رواية وصية واجبة التنفيذ الفصل التاسع 9 بقلم فدوى خالد

استيقظت و هى تشعر بثقل دماغها، فى ذلك الوقت دخل الطبيب قائلا بجدية : 

– حمد لله على سلامتك يا أنسه هند .

ردت بخفوت : 

– الله يسلمك .

أردف بنبرة هادئة : 

– يمكن أعرف دماغك اتخبطت ازاى ؟ حد ضربك ولا انخبطتي بنفسك .

ردت بكذب و هى لا تريد إحداث المشاكل مع والدها :

– انخبطت، و أنا ماشية اتزحلقت و وقعت .

طالعها بإستغراب قائلا :

– بس فى أثار ضرب على جسمك و على وشك، لو خايفة من حد معين تقدري تقولي، مش هيقدر يعمل حاجة على فكرة .

تنهدت بهدوء : 

– لا، مش خايفة من حد، بس مفيش حاجة عشان أخاف منها، مش بكدب على حضرتك .

بدأ الشك يتسلل إلى عقله، لا يعلم لما ترفض التحدث عن ذاك الأمر ! أعتقد أنها من الممكن أن تكون مهددة، و أن حياتها، فى خطر، فخطرت فى باله فكرة و نفذها على الفور .

Fadwa Khaled 

____________________

* فى الشركة *

أردفت ريم بتحذير : 

– ألقيكِ روحتي يمين، روحتي شمال بعيد عني هقتلك .

ضحكت قائلة : 

– متخافيش عليا، مش هروح فى حتة .

غيرت نظرها و هى تتنهد بملل قائلة : 

– عارفة أن محدش يطيقك أصلا، فمش هتروحي فى حتة.

ابتسمت قائلة : 

– متخافيش، اطمني .

ردت بملل : 

– الكلمة دي كل ما بتقوليها بيحصل كارثة، أبوس إيدك أعملي الكارثة دي فى البيت، مش عايزين نرعب الشركة، أبوس إيدك .

دخلت ريم إلى مكتبها، بينما تبعتها ملك و هى تفحص المكتب بعناية شديدة، فتحت ريم الحاسوب و هى تلملم خصلات شعرها و ترتدي نظاراتها الطبية، و أخذت تركز فى العمل لحين أستمعت لصوت تكسير، نظرت لملك وجدتها قد كسرت بعض الأشياء و هى تنظر لها ببلاهة، أزاحت ربطة الشعر و اتجهت إليها و أمسكتها و من ملابسها، و هى تسير بها لمكتب مروان، طرقت على الباب و دخلت و هى تمسكها .

نظر لها بإستغراب قائلا : 

– فى أية؟

أردفت بهدوء :

– خليها معاك فى المكتب .

رد قائلا بهدوء : 

– أبدًا، دي كارثة و مش هقدر استحملها، و بعدين مش أنتِ إلِ جايباها .

أردفت بغيظ :

– ما أنا لو مكنتش جبتها كانت قتلتني، و هتقرفني طول اليوم، خدها معاك هى بتخاف منك .

أردفت ملك بخوف : 

– لا و النبى يا ريم، متسبينيش مع عمو دة شرير .

رفع حاجبه بإستغراب مرددًا : 

– عمو، يخربيتك، ناوية تكبريني لية ؟

فى ذاك الوقت دخل حسام بمرح كالعادة قائلا : 

– بقولك يا مروان، ما تيجي نفرفش بعيد و نفكنا من البيت و التدبيسة إلِ أتدبستها .

نظرت له ملك بسخرية قائلة : 

– ألبس إلِ هيحصلك .

نظرت ريم لمروان بإستغراب، فحمحم حسام قائلا : 

– احم ..أحم.. أسف يا جماعة مكنتش أعرف أنكوا هنا، هروح دلوقتى يا مروان و أبقى أجى بعدين .

أردف مروان :

– خد ملك خليها فى مكتبك .

جعد ملامحه بإستغراب، فأردف مروان بملل : 

– خدها عشان نخلص الشغل، و أبقى فرجها على الشركة .

نظرت ملك له بغيظ قائلة :

– لا يمكن أروح مع دة، دا قتال قتله .

ضحك بسخرية قائلا : 

– لية ؟ هو أنا إلِ كنت داخل بالعربية فيكِ ولا أنتَ .

جعد مروان ملامحه بإستغراب قائلا : 

– عربية أية ؟ أنتوا أتقبلتوا قبل كدة .

رد بسخرية :

– مقابلة سودا، هى دي إلِ بوظتلي العربية، ربنا ما يسامحها أبدا .

