Uncategorized

رواية بنت بنوت الفصل الثالث عشر 13 بقلم محمد عصام

 رواية بنت بنوت الفصل الثالث عشر 13 بقلم محمد عصام

رواية بنت بنوت الفصل الثالث عشر 13 بقلم محمد عصام

رواية بنت بنوت الفصل الثالث عشر 13 بقلم محمد عصام

-نعم
انصدم باسل وظل صامت لينصدموا بدخول مصدقه عمة وداد ، تقف وداد في صدمه وباسل ينظر الي وداد في رفق لتأتي مصدقه وهي تبتسم 
-جيت أشهد ضدك يا بنت اخويا
وداد خافت ورجعت وقفت خلف باسل و هي مرعوبه من عمتها  مصدقه 
مصدقه بإبتسامه : أي يا بت اخويا مسألتيش يعني ع ابوكي هل هو مات ولا عايش ولا حكاية اهله اي
وداد بخوف : عملت فيكي اي يا عمتي علشان تعملي فيا كده ، ده كله علشان رفضت اتجوز ابنك
مصدقه : إبني اتجوز ومراته حيبله دوري علي نفسك والعار اللي جيبتهولنا 
تتركهم مصدقه وتدخل الي وكيل النيابه وهي تنظر الي وداد عندما يقوم الحاجب بغلق الباب
-انا مصدقه عابدين زين النور  اخت الشيخ قاسم ابو وداد
وكيل النيابه اتعجب لأن اسم مصدقه مش موجود في الشهود
-انتي عمتها
-اها يا بيه ولو طولت أخلص منها يبقي أريح لينا 
-احكي يا حاجه مصدقه 
-احكي اي ولا أي ، أنا معنديش حاجه تتقال انا عندي ورق هو اللي يتكلم
-ورق ، ورق اي 
تخرج مصدقه من العمه التي ترتديها علي رأسها اربع ورقات 
-خد يا بيه ده عقد جواز وداد من بليغ عتمان ابو سفيان المشهور بالمافايا ومتوثق كمان ومات بعد الجواز بأسبوعين اتنين 
-أي ده 
-وداد كانت زينة بنات البلد في يوم وليلة جلبت لنا العار لما عرفنا ان هي متجوزه في السر وجيبنا الدايه اتفحصتها وعرفنا ان هي مش بنت بنوت ، اخويا اخدها وهرب علي مصر  ولما لقاها دارت علي حل شعرها ، رجع تاني البلد وقال ماتت 
**
وداد واقفه بتبكي مع  باسل والوجع في بطنها زاد وبدأت تستفرغ  وباسل بدأ يساعدها 
-تعبانه مش قادره عاوزه أروح
-عمتك قلبت الطربيزه علينا يا وداد 
ليجدوا مصدقه خارجه من مكتب وكيل النيابه وتبتسم 
-مستنياكي في البلد وانتي جايه وكفنك علي يدك علشان مبنجبش كفن للي زيك
وتتركها وتمشي لتدخل وداد وهي تستند علي باسل وخلفهم يدخل سريانوسي وجعبل والمحامي لديهم 
وكيل النيابه : أكتب عندك  يا  أبني بعد الاستماع إلي الشهود والأدله،  قبل إصدار الملف الي المحكمه العليا فقد تم 
1- حبس المجني  جعبل السيد حفيظ ابو زعبل ثلاث ايام علي ذمة التحقيق بما تم تقديمه إلينا من براهين وأدله ، وشروع في قتل المجني عليها وداد قاسم عابدين زين النور  ، واحالة اوراقه الي المحكمه العليا 
تبتسم وداد وباسل عندما يسمعوا اول اصدار من وكيل النيابه ، وجعبل ينظر الي سريانوسي وييكي ، ليكمل وكيل النيابه 
