روايات

رواية أختي سرقت زوجي الفصل السادس 6 بقلم آيات عبدالرحمن

 رواية أختي سرقت زوجي الفصل السادس 6 بقلم آيات عبدالرحمن
رواية أختي سرقت زوجي البارت السادس
رواية أختي سرقت زوجي الجزء السادس

رواية أختي سرقت زوجي الحلقة السادسة

اول لمسه مافاقت لقيت نفسها على سرير قاسم وهمسه بعد قاسم ما دمر ليها حياتها ومستقبلها
نروح لهمسه
كان بينها وبين العربيه كم سنتيمتر بس
كانت واقفة ومخبيه وشها بإيديها ومستسلمه لقدرها ومستنيه العربيه تموتها
بينزل من العربيه شاب في عمر ال ٢٥&٢٦ ابيضانى كده شعره طويل شكل شعر البنات وناعم جدا حريرSorry متوسط الطول عيونه رمادي وعنده لحيه وشارب ( ذقن_وشنب), خفيف
اسمه زيدون
زيدون بخضه: انتى كويسه يا انسه
همسه: انا كويسه
زيدون: انا اسف انتى اللى طلعتى فجأة قدامي
همسه: انا اسفه وكملت بدموع ليه وقفت ليه ما موتنيش ليه
زيدون: احم احنا لسه فيها
همسه: طب اركب يلا وموتنى
زيدون: هههههههه حاضر بس ممكن تهدى اقولك حاجه تعالى ندخل الكافية ده نتكلم وبعدين اركب واموتك تمام
همسه: انت هتستظرف
زيدون : لا والله مش بستظرف ولا حاجه بس انا لسه راجع من السفر ومرهق اوى وصداع بقى ما اقولش ليكى عليه
همسه: وانا اعمل ايه المفروض يعنى
زيدون: تعالى نشرب قهوه
همسه: انا مش بحبها
زيدون: في حد مش بيحب القهوه طب خلاص هتشربي حاجه تانيه وهنتعرف على بعض اوكى
همسه: ماشي
زيدون: ماشي ماشي ولا راكب كلها مواصلات
همسه: يعنى ايه
زيدون: ولا حاجه
همسه دخلت مع زيدون الكافية
زيدون: جرسون  ها تحبى تشربى ايه بس انا عرفت
جرسون: اؤمورنى حضرتك
زيدون: عايز واحد قهوه ساده وهات واحد ليمون استنى استنى اسمك ايه
جرسون: أسمى رامى
زيدون: تشرفنا ياروميو انت لسه واقف
همسه: هههههههه
زيدون: هههههههه والله العظيم دي شغلانه
بالمناسبه انا زيدون
همسه: انت زيتون ازاى
زيدون: هههههههه زيتون ازاى بس أسمى زيدون
همسه: طب ليه مش زيد واحد بس
زيدون: قضاء وقدر انا اتولدت لقيتهم بيقولوا زيدون هعترض حمدت ربنا على نعمة الاسلام وكفى بالله وكيلا
همسه: مش فاهمه
زيدون: لا ولا حاجه
جرسون: اتفضلوا
زيدون: بالسرعه دى انت لقيتهم على الباب
جرسون: لا يا فندم احنا مش بتحب ضيوفنا يملوا من المكان بسبب التأخير
زيدون: اوكى يا روميو
همسه: هو انت كده ازاي
زيدون: لا بصى انا مش بفهم الكلام ده والغموض انا بفهم اللى بيتكلم شكلى كده
همسه: طب وانا اجيب واحد شكلك ازاى يكلمك
زيدون لف وشه: الحمد لله بركاتك يا حاجه لقيت نصى الحلو طلعت ما بتفهمش حاجه خالص عايزه اللى يشرح ليها الكلام شكلى
#بقلم_أيات_عبدالرحمن
همسه: هو انت بتقول حاجه
زيدون: لا يا قمر
همسه: نعم
زيدون: نكمل تعارف وقفنا فين اه أسمى زيدون ٢٦ سنه كنت مسافر بكمل دراسة في ألمانيا وبكتشف العالم يعنى
همسه: واكتشفته
زيدون: لا انا كشفت نصه وسيبت الناس تكشف الباقي هههههههه
همسه: هههههههه دا انت شكلك مصيبه
زيدون: هههههههه ماما دائما بتقولى كده
همسه: هى مامتك في المانيا
زيدون: لا ماما هنا في مصر  هى  وكل عيلتى انا بس اللى كنت مسافر
همسه: عندك اخوات
زيدون: ايوه فى منسه ١٨ سنه وقاسم ٢٨ سنه
همسه بتوهان: قاسم
زيدون: امممم
ها روحتي فين
همسه: مفيش