صاحت بغضب :

– ما أنتَ إلِ داخل فيا .

أردف مروان : 

– بس … أقعدي معايا فى المكتب، مش ناقص مشاكل .

ابتسمت له ببلاهة قائلة : 

– شكرًا يا عمو .

مسح على وجهه بيأس قائلا :

– ربنا يهديكِ .

Fadwa khaled. 

______________________

نظر لزوجته و هو يشعر بفكر فيما سينوي على فعله، لم تكن زوجته سوي تلك المرأة التى كانت تود أن تتشاجر مع ليلى، أردفت هى بوهن : 

– مالك يا صبحى، مش على أعصابك من الصبح لية ؟ بنتك و خلصنا منها، و خلاص تقدر تقول أني مراتك، شكلك ناوي على مشاكل يا أخويا .

هز رأسه و هو يقكر فيما سينوي على فعله، جالت فى باله فكرة فأردف قائلا : 

– هروح المستشفى أهددها، دة حل كويس على ما أعتقد، أو بفكر أن أنا اعل فيها أني صعبان عليها و أدبسها .

جعدت ملامحها و باتت تطالعه بأستغراب قائلة : 

– اية يا رجل دة ! 

رد عليها بخبث : 

– البت المعفنة هند، عارف لو هددتها مش هتقدر تعمل حاجة، بس البنت إلِ معاها جوزها الظابط إلِ روحناله، و هى هتبلغه و هيحبسنا، فلازم نكون الأول مطمنين من ناحية هند؛ هى المفتاح بتاعنا .

دار ذاك الحديث فى عقلها قائلة :

– يا سلام عليك يا معلم صبحى، دماغك شغالة مبتقفش، دلوقتى بردوة فى مشكلة، البت هند دي هتروح فين ؟ ما احنا لازم نضمن بردوة أني أقعد فى البيت لوحدي 

ضحك قائلا : 

– متخافيش، المعلم سردينة عايز يتجوزها، و هيستتها و بصراحة العرض كويس جدًا، و أنا موافق و هنطلع من وراها بشوية فلوس، بس الأول لازم نروح المستشفى و نحاول نخليها تبعد عن القضية دي خالص .

تعالت ضحاكتها و هى تردد : 

– لا بجد عجبتيني صراحة،  جبت الدماغ دي منين، دا أنتَ دماغك مش هنا خالص، مش هينفع أصلا تكون هنا .

غمز لها قائلا :

– مش أي حد أنا، و البنت دي هوريها .

Fadwa khaled. 

__________________________

توجه عمار لمكتب مروان، فى ذاك الوقت كانت ملك قد خرجت للذهاب لريم، طرق الباب، و لحين استمع صوت مروان بالدخول، ابتسم بخبث قائلا :

– مروان الشاذلى، صديق الطفولة البائسة بصراحة واحشني جدًا .

رفع عيناه ليراه أمامه، نظر له ببرود قائلا : 

– عايز أية ؟

سحب الكرسي الذى أمامه و جلس عليه قائلا : 

– الله، دي مقابلة تقابلني بيها ولا أية ؟ و بعدين حاي عشان نصفى الحساب، ولا أية ؟

أنهى الكلمة الأخيرة بخبث و هو ينوي على الشر .

نظر له مروان ببرود قائلا : 

– يبقى بتصفى الحساب مع الوهم إلِ خلاك تعيشه، مش عارف أنتَ ماشى وراه ازاى، و كمان مطلع على كل إلِ بيقوله، بس أحب أعرفك أنك عبارة عن لعبه فى أيده، و وقت ما تخلص هيرميك زيك زي البقية .

ضحك بصوت عالي قائلا بشر : 

– السيناريو إلِ حاطه حلو أوي صراحة .

فى ذلك الوقت طرقت ريم على الباب و دخلت قائلة و هى لا تنتبه للجالس :

– مروان كنت عايزة ….

رفعت عيناه لتجد شخص غريب أمامها، وضعت الأوراق على المكتب و همت بالخروج، استوقفها صوته القائل بخبث : 

– دي بقا ريم، ما شاء الله .

أمسك مروان يده و هو يحاول أن يكبت ذاك الغضب قائلا بتحذير : 

– كلمة كمان و هقتلك مكانك .

نظرت لشكل مروان الذى تغير فى ثانية، فنهض هو قائلا بإستسلام :

– لا يا عم، مليش دعوة بيها، بس أنا خلاص عرفت هعمل فيكم أية، و صراحة يعني إلِ جالي قمر شكلي هكتفي بيها، بس لازم التانية .

