Uncategorized

رواية زمردة الزين 2 الفصل التاسع عشر 19 بقلم فاطمة سعيد

 رواية زمردة الزين 2 الفصل التاسع عشر 19 بقلم فاطمة سعيد

رواية زمردة الزين 2 الفصل التاسع عشر 19 بقلم فاطمة سعيد

رواية زمردة الزين 2 الفصل التاسع عشر 19 بقلم فاطمة سعيد

فى صباح يوم جديد ….
صحيت جويرية على خبط على باب أوضتها 
افتكرته كريم لبست اسدالها وفتحت الباب بنعس 
وهى بتفرك عينها : صباح الخير يا كريم 
لقت باريش فى وشها
باريش بسماجة : Günaydın 
( صباح الخير ) 
جويرية بضيق : ne istiyorsun !؟
( ماذا تريد ) 
الحوار مترجم ….
باريش بابتسامة سمجة : قولت اجى ارحب بيكى فى بلدنا 
جويرية بضيق : شكرا 
وبتقفل الباب فى وشه 
باريش مسك الباب قبل ما تقفله : ليه مش راضية تتكلمى معايا 
جويرية بغضب : اتكلم معاك بصفتك اي ممكن تحل عنى 
باريش بغضب : انا محدش يزعقلى انتى سامعة وهتتعاقبى وانتى اللى هتجيلى برجليكى وافتكرى كلامى كويس 
وسابها ومشى وهو متعصب وجويرية خافت من جواها على تهديده بس مبينتش واتجاهلته 
دخلت خدت دش وأدت فرضها
والباب خبط تانى 
المرة دى خافت تفتح على طول ليكون هو تانى 
جويرية من ورا الباب : مين 
كريم باستغراب : هيكون مين يعنى اكيد انا 
جويرية فتحتله الباب 
كريم بابتسامة : صباح الخير 
جويرية حاولت تبتسم : صباح النور 
كريم باستغراب : مالك يا جورى 
جويرية عارفة لو قالتله هتحصل مشكلة ومحصلش حاجة 
( هتستنى أما يحصل يا موكوسة ما تقوليله ???????? ) 
جويرية : لا مفيش فى اي 
كريم : مش عارف بس حاسك قلقانة أو خايفة 
جويرية ابتسمت : لا هخاف من اي يعنى انا بس مش مرتاحة للصفقة دى 
كريم : تصدقى انا كمان مش متفائل اى حاجة مش هتعحبنى هنلغى ونرجع عادتشى 
جويرية بضحك ونست خوفها : خلصانة 
كريم : انا هروح البس 
جويرية بتوتر : كريم هو انا لازم اجى معاك كده كده انت بتتكلم تركى كويس 
كريم باستغراب : مش عاوزة تروحى لي احنا كل شغلنا سوا 
جويرية بضيق : هو كل حاجة لي لي فى اي يا كريم 
كريم لاحظ توترها وحب يخفف عنها : مش قصدى يا جورى انا بس عشان احنا سوا فى كل الشغل وانا بصراحة مبعرفش اشتغل من غير طاقتى ماليش دعوه 
جويرية ضحكت فهو عارف ازاى يمتص غضبها 
جويرية : خلاص هلبس وابقى عدى عليا اما تخلص لازم نفضل سوا 
كريم ملاحظ خوفها بس محبش يضغط عليها : ماشى يلا 
وباسها من خدها بسرعة وقفل الباب وجرى 
جويرية حطت أيدها على خدها بصدمة واتكسفت وراحت عشان تلبس 
خلصوا وخرجوا هما الاتنين فى نفس الوقت 
كريم بضحك : مراتى اوى اي ده 
جويرية بضحك : استظراف 
كريم بغمزة : بس اي القمر اللى لابس زيي 
جويرية بمرح : على أساس أننا مش متفقين مثلا 
كريم : انا قولت بومة محدش صدقنى 
جويرية : الله يخرب بيت بومة دى واحدة غيرى كانت سابتك ومشيت 
كريم : هو فى احلى من البومة اصلا 
جويرية بضحك : على فكرة أنا مش بومة خناقاتنا هى اللى كانت كتير ده اول مرة شوفنا بعض اتخانقنا 
كريم ابتسم بحب : وهو انا ممكن انسى 
جويرية اتكسفت وبتدارى كسوفها كالعادة : كفاياك نحنحة هنتاخر 
كريم : يلا يا جورى غورى وزقها من دراعها بهزار 
جورى بضحك مشيت وراه : ولا استنى بس هفهمك 