زيدون: ما اتعرفناش
همسه: مش لازم
زيدون: قديمه يعنى بعد ما عرفتك كل اسراري مش عايزه تعرفينى انتى مين
همسه: اسرارك مش قولتلك انت مصيبه
زيدون: بس دمى خفيف صح قولى اسمك وسنك وعنوانك
همسه: هههههههه أسمى همسه عندى٢٤ سنه من مصر
زيدون: تشرفنا كنتى عايزه تنتحرى ليه
همسه: عشان بكره نفسي
زيدون: على فكره مفيش حاجه تستاهل أن انتى تكرهى نفسك
همسه: لا فيه
زيدون: طب أحكيلى وانا اوعدك لو حاجه تستاهل هموتك دلوقتي ولو ما تستاهلش همشي واسيبك اوكى
همسه: انت بتتكلم بجد
زيدون: احكى بقى
همسه: انا كنت في كلية صيدلة كنت ممتازه جدا في تعليمى لحد ما قابلت واحد وحبيته اوى وهو كمان كان بيقولى أن هو بيحبنى اتخطبنا وكان قمن خطوبتنا انى مش هكمل تعليم كنت موافقه لان هو كان بالنسبه ليا كل احلامي اتجوزنا كنت عايشه معاه في سعاده لحد ما خانى اول مره مع السكرتيره وعشان انا اللي اختارت اتحملت نتيجة اختيارى تانى مره عرفت أن هو بيجيب بنات ليل الشقه لما بكون عند ماما ولما كنت بواجهه كان بيرفع أيده ويضربنى كنت بستحمل وبقول بكره يتغير ويرجع زى الاول كنت بشوف نظراته لاختى وإعجابه بيها هى مش بيضاء أوى لكن ملامحها جميله لحد ما رجعت يوم البيت وشوفتهم مع بعض قررت ابعد واسيبه اتطلقنا بس كنت حاسه بفراغ كبير اوي من غيره كان ناقص فى حياتى كتير اوي لما بعدت عنه روحت الشقه اللى كنا متجوزين فيها عشان أقوله نرجع تاني لكن اتفاجأت أن هو اتجوز اختى
زيدون بزعل: تقومى تموتى نفسك
همسه ببكاء: عشان زهقت منها نفسي دى اللى وصلتنى لكده
زيدون: استغفرى ربنا انتى عارفه أن بعد دا كله ربنا كاتب ليكى الاحسن جايز تتجوزى انشاء يقدرك ويفهمك ويحترمك ويحفظلك كرامتك بلاش تخلى نهايتك كده انتحرتى يعنى موتتى كافره مش هتبقى ميته منتحره وتدخلى الجنه مثلا لو اتعذبتى حتى من يوم ولادتك للساعه دى وخليتى اخرتك كده
همسه: اعمل ايه بس
زيدون: ولا حاجه أن شاء الله ربنا هيوفقك وهتكونى اعظم بنت فى الدنيا كلها بس اصبري
همسه: كلامك حلو اوى
زيدون: لا مش كلامى بس انا اصلا جميل
همسه: هههههههه ومغرور
زيدون: ايوه كده خلى الشمس تطلع هههههههه
همسه: متشكره جدا ليك
زيدون: انا اللي متشكر جدا ليكى واتشرفت جدا بمعرفتك دا رقمي ولو حبيتى في اى وقت تكلمينى انا موجود وبلاش النظره دى انا قصدى نبقى صحاب اخوات كده يعنى
همسه: ماشي
زيدون: تانى ماشي هو ممكن سؤال بس
همسه: اتفضل
زيدون: هو الشخص اللى كنتى متجوزاه اسمه ايه
همسه: اسمه قاسم
زيدون: هو اسمه قاسم بس
همسه: اسمه قاسم النجار
زيدون: ايه قاسم النجار ازاى يعنى
همسه: دا اسمه.
زيدون: يعنى انتى اللى كنتى متجوزه قاسم اخويا وطلقها
ذيدون: انا مش عارف اعمل ايه اساعدك ولا اسيبك وانتى حره في مشاكلك
خايف اساعدك اخسر اخويا اللى عمرى ما شوفت منه.غير كل خير من وقت ما بابا تعب  هو اللى احتوانى وربانى
ووقف جنبى لحد ماخلصت تعليمى
مستحيل اصدق عنه كده
همسه: دا اكيد بس صدقنى دى الحقيقه انا مش عايزة ااذيه انا عايزاه يحس بنفس الاحساس اللي انا حسيته بس
ذيدون: مش عارف اعمل ايه او اتصرف ازاى
همسه: عموما شكرا جدا ليك واسفه على ازعاجك
ذيدون: انتى هتمشي
همسه:ايوه
ذيدون:انا اسف
همسه: على ايه
