رواية بلا رحم الفصل الحادي عشر 11 والأخير بقلم كوكي سامح

__ الظابط احمد قرب من حسن وهاجر ومصطفى
وسألهم مين فيكم اللى حط السم فى الشاى؟؟ 
الثلاثه واقفين والخوف باين على وشهم.. فجر قربت من عمها.. انت اللى موت امى.. حسن بدموع
انا اموت حكمت.. لا يا فجر انا عمرى ما فكرت أذى
حد فيكم يا بنتى.. يمكن فى يوم حبست بنى آدم
ظلم علشان طمعى فى الدنيا وقتلت؟
مصطفى.. بابا! بتقول ايه.. ابوس ايدك اسكت! 
الظابط احمد.. قتلت مين يا استاذ حسن؟ 
فجر بذهول.. قتلت؟! .. قتلت مين؟
حسن بندم.. قتلت غصب عنى عامل عندى ولفقت 
التهمه ل شريكى رضوان.. مصطفى.. بابا لا لا
حسن.. ودلوقتى انا بعترف انى حبست رضوان ظلم.. الظابط احمد.. وايه اللى خلاك تعترف دلوقتى.. حسن.. علشان خلاص لازم الحق يبان 
ويرجع لأصحابه.. الظابط احمد.. أصحابه مين؟ 
حسن.. البوابه وولادها.. فجر بذهول.. ام يسرى.. 
هى مرات رضوان.. حسن.. ايوه وعلشان كده بقول
انا شاكك.. لا متأكد ان السم ده كان ليه انا.. اكيد ام يسرى او اى حد من أولادها هو اللى عمل كده 
انهار.. كانوا بينتقموا منى علشان ياخدوا حقهم 
فجر قالت فى سرها.. يبقى يسرى اللى عملها علشان كده خد السم منى.. اكيد كان بينتقم لابوه 
ووهمنى انه بيحبنى وعاوز يعمل اى حاجه علشانى وانا صدقته وكنت فاكره نفسى ظلماه 
 
معايا والدموع نزلت من عينها.. يعنى السم كان منى.. يبقى انا اللى قتلت ماما وهو استغل ده 
وحط السم لعمى علشان ينتقم لنفسه ولابوه 
الظابط احمد.. انت متأكد يا استاذ حسن من اللى انت بتقولوا ده.. حسن.. ام يسرى بتشتغل عندنا واعترفت أنها جايه تاخد تار رضوان وكمان رفعت 
عليه السكينه وكانت عاوزه تقتلنى.. الظابط احمد.. طلب من العسكرى بأن ام يسرى تتدخل واحمد ويسرى كمان علشان تحصل ما بينهم مواجهه.. وفعلا دخلت ام يسرى واحمد ويسرى وتمت ما بين الكل المواجهه “وطبعا الظابط احمد مهتم علشان القضيه تخص فجر وكانت صعبانه عليه وعاوز يساعدها”
__يسرى واقف وعينه على فجر ولما شافها كان فرحان جدا انها بخير وكان نفسه يكلمها ومش عارف.. إنما فجر كانت بتبص ل يسرى بكل قرف 
لأنها فهمت انه استغلها لحسابه مش حباً فيها 
زى ما كان بيقولها. 
__ ام يسرى دخلت وبصت ل حسن اوى “قاتل وظالم ربنا ينتقم منك” قربت من مكتب الظابط 
احمد.. وشاورت عليه.. ده اللى ظلم جوزى وخد فلوسه ودينه ولفقلو قضيه وهو الجانى فيها 
 