السواق وصلهم الشركة واول ما نزلوا كريم مسك أيدها ولبسوا نضاراتهم اللى جابينيها شبه بعض زى اللبس 
ومشيوا بثقة متناهية لحد ما وصلوا قاعة الاجتماعات 
حكمت بيه قام وقف ورحب بكريم وشكره أنه قبل اعتذاره عن المرة اللى فاتت
واصلى اتغاظت لما شافت شكلهم وهما داخلين
( فاكرينها الحيزبونة دى ???? )
اصلى قامت ومدت أيدها لكريم بابتسامة : اهلا بيك فى تركيا 
جويرية بابتسامة و سلمت عليها : شكلك بتنسى قولنا فى مصر أنه مبيسلمش 
واصلى خلاص هتولع وهى واقفة ( تستاهل ) 
وباريش كان قاعد ومقامش يسلم وجويرية اول ما شافته مسكت فى ايد كريم اكتر وكريم استغرب بس مبينش 
وبدأوا الاجتماع وفضل كريم وجويرية وحكمت بيه يتناقشوا فى حاجات كتير وكريم وجويرية أبهروه بأفكارهم اكتر وهو عشان كده أصر يشتغل معاهم لأن الكل يعرف كفائتهم
وباريش واصلى كانوا زى الضيوف كل واحد بيفكر فى حاجة هنعرفها بعدين 
خلصوا الاجتماع واتفقوا أن باقى الاجتماعات هتكون اون لاين ومحدش هيسافر حفاظا على الوقت وكريم وجويرية مشيوا 
جويرية : الحمد لله اليوم عدى على خير المفروض هنسافر بكرة صح 
كريم : اه الصبح أن شاء الله طيارتنا 
السواق : انا اسف لو بتدخل بس والله هتوحشنى يا باشا انا مشوفتش حد زيك من زمان 
كريم بابتسامة : ربنا يخليك أن شاء الله نتقابل تانى 
وصلوا الفندق وطلعوا اوضهم 
كريم : نامى كويس عشان يومنا طويل بكرة يا جورى 
جويرية بابتسامة : تصبح على خير 
كريم بابتسامة : وانتى من اهلى 
وكل واحد دخل اوضته 
بعد شوية جويرية لقت باب اوضتها بيخبط 
وكان حد من الروم سيرفس 
جويرية باستغراب : افندم 
العامل : اتفضلى يا هانم 
جويرية : بس انا مطلبتش عصير
العامل شاور على اوضة كريم : الاستاذ اللى هنا طلب أوصله لاوضة حضرتك 
جويرية خدت العصير وشكرته ودخلت اوضتها تانى 
شربت العصير وشوية وحست بدوخة كبيرة والباب خبط تانى قامت فتحته وهى مزغلله ودايخة جدا 
باريش دخل بسرعة وقفل الباب وهى ملحقتش تكلمه أو معندهاش قدرة تكلمه لأنها مش حاسة بيه اصلا 
كريم خرج من اوضته عشان يشوف تليفونه مع جويرية لانه مش لاقيه 
لقى اصلى جاية فى ممر الغرف 
كريم باستغراب : بتعملى اي هنا
اصلى : باريش كلمنى وقالى اجيله هنا غرفة رقم ……
كريم استغرب لان دى اوضة جويرية 
كريم : وهو بيعمل اي هنا 
اصلى : معرفش بس قالى أنه عنده سهرة ومحتاج هدوم وانا جبتها 
كريم بغضب : سهرة اي انتى هبلة 
وراح خبط على باب اوضة جويرية وهو مش مصدق اللى قالته ابدا 
بس جويرية مفتحتش فضل يخبط تانى 
ولقى الباب بيتفتح وظهرت جويرية 
كريم : بخبط من بدرى انتى في
مكملش كلامه ولقى باريش خارج من جوه وهو عارى الصدر 
كريم اتصدم وبص لجويرية اللى مش دريانة بحاجة 
جويرية بدوخة : ك ري م
كريم واقف مصدوم مش مصدق وبيبص لجويرية بصدمة 
كريم بغضب دخل ضرب باريش بالبوكس وقعه فى الارض : انت بتعمل اي هنا 
باريش بسماجة : اسال مراتك 
كريم اتجنن وفضل يضرب فيه : اي اللى بتقوله ده يا زبالة ده انا هندمك على اليوم اللى اتولدت فيه 
جويرية ابتدت تفوق شوية : كريم كريم فى اي 
وجريت بتحاول تشيله من عليه 
جويرية : فى اي يا كريم سيبه 
كريم اتجنن اكتر لما لقاها فايقة وكمان بتدافع عنه 
مكانش مصدق وكان بيضربه بس اتصدم لما لقاها فايقة معقولة بتخونه 