رحل و مروان لا يفهم ماذا يعني بكلماته تلك، أردفت ريم بتساؤل : 

– مين دة ؟

نهض من مكانه و هو يدير لها ظهره قائلا : 

– عمار ، يبقى ابن مدحت. 

أردفت ريم بتساؤل : 

– أومال فين ملك مش شايفاها هنا .

التفت لها بإستغراب قائلا : 

– نعم ! قالتلي أنها جاية المكتب عندك .

فتحت عيناها بصدمة قائلة :

– مجتش المكتب عندي .

و من ثم نظر الأثنان لبعض بصدمة قائلين فى نفس الوقت :

– خطفها …….

Fadwa khaled.

___________________

خرجت ملك من مكتب مروان و هى تبحث عن مكتب ريم بعدما شعرت بالملل الذى يراودها، حاولت العثور عليه و لكنها كلنت تائهة، و بالصدفة وجدت نفسها عند مدخل الشركة، خرجت من تلك الشركة و توجهت إلى الحديقة المحاطة بها، و هى تشعر بأن هناك أحدٌ يراقبها، و لكن كلما التفتت لم تعثر على شئ، توجهت لتعود إلى الشركة و لكنها شعرت بيد عقد تملكت من كبت أنفاسها، سارعت لتحاول فك ذاك القيد، لكنها كانت أقوى .

استيقظت فى ذاك المكان و هى تشعر بأن عقلها سوف ينفجر فى ثانية، قامت من مكانها و هى تتأوه بتألم، رفعت نظرها لتجد عمار أمامها و هو يطالعها بخبث شديد، حركت شفتاها بصعوبة و هى تتحدث : 

– أنتَ مين ؟

ضحك بصوت عالي، و هو يهتف بشر : 

– عمار الدمنهوري، قدرك المستعجل .

صاحت به بغضب طفيف : 

– قدر مين يابا، بقولك أية لو فاكرني زى العيال السيس إلِ لما حد يخطفها تقعد تعيطي لا حاسب كدة، أنا مش زيهم يا اسطا .

طالعها بصدمة و هو لم يكن يعتقد أن تلك الفتاة ستكون عنيدة لتلك الدرجة، بالرغم من جمالها البرئ، و لكن هى لا يبدو على ملامحها أبدًا أمها شرسة لحد كبير، أشار لحراسه بالتقدم و همس بهدوء : 

– هى دي ملك ولا بيتهيألي .

رد حارسه بهدوء : 

– هى يا باشا .

عقدت ساعديها و هى تلوي فمها بتهكم، ثم صاحت فيه بغضب : 

– بقولك أية يا عم، أنتَ تسيبني أروح الواد هياكل الشكولاتة إلِ عايناها، و الله العظيم لو أكلها لأعمل ليكم فضيحة و أقول أنك رجل  أعمال رخم، و بعدين يا اسطا راعي أن أنا عندي مشروع و الواد أحمد هيسرق المشروع بتاعتي، و هبقى على البلاطة يابا .

ينظر لها بصدمة الجمت عقله، و من بين كل شئ، لا يستطيع أم يتحدث، خرج من ذاك الشرود الذى راوده و هو يشعر بأن تلك الفتاة غريبة، أردف بصدمة : 

– أنتِ متأكدة أنك مخطوفة .

ضحكت بسخرية قائلة :

– أومال قاعدة ألعب معاك، خلصني يا عم، الشكولاتة هيأكلوها دول عيال مفترية ولا الواد عمر دة، المفروض نخلص منه عشان حواراته كترت و الواحد تعب منه، و الطفس يوسف عشان بيأكل كتير و مبيتخنش .

صمتت لبرهة و أكملت بفكرة جهنمية :

– بقولك أية يا كابتن، أة صحيح اسمك أية يا كبتشن .

رد و مازال هو فى قيد تلك الصدمة :

– أنا لسه قايل من شوية عمار .

مطت شفتيها بملل قائلة : 

– طيب بقولك أية هاتلي ليلى، ما أنا مش هقعد لوحدي، و بعدين هاتلي أكل أنا جعانة، و بالنسبة للأوضة دي local جدًا، عايزة أوضة جديدة زي بتاعتي فى البيت و عليها حاجات حلوة .

رفع حاجبه بإستغراب و هو لا يدري ماذا يفعل مع تلك التى تظن نفسها أنها فى بيتها، رد عليها بذهول :

– على فكرة أنتَ مخطوفة، مش عارفة أنك كدة ولا أية ؟

نهضت من مكانها و هى تضع يداها فى خصرها و تهتف بغضب : 

– نعم ! و أنا مطلوب مني أن أنا أسمع كلامك لية إن شاء الله ؟ حتى لو خاطفني أنا عايزة اندومي و هاتلي شكولاتة بدال إلِ اتاكلت و افتحلي مشروعي .

