Uncategorized

اسكريبت عشقته منذ الطفولة ولكن الفصل الأول 1 بقلم فاطمة خليل

 اسكريبت عشقته منذ الطفولة ولكن الفصل الأول 1 بقلم فاطمة خليل

اسكريبت عشقته منذ الطفولة ولكن الفصل الأول 1 بقلم فاطمة خليل

اسكريبت عشقته منذ الطفولة ولكن الفصل الأول 1 بقلم فاطمة خليل

= خلاويث
_ لسه
= خلاويث
_لسه
= انا جاية
= ياسيييين مسكتك تعالي
_ لا دا غش انا قولت لسه
= بث انا قولت جاية وانت مهربتش خلاث انت ممثوك
_ لا دا غش انا مش ممسوك
= مليش دعوة دا مش غش
_ انا مش هلعب معاكي تاني انتي غشاشة
= لا مش غشاشة انت كداب
_ غشاشة… غشاشة
& خلاص ياياسين هنلعب من الاول وانا هخبي عنيا
_ ايوا احسن برضو عشان هيا غشاشة ومبتعرفش تلعب
عيطت = انت وحش ياياسين وانا مش هلعب معاك تاني هاااه
جريت على بيت جدتي وانا بعيط كل مرة هو اللي بيبوظ اللعبة عشان بيتمسك بسرعة ويقولي اني غشاشة
& سارة بتعيطي ليه ياحببتي
= بصي ياتيتة ياسين بيكدب وبيقول اني غشاشة وزعقلي وقال مبعرفش العب
& معلش ياحببتي متعيطيش وهو اول مايرجع هزعقله
= انا مخصماه ومش هكلمه تاني ابداََ
& تعالي ياياسين مزعل سارة منك ليه
_ عشان هيا مبتعرفش تلعب وبتبوظ اللعبة كل مرة
& دي اختك الصغيرة المفروض تفهمها بالراحة ومتزعقلهاش
_ هيا فين؟!
& في اوضتها بتعيط وزعلانة منك اوي ع فكرة
_ انا هعرف اصالحها
_ ممكن ادخل؟!
= سارة نايمة
_ نايمة وبترد عليا ازاي
= كده هيا بتتكلم وهيا نايمة 
_ طيب انا كنت جايبها شوكلاتة اللي بتحبها هروح اديها ل ساندي تأكلها بقي
قومت بسرعة = ثاندي ايه دي اللي تعطيها الشوكولاتة دي بتاعتي انا
= الله انتي مش نايمة
_ انا مخثماك
= حقك عليا
_ لا انت وحش وبتزعقلي وانا مش هلعب معاك تاني
= يعني مخصماني قد ايه
فكرت وحطيت صباعي تحت دقني _ اممم دول
= هتخاصميني تلت ايام
 هزيت راسي بالرفض
= تلت ساعات
هزيت راسي بالرفض تاني
= اومال ايه
_ تيته قالت الدقايق اقل من الساعات هخاصمك تلت دقايق
ضحك = لا كتير بصراحة
_ متضحكيش معايا
بأس خدي ببراءة = انا اسف مش هزعقلك تاني
_ ولا تقول عليا غشاشة؟
= ابدا ابدا
_ هات الشوكولاتة
بعد خمس سنين……
_ تيته فين ياسين
= معرفش ياسارة شوفيه برا
طلعت برا ادور عليه لقيته واقف مع صحابه
_ ياسين
= سارة ادخلي جوة
لقيته ماسك كورة_ انتو هتلعبوا عايزة العب معاكو
= لا
_ لا ليه انا عايزة العب
= قولت لاء ياسارة ادخلي جوة
& سيبها تلعب معانا ياياسين
مسك ايدي & تعالي ياسارة
ياسين زقه بعيد = ابعد عنها وامشو يلا مفيش لعب
مسك ايدي ودخلنا جوا وبعدين زعق
= متخليش حد يمسك ايدك تاني
_ ليه
زعق = عشان انا قولت كدا محدش يمسك ايدك غيري
