Uncategorized

رواية مليكة الفصل الثاني 2 بقلم ياسمين مصطفى

 رواية مليكة الفصل الثاني 2 بقلم ياسمين مصطفى

رواية مليكة الفصل الثاني 2 بقلم ياسمين مصطفى

رواية مليكة الفصل الثاني 2 بقلم ياسمين مصطفى

عند مليكه….. 
مليكه: تعرفي يانور انا فرحانه جدا اني شوفتك ع الحقيقه.. 
نور حضنتها: انا مبسوطه جدا… لان انا بقا عندي اخت… 
مليكه: خلاص بقا متخلينيش اعيط….. 
وبعدين بصت ع الاوضه اللي بيغلبها الطابع الرجالي… 
مليكه: اوضه مين دي… 
نور:دي اوضه ابيه يونس…هحكيلك عنه شويه ابيه يونس…طيب جدا لكن مبيحبش يبين طيبته لحد…كان بيهزر زماان كتير جدا…لكن من وقت ما  ماما الله يرحمها توفت وهو حاله اتغير 180 درجه…معرفش اي اللي حصل ممكن يكون متعلق بيها…معرفش….وابيه صالح…طيب جدا بيشتغل دكتور ف مستشفي حكومي….لكنه شاطر جدا….
مليكه:امم ربنا يديمكوا لبعض….لكن دي اوضه مين…
نور:دي اوضه ابيه يونس…مخيفه مش كدا….
مليكه:جدا….بس تعرفي انا نفسي ف ايه…
نور:نفسك ف ايه….
مليكه:نفسي اروح لبابا كمال واخليه يحكيلنا قصص زي زمان…
نور:تعالي…
مليكه:هو ممكن يدايق….
نور:تعالي نشوف….
وراحت مليكه ورا نور ل اوضه كمال….
نور خبطت…
نور:بابا ممكن ندخل….
كمال:اتفضلي ياحبيبتي….
دخلت نور ووراها مليكه….
مليكه:عمو ممكن تحكيلنا قصص زي زمان…
كمال:حاضر بس بلاش عمو خليها بابا…
مليكه بدموع:حاضر يابابا…
كمال فتح دراعه ومليكه ونور راحوا حضنوه….
كمال:ربنا يخليكوا ليا ياارب..
مليكه:تحكيلنا قصص عن الانبياء….
كمال بس كدا…
كمال:هحكيلكوا قصه سيدنا يوسف عليه السلام…..سوره يوسف عرفت انها من احسن القصص….ربنا سبحانه وتعالي قال….”نحن نقص عليك احسن القصص بما اوحينا اليك هذا القراءن وان كنت من قبله لمن الغافلين”
مليكه:ليه يابابا احسن القصص…
كمال:لان دي اكتر صوره ف القراءن فيها قصص وعبر والله اعلم…
كمال: سيدنا يوسف كان ليه 11 اخ..
نور:كتير اووي يابابا..
كمال:نقول ماشاء الله يانور…وكان ابوه بيحبه اوي وفي ليله سيدنا يوسف شاف ف الحلم  11 كوكب والشمس والقمر شافهم بيسجدوا ليه….
مليكه:سبحان الله…
كمال:فحكي ل ابوه علي الرؤيه دي…ابوه قاله متقولش ل اخواتك اللي انت شوفته…لان ابوه يعقوب عليه السلام عرف ان فيه حاجه عظيمه هتحصل من ورا الرؤيه دي….
مليكه:ليه يابابا سيدنا يعقوب طلب من سيدنا يوسف انه ميقولش لاخواته 
كمال:عشان اخواته كانوا مفكرين ان سيدنا يعقوب ابو يوسف عليه السلام كان بيحب يوسف اكتر من اخواته….الشيطان وسوس ل هم انهم يقتلوا يوسف….انهم يرموه ف البير ويقولوا ان الديب اكله…
نور:هما اخدوه من غير اذن سيدنا يعقوب..
كمال:لا هما راحوا لسيدنا يعقوب واستأذنوا منه انهم ياخدوا يوسف يلعب معاهم….لكن سيدنا يعقوب رفض بس بطريقه خفيه…قالوله انت خايف علي يوسف مننا…دا اخونا واحنا بنخاف عليه ف رد عليهم يعقوب عليه السلام”قال اني ليحزنني ان تذهبوا به واخاف ان يأكله الذئب وانتم عنه غافلون “
مليكه: واي اللي حصل بعدين… 
كمال: قالوله ان انت ازاي تخاف عليه واحنا 10 رجاله… اكيد الذئب هيخاف مننا ويهرب… وف الاخر وافق سيدنا يعقوب علي ان اولاده ياخدوا يوسف بسبب ضغطهم عليه… اي دا نور نامت هههه… 
مليكه: والنبي كمل يابابا…. 
كمال: حاضر هكمل بس اوعي تنامي انتي كمان… 
مليكه: لا انا لسه صاحيه اهوو مفيش نوم خالص… 