2-إخلاء سبيل  حفيظ عبدالعال حمدى المشهور ب سريانوسي بدفع كفاله قدرها 100 ألف جينيه وقفل المحضر علي ذلك في تمام الساعه الثالثه عصرا 
تسمع وداد هذا النطق وهي مصدومه لتدخل في حالة اغماء  وتقع علي الارض فيجري باسل اليها مسرعا 
**
سريانوسي  واقف مع جعبل والمحامي في الخارج ، بحيث ان جعبل في يداه الكلبش 
سريانوسي : الفلوس هتوصل لأمك واخواتك النهار ده بس تقول ان هي كانت داخله تسرق وانت ضربتها وخوفت لتكون ماتت أخذتها رميتها في البحر
جعبل بخوف :كده هاخد كام سنه
المحامي بأبتسامه : ثلاث سنين بس
سريانوسي بضحكه خفيفه : متخافشي يا إبني انا معاك وهحاول  اخلي المحامي يقلل لك المده بس خليك فاكر متجيبشي سيرتي  بحاجه 
**
وداد علي السرير في الفيلا لدي باسل ، يخرج الدكتور ويتحدث مع باسل قليلا ، لينصدم باسل بما قاله الدكتور  ثم يقوم بتوصيله ويدخل الي وداد وهو مصدوم بما قاله الدكتور 
-قالك اي
باسل مش بيرد بل بالعكس عاوز يبتسم وفي نفس الوقت مش عارف يقول اي بس حاول يتمالك اعصابه  ويتكلم
-وداد انتي…
-انا اي
-أنتي 
-انطق انا اي
-أنتي حامل في الشهر الأول 
تضع وداد يدها علي فمها وتنصدم وتكتم صرخاتها بيدها وتبكي ثم تقف في صدمه عصبيه
-لا..لا لا 
-اهدي يا وداد 
ولكن وداد تقوم بضرب بطنها بقوه  وباسل يمنعها 
-اهدي يا وداد بقولك أهدي 
-لا..لا…لا..يارب ليه
تصرخ بقوه وتلطم خديها بقوه وتصرخ  بشده وترفع عينيها الي اعلي 
-يارب انا عملت اي علشان تعمل فيا كده  يارب ليه يارب ليه تعمل  فيا كده …. عملت اي وحش صلاه وكنت بصلي …صوم وكنت بصوم ، ليه ، حتي كتابك حفظاه ليه يحصل لي كل ده
-يا وداد أهدي انتي كده بتكفري 
-يارب ليه…يارب ليه كده…حرام انا تعبت لأ حرااااام حراااااااااااااااام
يرتفع صوت صرخاتها بقوه ، وتظل تضرب بطنها بقوه  ولكن يأتي هاتف في أذنها 
-الحمل ده الوسيله الوحيده اللي هتجيبلك حقك 
تهدأ وداد مره واحده وتنظر الي باسل وهي مصدومه 
-هو الحمل ده الوسيله الوحيده اللي ممكن تجيب حقي
-كنت لسه هقولك بس أنتي اللي مسمعتنيش ، اها احنا ممكن نعمل تحليل الحمض النووي وب كده نقدر نثبت ده كله
تعود نظرة الأمل مره أخري إليها ولكن يقطع هذه النظره جملة باسل الاخيره
-بس لازم  القضيه دي تتحول لقضيه رأي عام 
– وده ليه لا 
-لازم كده احنا هنجبر القاضي ان التحليل يحصل قدامنا في المحكمه ، سريانوسي ثعلب 
-لا ده كده هتفضحني 
تعود نظرة الأمل مره أخري إليها ولكن يقطع هذه النظره جملة باسل الاخيره
-بس لازم  القضيه دي تتحول لقضيه رأي عام 
– وده ليه ، لا 
-لازم يا وداد ، كده احنا هنجبر القاضي ان التحليل يحصل قدامنا في المحكمه ، سريانوسي ثعلب صدقيني ممكن يزور التحاليل
-لا ده كده هتفضحني ، مستحيل لا 
