Uncategorized

رواية أسيل الحب الفصل الأول 1 بقلم شيماء كمال

 رواية أسيل الحب الفصل الأول 1 بقلم شيماء كمال

رواية أسيل الحب الفصل الأول 1 بقلم شيماء كمال

رواية أسيل الحب الفصل الأول 1 بقلم شيماء كمال

_هي دي العروسه اللى عاوزاني اتجوزها يماما عاوزاني اتجوز دي
_اهدى يبني يحبيبي
(سمعت الكلام اللى قاله مقدرتش امسك نفسي من الدموع حسيت اني في كابوس مش عاوز يخلص)
_عاوزاني اتجوز واحده وشها محروق كده ومشوه
انا اسيل ٢١ سنه حصلي حادثه في البيت من ٢ شهور تقريبا كان البيت حصل فيه حريق وانا الوحيده اللى كنت فيه وماما كانت في مشوار وقتها ..جسمي بقى كله محروق مشوه حرفيااا .وشي نصه محروق والنص الثاني سليم مفيهوش غير حاجات بسيطه .انا بعاني كتير اووي لدرجه اني مبعرفش البس هدومي لوحدي ولا بحرك ايدي ولا رجلى ولو حركتهم بحركهم بصعوبه الجروح اللى في جسمي مش بتلم بسرعه كنت متابعه مع دكتور وقالى ممكن اعمل عمليات تجميل بس لما الجلد يلم شويه 
اسيل:بص يا استاذ انا بصراحه مش وشي بس اللى مشوه حضرتك انا جسمي كله مدمر
عمر: وبتعترفي كمان
اسيل وهي بتحاول تخبي دموعها:ايوه علشان من حقك تعرف كل حاجه عني وبعدين انت تستاهل حد احسن مني انا مش بقول كده علشان اصعب عليك لا ابدا انا بقول كده عشان انا عارفه نفسي
والدة عمر:صدقني يحبيبي الجمال مش اهم حاجه في حاجات كتير اهم وبعدين دي حاجه مش بايديها انت كان ممكن  تتجوزها وهي بدر منور وفي يوم من الايام يحصلها كده برضو الجمال مش بيدوم الروح الحلوه والاحترام هو اللى بيدوم
والدة اسيل:معلش يا ام عمر سؤال بس انتي جايبه العريس غصب عنه يعني ميعرفش ان بنتي كده
والدة عمر:بصراحه لا
والدة اسيل:طب بصي انا بنتي بنت ناس محترمه وكان اي حد يتمنا ضافر منها بس الحمد لله على كل حال فخدي ابنك ودوريله على واحده تكون على مزاجه احنا معندناش حد بيتغصب على حاجه
عمر:معلشي يست الكل والله مش قصدي ازعلكم مني بس انا متفاجئ بس من اللى حصل حتي والدتي مقالتليش اللى فيها
فلاش باك
والدة عمر:عمر يحبيبي عاوزه افرح بيك بقى
عمر:هاا وبعدين
والدة عمر:عندي ليك عروسه ادب واخلاق وحاجه كده حلوه اووي
عمر:مش بفكر انا غير في شغلى يماما وانتي عارفه كده
والدة عمر: يبني عاوزه اموت وانا مطمنه عليك عاوزه افرح بيك قبل ما يحصلى حاجه
عمر:متقوليش كده يماما ربنا يعطيكي الصحه وطولة العمر يارب
والدة عمر:طب اي قولت اي بقى
عمر: حاضر يماما بس مين اللى قصدك عليها بقى
والدة عمر:كان ليا واحده صاحبتي زمان ومازلت صاحبتي بردو بنتها بنت زوق وادب واخلاق وميهمنيش غير كده
عمر:طيب يماما المهم تكون عجباكي
________
عمر:ممكن اقعد انا والانسه اسيل نتكلم شويه لوحدنا
