Uncategorized

رواية مهمة عاشق الفصل السابع 7 بقلم خلود وائل

 رواية مهمة عاشق الفصل السابع 7 بقلم خلود وائل
رواية مهمة عاشق الفصل السابع 7 بقلم خلود وائل

رواية مهمة عاشق الفصل السابع 7 بقلم خلود وائل

الحاجه منال:ايه رايك في دكتورة ليلي؟
علي: رايي اذاي يعني!
الحاجه منال:قصدي موقفها وهي بتدافع عن صاحبتها قدام عاصم دي بتقله انا اكدب عنيا واصدقها
علي:عادي ياماما اتنين صحاب وبيجاملو بعض
الحاجه منال:وانت اما فديت مؤمن كنت بتجامله يابني
علي:بتلمحي لايه ياماما
الحاجه منال:ولا حاجه ياحبيبي ادينا بندردش يلا اما اجبلك حاجه تاكلها هاكلك بايدي ياعلوة ذي ماكنت صغير
علي:ربنا يخليكي ليا ياماما
عند ليلي :لا يابنتي الفستان دة مش حلو بيخليكي شبه السمكه
الاء:سمكه اما تبقي تاكلك وتريح البشريه منك ياليلي
ليلي:الحق عليا يعني طب جربي كدة تلبسي الفستان الاحمر دة هيبقي توحفتين في بعض
الاء:لا ياستي انا هلبس الفستان الازرق ال كنت لبساه في فرح ميمي ايه رايك
ليلي:اه مش دة ال كان شبه لحاف السرير
الاء:ليلاااااه ارحميني مش كدة ياما نفسي الفرح يبقي الوقتي حالا عشان اشوف هتلبسي ايه
ليلي:نتكي علي الصبر حبه كدة وانا انشاء الله هبهركو كلكو محدش شاف فستاني غير سلمي ومامتي 
الاء:اما نشوف ياست ليلي
ليلي:هتشوفي????
عدي اليوم وليلي راحت تطمن علي علي قبل ماتروح وراحت خبطت علي اوضته ودخلت 
ليلي:السلام عليكم
علي: وعليكم السلام ورحمه الله وبركاته
ليلي:امال طنط منال فين
علي:راحت تجيب طلب وجيه
ليلي:انت عامل ايه الوقتي ياعلي بيه اسم الله عليه
علي بنرفزة:انتي مصممه تعصبيني
ليلي:طق طق طق طق طق العصبيه غلط عليك الوقتي براحه علي نفسك ليطقلك عرق????
علي:اللهم طولك ياروح …..ايوة يعني جايه عاوزة ايه الوقتي
ليلي:انا ياعلي بيه اسم الله عليه
علي:????????
ليلي:انا جايه اديك دواك واقيم حالتك واكتبلك علي دوا جديد هتبداء تاخدة من الوقتي  كانت ليلي بتبص في الملف ال في ايدها ورفعت عنيها تبص لعلي وعنيهم جت في بعض وتاهت ليلي في عيون علي لدقايق وحست بقلبها بيدق جامد وبعدين اتحرجت وبصت في الورق بتاعها
علي:ايه مش هتعملي ال قلتي عليه
ليلي:انا قلت علي ايه؟
ضحك علي وعرف ان ليلي مكانتش مركزة غير في عنيه
ليلي:ااه اه طبعا وبدات تكتب الدوا الجديد وناولته علاجه وادته حقنه في الكانيولا وسالته عاوز حاجه
علي:انا هخرج امتي انا اتخنقت
ليلي:لسه شويه لو حتي كمان اسبوع وتكمل علاجك في البيت
علي:مينفعش قبل كدة
ليلي:لا هترجع تتعب تاني
علي:ممكن اسال سؤال
ليلي:اتفضل
علي:هو انتي ليه كل ماتشوفيني خدودك بتحمر وتبقي ذي الورد الجوري
ليلي:هااا
علي:بتبقي ذي القمر بجد
ليلي تايهه مش عارفه تعمل ايه قطع توهانها دخول الحاجه منال ونهي
نهي :دكتورة ليلي عامله ايه
ليلي:بخير ياقمر
الحاجه منال:واقفه ليه ياليلي يابنتي اتفضلي اقعدي
ليلي:لا ياطنط انا خلصت وماشيه علي طول
نهي:طب استني هو انا ممكن اخد رقمك انا حبيتك اوووي 
