Uncategorized
رواية عشقت ضابط مخابرات الفصل العشرون 20 بقلم رقية محمود
رواية عشقت ضابط مخابرات الفصل العشرون 20 بقلم رقية محمود
 |
| رواية عشقت ضابط مخابرات الفصل العشرون 20 بقلم رقية محمود |
رواية عشقت ضابط مخابرات الفصل العشرون 20 بقلم رقية محمود
محمد وقد نفذ صبره وحان الوقت لكى يقول السر: لا علشان انتى خاينه ياهانم
سيدرا بصدمه : ايه انت بتقول ايه
ضحك محمد بسخريه : ايه مالك مصدومه ليه
سيدرا بحده: علشان الكلام دا محصلش انا عمرى ما خونتك
محمد بغضب: لا خونتينى انا هقولك اللى حصل
“فلاش باك “
كان محمد وصل إلى بيته نزل من العربيه بسرعه فهو لقد إشتاق إلى حبيبته سيدرا ثم دخل إلى البيت وطلع إلى غرفتهم بسرعه وقبل أن يدخل سمع سيدرا تقول
سيدرا تضحك بصوت عالى : وانت كمان ياحبيبى وحشتنى اوى
طارق :٠٠٠٠٠٠٠
سيدرا : لا محمد مش هنا ياحبيبى
عند محمد كان واقف على الباب مصدوم من إن حبيبته تخونه عقله صور له إن هى تخونه
ثم ذهب بدون أن يسمع باقى الحديث
“باك”
محمد بغضب: عرفتى بقا إن انتى خاينه انا مكنتش عايز اقول السر دا بس انتى اللى اجبرتينى إنى أقوله
ضحكت عليه سيدرا بسخريه
محمد باستغراب: انتى بتضحكى على ايه
سيدرا بحده : مش قولتلك انت فاهم غلط ولا وكمان طلع معندكش ثقه فيا انت لما سمعتنى بقول حبيبى والكلام دا مشيت علطول مسمعتش الباقى انا اللى كنت بكلمه اخويا طارق
محمد بصدمه : ايه اخوكى طارق
سيدرا بغضب : اه اخويا طارق وانت مسمعتش باقى المكالمه وحتى لو كدا انت المفروض يكون عندك ثقه فيا بس انت لاء مكانش عندك ثقه فيا خالص
محمد بندم : انا اسف
سيدرا بسخريه : اسف على ايه على عدم ثقتك فيا وال إهمالك ليا
محمد بحزن : إهمالى ليكى مكانش قصدى انا كنت بعمل كدا علشان اخليكى عيشه حياه سعيده
سيدرا بصوت عالى : وإهمالك ليا وعدم ثقتك فيا كدا تبقا حياتى سعيده للاسف احنا اه بنحب بعض بس مش فاهمين بعض انت فاهم إن انا اهم حاجه عندى الفلوس والخروج وبس لكن انا مش كدا يامحمد انا كان نفسى اعيش حياه سعيده مع زوج مهتم بيا واعيش مع اولادى اشوفهم بيكبروا قدامى
ادم بعصبيه ووجه محتقن بالدماء من شده الغضب: أولادك اللى انتى سبتيهم ومشيتى انتى واحده انانيه
سيدرا بصوت عالى : ادم احترم نفسك واعرف انت بتكلم امك
ادم بغضب: انا بكرهك وخليكى عارفه انا مستحيل اسامحك
ثم تركهم وذهب
“بقلم رقيه محمود”*روكا*
**************************
“بقلم رقيه محمود”*روكا*
عند ريهام ومحمد وسيدرا
ريهام بغضب : انا مش عارفه انتو ازاى كدا
سيدرا بعصبيه : ابوكى هو اللى غلطان
ريهام بعصبيه : مش بابا بس هو اللى غلطان انتى كمان غلطانه
سيدرا ببرود: وانا غلطانه بقا فى ايه ياست ريهام
ريهام بغيظ: كمان مش عارفه انتى غلطانه فى ايه انتى غلطانه إنك تمشى وتسبينا انا وادم
سيدرا : يعنى كنتى عايزانى اعمل ايه
ريهام وهى تجز على أسنانها : كنتى المفروض تقعدى مش تمشى