والدة اسيل:القرار قرار اسيل طبعا
والدة عمر:اقعدوا سوا يحبيبتي وان شاء الله خير
اسيل:ماشي (كنت عاوزه اعرف هو عاوز يقولي اي بعد اللى حصل منه ده)
_______
عمر:انا اسف
اسيل:على اي
عمر: عشان جرحتك بكلامي من شويه
اسيل:لا عادي متعوده على كده
عمر: والله العظيم ما كان قصدي ازعلك بكلامي.انتي احترامك اللى شوفته ده خلاني اسكت خالص ولقيت نفسي بقول عاوز اتكلم معاكي شويه
اسيل:حصل خير محصلش حاجه
عمر: توافقي تتجوزيني طب
اسيل:بص انت اكيد يا بتهزر يا شفقان علياا وانا مش بحب الهزار اللى زي كده ولا عاوزه شفقه من حد
عمر:طب اسيبك تفكرى براحتك إذا كانت نظره عيني دي شفقانه عليكي ولا بجد معجبه بيكي
_________
والدة عمر (فريدة):اي يبني اللى عملته ده وانا اللى مفكراك اقتعنت بيها وخلاص هنقرا الفاتحه
عمر:بصراحه يماما البنت محترمه وكل حاجه وقولتلها اسيبلها فرصه تفكر بس انا كنت بعطي لنفسي انا فرصه افكر عشان ماظلمهاش معايا
فريده: طيب يحبيبي فكر براحتك بس عاوزه اقولك كلمتين تسمعهم كويس.اهم حاجه الاخلاق يحبيبي ممكن تشوف بنت شكلها حلو اووي بس دمها سم وممكن تشوف بنت متوسطه الحال بس عندها خفة دم ورضاا من عند ربنا احسن بكتير من اللى شكلها حلو دي والبنت انت لو شوفت صورتها قبل الحادثه دي هتقول سبحان الله والحمد لله على كل حال
عمر:انا مش بسخر من شكلها والله يماما وعارف كل كلمه بتقوليها بس لو خير اكيد هوافق
سيبت ماما ودخلت اوضتي وانا بفكر في كل كلمه ماما قالتها هو فعلا الجمال مش بيدوم والبنت احترامها واخلاقها دول اهم حاجه..قعدت على السرير في وضع نصف جالس كده وانا كل تفكيرى في اسيل البنت البريئه اللى مالهاش ذنب في اللى هي فيه ده ونظره عنيها لياا كانت كلها وجع بس نظرتها لياا حسستني بحاجه غريبه كده مش عارف اي هي
______
اسيل:صدقيني مش هيجي تاني يماما هو عمل نفسه بيديني انا الفرصه افكر بس هو كان بيدي نفسه الفرصه دي وبعدين انا مش عاوزاه يجي اصلا هو شاب قمور وعسل كده ويستاهل واحده احسن مني
سهير:بس يبت متقوليش كده اكيد هيجي ده انتي اي حد يتمناكي
اسيل:صبريني يماما بكلامك ده صبريني 
دخلت اوضتي وانا شفقانه على حالى من الوجع اللى جوايا ده انا لسه صغيره وبيحصلى كل ده بس الحمد لله ربنا عاوز كده واي حاجه ربنا بيعملها بتكون خير لينا نفسي ارجع الجامعه تاني من يوم ما حصلى الحادثه دي وانا مبقتش اروح في مكان خالص شويه ولقيت صاحبة عمرى بترن علياا
هنا:حبيبت قلبي عامله اي
اسيل:بخير يروحي وحشاني اووي يا هناا والله
هنا:انتي وحشاني اكتر والله..انا جايالك انهارده 
اسيل:بتتكلمي بجد
هنا:ايوه طبعا
اسيل:خلاص مستنياكي.في حاجات كتير اووي عاوزه اقولهالك