يقف باسل بعد ان جلس ويقترب إليها قليلا وبرفق 
-صدقيني ، القضيه هتحرك ناس كتيره ، اها في ناس هتبقي ضدك بس صدقيني كده هنقيد سريانوسي وأي حد هيخاف من اللي شهدوا معاه ، هنقلب الطربيزه وهيشهدوا معاكي يعني بمعني أصح هنكسب القضيه ، غير الدليل اللي معانا وهو انك حامل ، و اي دكتور هيخاف يزور التحاليل لو بقت القضيه ، قضية رأي عام 
تغمض وداد عينيها ثم تتذكر ما حدث خلال هذه الرحله الطويله الشاقه ثم تلفظ في حزن
-طب وهتحركها قضية رأي عام الزاي 
-هقولك
يخرج باسل ويتحدث مع شخص يمتلك صفحه كبيره عليها ملايين المتابعيين ويقوم بتحويل مبلغ 20 ألف إليه ثم يغلق الفون ويدخل الي وداد
-جاهزه تصوري فيديو؟
-جاهزه بس هصور فيديو ليه 
-هقولك تقولي اي بالظبط
يشرح لها باسل ما ستفعله ويدخل علي الصفحه التي قد تم شراءها ثم تجلس وداد وتنظر الي الكاميرا ويقوم باسل بتشغيل البث المباشر لتتحدث وداد بمصداقيه 
-أنا وداد …
تنتهي وداد من الفيديو ، ليشاهده الكثير من الناس والبعض يتحدث ويقول
-بت تلاقيها عاوزه قرشيين وبتتبلي على واحد غني ، ده احنا بقينا في زمن أزرق ، البت دي كدابه ، العاهر بتفتخر بنفسها
والبعض الاخر تحركت فيهم غريزة الشفقه والرأفه ويقول
-باين في عينيها ان هي مظلومه،  طريقة الكلام أثرت فيا بجد ، البنت دي لازم تاخد حقها ، لازم كل كلب ينال جزاه ، انا هشير الفيديو وهكتب عليه حق وداد
اصبح معظم الشعب يشير الفيديو ليصبح رقم قياسي 30 مليون مشاهده خلال يوم واحد ، منهم من يقف في صف وداد ومنهم من يقوم بسبها ويغلق الفيديو
يذهب باسل في اليوم التالي ويقدم قرار بالطب الشرعي ويطالب بإعادة الاستئناف  وبالفعل يتم القبول ليتم تحديد جلسه في المحكمه في إبريل الموافق 26-4-2018
اليوم السابع وجريدة الوطن يتحدثون عن هشتاج    
# فتاة_الصعيد # وداد_قاسم_عابدين # إعدام_السافل 
# حق_وداد 
# أنصرو_فتاة_الصعيد
يتحدث اليوم السابع قائلا
-تعرضت فتاة الصعيد للأغتصاب وتم إخفاء الادله لمتابعة المزيد تابع هذا الرابط ***
-هشتاج وداد قاسم عابدين يتصدر تويتر بعد إصدار فيديو من المجني عليها تتهم فيه صاحب اكبر معرض سيارات في مصر 
-الجميع يبحث عن من فعل هذا … لمعرفة من فعل هذا اضغط علي هذا الرابط ****
ليخرج عمرو أديب ويتحدث في برنامج الحكايه في الساعه التاسعه مساءا قائلا 
-النهارده صحيت من النوم لقيت التويتر والفيس بوك مقلوب ، قولت في اي يا جماعه ، قالوا في بنت بتقول ان هي اتعرضت لاغتصاب وتم إخفاء الادله ، طلبت من واحد صاحبي يبعت لي الفيديو ويارتني ما شوفت ، البنت صعبت عليا جدا ، انا هعرض لحضارتكم الفيديو ونشوفه سوا ، وزي ما حضراتكم شايفين في الفيديو اللي بتتكلم فيه  ان هما كتفوها وكانوا بيرموا عليها ماية كل يوم لأخفاء أثر الاغتصاب ، احنا بقينا في زمن اغبر  ، هنطلع فاصل ونرجع نكمل