محمد بندم : انا اسف
سيدرا ببرود: اسف ودى اصرفها منين
محمد بغضب: انا مش عارفه انتى جايبه البرود دا كله منين
سيدرا تريد أن تقوم وتحضنه ولكن حاولت صنع قناع الجمود : من ساعت أما عرفت أن انت معندكش ثقه فيا
محمد برجاء: سيدرا تعالى ننسى اللى فات ونبدأ من جديد
تريد ان تقول له موافقه لكن تريد أن تعطى له درس حتى لا يشك فيها مره تانيه
سيدرا ببرود: لاء عن اذنكم
ثم خرجت من البيت وركبت تاكسى واتجهت إلى الفندق
“بقلم رقيه محمود”*روكا*
***********************
عند هاجر كانت قاعده فى الغرفه تبكى بحرقه
هاجر تحدث نفسها وهى تبكى : ااه ياربى اعمل ايه
ثم أخذت تدعى إلى ربها ” يارب والنبى اجعل القادم خير ” ثم قعدت تبكى
“بقلم رقيه محمود”*روكا*
**********************
عند جورى وحمزه فى الڤيلا
جورى : تعال معايا فوق علشان حضرتك تشوف اوضتك
حمزه بابتسامه : ممكن بلاش تقولى حضرتك وتقوليلى بابا
جورى بقوه : لا مش ممكن انا قولت لحضرتك انى هسامحك لما تطلق ماما من سليمان
حمزه بابتسامه : المهم انك معايا وجمبى وإن شاء هاجر هتطلق من سليمان
اجل إنها تريد ان تقول له بابا وتذهب إليه وتحضنه لكنها تظهر قناع البرود والجمود
جورى بجمود: انا عايزه اغير اسمى
حمزه بعد فهم : ازاى مش فاهم
جورى بجمود: يعنى عايزه اسمى يبقا جورى حمزه
مش جورى سليمان عايزه اسمى يبقا على اسم ابويا الحقيقى
اجل إنه مش مصدق نفسه بنته بتقول ابويا يعنى هى معترفه إن انا ابوها الحقيقى “كان هذا مايدور فى رأس حمزه
ثم تحرك فجاءه فى اتجاه جورى وقام بإحتضان بنته من كتر فرحته
كانت جورى لاول مره تجرب حضن الاب لقد شعرت فى حضنه بإحساس غريب لاول مره تحسه رغم أن هى حست فى حضن ادم بالأمان لكن حضن ولدها غير بعد وقت بعدت عنه
حمزه بفرحه: هنروح امتى نغير الاسم
جورى بتلقائية: بكره
حمزه بابتسامه : ماشى ياحبيبتى تعالى ورينى اوضتى
جورى: يلا
ثم طلعت والدها إلى غرفته
وخرجت ثم دخلت الى غرفتها
“بقلم رقيه محمود”*روكا*
**************************
عند اسر كان قاعد على السرير فى غرفته ثم قام بالاتصال على شهد
اسر بحب : ازيك ياشوشو
شهد بحب: الحمدلله انت عامل ايه
اسر بمغازله: بخير طول ما انتى بخير
شهد بمرح : امم متصل ليه
اسر: علشان اشوف حبيبتى عامله ايه
شهد بمرح : ياعم دا كلها يومين وتلاقينى قاعده فى وشك كل يوم
اسر بمرح : اصدقى ياشوشو هتبقا احلى قاعده
شهد بغرور: طبعا يابنى دا انا شهد عاصم
اسر بمرح : وايه يعنى مش مهم
شهد بحزن مصطنع : بقا كدا يااسر ماشى متكلمنيش تانى ثم تكلمت بطريقه طفوليه : انا زحلانه منك
ضحك اسر بصوت عالى على طفولتها ثم قال : زحلانه ايه الله ياخربيتك يابت اسمها زعلانه
شهد ببراءه: معرفش هما الاطفال بيقولها كدا
اسر بمرح : يالهوى ياناس هتجوز طفله
شهد بطفوله: مالهم الاطفال يااستاذ اسر
اسر بحب: انا عن نفسى بحب الاطفال
شهد بحب: وانا كمان بحبهم اوى
