اسكريبت فتاة معذبة الجزء الثاني عشر 12 والأخير بقلم محبة الرحمن

راحو المستشفى واتحجزوا هناك هي والولد تابعوا في قياس الضغط كانت خالة مني بتروحلها وتاخدلها اكل وصديق خالد اللي في المستشفى بعتلهم عصير ولما طلبت مني من خالد يجبلهم عشاء جاب تمن جبنه وخمسه دراع فينو وعلبة جبنه مثلثات ليها وللولد

اتعشت مني والولد من الاكل واتبقي جبنه مثلثات

الصبح جه خالد وكانت مني قاعده بالولد قدام  عيادة الكشف علي الباطنه والولد طلب من خالد يجبله سندوتشات فول قاله ماانت عندكم اكل من بالليل

مني باقي دراع فينو واحد وجبنه مثلثات 

خالد ليه وديتي الباقي فين اكيد عطيني لحد

مني انت سامع بتقول ايه 

خالد خلاص خرج جاب فطار ورجع 

بعد الكشف طلعوا الاوضه وشويه وخالتها جات وجابتلها كباب وكفته وادتها فلوس  وكمان مراة ابنها ووالدة مني واختها واكلوا مع بعض وخالد ماسلمش عليهم

وتاني يوم الولد طلب من باباه بروست وقاله مالقتش مع أن المطعم قدام.المستشفي وهو ماشي تاني يوم.قالها انا مش هاجي تاني قالتله براحتك

تالت يوم كان كشف نظر للولد نزلت عيادة الكشف وفضلت وقفه مع الولد رغم أنها حامل وتعبانه واتفاجأت بيه بيتصل انتي فين طلعت الاوضه.مالقتكيش 

مني احنا تحت في كشف النظر 

نزل وقالها اطلعي انتي انا واقف معاه ماسالتوش حتي جه ليه مع أنه قالها مش هاجي فهمت أن حد قاله ماينفعش

طلبت منه عشا قالها قولي اللي اتبقي من الغدا ونزلت هي والولد بالليل يجيبوا العشاء

طلبوا من الولد تحاليل خارج المستشفى واخدوا  عمله التحاليل ورجعه واخر حاجه المثانه هيحتاج عليها اشاعه بره المستشفى وكان هيعملها علي التأمين خلص ورق التأمين واخر يوم طلعوهم وداها عند خالتها وقالها ابقي خدي الولد وديه الاشاعه وارجعوا في تاكسي مخصوص وهما كان معاهم كيس كبير جدا فيه هدومهم بتاعة اسبوع وبطانيه خفيفه سابهالها وقالها هاتيها معاكي وسابها ومشي مني تقريبا ما نطقتش ولا كلمه مابقاش عندها طاقه تتكلم معاه

راحت مع خالتها بعد العصر مركز الاشاعه وطلع في غلط في الورق اتصلت بيه قالها اصبري هكلم ناس وقعدت لحد المغرب اتصلت بيه قالتلوا انا معايا فلوس هعملها علي حسابي زعق فيها وخلص الموضوع وخلصت بعد العشاء المفروض انها تروح علي طريق بعد العشاء في تاكسي مخصوص ماتعرفش إذا كان التاكسي كويس والا لا 

ربنا رزقها بسواق تاكسي كان مستني مراته في مركز التحاليل طلبت منه يوصلها وياخد الفلوس اللي عايزها قال لمراته قالتله يلا نتفسح 

وصلوا وشال الكيس أخيرا اللي هي شيلاه طول الطريق وكانت خالته اتصلت تطمن عليها حكتلها اللي حصل اتصلت خالتوا بيه بهدلتوه قالها انا قرفان منها ومش عايزها سبلها الكيس تحت وقالها خديه واطلعي قالتلوا والله لو مش هيطلع خالص ماهشيله تاني

طلعت اتفاجات بالشقه مقلب زباله وقطط جوه الشقه وعامله حمام علي السجاد

نضفت تناي يوم وغسلت واستمر اسبوع نكد شتيمه واهانه ومره بتقوله انا مش طيقاك مسك شماعة البدله الحديد ضربها علي بطنها ولكن كانت أتلفت لتمشي جات في أيدها بدل من بطنها وفي يوم خرجت للشغل وهو كان اجازه اتصلت بيه تقوله علي طلبات البيت 

زعق فيها وبهدلها ماتجيبيهم معاكي 

قالتله اتقي الله فيا وفي عيالك

قال ده اللي عندي 

قالت مش عشان مرات اخوك ترضيها تيجي علينا 

قال هي عندي ابدي

قالت أنا لو مشيت مش هرجع 

قال مع السلامه وتيجي غيرك

قالت له حسبي الله ونعم الوكيل وقفلت في وشه استأذنت وروحت طلعت لمت هدومها وهدوم ولادها واخدت دهبها وفلوسها واتصلت بوالدتها وقالتلها انا جايه ولو مش عايزاني هقعد في الشقه اللي تحت انا ليا ورثي في بيت والدي

قالتلها تعالي 

مني قالت هتطلق 

والدتها مقدرش اضغط عليكي اكتر من كده 

طيب ابعتي ابن خالي يشيل معايا الحاجه 

شافتها حماتها ماها وهي ماشيه ماقلولهاش حاجه هو عرف واتصل ماردتش عليه

واخدت ولادها وكانت هتتنازل عن كل حاجه عشان تطلق لقته علي السوشيال ميديا منزل عليها شتايم حرق دمها رفعت عليه القايمه ونفقه ليها وللولاد

لما عرف بعت ناس تتهجم عليهم بس وققولهم واللي كانوا جايين لما قعدوا معاها وعرفوا اللي عمله اكبر راجل فيهم قال دي لو بنتي اطلعها بهدومها عشان ارحمها واتوصلوا انها اخدت قايمتها واتحدد نفقه للولاد وعاشت مع اولادها 

بعد فتره عرفت أن سلفتها مطلع عينهم  ووليد اتجوز ومراته برضو مطلعه عينهم وحاول كتير يرجعها ويبعتلها ناس وهي رفضت 

وقت الولادة كان موجود عشان يدفع مصاريف الولاده حاول يكلمها رفضت وسلفتها راحتلها المستشفى لأنها ندمت لما لقت سلفتها التانيه بتعاملها معامله وحشه وبناتها كانوا متعلقين بمني وكل شويه يشتموها أنها السبب في أن مني مشت بس مني عاشت تربي ولادها ازاي يبقوا رجاله ويعاملوا زوجتهم بما يرضي الله 

وخالد اتجوز واحده مطلقه فضحاه في كل مكان علي بخله ومعاملته ربك يمهل ولا يهمل ادعولها ربنا يبارك في اولادها مأخوذه من قصه حقيقيه