هنا:حاجات كتير:طب مش بتقوليلى الحاجات دي لما بكلمك لي هاا
اسيل:تعالى انتي بس وانا هحكيلك عشان في حاجات مبتنفعش تتقال على الموبايل
هنا:تمام ساعه كده واجيلك
________
فرحت اووي لما عرفت ان هنا جايه تقعد معايا بقالى فتره مشوفتهاش عشان كانت مسافره 
____
عمر:اسيل اسم حلوو زي صاحبته وزي عيونها الحلوه وزي اخلاقها اللى عجبتني ..اوافق اتجوزها..اي اللى انا بقوله ده المفروض العروسه اللى بتقول الكلام ده لا حول ولا قوه الا بالله .اسيل هتجوزك خلصااااانه
عمر:يماماااا يماماااا
فريدة:اي يحبيبي صوتك عالى كده لي
عمر: قولي  لحماتي خلااص هتجوزهاا
فريده:انت اتجننت يواد حماتك مين وتتجوز مين
عمر:اسيل يا امي اسيييل خلاص هتجوزها يستي
فريدة:انت بتتكلم بجد يواد فكرت كويس بدل ما تعملنا مصيبه قدام الناس وتحرجنا
عمر:فكرت كويس يماما فكرت وكنت حاسس براحه رهيبه وانا بفكر في الموضوع وان شاء الله خير يست الكل
فريدة: لولولولوي لووولوووي
عمر:هششش اي اي يماما مش كده يحبيبتي 
فريدة:مبسوطه يواد فرحانه اووي
عمر:لو اعرف انك هتبقى مبسوطه اووي كده كنت اتجوزت من زمان
فريدة:بص يبني انا حاسه بيك والله وعارفه ان كان نفسك تتجوز واحده زي اي البنات بس
عمر:من غير ما تكملى كلامك يماما انا مكنتش عاوز واحده تبقى زي البنات انا كنت عاوز واحده مختلفه عن الجميع والحمد لله لقيتها اهو خلاص بقى
_______
هنا:ازيك يا طنط وحشاني اوووي
سهير:ازيك يحبيبتي اتفضلى .اسيل جوه في اوضتها
هنا: تمام هدخلها اهو
_______
اسيل:اااه براحه يبنتي ده كله حضن
هنا:تصدقي انا غلطانه يعني عشان وحشاني هتذليني بقى
اسيل:متقوليش كده ربنا يعلم انتي اللى وحشاني قد اي
هنا بمزح: اي اخبارك يا اوسو الدنيا حلوه من غيرى
اسيل: دنيا حلوه!! 
هنا: مالك يختي في حاجه
اسيل: في حاجاتتتت مش حاجه واحده
هنا:لا ده الموضوع كبير بقى!!انا اقوم اعمل فنجانين قهوه واجيلك عشان نبقى على مزاج
اسيل بضحك:هي دي الصحاب.قومي يختي قومي البيت بيتك
_هنا:اي الاحراج ده.اهي طنط هي اللى جابت عصير اهو
سهير:عارفه انك بتحبي القهوه يحبيبتي اشربي ده وشويه كده اعملك احلى فنحان قهوه
هنا: تسلم ايدك يطنط
هنا:هاا بقى اي اللى حصل وانا مش موجوده
اسيل:قصت لها كل ما حدث 
هنا: لحظه لحظه اقفي هنا بقى كده.. اسمه عمر ووالدته صديقة طنط 
اسيل:ااه يست
هنا:بصي هو اكيد هيجي تاني والنبي يختي هتلاقيه جايلك من بكره بس اتقل اتقل
اسيل:اتقل!!انتي محسساني اني كنت بحبه مثلا يبنتي انا مش مستعجله على الجواز خالص بس ماما صعبانه علياا اووي تعبت معايا عاوزه اسيبها ترتاح مني شويه
هنا: عارفه لو مامتك سمعت الكلام اللى بتقوليه ده مش هتخليكي تبعدي عنها خالص وبعدين لو مكانتش امك اللى تتعب ليكي مين اللى هيعمل كده