نهض و هو يجاريها بالحديث و لا يعلم لما فعل ذلك : 

– و يا تري بقا فاتحة مشروع أية ؟

جلست على الارض و هى تربع قدميها قائلة بإبتسامة : 

– أقعد كدة و إنا هحكى ليك، عشان الموضوع طويل، طويل، طويل .

جاء ليجلس على الكرسي، و لكن هتفت هى قائلة : 

– لا يا عم، كرسي أية ؟ على الأرض قدامي .

كاد يتدخل الحارس و لكنه أشاح بيده لكي يخرج من تلك الغرفة، جلست قبالتها و هو لأول مرة يشعر بأن أحدًا يود أن يتحدث معه بذاك المرح، مرت الكثير من السنوات الطويلة و لكن لم يتحدث مع أحد إلا و أنه يشعر بالخوف الشديد منه، أردفت و هى تشرح له كل ذاك المضمون قائلة : 

– بص بقا عشان قبل ما نبدأ، نتعرف من أول و جديد عشان شكلنا مطولين، أنا ملك .

و مدت يدها لمصافحته، ابتسم لها و هو يمد يده قائلا : 

– أنا عمار .

ابتسمت قائلة : 

– بص يقا يا اسطا، من الأخر كدة الواد أحمد واقف فى طريق حياتي، و هو عائق فى مستقبلي، إلهي يارب يتجوز و أخلص، المهم بقا، كان عندي فكرة مشروع جميلة جدًا، و هى أني هشتري كتاكيت، فالكتاكيت هتكبر، لما تكبر هيبقى فى بيض، فهبيع البيض، فالكتاكيت تكبر و يبقى عندي فراخ، و لما بتبقى فراخ تجيب كتاكيت صغننة، و أبيعهم و تستمر العملية كالآتي، بذمتك يا شيخ فيها حاجة، بص يا عمو الخاطف عمار، أحمد دة فيه خطر عليا، فاحنا نعمل أية نجوزه، و منهم تكون أنتقمت منه و أنا خلصت منه، و خلاص كدة .

حاول جمع كلاماته و لكنه بالفعل كاد يصاب بالشلل من تلك المجنونة، التى لم تهتم لهويته أو ماذا يكون، يبدو أن ذاك الأمر لم يمر بتلك السهولة على عاتقيه، و بالفعل يحتاج لبعض الهدوء النفسي حتى يتصرف معها، جرب مجاراتها فى الحديث و هو يسألها :

– بقولك ؟ بما أننا اتعرفنا، مين فى عيلتكم ممكن يكون بيقتل .

ضحكت بسخرية قائلة :

– يقتل ؟ يا عم قول كلمة سهلة، دول عيلة فاشلة، حتى ريم و سارة و ليلى، لو دخلوا مطبخ يبقى كتر خيرها، و الواد أحمد إلهي يا رب يتجوز و أخد أوضته عشان بصراحة شكلها جميلة جدًا نينيني، أحم أحم و الكائن الرخم بيتخانق مع ليلى أو بيتصالحوا، على حسب دماغهم، و ريم و عمو مروان هما الأتنين بصراحة مش فاضين، عاملين شغل رومانسي فولة، و عمر نازل شقط مش فاضى، فكل واحد مش فاضى يقتل حتى، بخلاف أنهم مبيمسكوش سكينة .

أخذ المعلومات التى يحتاجها منها، و لكن توجه للخروج، أوقفه صوتها القائل : 

– أية يا عمو، هتسيبني هنا ولا أية؟ انا عايزة أندومي و شكولاتة مبقولش معلومات على الفاضى .

ضحك بسخرية قائلا : 

– أنتِ يا بنتي هبلة ولا أية ؟ مش عشان قعدت معاكِ شوية يبقى اسمع كلامك .

ضيقت عيناها قائلة : 

– بقا كدة، ماشى و الله العظيم ما قايله المعلومات غير لما آكل أندومي و تعوضني بشكولاتة عشان الواد أحمد هتلاقيه كالها المعفن .

طالعها ببرود و من ثم خرج من تلك الغرفة، بينما هى أخرجت هاتفها الذى تخبئه بعناية، أبتسمت بخبث و هى تهاتف على مروان .

Fadwa khaled. 