اسر بعشق: انا نفسى فى بنوته تبقا شبهك قمر كدا
شهد : وانا نفسى اجيب تؤام بنت وولد والاتنين يبقوا شبهك
اسر بمرح: هيبقوا حلوين اوى لو شبهى
شهد بغيظ: تقصد ايه أن انا وحشه
اسر بعشق: لا طبعا ياروحى دا انتى ملكه جمال العالم
شهد بابتسامه: ايوه كدا
اسر: طب انا هقفل دلوقتى علشان هتصل باادم
شهد : تمام تصبح على خير
اسر: وانتى من أهل الخير
ثم قفل مع شهد واتصل على رقم ادم
اسر: الو ياادم
ادم بحزن : ايوه يااسر
اسر وقد لاحظ نبره صوت صديقه
اسر بقلق: فى ايه ياادم
ادم بحزن : طلعت عايشه مش ميته
اسر بعدم فهم: انت تقصد على مين ياادم
ادم ولقد نطق بصعوبه : ا م ى
اسر بصدمه: بجد امك طلعت عايشه
ادم بحده : متقولش عليها امى هى مش امى
اسر بهدوء: أهدى بس وقولى كل اللى حصل
قص له ادم كل اللى حدث
اسر بهدوء: ادم انت لازم تسامحها هى معملتش حاجه
ادم ولقد أصبح وجه محتقن بالدماء من شده الغضب: انت بتقول ايه انا مستحيل اسامحها دى واحده انانيه مش بتحب غير نفسها
اسر بحده : ادم عيب كدا راعى أن اللى بتتكلم عليها دى تبقا امك
ضرب ادم يده فى إزاز العربيه من شده غضبه حتى من آثار الضربه جعلت أيده تنزف
ادم بعصبيه وصوت عالى : انا قولتلك دى مش امى انا امى ماتت بالنسبه ليا
اسر بحده : ادم مينفعش اللى بتعمله دا كدا غلط
ادم بغضب: غلط فى ايه واللى هى عملته مش غلط إن هى تمشى وتسبنا واحنا صغيرين مش غلط كدا وكمان انا اكون ماسك فيها واقولها متمشيش ياماما والنبى وهى تمشى عادى كدا انا اللى غلطان
اسر بهدوء: يابنى دى امك كدا غلط اللى بتعمله دا
ادم بعصبيه : اسر اقفل
اسر : ياادم قطع كلامه ادم
ادم بعصبيه : انا قولتلك اقفل
قفل معه اسر فهو يعرف صديقه عندما يتعصب صعب اى حد يتكلم معاه
“بقلم رقيه محمود”*روكا*
*************************
“بقلم رقيه محمود”*روكا*
عند ادم كان سايق العربيه بأقصى سرعه وكانت أيده تنزف دم وهو لا يعطى لها اى اهتمام رغم أن هى كانت أيده مفتوحه جامد من أثر الضربه لكن وجع قلبه اكبر بكتير اكبر من اى وجع
اجل هو يحب ولدته وطول حياته لايستطيع أن يكره أمه لكن هى جعلت منه إنسان قاسى لايعرف الرحمه
وتركته وهو صغير ولم تعطى له إهتمام حتى اى كان السبب لايجب أن تترك اولادها وتذهب هذا ماكان يدور فى رأس ادم
حتى بعض وقت قليل وصل إلى الڤيلا ثم دخل وطلع إلى الغرفه ثم دخل وجد جورى جالسه على السرير وشارده ذهب وجلس بجانبها حتى انتبهت له جورى
جورى : مالك ياادم
ادم بحزن: محتاجك اوى يا جورى ثم ارتمى فى حضنها
جورى بقلق : ادم مالك انت كويس
لم يرد عليها ادم لكنه ضم جورى أكثر حتى إن عظامها كانت سوف تنكسر بين أحضانه ثم بعد قليل بعد ادم ولكنه كان محاوطها من كتفها
ادم بخوف: انتى عمرك ما هتسبينى وتنسى صح
جورى باستغراب: لاء مش همشى
ادم بخوف: هتفضلى جمبى رغم قسوتى وال هتبعدى وهتسبينى لوحدى