ليلي :اه طبعا وانا كمان حبيتك اوووي رقمي …….
الحاجه منال:مالك ياليلي وشك احمر ليه كدة
ليلي:هااا مش عارفه
علي بيبص عليها وبيبتسم
نهي قربت من ليلي وهمست:مش قلتلك لما يفوق هتعرفي ليه
ليلي اتكثفت جامد وبصت لعلي لقته متابعها هي ونهي وبيبصلها بحنيه 
ليلي:تصبحو علي خير ياجماعه
سابتهم ومشيت ومن جواها فرحانه ومتلخبطه وروحت بيتها لقت حنه حسام وقرايبهم كلهم موجودين وبيهيصو في البيت وكلهم فرحانين وليلي غيرت وانضمت ليهم وسهرت طول اليل مع اخواتها وفي اخر السهرة راحت لحسام وماهر :اخواتي النعسانين فين
ماهر:تعالي يافايقه اقعدي
ليلي:بتعملو ايه
حسام:فراغ بعيد عنك ارغي
ماهر:بقلك ياليلي متخلي الاء صاحبتك بكرة ترقص معايا سلو
ليلي:بس ياحبيبي عيب روح العب بعيد
ماهر:الله فيها ايه
ليلي:حجات كبار ياحبيبي كخ ياوزة 
ماهر:انا رايح انام بكرة تتحايلي عليا عشان صاحبتك العانس????
حسام:الواد اتهبل ياعيني
ليلي:عقبال مايحصلك يابيبي
حسام:نحن السابقون وانتم اللاحقون 
ليلي:هتوحشني ياحسحس
حسام:هو انا هسيبك يعني يابنتي اوعي في يوم ياليلي تحسي اني بعيد وتبعدي انا هفضل سندك وسرك ليوم مااموت
ليلي :بعد الشر عنك يابطه
حسام:ام البط علي سنينه السودة وربنا لولا انك بتعرفي ملاكمه وهتضربيني لكنت رزعتك بوكس ظبط مسامير نفوخك المهويه دي
ضحكت ليلي وسهرو سوا طول الليل وطلع الصبح وصحت ليلي وخرجت صبحت علي عيلتها وراحت المستشفي تطمن علي علي بس من جواها هي عاوزة تشوفه وتتكلم معاه حجات كتير متلخبطه جواها هي مش فهماها وقررت انها مش هتنرفزة تاني دخلت ليلي اوضه علي 
ليلي:السلام عليكم
كل الموجودين:وعليكم السلام ورحمه الله وبركاته
ليلي:احم بعتذر شكلي جيت في وقت مش مناسب
الحاجه منال:تعالي ياحبيبتي انتي تيجي براحتك في اي وقت اتفضلي
اميرة اتضايقت من محبه الحاجه منال لليلي واتضايقت اكتر لما شافت ان ليلي احلي منها كتير
دخلت ليلي تشوف علي
ليلي:حاسس بايه النهاردة
علي:احسن الحمد لله الدوا ال كتبتيه امبارح ريحني جدا
ليلي:الحمد لله المفروض اغير علي الجرح الوقتي بس خليك مع ضيوفك وهخلي دكتورة الاء تبقي تيجي تغيرهولك بعدين
الحاجه منال:وانتي يادكتورة ليلي
ليلي:انا النهاردة اجازة ياطنط بس جيت اطمن علي علي بيه
علي ضحك بصوت عالي لدرجه ان جرحه وجعه فسكت
اميرة:في حاجه ياعلي بتضحك علي ايه
نسيب عماد:مالك ياعلي يابني
الحاجه منال:انت كويس ياحبيبي ضحكت واتوجعت مرة واحدة كدة ليه
اميرة بدلع:كتر خيرة ياطنط علي بطل ويعمل ال هو عاوزة
ليلي ابتسمت عشان عارفه هو ضحك ليه وبردو حست بضيق من طريقه كلام اميرة
الحاجه منال:انتي اجازة ليه يابنتي مش خير
ليلي:النهاردة فرح اخويا ياطنط ومقدرش اسيبه ف جيت اطمن علي كابتن علي واعمله اللازم وبعدين هروح ولو احتاجتو حاجه خلو المستشفي تكلمني انا تحت امركو في اي وقت وبكرة انشاء الله هكون هنا من الضهر وبايته للصبح تاني يوم 
الحاجه منال:الف مبروك لاخوكي ياحبيبتي وربنا يتمم فرحتكو علي خير 
