Uncategorized
رواية زمردة الزين 2 الفصل السابع عشر 17 بقلم فاطمة سعيد
رواية زمردة الزين 2 الفصل السابع عشر 17 بقلم فاطمة سعيد
 |
| رواية زمردة الزين 2 الفصل السابع عشر 17 بقلم فاطمة سعيد |
رواية زمردة الزين 2 الفصل السابع عشر 17 بقلم فاطمة سعيد
جه يوم فرح مالك ورقية …
صحى مالك وفرحة وحب الدنيا فى عيونه ازاى ميفرحش والنهاردة فرحه على حب عمره
مالك اتصل برقية
رقية بنشاط : صباح الخير
مالك بحب : صباح الجمال على عروستى
رقية ابتسمت بكسوف : والله لسة مش مصدقة لحد دلوقتى يا مالك
مالك بحب : لا صدقى يا قلب مالك بجد النهاردة احلى يوم فى حياتى ربنا يديمك ليا
رقية بحب : ويخليك ليا يا رب
اي هتعمل اي دلوقتى
مالك : هروح أتمم على التجهيزات والحاجة وانتى
رقية : هروح للميكب ارتست انا والبنات
مالك بصدمة : من دلوقتى ده لسة بدرى اوى هتعملى اي كل ده
رقية : هى بتاخد وقت طويل كده
مالك : وقت طويل كل ده
رقية بضحك : اه عادى
مالك : ده انا هروح للحلاق قبل الفرح بنص ساعة يا جدع هى هتعملك رقية جديدة والا اي
رقية بضحك : لا ده العادى ده انا اتاخرت كمان
مالك : الساعة ٧ الصبح واتاخرتى طب اقفل انا بقى يا حبيبتى يدوب اسيبك ١٤ ساعة تلحقى تجهزى
وقفل بسرعة تحت ضحك رقية
بعد ما قفل بص للتلفون بحب وقام أدى فرضه ولبس عشان يشوف وراه اي
عند رقية البنات جولها فى البيت وبيحاولوا ينسوها اللى هى فيه واستغربوا من حالة المرح المفاجئ ده
رقية بفرحة : عندى ليكوا خبر انما اي
كلهم : خبر اي
حكتلهم رقية اللى حصل امبارح
كلهم فى صرخة فرحة : بجد
ومنهم اللى زغرط واللى حضنها وبعدين راحوا كلهم للميكب ارتست
كمية بهجة وفرحة فى العيلة مش موصوفة وكل واحد شغال بكل طاقته
عدى الوقت بسرعة لحد ما وصلوا لميعاد الفرح
مصطفى دخل عشان ياخد بنته اللى اول ما شافها عينه دمعت غصب عنه
مصطفى : معقول بنوتى الصغيرة كبرت بسرعة كده وبقت عروسة
رقية حضنته بدموع
روجيندا بمرح : لا بقى لا بققى عموووو الميكب يا بت الميكب لو حصله حاجة هنموت كلنا
كلهم ضحكوا على طريقتها ورقية حطت أيدها فى ايد باباها ونزل يوصلها لعريسها
مالك واقف فى اخر السلم مستنى يستلم حب حياته
فجأة ظهرت قدامه فى ايد باباها وفستانها الابيض اللى مخليها ملكة وحجابها اللى زادها جمال
مالك وقف متنح فى جمالها وبيشكر ربنا أن كل الجمال ده خلاص بقى حلاله
مصطفى وصل برقية لمالك
مصطفى بدموع حضن مالك : مش هوصيك عليها يا مالك انت سندها بعدى اوعى فى يوم تزعلها أو تجرحها
مالك : بعد الشر عليك يا عمى أن شاء الله هتبقى كويس
رقية بدموع : انتوا بتقولوا اي
مالك استلم أيدها من باباها : عمى بيوصينى عليكى ميعرفش أنها لازم يوصيكى عليا اصلا
باس جبهتها بحب ومسك ايدها وراحوا للكوشة
كل الناس جت تباركلهم واحد ورا التانى وكلهم فرحانين بيهم
وجه ميعاد اول رقصة سلو للعروسين
مالك مسك رقية وقربها عليه وبيغنى بحب
( سيبى روحك وارقصى بين ايديا والمسى حضنى بايديكى واضحكى وعلى ودنى ميلى واهمسى ????????
عارفة اي فى بالى عارفة نفسى فى اي عايز دلوقتى اشيلك وبيتنا نجرى عليه ????
ايدى على ايدك كده ميلى على حضنى كده انتى وانا نرقص سوا على الارض والا على السما قلبى سامعة قلبى وانتى خدك عليه سامعة كل دقة فاهمة بتقول اي ???? )
فضلوا يرقصوا تحت حب مالك الكبير وكسوف رقية وفرحتها
بعدين شالها وفضل يلف بيها واللى حواليهم بيصقفوا ويصفرولهم
فجأة اشتغلت اغنية رقصت الكل مش مالك ورقية بس
كلهم طلعوا جمبهم على الاستيدج وفضلوا يرقصوا فى جو فرحة وبهجة
البنات مع بعض كده والولاد مع بعض : كله يسكت اسمعوا الاستيدج نولعه كله يقف جمب بعضه وايديكوا ربعوا ????????