اسيل:مش عارفه بقى المهم اني مش عاوزاها تتعب بسببي
هنا:خلاص انا جيت من السفر اهو هتلاقيني عندك ليل نهار  وهحاول اعمل ربع اللى مامتك بتعمله علشانك.انتي ياما عملتي حاجات كتير علشاني وعمرى ما هنساها وياما وقفتي جمبي في اصعب مشاكلى لما الكل اتخلى عني وقتها وانتي اللى فضلتي سانداني
اسيل:يبنت انتي اختي وربنا يعلم معزتك عندي عامله ازاي كفايه بقى المحن اللى احنا فيه ده
هنا بضحك:ده مش محن يعمررى ده حب الاخوه
________
عمر:رنيتي عليها
فريدة:ايوه رنيت عليها وقالتلى هتسال اسيل الاول
عمر:اسيل!بصي انا متعاملتش معاها بس حسيت ان دماغها ناشفه واكيد هتغلبنا معاها شويه
فريدة بمزح:ومالو تغلبنا اهو عااش اللى يغلبك ي عمر بيه
عمر:عسل انتي يا ام عمر خدي بوسه بقى
________
هنا قعدت معاياا لحد بالليل ومشيت وشويه ولقيت ماما جايه تكلمني
سهير:فريدة رنت عليا وقالت عاوزه تشوف رايك اي ولو موافقه هيجوا بكره تاني ويتم قراية الفاتحه
اسيل:بتتكلمي بجد..هو الشاب ده مجنون ولا اي ازاي يوافق بيا اصلا
سهير: بطلى هبل يبنت انتي زينه البنات كلهم هو اي اللى ازاي يوافق بيكي وبعدين كلها شهور وتعلمى العمليات وتبقى احسن من الاول.بس بصراحه انا زعلت من كلام عمر لما جه وزعلت من الكلام اللى قاله عليكي وبفكر ان انا اللى اقوله لا متجيش
اسيل:لا لا اصبري بصي لما كان طلب منك نتكلم لوحدنا اعتذرلي وقال ان مامته مكانتش معرفاه على الحكايه وبصراحه يماما هو شاب محترم يعني
سهير:خلاص يحبيبتي اللى يريحك.المهم اللى انتي عاوزاه هيحصل بس مش عاوزاكي تستعجلى بردو
اسيل:لا يحبيبتي مش مستعجله على حاجه بس حاسه انه خير
سهير :معني كده انك خلاص موافقه يعني
اسيل:ايوه موافقه
_______
تاني يوم:
سهير:اتفضلوا نورتوا البيت
عمر:ربنا يخليكي تسلمي
هنا:اهلا بيكم انا هناا لو متعرفونيش
فريدة:هنا مين بقى
هنا:انا صاحبة اسيل اختها يعني
فريدة:اهلا يحبيبتي
سهير: روحي نادي على اسيل يهنا 
هنا:حااضر
______
هنا:اي يبنتي قاعده خايفه كده لي
اسيل:مش عارفه مش عارفه خايفه يغلط في الكلام معايا
هنا:ده طلع مز يبت وكمان باين عليه محترم
اسيل:ما تروحي تتجوزيه انتي وخلاص
هنا بمزح:لو لي اخ جوزيهولى
اسيل:ربنا يهديكي
هنا:ويهديكي يلا قومي
طلعت مع هنا.كنت لابسه دريس طويل يخبي الحروق بقدر الإمكان عشان متحرجش مع اني قولتله ان جسمي كله مدمر جسمي كله بيوجعني وانا طالعه وقاعده اتنهد من الخوف
فريدة:العروسه جات اهي
عمر بص عليها على طول واول ما شافها حس انه عاوز يضمها لي من الخوف اللى شافه في عيونها ده
سهير:اقعدي يحبيبتي