ليلي:يارب بعد اذنك
مشت ليلي وخلصت كل ال وراها في المستشفي وروحت اخدت حاجتها وراحت البيوتي سنتر وبقي يوم دلع ليها ول سلمي اما عند علي بعدها بفترة خبط الباب ودخل دكتور 
دكتور حسن:السلام عليكم
علي: وعليكم السلام ورحمه الله وبركاته
دكتور حسن:حبيت اتعرف علي البطل ال عندنا في المستشفي ممكن ولا ايه
علي: اتفضل يادكتور
دكتور حسن انا دكتور حسن الهلالي
علي:اهلا بحضرتك
دكتور حسن:عرفت ان دكتورة ليلي روحت ومغيرتش علي جرحك فقلت اجي اغيرلك انا 
علي:دكتورة الاء هتغيرلي
دكتور حسن:انا ودكتورة الاء واحد ولا مينفعش
علي باحراج:لا عادي اتفضل
الدكتور حسن غير لعلي علي الجرحين بسرعه جدا وعلي بنفسه استغرب
علي:انت كدة خلصت
دكتور حسن:ايوة مستغرب ليه
علي:اصل دكتورة ليلي كانت بتغيب عما بتخلص غيار
دكتور حسن :دكتورة ليلي دي عيله مستهترة بتاعه دلع ونحنحه مش بتاعه شغل وبصراحه انت ال عملتلها سعر بعمليتك ال جت فجأة والحظ خدمها وعرفت تعملها
الحاجه منال:ايه يادكتور ال بتقوله دة دكتورة ليلي شاطرة وعلي ابني بيتحسن بسرعه بمتابعتها ليه
دكتور حسن:انتي ست طيبه ياحجه ومتعرفيهاش
علي حس انه اتضايق من دكتور حسن وكلامه علي ليلي
علي:طيب فرصه سعيدة يادكتور
دكتور حسن فهم انه عاوزة يمشي ف استأذن وخرج
وبليل في البيوتي سنتر كانو البنات جاهزين سلمي بفستان ابيض بديل طويل وطرحه نص حجاب مع تاج عالي وميكب هادي كانت قمورة اما ليلي كانت لابسه فستان جوميه بيبي بلو مجسم من فوق ونازل بوسع جامد وطرحه اوف وايت لون الورد المجسم ال في الفستان مع ميكب سيمبل خالص مبين جمال ملامحها وجزمه كعب عالي ورفيع اقل مايقال عنها انها اميرة خرجت من قصه خياليه وراحت لسلمي ال اول ماشافتها انبهرت بيها
سلمي:لا متفقناش علي كدة
ليلي:ايه خضتيني
سلمي:انتي احلي مني عاااااا
ليلي:بطلي هبل يابنتي وسعي كدة عشان اتمركز في موقع اعرف اصور فيه الفرست لوك كويس …
وقفت ليلي قدام مرايه عشان تصور سلمي وبالصدفه بصت لنفسها لقت انها فعلا احلي من سلمي واتمنت بجد لو علي يشوفها وهي كدة بنوته رقيقه وهاديه مش ليلي ال بتنرفزة علي طول وسرحت وهي بتفتكر علي وكلمته خدودك بتحمر ذي الورد الجوري????وفاقت علي صوت سلمي:روحتي فين يخرب عقلك صوري بقي
فاقت ليلي لقت حسام اخوها واقف ورا سلمي وطول ماهي بتصورهم متخيله نفسها عروسه وعلي عريسها وكانت مبسوطه جدا وقالت لنفسها:اه ياهبله شكلك اتجننتي بجد
وطلعو علي القاعه وكان فرح ولا في الخيال كلهم رقصو وهيصو بس ليلي بحذر عشان بتتحرج والكل كان واخد باله من ليلي وجمالها ال مغطي علي كل بنات الفرح
عند علي في المستشفي
علي: ماما ياااا مماااما
الحاجه منال:مالك ياحبيبي مش قادر تتكلم ليه
علي:تعباان ياماما
الحاجه منال بتشوف علي:ياخبر ابيض انت مولع نار يابني مالك ياضنايا علي رد عليا ياعلي. ..????
يتبع ……
لقراءة الفصل الثامن : اضغط هنا
لقراءة باقى فصول الرواية : اضغط هنا

اترك رد