واصبح معظم الناس يتحدث عن وداد قاسم عابدين ، اصبح كل تويته يتم تنزيلها علي التويتر تحمل هشتاج 
# أنصروا_وداد_قاسم # أنصروا_فتاة الصعيد 
***
الشيخ قاسم والد وداد راقد علي السرير والمحاليل معلقه لا يتحرك ولا يتحدث بل جثه ساكنه يدخل  ويخرج منها النفس ، يسبح بسبحه في يده يحرك حباتها بصعوبه لتدخل أخته مصدقه وهي ترقص
-جيبالك خبر انما اي 
تقترب مصدقه اليه وتجلس بجانبه ثم تقوم بتشغيل التليفون ليشاهد الشيخ قاسم وداد فتتسع عيناه من الفرحه  ولكن ينصدم عندما يسمع جزء من مقطع وداد تتحدث قائله
-اشتغلت خدامه في بيت واحد ، اسمه بدوي علم الدين شيرس موجه باللغه العربيه ، الراجل ده دخلت لقيته قاعد علي كرسي بعجل وبيدعي ان هو مشلول بس لما اشتغلت عنده اكتشفت ان هو بيتحرك ومش عاجز واتحرش بيا بس انا ضربته بالسكين وهربت 
تظل وداد تتحدث والشيخ قاسم ، تحولت نظرات الفرح والسعادة في عينيه الي حزن وعار  لينصدم بمعرفة ان وداد تم اغتصابها
تبتسم مصدقه وتغلق الفون وتقول بشماته
-بنتك جابت لك العار يا شيخ ، وجه الوقت ان هي تموت ونخلص منها 
الشيخ قاسم مبيعرفشي يتكلم أثر الجلطه مأثر عليه 
-عارف يا قاسم ، قعدتك طولت قوي ودلوقتي جه الوقت اللي اخد عزاك ، متخافشي بنتك هتحصلك قريب 
تتركه مصدقه وتخرج من الحجره وتنادي علي الممرضه بتعصب 
-ايوه جنابك 
-ياخد حقنة الهوا دلوقتي ، انا هطلع اذيع في البلد ان مات 
-نعم انتي عاوزه تقتليه
تمسكها مصدقه من خديها بقوه وتقوم بفعص فمها 
-تحبي تموتي معاه اهو تبقي معاه  يلاقي له ونيسه
-بس ضميري المهني
-ماله ضميرك تعبان ولا اي ، تحبي تروحي معاه
-لا خلاص هعمل دلوقتي 
تدخل الممرضه الحجره وتظل مصدقه واقفه لتجد ابنتها عبير آتيه  (حيث عبير عمرها20سنه جميله جدا بيضاء وقصيرة القامه  )
-راحه فين يا بت
-راحه الجامعه 
-جامعه اي اللي يوم الجمعه دي
-راحه الكورس يا اما
-كورس اي استني يا بت
لكن عبير لا تسمعها وتتركها وتذهب ، لتنادي مصدقه علي الخادم
-خلي حد يمشي ورا البت دي يشوفها راحه فين  انت سامع ، يمشي وراها خطوه خطوه وتجيب لي الاخبار
-حاضر
تنادي مصدقه علي الخادمه
-عوزاكي تكويلي الجلبيه السمرا والعمه وتخرجي تصرخي في البلد ، تقولي الشيخ قاسم مات 
-يا سوادي شيخ قاسم مات
-جدعه عوزاكي تعملي كده وتقولي مات بسبب بنته واللي عملته فيه ، انتي سامعه ومتنسيش تدي كل امام جامع 100 جينيه وتخليه ينادي في الميكروفون  وينادي عليه ويقول مات بسبب بنته
تخرج عبير ابنة مصدقه  مسرعه وتخرج خارج البلد لتركب سياره مع شاب ويمشوا وخلفها الخادم بسيارته. 