جورى بحنان : انا عمرى ما هسيبك رغم قسوتك عارف ليه علشان انت الوحيد اللى حسستنى بالامان انا بحس بالأمان جمبك ياادم
ادم وهو يمسك وجهها بيده التى تنزف: انا تخطيت مرحله العشق انا مستحيل اقدر اعيش من غيرك
وفى لحظه وجد جورى تصرخ وتبكى
جورى بصراخ وببكاء: ادم ايدك بتنزف
ادم بعدم اهتمام : وايه يعنى
نظرت له جورى بغضب ثم قامت لكى تجيب الاسعافات الاوليه وبعد دقائق رجعت وهى ممسكه بعلبه الاسعافات الاوليه ثم جلست بجانب ادم وهى تعمل له أيده
كان ينظر لها ادم بكل عشق أجل هى من عملت المعجزه هى من حطمت الأسوار واستطاعت أن تدخل قلب ادم بكل سهوله ثم بعد دقائق انتهت جورى من لف الشاش حول ايد ادم
جورى بغضب: ممكن اعرف يااستاذ ايدك كانت بتنزف من ايه
ادم بكدب: عادى اتخبطت
جورى بشك: وهو خبطه هى اللى هتخلى ايدك تنزف
ادم بخبث: وانتى مالك ياجوجو ايه خوفتى عليا وكمان كنتى بتعيطى
جورى بإرتباك : و و وانا هخاف عليك ليه
ادم بخبث: معرفش بس اكيد يعنى علشان حبيبك
جورى بإرتباك وهى تنظر إلى الارض: لاء طبعا
ادم بخبث: طب عينى فى عينك كدا ياجوجو
رفعت جورى نظرها وتقابلت عينهم فى أعين بعض
وكإن كل واحد يعبر للتانى قد ايه هو يعشقه ظلوا كدا
لوقت لايعرفوا قد ايه مر عليهم وقت وهما ينظرون لبعضهم ثم قطع الصمت ادم
ادم بعشق: يالهوى على جمال عنيكى
جورى بخجل وقد توردت وجنتيها مش شده الخجل جعل مظهرها اجمل
ادم بمرح : يا خلاثى ياناس على القمر بتاعى لما بيتكسف دا انتى تقول للقمر قوم وانا اقعد مكانك
جورى وهى تحاول تتهرب منه : انا هقوم انام تصبح على خير
ادم بابتسامه : لا استنى علشان مش هتعرفى تنامى
جورى باستغراب: ليه
ادم بثقه : انا بقولك كدا وانا عارف إن انتى مش هتعرف تنامى
جورى بتحدى : لا هعرف
ثم ذهبت إلى السرير وغطت نفسها
عند ادم ابتسم لها ثم قام ودخل إلى الحمام وهو يتذكر ولدته وكل اما يتذكرها يتعصب جامد ثم اخد شاور وخرج ولبس ملابس بيتى مريحه وكان متعصب ولكنه عندما خرج ونظر إلى جورى نسى غضبه وعصبيته وجدها بتتقلب ومش عارفه تنام ثم ذهب إليها وجلس بجانبها على السرير
ادم بابتسامه نصر : مش قولتلك مش هتعرف تنامى من غيرى
جورى وقد قامت وجلست على السرير وتحدثت بطفوليه: مش عارفه انام معرفش ليه
ادم بخبث: معرفش ثم تابع بخبث ممكن علشان حبيبك مش جمبك
جورى : لاء طبعا
ادم وهو يجذبها إليه ثم يحضنها
ادم بحب : كدا هتعرف تنامى
جورى وهى تحاول تبعد ادم عنها لكنه مثل الصخره التى لاتتحرك
جورى بغضب طفولى: ادم اوعى
ادم بمكر: هو انا عملتلك حاجه
جورى : اوعى ياادم عايزه انام
ادم : نامى وانتى كدا
جورى بطفوله: لامش هعرف
ادم بحزن مصطنع: وانا مش هعرف انام غير وانتى فى حضنى
جورى بحنان: خلاص هنام
ادم ولقد ضمها إليه أكثر
ادم بعشق: تعرفى أن انا مبقتش اعرف انام غير وانتى فى حضنى كدا
كان يتكلم وجورى لقد نامت نظر إليها ادم بحب وجدها قد نامت
أخرج تنهيده حاره تعبر عن حزنه لكن وهو مع جورى ينسا تعبه وحزنه وينسا العالم باكمله