_________________________

توجه إلى تلك المشفى قبل ليلى بعدة دقائق، دخل إلى المشفى و هو يتسحب و بأمل أن لا يراه أحد، و لكنه نسى تمامًا أمر تلك الكاميرات، توجه من غرفتها و فى ذاك الوقت كانت قد استيقظت، فتح باب غرفتها ففزعت هى بشدة، أردف بهدوء : 

– أهدي يا هند .

تحرك يداها بخوف و هى تتراجاه قائلة : 

– و الله العظيم ما هعمل حاجة، أسفة و هديك كل الفلوس .

رد بحنان مصطنع : 

– مش عايز فلوس يا بنتي، هو أنا ليا أية فى الدنيا دي غيرك .

هدأت قليلا و هى تنظر له، فأكمل هو بمعالم حزن مصطنع : 

– خلاص يا بنتي، أنا جاى ندمان،  و مش عايز حاجة تحصل ما بينا، و أوعدك هعوضك عن كل إلِ حصل .

لطيبتها الزائدة عفت عنه، و لكن هى لم تكن تعلم نواياه السيئة، ردت عليه بسمة طيبة ارتسمت على محياها و هى تسامحه بالفعل، لم تكن تنتظر منه سوى الإعتذار :

– عادى يا بابا، ولا يهمك أنا مسامحاك .

ضحك فى نفسه بخبث و هو يشعر بأن ذاك الهدف قد تحقق و سوف ينعم بالكثير من الأموال بعدها .

دخلت ليلى فى تلك اللحظة، و وجدت والدها فى الغرفة، اقتربت منه بغضب :

– أية إلِ جايبك هنا، اطلع برة .

أدعى الإنكسار، فأردفت هند بدفاع : 

– يا ليلى، بابا جاي ندمان، و عايز يحسن علاقته بيا بعد إذنك أفهمي بس .

ردت ليلى بغضب :

– دة مبعرفش يصلح حاجة، أنتِ متعرفيش عمل معايا أية إمبارح أو مشاني فى أية ؟ أنا كنت هموت من القلق و هو كان عامه يقتلني بس، كان هيلبسني قضية .

أردفت هند بهدوء :

– لو سمحت يا بابا هتكلم مع ليلى شوية .

خرج و الده و قد نجح مخططه فعلا فى بث ذاك الشعور لها، نظرت ليلى لهند بعتاب قائلة : 

– لية كدة يا هند؟ لية ؟ و الله العظيم ما شكله عايزك تسامحيه، ابهدي عنه .

ردت هند بهدوء : 

– هو جاى ندمان يا ليلى، متعودتش حد يبقى ندمان و جاى يسامحني و أرفض بسهولة، متعودتش كدة يا ليلى .

تفهمت ليلى ما تود فعله، و أخرجت هاتف قيم و أعطته لها قائلة :

– الموبايل دة خليه معاكِ، و بعد إذنك متعرفيش باباكِ بيه، فى أي وقت هكون معاكِ متخافيش .

كادت تعترض و لكن ليلى أكدت على حديثها، فاستسلمت هى لأمرها .

فدوى خالد .

_______________________

كان مروان و ريم بالهما منشغل على تلك الفتاة، أردفت ريم بحزن : 

– هنعمل أية ؟ هنروح و نقلهم ببساطة كدة اتخطفت من وسطنا، و بطريقة سهلة كمان .

رد مروان بغضب : 

– مش مروان الشاذلى إلِ يتعمل فيه، و الله لأجيبها من تحت الارض، و عمار أتعدى كل حدوده .

علا صوت رنين الهاتف برقم ملك، نظر له بصدمة، فانتبهت ريم قائلة بلهفة : 

– عرفت حاجة .

رد عليها بهدوء : 

– دا رقم ملك .

ردت بسرعة : 

– رد يلا .

فتح الهاتف و وجد أنها تتحدث بخفوت : 

– الو يا مروان .

أردف بصدمة : 

– ملك ؟

ردت بملل : 

– مش وقت ملك، أنا دلوقتي مخطوفة، شوفلي حل، أنا عايزة اطلع عشان الراجل دة شكله مجنون، بس على مين أنا جننته .

أردف بهدوء : 

– أنتِ عارفة أنتِ فين ؟

ردت برفض و صوت منخفض :

– لا مش عارفة، بس عايزة أخرج عشان بصراخة جعانة .

رد عليها بغيظ : 

– أنتِ فى أية ولا أية ؟

أردفت بملل : 

– يا عم مش ناقصاك ….

لم تكمل حديثها حتى فتح الباب و نظر لها بغضب ………