**
بدوي جالس علي الكرسي المتحرك لينصدم عندما يجد اتصال لديه من ادارة التعليم قائلا
-تم حذفك من ناقبة التعليم ، حيث لا نتشرف ان يتم ذكرك في اطار التعليم كما تم وقف معاشك  وحذف رتبة مدرس وموجه منك ، حيث لا يحق لكائن مثلك ان يكون من اسرتنا 
لينصدم بدوي ويقق من علي الكرسي 
-الو الو 
ولكن لم يجد الرد ويتم غلق الفون  لديه بتعصب ويقبض غلي يداه بقوه 
-هقتلك ، هقتلك 
**
سريانوسي جالس يشاهد الفيديو ويشاهد ردود بعض الناس عليه ويشاهد جميع القنوات تتحدث في هذا الموضوع ، ليجد اتصال من باسل ليفتح سريانوسي وهو يتمالك اعصابه 
-امم 
-حبيت ابارك لك مقدما  علي الإعدام اللي هتاخده
-انت مفكر يا باسل الشويه واللي انت عملتهم دول هتخوفني ، انت الظاهر نسيت انا مين كويس
يضحك باسل بقوه ثم يقول
-انت ولا حاجه يا سريانوسي ، انت حقير
-عارف يا باسل ، ورحمة اختك اللي قتلتهالك ، انا ما باقي علي حاجه وقضيتك خسرانه وهطالب بتعويض علي اللي انتم بتعملوه ده
-ورحمة اختي الطاهره اللي ماتت غدر علي ايدك يا حقير لهتاخد أعدام 
-أعدام بالشوية الكلام اللي طلعت قالتهم دول ،قضيتك خسرانه يا باسل 
-ما انا مقولتلكش ، مش انا هكسب القضيه ، عارف ليه، علشان انت هتبقي اب لأبن مش هتلحق تشوفه يا سريانوسي 
ينصدم سريانوسي عندما يسمع هذه الجمله ليكمل باسل حديثه 
-ورق المحكمه هيجيلك بكره او النهار ده بالكتير سلام يا سريانوسي بيه هاهاهاهاها 
سريانوسي لا يتحرك ولا يلفظ كل ما عليه سوي انه حاطط التليفون علي اذنه وساكن ليدخل المحامي مسرعا 
-الحق يا سريانوسي بيه في مصيبه
ليلطم سريانوسي علي وجهه ويقف للمحامي 
-انت لسه جاي تعرف …. وداد طلعت حامل 
ينصدم المحامي ويظل ساكن ليقهقر راسه 
-في مصيبه ألعن من دي ، اسهم المعرض والشركه بتاعتك نزلت الثلاث اربع بعد فيديو وداد ، يعني كده رصيد حضرتك صفر والبنك ممكن يحجر عليك 
-نعم
-البورصه خسرتك كل حاجه بسبب وداد 
يجلس سريانوسي مكانه ويصرخ بقوه
-وداد ، البت دي لازم تموت 
****
جعبل داخل الحبس يبكي بما يفعله السجناء به ،يضربوه ويقومون بسبه ليأتي إليه سجين آخر 
-انت جاي ف اي 
-شروع في قتل 
-يعني مطول يعني ، استحمل علشان انت لسه مشوفتش حاجه هنا
-مش فاهمك ليه مش هما 3 سنين بس 
-شروع في قتل 15 سنه ل25 يا عبيط 
-نعم 
يبكي جعبل ويقف ويذهب الي الباب
-هاتولي المحامي انا لازم اخرج من هنا ، سريانوسي كان بيضحك عليا ، حد يخرجني من هنا
فيأتي سجين ضخم ويقترب إليه بتعصب 
-انت عامل دوشه ليه يا بن الكلب
يخبط دماغ جعبل في الحائط فيقع جعبل علي الارض والدم يتساقط ليفقد الوعي  ويتذكر ما قد كان يفعله من وداد عندما كان يقوم بضربها بقوه وتعذيبها والقاء المياه عليها
***
وداد جالسه تشاهد رد الناس وتتعصب بقوه  من بعض التعليقات السخيفه وتجد  تعليق لشخص
” تعالي ليله وخدي 100 جنيه”
تتذكر وداد حديث اهل البلد معها عندما كانوا يتحدثون معها مثل هذا ،ثم تغلق التليفون لتجد باسل 
-طمني 
-في خبريين 
-اي هما ، احكي بدون تشويق وحياتك
-سريانوسي خسر كل ما يملك من البورصه ، اصبح مفلس بعد الفيديو بتاعك ،  والمحكمه قبلت التقديم
تبتسم وداد وتتسع عيناها من السعاده وتحضن باسل دون ان تشعر بما تفعل
-ده بجد صح؟!
