Uncategorized

رواية أصبحت ملجأي الفصل السابع 7 بقلم شهد أحمد

 رواية أصبحت ملجأي الفصل السابع 7 بقلم شهد أحمد

رواية أصبحت ملجأي الفصل السابع 7 بقلم شهد أحمد

رواية أصبحت ملجأي الفصل السابع 7 بقلم شهد أحمد

عدي باقي الاسبوع و كل الاحداث بتتكرر
اصحي الفجر اجهز أكل اروح شغلي و اروح نتعشي و كل واحد ينام ف اوضته دا غير الخناق الاهبل بتاعنا????الاسبوع خلص و من حظي ان كان قبضي بالاسبوع اخدت فلوسي و قررت اني هبدأ مع رقية و زمايلها
و فعلاً بدأت معاهم و بقيت كل يوم أشوف رقية و اذاكر معاها
و معظم و قتي ف البيت مشغولة بس الساعتين بتوع الحصه و محمد بدأ شغله ف أكبر مستشفي ف البلد
و ف يوم قررت أنا و رقية اننا نخرج زي ما وعدتها
انا:كدا خلصنا كل حاجه يلا بينا 
رقية:يلا
و لسه بنفتح الباب لقينا محمد: علي فين كدا 
رقية:خارجين نتفسح يا أبيه
محمد:تتفسحوا؟!!! و من غيري؟!!!
انا:نعم هو انت ناوي تيجي معانا
محمد:ايوه بالظبط كدا
انا:لااااااع كله الا دا 
رقية:خليه يجي معانا ياغزل عشان خاطري و غمزت لمحمد دا حتي شكله تعبان اهو يغير جو
محمد:هاا ا ا اه اه انا تعبان خالص اهو
انا:موافقه بس عشان خاطر رقية
محمد:منتحرمش من خدماتك ياغزل هانم????
انا بغرور و ضحك احم اشكرني بعدين يا ابني????????
بس اطلع غير بسرعه معاك 5 دقايق
محمد:هواااا
نزلوا من البيت و غزل ركبت جمب محمد و رقية ف الكرسي اللي ورا
و بدأ محمد يشغل ف اغاني رومانسيه
انا:ما تبطل محن بقاا ي جدع و طفيت الاغاني
محمد:جعفر متجوز جعفر ينااااس????
عايزه تسمعي اي ياست البنات
انا بقرف مش كنت جعفر من شويه????
عيزاك تسوق و انت ساكت 
سوق و اقفل المااوس( فم)
فضلنا نااقر و نقير طول الطريق
بعدين نزلنا عند الملاهي (متستغربوش أيوه ملاهي احنا أطفال اوي ع فكرة????????)
رقية:احنا هنركب اللعبه دي (هي عندنا اسمها صاروخ المهم هي لعبة تخوف وخلاص)
انا و محمد ف نفس الوقت لاا يارقية
بس انا بقول لا عشان خايفه و هو بيقول لا عشان خايف علي رقية
رقية:انا جايا مخصوص علشان اللعبه دي عايزه اركبها اوي عشان خاطري يا غزل عشاني يا أبيه
بس لما حس اني خايقة وافق عشان يعاند فيا
محمد:خلاص موافق 
انا:ا ا إي لا مع ألف سلامه انتو تروحوا و ترجعوا بالسلامه
محمد بخبث انتي خايفه والا اي ياغزلتي
انا بتوتر: ا اي اي الكلام دا لا طبعا م مش غزل اللي تخاف
محمد غمز لرقية ف فهمت????‍♀️
و ف الاخر وافقت اركب???? عشان ابين اني مش خايقه
ركبنا و فضلت اصوت و أقول يارب يارب و مسكت إيد محمد جااامد منك لله حسبي الله اناا عايزه انزززل وقف البتاعه دي و النبي ياارب يااارب
محمد بضحك مالك مش قولتي مش غزل اللي تخاف
انا: انا عيله و هبله و الله و مش قصدي نزلوووووني
نزلنيييي 
محمد بضحك فرحان فيكي اوي ع فكره????????
انا:يعني تهون عليك حبيبتك اااااه يلاااهوتييي هموووت ياااارب
محمد: اه تهو…. اي انتي قولتلي اي 
انا:نزلناااااااي نزلناااااي الاول 
محمد:خلاص خلاص اهدي احنا نزلنا اهو
اول ما نزلت حضنته جامد و انا عيوني مدمعه و بقول انا كنت خايفه اوي والله و حاسه اني هموت
محمد بتوهان دا انا اللي هموت دلوقتي ان انت انتي بجد 
انتي كويسه  
انتي اكيد سخنه صح
ضربته ف كتفه و قولت هو انا مش مراتك و حبيبتك يعني والا اي والا انت غيرت رأيك
الواد واقف مصدوم ياعيني????????
يتبع…..
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد

اترك رد