مليكة راحت خلتهم يشغلوا اغنية
مليكة راحت لمالك : اخويا يعنى لحمى ودمى حبيبى من ريحة ابويا وامى ما هو ده اللى شايل عنى همى وهو ده اللى لو وقعت عليا يسمى
وانس راح لرقية كمان
وكل اخ واخت كانوا بيرقصوا مع بعض بحنان على الأغنية
بعدين كل شباب العيلة اتجمعوا جمب بعض وبيرقصوا مع بعض : اخوااات وهنفضل مهما كان اخوات فى بينا عشرة وفى حكايات ضحك ودموع تفاصيل وحاجات ????????
وبقوا يرقصوا مع بطة وهى قاعدة وجابوها وسطهم عشان متحسش بالعجز
قضوا اليوم كله بين هزار وضحك وفرحة كبيرة بينهم
وخلص اليوم وكل واحد روح بيته
تحت البيت …
سلمى بتعيط وتحضن رقية
رقية بدموع : لا يا ماما متعيطيش انا هروح معاكى متزعليش
مالك : نعم يا اختى
رقية بدموع : مش شايف ماما بتعيط يا مالك
مالك متاثر مصطنع : لا انا اللى هعيط ترانى تأثرت لحظة ابكى
وحط أيده على وشه بطريقة كوميدية اهئ اهئ
كلهم ضحكوا عليه
رقية بنرفزة : انت بتتريق عليا انا اصلا مش هاجى معاك همشى مع مامتى يلا يا ماما
مالك شدها وشالها ومشى حبه وبعدين لف للعيلة : معلش يا جماعة مضطرين نروح عند عمو مصطفى عشان مراتى مش عايزة تسيب طنط ههه بهزر معاكوا هنطلع شقتنا يلا سلام بقى الله يبارك فيكوا نجمالكوا فى الافراح
وخدها وطلعوا فوق وكلهم بيضحكوا عليه وعلى جنانه وبيتمنولهم السعادة
وكلهم روحوا بيتهم وخلص اليوم
كريم اتصل بجويرية عشان يفكرها بسفرهم
جويرية : الو
كريم : اي يا جورى
جويرية بضحك : لسة سايباك مفيش ساعة
كريم بهزار : هو انا متصل اقولك وحشتينى يا بت
جويرية بقرف مصطنع : منك لله يا جدع عايز اي
كريم ضحك : ابدا كنت متصل افكرك أن سفرنا بكرة بس
جويرية : تصدق بالله انك كداب انت أكدت عليا مرتين فى الطريق وقولتلك حضرت الحاجة اصلا قول يا كريم متصل لي
كريم بحب : بصراحة متصل اقولك انك كنتى زى القمر النهاردة عقبالنا يا وردتى
جويرية بمرح عشان تدارى كسوفها : تشكر يا زوق
كريم بقرف : تعرفى انى جزمة قديمة عشان اتصلت بيكى غورى يا جويرية
جويرية بسرعة وابتسامة : كيمو
كريم بحب : عيونه
جويرية : مكانش فى اوسم منك النهاردة على فكرة سلام
وقفلت السكة بسرعة وهى بتضحك
كريم ابتسم بحب : والنعمة هتجننى بنت عمو ادم
وعدى الليل على ابطالنا
صباح تانى يوم ….
صحى كل واحد راح شغله ومالك ورقية دول نسيبهم محدش قدهم خلاص ????
وكريم اتصل بجويرية
كريم : صباح الخير
جويرية : صباح النور
كريم : قدامى نص ساعة وارن عليكى كده تكونى جهزتى هكون تحت
جويرية : تمام
نص ساعة وكريم جه وجويرية سلمت على ادم ورهف وأخواتها ونزلت عشان سفرها اللى مش مرتاحاله ده
نزلت لقت كريم ساند على عربيته بطلته الوسيمة كان لابس بنطلون ابيض وقميص أبيض ومدخله فى البطلون ورابط بلوفر حوالين رقابته لونه سماوى
وجويرية كانت لابسة دريس ابيض وعليه طرحة لونها سماوى وشكلهم قمر اوى
كريم بابتسامة : صباح الخير
جويرية بمرح : تلاتة
كريم باستغراب : اي
جويرية بضحك : تالت مرة تقولى صباح الخير مش حافظ غيرها
كريم : تصدقى أن انا جزمة فعلا يلا اركبى
جويرية ضحكت وركبت العربية وكريم حط الشنط بتاعتها وركب وراها
جويرية بمرح : الا قولى يا باشا
كريم بضحك : اي يا قلب الباشا
جويرية : احم لابس زيي ليه
كريم : والله مع انها صدفة بس ده من حظى القمر بس هو انا اطول اطقم مع مراتى القمر
جويرية بكسوف بصت من الشباك : الحق على اللى هزر معاك من الاول والله
كريم ابتسم بحب وكملوا طريقهم لحد ما وصلوا المطار
( عاجبكوا التلزيق ده استنوا ندبرلهم نكداية استنوا ???? )
خلصوا إجراءاتهم وركبوا الطيارة وها هم وصلوا لتركيا للصفقة الملعونة دى
وهنشوف هيحصل اي