_________
(تم قراية الفاتحه واتخطبنا وكل حاجه تمت بنجاح وحاولنا منخليش فترة الخطوبه تتطول كانت ٤ شهور وكانوا الطرفين جاهزين  وكل حاجه عدت بسرعه لحد ما جه اليوم اللى حدد مصيري
كتب الكتاب:
قولتلهم مش عاوزه ناس كتير في اليوم ده ومش عاوزه فرح كبير عاوزه الفرحه الكبيره اللى بيقوله عليها دي هي نفسها كتب الكتاب عمر جاب صحابه التلاته معاه دول اقرب حد ليه وجاب عمه وخاله ووالدته وكان معايا هنا وماما وخالاتي وخالى 
بارك الله لكما وبارك عليكما وجمع بينكما في خير
بعد الجمله دي مصيرنا اتحدد بس الحمد لله كنت مطمنه عشان عمر في الاربع شهور بتوع الخطوبه استحملني كتير وكان بيعمل اي حاجه تسعدني وكان فاهم عاوزه اي من غير ما اتكلم كان بيهتم بياا وكأننا كنا عارفين بعض من سنين وكتبنا كتب الكتاب قبل ما اعمل عميله التجميل باسبوعين على حسب تعليمات الطبيب
عمر:تسمحيلى بقى يحماتي اخد بنتك منك 
سهير بدموع:لا مهو انت مش هتاخدها مني زي ما بتقول اكيد هتجيلى البيت وانا هشوفها وانت يا عمر اوعي تزعلها والنبي يحبيبي  
عمر:اسيل في عيني متخافيش 
____
روحنا البيت وبقينا في بيت واحد وحاسه ان انا بحلم حلم مش حقي 
عمر: ادخلى يا اسيل متخافيش 
اسيل:حاضر
عمر شاف اسيل مش قادره تحرك رجيلها كويس من الحرق  ف شالها دخلها جوه اوضتها
اسيل:اي انت بتعمل اي انا ممكن امشي على فكره انا ليا رجلين
عمر:عارف انك قادره تمشي بس معلش اسمحيلى انا ادخلك اوضتك
________
عمر:اي حاجه تحتاجيها  قوليلى
اسيل:شكرا يا عمر
عمر:انا هنام في الاوضه التانيه عشان تاخدي راحتك في اوضتك ومتتحرجيش مني 
اسيل:اسفه.انا دخلت غيرتلك حياتك
عمر:اممم قولي غيرتيها للاحسن
اسيل………
عمر:طيب هدخل اشوف اي في التلاجه واجيب ناكل سوا عشان انا جعان اووي يعني
اسيل:بس انا مش جعانه 
عمر:بس انا جعان
(حسيت انها جعانه بس محروجه تقولي عشان يعتبر مش بتعرف تمسك حاجه بايديها لان جلدها متهتك يمكن انا مش زي والدتها بساعدها تاكل وكده  بس هحاول اعوضها عن اي حاجه)
______
عمر:اهو الاكل جهز اهو وهناكل سوا ومتقوليش لا
اسيل بتوتر:بس بس انا مش
عمر:هششس خلاص هناكل سوا يعني هناكل سوا
اسيل:بس بصراحة انا مش بعرف اكل لوحدي
عمر:ومين قال انك هتاكلى لوحدك.انا هاكلك يلااا
عمر بدأ ياكلها ويساعدها في تحر
اسيل:خلاص شبعت
عمر:طب خدي دي اخر حاجه وخلاص
___
اسيل:طب كل انت بقى
عمر:حاضر …..
__
اسيبك بقى في الاوضه دي براحتك وانا هدخل الاوضه التانيه ولو احتاجتي اي حاجه قوليلى
اسيل: ماشي
____
في صباح اليوم التالى
عمر قام من النوم وكان ماشي قدام غرفه اسيل حب يطمن عليها لسه جاي يخبط على الباب لقاه مفتوح ااول ما دخل لقى اسيل………
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد

اترك رد