عيطت _ انت بتزعقلي ليه انت وحش
تيتة جت وخدتني في حضنها & فيه ايه يا ياسين بتزعق ليه
مردش وانا عيطت
_ ياتيته ياسين وحش وبيزعقلي
& احكيلي ياياسين بتزعقلها ليه
حكلها اللي حصل وهيا لقتني ليها ومسكت ايدي
& بصي ياسارة ياسين معاه حق مينفعش حد يمسك ايدك وانت ياياسين متزعقلهاش تاني
رحت عنده وحضنته = انا اسفة يا ياسين مش هزعلك تاني
حضنها ببراءة _ وانا مش هزعقلك تاني
= انا بحبك اوي يا ياسين متسبنيش زي بابا وماما
_ وانا بحبك ومستحيل اسيبك
تيتة حضنتنا & وانا بحبكو انتو الاتنين
عيطت = يعني هتسبني وتسافر ياياسين
مسح دموعي _ غصب عني بابا جاله شغل في القاهرة ولازم ننتقل هناك
= انت وعدتني متسبنيش زي بابا وماما
_ مش بأيدي يا سارة
عيطت اكتر = انت وحش يا ياسين وانا مش بحبك هاااه
جريت على بيت جدتي ودخلت اوضتي وانا بعيط حتى مقومتش اودعه ولا طلعت من الأوضة لما جم يودعو تيته
هو سافر وسابني انا كنت بعتبره الصديق والأخ والأب كان كل حاجة في حياتي هو وتيته بس هو مكلفش خاطره وعارض باباه
دلوقتي سارة الطفلة ام ضفاير كبرت وبقت آنسة في العشرينات
عايشة مع تيته بالنسبالي كل حاجة هي اللي اهتمت بيا بعد موت بابا وماما اللي أثر فيا بشكل كبير في الاول كانت هيا وياسين اهم شخصين في حياتي بس هو سافر ودلوقتي بقت تيته الأهم
= فوفاا يافوفاااا انتي فين
& تعالي ياسارة انا هنا في البلكونة
= حضنتها صباح الخير
& صباح القمر اقعدي يلا افطري
= لا مش هينفع خالص انا متأخرة على الكلية
& مش هتمشي من غير اكل يا سارة
ابتسمت لاني عارفة انها عنيددة وقعدت فطرت معاها
& ياسين جه من القاهرة
= كح كح كح
الاكل وقف في زوري من الصدمة وفضلت اكح تيتة ادتني الماية
& احسن؟!
_ احسن اه
& كنت بقولك انه رجع من القاهرة وهيستقر هنا هو وخالك ومرات خالك
بتوتر= اه طبعا ينوروا
& وحشك؟!
= تعرفي اني اتأخرت جامد والمحاضرة هتفوتني
& سارة كملي اكلك
بوست خدها = مع السلامة ياقمر خدي بالك من نفسك
جريت على برا وقلبي بيدق جامد خايفة تناديني تاني
= اسفة ع التأخير يا دكتور
_ اتفضلي اطلعي برا
= افندم
_ مسمعتش ؟!… بقولك اطلعي برا وبعد كدا احترمي مواعيدك
بعصبية = على فكرة انا محترمة مواعيدي كويس وحضرتك مكملتش خمس دقايق داخل
بحدة _ اتفضلي برا يا آنسة عشان ابدأ المحاضرة
= برا…. برا  طردتني من الجنة يعني
=تيتاااااا اتيتاااا… انتي فين يا حجة
_ تعالي ياسارة وبطلي زعيق صوتك زي المكنسة
= شكرا يا رجولة
دخلت الصالة لقيت خالي ومرات خالي وواحد معاهم مشوفتش وشه اكيد دا ياسين
قلبي دق جامد بمجرد ما حسيت اني هشوفه تاني
= السلام عليكم