ثم بعد وقت نام هو الآخر
“بقلم رقيه محمود”*روكا*
**************************
عند حمزه كان قاعد فى غرفته ويتحدث فى الفون
المحامى : ايوه يااستاذ حمزه
حمزه :بص يامتر لو فى واحده عايز تطلق بس جوزها مش راضى تعمل ايه
المحامى : ترفع عليه قضيه خلع
حمزه بعدم فهم لانه اول مره يسمع عن قضيه الخلع : يعنى ايه
المحامى : يعنى حتى لو الزوج مش راضى يطلق مراته قضيه الخلع دى أن هى تطلق نفسها منه
حمزه بفرحه : حلو اوى
المحامى : بس لازم الزوجه هى اللى تعرفع القضيه
حمزه بحزن: تمام
قفل معه حمزه وهو يحدث نفسه بحزن: طب ازاى هاجر هاترفع القضيه واكيد سليمان الزفت مش هيخليها تخرج بره البيت ابدا
ثم قعد يفكر شويه حتى غلبه النوم وراح فى النوم
“بقلم رقيه محمود”*روكا*
*************************
فى صباح يوم جديد تشرق الشمس تعلن عن يوم جديد كان الجو حر اوى
عند ادم وجورى
قامت جورى من النوم قبل ادم ثم نظرت إليه وجدته نائم كالملاك
جورى تحدث نفسها باستغراب: انا مش عارفه كان مالوا امبارح بس اكيد كان فى حاجه وانا لازم اعرف
ثم قامت ودخلت إلى الحمام واخدت شاور واتوضت ثم خرجت وصلت ثم لبست فستان نبيتى طويل بأكمام شفافه وتركت شعرها منسدل على ظهرها كان يعطى لها مظهر جذاب ثم ذهبت إلى ادم
جورى : ادم قوم
قام ادم وهو يفرك فى عينه الاتنين
ادم : صباح الخير
جورى وهى تفتح الستائر لكى تدخل الشمس
جورى : صباح النور قوم يلا علشان ننزل نفطر
نظر لها ادم وجدها فى غايه الجمال
ادم بمغازله: ايه الحلاوه دى
نظرت له جورى بخجل ثم خرجت من الغرفه بسرعه ونزلت إلى تحت
عند ادم وهو قاعد على السرير يضحك على شكل جورى وهى بتجرى
ثم قام ودخل إلى الحمام واخد شاور واتوضى ثم خرج ولبس قميص ابيض بخطين اسود وفوقها چاكت اسود وبنطلون اسود ثم صفف شعره وصلى ثم نزل فكان شكله فى غايه الجمال
ادم بابتسامه : صباح الخير ياعمى
حمزه بابتسامه : صباح النور ياادم
ثم بعد دقائق كان الفطار جاهز ونادت عليهم جورى وتوجهوا إلى السفره لأنها كانت تجهز الفطار مع الداده
حمزه وهو يرتشف من قهوته ثم يتكلم بحزن: جورى
جورى بإنتباه : ايه
حمزه : انا كلمت امبارح المحامى وهو قالى على حل ممكن يخلى امك تطلق من سليمان أن هى ترفع قضيه خلع يعنى تطلق نفسها منه بس فى مشكله
جورى بإهتمام: ايه هى المشكله
حمزه بحزن :إن لازم امك هى اللى تروح وترفع القضيه والمشكلة أن سليمان مش هيخليها تخرج من البيت ابدا
جورى بحزن : فعلا دى مشكله
ادم بابتسامه : واللى يحل ليكو المشكله دى
جورى بسعاده : يبقا احلى واجمل إنسان ومش هننسى ليه اللى هو عمله دا
ادم بحب : ياروحى انتى يعنى انا اجمل انسان
جورى بإحراج : ادم اسكت
ضحك ادم ومعه حمزه
ادم بمشاغبه: عمى بنتك طلعت بتتكسف
جورى بقوه اتعود عليها ادم : طبعا اومال يعنى مش عندى دم
ادم بمرح : ولما ميكونش عندك دم هتعيشى ازاى
جورى بطفوليه: اه صح المهم قولى هتعمل ايه