ذيدون:اقعدى دقيقه
همسه:ليه
ذيدون:لو سمحتي
همسه:قعدت اتفضل
ذيدون: انا هساعدك بس بشرط
همسه:اتفضل
ذيدون:اللى انا هقوله هو اللي هيتنفذ
همسه:وايه هو اللي هتقوله
ذيدون:هترجعى لاهلك وتقولى في واحد عايز يتجوزك وبأي طريقة لازم تقنعيهم
همسه:مستحيل
ذيدون؟خلاص انتى حره
همسه:موافقه
ذيدون:ممكن رقم تليفونك وعنوانك
همسه:ليه
ذيدون:حزن الحزن الطم
همسه:خلاص دا رقمى****** ودا عنوانى*****
ذيدون:تمام
مضطر امشي دلوقتي وحاجه اخيره مش عايز حد يعرف اى حاجة
همسه:حاضر
ماجده:اهم حاجه انتى عايزاه
همسه: ايوه يا ماما
عزت: يبقى على بركة الله
حنان والدة ذيدون:وحشتني اوى اوى يا حبيبي
ذيدون: وانتى كمان يا روحي
قاسم:وانا ماليش حاجه
ذيدون بحزن على اللي هيعمله مع اخوه وبزعل منه فى نفس الوقت:انت ليك كل حاجه
قاسم:امممم كل حاجه كل حاجه
ذيدون بحزن:كل حاجه كل حاجه
حنان:ربنا يخليكم لبعض و ما يحرمكم من بعض ابدا ابدا ابدا
قاسم:ويخليكي لينا يا ست الكل
#بقلم_أيات_عبدالرحمن
همسه دخلت اوضتها وغصب عنها دموعها نزلت فجأة تليفونها رن
الو ايوه مين
ذيدون:انا ذيدون
همسه: زيتون مين
ذيدون:زيتون ايه ذيدون
همسه:اه اسفه
ذيدون:عملتى ايه
 همسه:عرضت عليهم الكلام ووافقوا
ذيدون:تمام
همسه:ذيدون
ذيدون:نعم
همسه:هو انت ليه بتساعدنى
ذيدون:عشان عايز اخويا يرجع زى الاول عايزه قاسم قدوتي مش عايزه قاسم الخاين عرفتى انا بساعدك ليه
همسه:ايوه
تانى يوم ذيدون اتكلم مع والد همسه وحددوا ميعاد الجواز بعد يومين مفيش حد عارف ان ذيدون يبقى اخو قاسم غير همسه
تم الجواز وهمسه في طريقها لبيتها الجديد
ذيدون:بقولك
همسه:اتفضل
ذيدون: دلوقتي كل اللي في البيت يعرفوكى صح
همسه:ايوه
ذيدون: عايز اي كلمه تسمعيها منهم ماتعلقيش عليها
همسه:ليه هما هيعملوا ايه
ذيدون: واحده كانت متجوزه الابن.الكبير وانفصلوا واتجوزت الصغير عايزاهم يعملوا ايه
همسه:اه احنا هنبدء  بقي
ذيدون:مش فاهم
همسه:لا انت فاهم لو هاتهنى يا ذيدون كل شويه اعتقد اللي شوفته من اخوك كان كفايه اوى ولو انت هتكون زيه يبقى نتطلق وخلاص
ذيدون: هدى اعضائك يا خالتى هديهم
انا بس بفهمك الوضع ولا تحبى اسيبك كده مش فاهمه حاجه
همسه:خلاص ماشي بس تحترم نفسك ماشي
ذيدون برفع حاجب : هو مين دا اللى مش محترم
همسه افتكرت قاسم لما حصلت بينهم مشكله وعمل نفس الحركه
F       l        a        s        h
همسه:ماتجننيش يا قاسم
قاسم:سلامتك من الجنان يا قلب قاسم
همسه: لا انت هتشلنى
قاسم: بعيد الشر يا روحي
همسه:دا انت شخص بارد
قاسم برفع حاجب: مين دا اللي بارد
همسه: ايوه كل ما اكلمك ارفع حاجبك
قاسم:هههههه رفع الحاجب ده موهبه
همسه:موهبه ازاى يعنى
قاسم: موهبه في خطف القلوب هههههه
ذيدون: روحتى فين
همسه:مفيش
ذيدون:لسه بتحبيه
همسه:ليه السؤال
ذيدون:   يعنى سؤال عادي
همسه:مابقاش ليه مكان في قلبى
ذيدون:مش دا اللي انا شايفه
همسه:لو سمحت يا ذيدون مش حابه الكلام في الموضوع ده تاني
ذيدون:اوكى حاضر وصلنا انزلى
بيدخل ذيدون هو وهمسه وايديهم متشابكه
واول مادخلوا كانت المفاجأة
يتبع..
لقراءة الفصل التالي : اضغط هنا
لقراءة باقي حلقات الرواية اضغط على (رواية أختي سرقت زوجي)

اترك رد