قام كريم وساب باريش اللى وشه بقى كله دم 
وضرب جويرية قلم جامد أوى 
( تنشل يا جدع ???? )
جويرية بصاله بصدمة ازاى يمد أيده عليها وهى لحد دلوقتى مش فاهمة بيحصل اي اصلا 
كريم بغضب وعيون جحيمية ومسك ايدها جامد : انا هعرفك مين اللى تعملى معاه كده انا هندمك على كل لحظة كدبتى عليا فيها 
جويرية بصاله بدموع وصدمة : انا مش فاهمة حاجة 
كريم زقها فى الارض ومشى وهو غضب الدنيا كلها فيه 
جويرية مصدومة مش عارفة تتكلم بتدمع بس وهى مش فاهمة حاجة 
وبتبص حواليها بعدم فهم لقت اصلى واقفة بتبصلها بابتسامة شر وخرجت من الاوضة 
اصلى راحت ورا كريم اوضته وهو كان قاعد حاطط أيده على رأسه بغضب ومش مصدق حاجة من اللى بتحصل وحاسس أنه كابوس وهيفوق منه 
اصلى راحت ومعاها كوباية عصير 
( الله يخرب بيت العصير ???? )
اصلى : اشرب ده يمكن تهدأ
كريم بصلها بغضب : مالكيش دعوة بيا 
اصلى : انا مالى انا بديك بس عصير عشان شايفاك متعصب 
خده منها لانه كان محتاج فعلا يهدأ ( منك لله يا كريم ???? )
واصلى بتابعه وهو بيشربه بخبث وابتسامة شر 
شوية وكريم ابتدى يدوخ واصلى خدته للسرير وكريم ناام من تأثير المنوم اللى كان فى العصير 
( شايفاكى يا اللى بتدعى عليا شايفاكى ???????? )
فى مصر ….
ادم بقلق : انا قلقان جدا على جويرية
زين : هى مش كلمتك الصبح 
ادم : أيوة بس هى بتكلمنى قبل ما تنام بردو 
زين : يمكن رجعوا من الاجتماع تعبانين وناموا وبعدين كريم معاها مفيش داعى للقلق 
ادم بيحاول يطمن نفسه : أن شاء الله خير اكيد نامت من التعب 
زين : يلا كفاية شغل كده يلا نروح احنا كمان 
تانى يوم الصبح ….
جويرية بتخبط على اوضة كريم عشان تفهم منه حصل اي امبارح وعشان ميعاد السفر 
بس محدش فتح وفضلت تخبط
باريش جه تانى تانى يوم ووشه كله وارم من الضرب 
باريش بفحيح افاعى : مش هيفتح أصله كانت سهرته صباحى 
جويرية بصتله بقرف وفضلت تخبط على كريم 
باريش بخبث : مش عايزة تعرفى حصل اي امبارح 
جويرية ما اديتوش اهتمام وكملت تخبيط 
باريش : بس انا هقولك العصير اللى شربتيه امبارح انا اللى كنت باعته مش كريم وكنت حاطط فيه مادة مخدرة للعضلات والمخ بس انتى تفضلى صاحية عارفة لي 
واكمل بهمس فحيح : عشان جوزك يعرف انك بتخونيه ومعايا
جويرية بصتله بصدمة كبيرة 
باريش : بس عارفة الحقيقة أن جوزك هو اللى كان بيخونك تحبى تتاكدى 
وطلع مفتاح لاوضة كريم وفتح الباب
زقت الباب ودخلت وشافت كريم واصلى نايمين فى السرير وهو عارى الصدر وبصت لشكل اصلى بصدمة ودمعت غصب عنها 
وكريم ابتدى يصحى وشاف جويرية قدامه وبص جمبه بصدمة وهو مش فاهم حصل اي 
جويرية سابتهم ومشيت بسرعة 
كريم : جويرية استنى 
لبس قميصه بسرعة وجرى وراها 
كانت خدت شنطها 
ماشية 
كريم مسك أيدها : جويرية استنى 
جويرية بدموع متحجرة شدت أيدها بعنف : ابعد عنى اياك تلمسنى 
كريم بصدمة : جويرية والله انا مش فاهم حاجة انا معرفش اي اللى حصل حتى 
جويرية بدموع : شوف شكلكوا وانت تعرف 
وبصتله بقرف ومشيت وهو واقف مصدوم معقول يكون حصل حاجة 
ورجعت جويرية مصر لوحدها 
يتبع….
لقراءة الفصل العشرون : اضغط هنا
لقراءة باقي فصول الرواية : اضغط هنا

تعليق واحد

اترك رد