ولكن باسل مقهقر الرأس حزين فتتعجب وداد 
-انت زعلان ليه
-الشيخ قاسم ابوكي تعيشي أنتي 
-لا بتهزر 
تضحك وداد ثم تتحول ضحكاتها الي بكاه وتجلس مصدومه ثم تتحدث ببكاه
-أأأأك  .. أكيييد مات بسببي صح ! … هتلاقيه شاف الفيديو …. الشيخ قاسم مات … بابا 
تصرخ وداد وتظل تبكي لترتدي ملابس سوداء وترتدي نظاره وتركب السياره مع باسل ويذهبوا الي المقابر وتشاهد  دفنة ابيها من بعيد وتظل تبكي بقوه وتحاول  ان تخرج من السياره ولكن باسل يمنعها
-لو نزلتي هيقتلوكي ، عمتك قالت في البلد ان انتي السبب
تتحدث وداد ببكاه
-ما انا السبب فعلا 
ينظر اليها باسل بشفقه عندما تلفظ هذه الجمل وهي تبكي فيتماسك اعصابه عن البكاه ويظل ينظر الي وداد التي تنظر الي ابيها وهم يحملوه لتقول 
-عيشتك بالعار وموتك باللي أمر منه 
مصدقه جالسه في وسط الرجال تأخذ العزاء فتجد أتصال من الخادم إليها 
-أي 
-فيه مصيبه جنابك
-البت جري لها حاجه 
-بنتك طلعت متجوزه واحد عرفي وقاعده معاه في الشقه فوق
تنصدم مصدقه وتقف تعبيرات وجهها وتظل صامته
-يا مري ، هبعتلك صبحي اخوها ، تقتلوا الواد وتجيبوها ، انت سامع ، مش عاوزه حد يحس بيكم ، ولا حد يعرف بالموضوع ده
-حاضر هبعتله اللوكيشن علي الواتساب 
-انتوا تفهموا بعض 
تغلق مصدقه التليفون وتظل صامته تتمالك أعصابها 
-هتجيبيلي العار يا بت بطني
———————–26-4-2018——————-
صباحا الساعه ال11 
تهبط وداد من سيارة باسل امام باب المحكمه لتنصدم بوجود مجموعات هائله بل مجموعه كبيره جدا من الناس واقفين امام المحكمه والكثير من القنوات تنقل البث المباشر  لتبتسم وداد وتنظر الي باسل 
-كل دول معايا 
-ولسه أما قضيتك تفوز ، كل المصريين هيقفوا معاكي مش الشويه دول بس
تتحرك وداد وسط هؤلاء الناس حيث رجال الامن يحموها وبجانبها باسل  لتجد ردود من الناس
-ان شاء الله ربنا معاكي وهينصرك 
-ربنا علي الظالم منه لله ، كلنا معاكي يا وداد
-حقك هيظهر ، ربنا بينصر المظلوم
تجد وداد امراءه تنتظرها فتقف وداد أمامها 
-انا من جمعيه المراءه تساوي المجتمع ،  ببلغك ان كلنا معاكي
فتفرح وداد وتحضنها وتأتي لتلتفت ولكن احد من أعلي المنازل من بعيد يحمل قناصه ، يوجه القناصه علي بطن وداد ويضرب بالنار
باسل يبتسم لوداد وهي الاخري تنظر الي الناس وتبتسم ولكن تقع على الارض عندما تأتي الرصاصه في بطنها فيصرخ جميع الواقفين وييعتد الناس ويصرخ باسل
-وداااااااااد
الي اللقاء في الفصل الأخير 
“رحلة طويله جدا هل هتنتهي بالقتل ؟  وهل الاغتيال ده هيحرك جميع الناس لمطالبة بحق وداد ، و يا تري مين اللي عمل كده ؟ “
دا اللي هنعرفه من اللي جاي 
يتبع….
لقراءة الفصل الرابع عشر والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية المقاس للكاتبة فاطمة الدمرداش

اترك رد