ادم بغرور : يابنتى انا اسمى فى المخابرات عندى شبح المخابرات مش صعبه يعنى انا هتصرف متخافيش
جورى بابتسامه : تمام
ثم بعد وقت انتهى ادم من إفطاره وسلم على جورى وحمزه وذهب خرج من الڤيلا وركب عربيته واتجه إلى مقر الشغل
أما عند جورى وحمزه قعد حمزه فى الصالون يقرأ فى الجريده وذهبت جورى إلى المطبخ
“بقلم رقيه محمود”*روكا*
***********************
“بقلم رقيه محمود”*روكا*
عند ريم كانت جاهزه لكى تذهب إلى الشركه
كانت لابسه بنطلون ابيض وبلوزه سوداء وكانت عامله شعرها ديل حصان ووضعت ميك اب خفيف ثم خرجت من غرفتها
ريم بصوت عالى : يااااااسر
اسر خرج من غرفته بسرعه على صوتها
اسر بخوف: ايه فى ايه مالك
ريم : يلا عايزه اروح الشركه بسرعه
اسر بغضب: ياخربيتك علشان كدا بتنادى وبصوت عالى
ريم بمرح : طبعا دا انا حتى صوتى حلو اوى
اسر بإستفزاز: اه انتى هتقوليلى يلا خلينا نروح
ريم بفرحه :يلا ربنا يستر
ثم نزلوا من البيت وركبوا العربيه وبعد وقت ليس طويل وصلوا إلى الشركه
نظرت لها ريم بدهشه من جمالها
كانت الشركه معموله على الطراز الأمريكى كانت أقل ما يقال عنها رائعه
ريم بدهشه: واو شكلها حلو اوى الشركه من بره اومال من جوه عامله ازاى
اسر بابتسامه : طب يلا انزلى
نزلت ريم بعد ما سلمت على اسر ثم دخلت الى جوه وركبت الاسناسير وقبل أن يصعد الاسناسير دخل شاب
نظرت له ريم وجدته صاحب العيون الزرقاء
ريم : انت تانى
نظر لها زياد : انتى تانى يابنتى هو انتى ورايا وخلاص
ريم بغضب: وهكون وراك ليه ياشاطر متكونش وزير الداخليه وانا معرفش
زياد بعصبيه : بت انا مش فايق ليكى انا متأخر على الشغل
ريم بغضب : اولا بت اما بتك ثم ضحكت بسخريه وقالت : وخايفه يابيضه لاحسن صاحب الشركه يطردك والله يبقا احسن
زياد بغضب : بت متعرفيش انا مين
كادت ريم ان ترد عليه لكن وقف المصعد وخرج زياد منه بسرعه وكان يتوعد لها
أما عن ريم ابتسمت فور خروجه
ثم حدثت نفسها : ياخربيت جمال عيونك قمر ياناس
ثم خرجت هى الأخرى من المصعد وهى تضحك على جنونها
ثم اتجهت إلى المكان المطلوب فيه الانتظار لكى تدخل تعمل الانترڤيو قعدت وكانت منتظره دورها وكان فيه بنات كتير كانوا لابسين ملابس شبه عاريه وكانوا حاطين مكياچ كتير اوى على وجههم
خرجت السكرتيره ليلى من مكتبها لكى ترى اى واحده مناسبه نظرت إليهم كلهم وجدت انسب واحده ريم
ثم نادت عليها أنه جاء دورها
ليلى : بصى حضرتك هتتدخلى مكتب الاستاذ زياد واعملى معاه الانترڤيو
ريم بتوتر: فين مكتب الاستاذ زياد
شاورت لها ليلى على مكان المكتب وذهبت إليه ريم ثم خبطت حتى إذن لها بالدخول ثم دخلت وجدته ينظر إلى الورق لم ترى وجه
ريم بتوتر : صباح الخير
رفع زياد نظره إليها حتى اتصدم
زياد : انتى
ريم : انت
يتبع….
لقراءة الفصل الحادي والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية توأمان وقلب واحد للكاتبة إيمان المهدي