كمال: المهم ان اخواته اخدوه وراحوا الصحرا… وكانوا بيدورا علي بير… وفعلا حدفوه ف البير لكن رربنا سبحانه وتعالي الهم ف نفس سيدنا يوسف انه ميخافش لانه هينجي… وبعدين روحوا وحكوا ليعقوب عليه السلام ان الذئب اكل يوسف ف غفله وهما مش اخدين بالهم… لكن سيدنا يعقوب عرف انهم كدابين لانه جابو اللبس البي كان لابسه سيدنا يوسف وحطوا عليه دم كذب… لكنهم نسوا انهم يقطعوا اللي كان لابسه… لان مش معقول ان الذئب هياكله من غير ما يقطع الهدوم… وزي ما بيقولوا ان حبل الكدب قصير… ولما كان سيدنا يوسف عليه السلام ف البير… مر عليه ناس وكانوا رايحين مصر…. ف كانت السيره طويله ف سميت ب السياره…. وراح جماعه من القافله عشان يجيبوا مايه من البير اللي كان فيه سيدنا يوسف…. سبحان الله والله… نزل جردل عشان يتملي ميه… فسيدنا يوسف مسك فيه… واللي كان بيملي الجردل ظن انه اتملي ف شد الحبل… اول ماشافه اللي لقاه فرح جدا انه لقي غلام صغير…. وبعدين فكر ف همه والمسؤليه… زي الاكل والشرب وغيره….. لكنه اصر انه ياخدوا معاه ومش هيسيبوا هنا ف الصحرا لوحده وانه ياخدوا معاه مصر وهناك يتخلص منه…. ودي كانت اول  مرحله من حياه سيدنا يوسف عليه السلام…. اي دا يامليكه انتي نمتي… ههههه…واخدهم ف حضنه ونام وهو فرحان لان بنته التانيه رجعت واخيرا… 
************************
ف القسم….. 
اللوا: روح يابني وابعتلي الرائد يونس كمال….. 
عسكري ادي التحيه العيكريه وهو بيقول: اوامرك يافندم…. 
وراح بسرعه لمكتب الرائد يونس كمال…. بس، كان خايف جدا… خبط ع الباب… 
عسكري: يونس باشا اللوا عايز حضرتك… 
رفع يونس عنيه من ع الورق وقاله
يونس: اتفضل انت وانا جاي وراك…. وقام وقف وبان طوله جدا… ومشي راح للوا… 
يونس وهو بيأذي التحيه العسكريه: خير يافندم حضرتك عايزني…. 
اللوا: روح يايونس انت بقالك يومين هنا… كفايه عليك كدا… 
يونس: لا يافندم انا عندي شغل ولسه مخلصتوش… 
اللوا: دا امر مني يا سياده الرائد… 
يونس: علم وينفذ يافندم… 
وخرج من المكتب لمكتبه وهو بيلم حاجته الشخصيه…. والباب خبط…. 
……..: يونس يااكمال… 
يونس بص للي واقف: مين عمر سليمان… وراح حضنه ورد التاني الحضن… 
عمر: ههه وحشتني باراجل رجعت لان انا مش قادر علي غيابك… 
يونس: اخيرا رجعت…. 
عمر: وحشتني اووي ووحشني كمال والواد صالح..يالا هروح معاك… 
يونس: روح يالا انا عندي، بنت ف البيت مينفعش تيجي بكرا ابقا تعالي واكيد كمال نايم دلوقتي…. 
عمر: ياعم دي البت نور مش غريبه… 
يونس،: بس يالا…. تعالي بكرا… هخلي، كمال يعمل حسابك ف الاكل… ومشي وسابه… 
عمر بصوت عالي: بقا كدا يا يونس ياكمال…. ماشي لما اشوفك….. 
_________________________♕
صحت مليكه من النوم… لانها كانت عطشانه جدا…. خرجت من اوضه كمال… ومشت وهي بتكتشف البيت…. واخيرا وصلت للمطبخ…. وفتحت التلاجه وشافت اكل… واخدت اكل لانهت جعانه وسخنته…. وورصت الاكل ع الترابيز بتاعت المطبخ…. وف نفس الوقت اللي دخل فيه يونس… لكنه معملش صوت خالص عشان ابوه ميصحاش…. ودخل المطبخ لانه بردوو كان جعان…. لكنه سمعت صوت خفيف ف المطبخ… 
يونس بهمس: اي دا مين اللي صاحي دلوقتي… 
ودخل المطبخ… وقال 
يونس: معقول يكون حراامي… وبدون قصد وقع انتيكه… 
يونس: اووو انا غبي غبي.. 
مليكه بصت للصوت ومسكت المشقه وهي بتبص ناحيه الانتيكه…. 
مليكه: مين… مين هنا.. حست بحد وراها… لفت مره واحده وكانت هتصوت يونس حط ايده علي بوقها وقال… 
يونس: حررااميه وبجحه كمان… 
مليكه وهي بتحاول تشيل ايده: امممممم اممممم وعضت ايده وقالت بصوت عاليى: بااااااابااااا حرراااامي…. 
ودي كانت اول مقابله بين يونس ومليكه…. 
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية توأمان وقلب واحد للكاتبة إيمان المهدي

اترك رد