كلهم ردوا السلام ووقفوا يسلموا عليا وهو لف وياريته ما لف
= انت…. انت بتعمل ايه هنا ياجدع انت
& في ايه يا سارة عيب كدا
_  ايه اللي جاب الشخص دا عندنا ياتيته
& دا ياسين ياسارة
عارفين احساسي دلوقتي نفسي الأرض تنشق وتبلعني
سلمت عليهم وقعدت وانا هموت من الكسوف
واخيراََ مشيوا اتنفست براحة ودخلت اوضتي وتفكيري مشغول اتغير مية وتمانين درجة بقى شاب وسيم طول وعرض ودقن قمر وعضلات وجنتل مان كدا ايه اللي بقوله دا استغفر الله العظيم
& شكله ياسين كان واحشك اوي
= لا عادي ولا واحشني ولا حاجة
& وشك كان بيقول غير كدا
= فوفااا الوقت اتأخر وانا هدخل انام عشان الرجل الوطواط دا ميطردنيش من المحاضرة تاني
ضحكت & يابت عيب دا ابن خالك
= تصبحي ع خير
& وانتي من اهله خدي بالك من نفسك
= ربنا يستر لا القى كمين في الصالة ولا حاجة
& امشي يامو لسانين
عدي اسبوع كل يوم خالي عندنا ومراته وساعات ياسين كمان وطول الاسبوع مراحش من تفكيري شكلي كدا هشيل المادة بسببك يا سي ياسين بس انت جبلة مبتحسش
تيته اتأخرت شوية لحد ما صحتني قومت بسرعة وانا مفزوعة ولسؤ الحظ والمحاضرة الأولى لياسين لبست بسرعة ونزلت
فتحت الباب ودخلت من غير ما ابص في الساعة لقيته جوا في المدرج بصيت عليه وقفلت الباب وطلعت تاني
مش عايزة اتخانق معاه ولا عايزة اكون مميزة عشان هو ابن خالي الاحسن اكون زي زي اي طالبة عنده
قعدت في الكافية لحد المحاضرة اللي بعدها وبعد ما خلصت محاضراتي كنت مروحة
= تعالي يا سارة اركبي انا رايح بيت تيته هاخدك معايا
ركبت وانا هموت من التوتر والكسوف وفضلنا ساكتين شوية
_ مدخلتش المحاضرة ليه
= حضرتك واحد بتحب النظام وانا وحدة مبحترمش مواعيدي
ضحك _ قلبك اسود اوي
= ادهنه لافندر
_ نعم؟،
= احم سوري اندمجت
_ اتغيرتي اوي يا سارة
يخربيت امك دا وقته تقول اسمي هيغمي عليا من جماله يا ناس 
= مفيش حاجة بتبقي على حالها
_ وصلنا
= تمام
دخلت البيت وكالعادة خالي موجود ومراته بس المرادي في حاجة غريبة نظراتهم هما وتيته لبعض غريبة
قعدنا مع بعض شوية وبعدين هما استأذنوا ومشيوا
حضرت الاكل وقعدت انا وتيته ناكل
& اخبار الكلية ايه
= ايه سدت النفس دي بقي… تمام يا تيتة تمام يا حببتي وبتسلم عليكي
& هيا ايه دي ؟!
= الكلية يا تيته
& اتكلمي مرة جد في حياتك بقى
= حاضر هقعد معاهم ونفكر في الموضوع
& هما مين دول يا بت
= بنات أفكاري يا تيته خليكي نبيهه كدا
& مفيش امل
= ولا سعاد
& ياسين متقدملك
= كح كح كح…
لا بقى الولية دي حالفة تموتني مخنوقة بالأكل
يتبع…..
لقراءة الفصل الثاني : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية المقاس للكاتبة فاطمة الدمرداش

اترك رد