيجاد بيستفز جاد بضحك : يلا يا روحي نمشي من هنا 

جاد : مستفز 

———-

فهد وصل شقته بعد ما خلص شغله وشاف باباه.. لقي ظرف تاني عالباب 

اخده وفتح بسرعة الباب ودخل يطمن عليهم 

فهد : سيلا ، سيلا ، احمد ، كارما.. 

كريم من البلكونة : ايوة يا ابيه 

سيلا خرجت علي صوته من اوضتهم: فهد .. حصل حاجة ولا ايه 

فهد : لا ابدا بس لقيت محدش موجود لما دخلت قلقت 

سيلا قربت بتلقائية وحضنته : وحشتني اوي ، كنت قلقانة عليك طول اليوم بالذات بعد ما اتصلت وانت مردتش 

فهد بدهشة: قولتي ايه

سيلا بتوتر بعدت عنه : اصل اتصلت بيك ومردتش يعني بس كدة 

فهد بمكر : لا قبلها قولتي حاجة تانية 

سيلا : لا مقولتش حاجة 

فهد قرب منها بحب وهمس : بعشقك  .. وباسها بحب علي خدها 

سيلا بخجل : انت قليل الادب 

فهد : مش اوي 

سيلا بصت في ايديه: ايه الظرف ده 

فهد : عادي ظرف 

سيلا : ده نفس الظرف اللي فات 

فهد باستسلام : ايوة ظرف لقيته عالباب .. هو محدش رن 

سيلا : ابدا 

فهد بتفكير : غريبة يعني 

سيلا : طب افتحه نشوف فيه ايه 

فهد فتحه ولقي جواب ” الساعة 12 بالظبط تقول علي حبيبة القلب يا رحمان يا رحيم ” 

فهد اتخض بشدة وقلق جدا وفكر : هو يقصد مين.. بص لسيلا بتوتر  .. : سيلا  .

سيلا بخوف : يقصد مين 

فهد بعصبية: الزبالة ده انا هوديه في داهية .. والله ما هسيبه … سيلا خشي البسي وخليهم كلهم يلبسوا عشان نمشي من هنا بسرعة 

سيلا بتوتر: حاضر 

دخلوا لبسوا بسرعة و خلصوا ونزلوا ..

فهد رن علي بيجاد : بيجاد .. انا جاي معايا العيال.. انت في البيت 

بيجاد: ايوة تعال.. هو حصل حاجة ولا ايه 

فهد : النهاردة هنفذ 

بيجاد بدهشة : انت مجنون .. دي مش الخطة 

فهد : جبت اخري خلاص كدة .. لما اجي هحكيلك 

سيلا بخوف: فهد 

فهد : سيلا كفاية خوف .. واهتمي بنفسك ..اوعي تفتحي باب لحد او تردي علي حد لحد ما ارجع 

سيلا : انت هتمشي تروح فين 

فهد : شغل يا سيلا شغل 

بعد قليل وصلوا قدام عمارة فيها بيجاد وطلعوا

بيجاد : ايه اللي حصل

فهد عطاله الجواب بعصبية .: انا مش هستني تهديد تاني .. هنفذ النهاردة يعني هنفذ النهاردة 

بيجاد : سيلا 

فهد : ايوة بالظبط كدة انا مش مستعد اخسر حد كفاية لحد كدة .. انا اسف علي اسلوبي ده بس حقيقي انا قررت هخلص النهاردة .. والمهم متسيبش سيلا لوحدها 

بيجاد: انت مجنون ولا ايه انا هاجي معاك

فهد بمكر : تمام هستناك تحت 

نزل فهد بسرعة وركب عربيته ومشي بسرعة ورن علي بيجاد : عمو انا اسف بجد .. انا لازم اخلص ده لوحدي .. خلي بالك من سيلا 

بيجاد بغضب : فهد انت حمار .. انت ابني فاهم .. قولي العنوان وانا جاي 

فهد : مش هقدر .. صدقني لازم اخلص الموضوع ده لوحدي 

قفل فهد الموبايل قبل ما بيجاد يرد .

بيجاد : متخلف 

سيلا بقلق : هتسيبه يروح لوحده.. انا خايفة اوي عليه 

بيجاد : حببتي متخافيش 

جنة : كلم حسام طيب 

بيجاد :هكلمه و يجيب سلمي معاه احسن 

———–

وصل فهد للعنوان ونزل بخفة ودخل في الشقة من البلكونة 

دخل ببطئ وحرص شديد 

سمع صوت جوة الاوضة .. قرب ببطئ وسمع  : انت عارف لو الزفت فهد ده متقتلش النهاردة هعمل فيك ايه

، كان وليد بيتكلم في الموبايل 

فجأة ظهر ورا فهد ست علي كرسي متحرك: انت مين 

فهد بصلها بصدمة : انا..ششش بصي انا جاي انقذك من وليد 

الست : انت اسمك ايه 

فهد : فهد 

الست: انت ابني 

فهد حاسس فيه حاجة غلط بس كمل عشان تصدقه : ايوة انا هو ابنك .. يلا عشان انقذك 

الست بفرحة: يلا …خلي بالك بس منه عشان هو عنده ناس كتير في كل حته 

فهد ضغط علي جهاز .. وباقي صحابه الظباط وصلوا تحت العمارة بخفة وطلعوا الشقة ودخلوا بهجوم 

وليد طلع من الاوضة بخضة : مين الحيوان.اللي … 

فهد ضحك : مفاجأة مش كدة 

وليد بصدمة : انت جيت هنا ازاي 

فهد : مش قليل انا 

وليد حاول يهرب بس كذا ظابط مسكه 

فهد : هتروح فين بس  ، انت محاصر من كل حته 

مع خروج وليد .. لقوا فهد وقع عالارض فاجأة   ….. 

يتبع..

لقراءة الحلقة التاسعة : اضغط هنا

لقراءة باقي حلقات الرواية : اضغط هنا 

نرشح لك أيضاً رواية وحدة شغف للكاتبة ندى.

اترك رد