انهارت.. وحيات أغلى حاجه عندك يا بيه انا عاوزه حق جوزى وولادى.. الظابط احمد.. انتى متهمه بقتل حكمت يا ام يسرى.. فجر بانهيار.. انا اللى قتلت امى وقربت من يسرى ومسكته من التيشيرت.. وهو كمان.. يسرى بتوتر.. لا يا فجر انا 
ايدى بريئه من دم امك احمد اخويا بدل السم بمواد تانيه يعنى انا وانتى ملناش يد فى قتلها 
“احمد” ايوه انا فعلا بدلت السم.. اخويا يسرى بريئ يا فجر.. انهارت.. انتوا كذابين وانت يا احمد كذاب كل ده علشان تنقذ اخوك من حبل المشنقه
ابتدت ترتعش وقعدت على الكرسى.. يسرى قتل امى واستغلنى لحسابه علشان ياخد حق ابوه وبصتلو اوى وعينها حمرا والدموع نازله منها.. انت اللى قتلت امى.. احمد.. اخويا بريئ انا بدلت السم
صدقينى يا فجر. 
.. الظابط احمد.. يعنى يا فجر انتى متأكده ان يسرى اللى حط السم.. فجر بدموع وكسره.. ايوه 
__ ام يسرى واقفه ولما سمعت ان ابنها هيروح فى داهيه ظلم ” انهارت” جريت على فجر.. لا يا بنتى انا اللى حطيت السم.. فجر.. انتى!.. ام يسرى.. ايوه انا بس والله ما كنت اقصد الست حكمت ولا كنت اعرف انها هى اللى هتموت.. انا كنت عاوزه اخد حقى من الجبان ده “يسرى بذهول” امى بتقولى ايه.. ام يسرى.. بقول الحق يا ابنى.. احمد بدموع..انتى يا امى لا لا انا مش مصدق نفسى 
“فجر بانهيار” جريت على حسن.. منك لله يا عمى 
كله بسببك.. امى ماتت بسبب أعمالك الوسخه حسبى الله ونعم الوكيل فيك “يسرى بتوسل” قرب من الظابط احمد.. انا القاتل.. انا اللى حطيت السم فى الشاى ووطى على رجل امه وانهار” امى بريئه بريئه بريئه” ام يسرى ووطت وقومته
حسن بندم.. مش قولتلك ام يسرى هى اللى عملت كده.. انا بريئ من قتل حكمت يا فجر إنما مش بريئ من حبس رضوان ظلم 
 
.. الظابط احمد.. قرب من هاجر ومصطفى.. انت يا مصطفى اللى كنت بتحط المنوم ل فجر وبردوا حبوب منع الحمل.. مصطفى.. لا لا انا محطتش منع الحمل خالص.. انا حطيت المنوم وبس 
احمد.. انا عارف يا فجر.. بصتلو بكسره.. مين يا احمد رد وقال.. هاجر صاحبتك اللى كانت معاكى فالمستشفى وهى كمان السبب فى خطف رضوى 
فجر بذهول وكسره.. كنت حاسه.. قربت منها ومسكتها.. بس ليه.. انا عملتلك ايه!؟ 
هاجر عينها فى عين فجر وكلها غل وكره.. فجر بانهيار.. انا عملتلك ايه انطقى ردى عليه” متبصليش كده” هاجر.. اه انا اللى كنت بحطلك فالعصير الأخضر حبوب منع الحمل وبعدت عنها.. العصير اللى علمتك تشربيه وقولتلك انه مفيد للبشره.. اللى كنت بعملو بإيدى ليكى.. انا اللى حطيت فيه حبوب منع الحمل ” اقوى حبوب” 
 
فجر بانهيار وغضب.. ليه.. هاجر بعنف.. مش عارفه ليه.. علشان انتى يا فجر اللى حرمتينى من محمد. 

__ الكل واقف مذهول من اللى هاجر بتقولوا 
فجر بدموع.. انا حرمتك من محمد.. يا شيخه اتقى الله ده انا الوحيدة اللى كنت واقفه جمبك 
___وهنا هاجر انهارت وقالت بدون وعى.. انتى وقفتى جمبى لا يا فجر انتى دمرتينى.. فجر.. انا دمرتك! “هاجر” ايوه.. فاكره لما جيت قولتلك انى حامل من محمد وعاوزاكى تكلميه؟ كان ردك عليه انى انزل البيبى علشان مصلحته ومصلحتى وكمان مقولش انى حامل علشان لو عرف ممكن نسيب بعض.. وفعلا سمعت كلامك زى الهبله وصدقتك.. خبيت على محمدونزلت البيبى بعمليه إجهاض وبعدها تعبت جدا.. حصلت مضاعفات شديده بعد العمليه.. وحطت ايدها على كتف فجر وقالت.. روحت لدكتوره وكانت حالتى خطر.. كنت ما بين الحيا والموت.. يأما اعيش وافقد الرحم.. يا موت.. والدكتوره استئصلت الرحم وبقيت بلا رحم.. وبسببك يا فجر.. وحلفت انى لازم اخد حقى منك ومن اهلك وفعلا خدت حقى منك لما خدت مصطفى  لحضنى وحرمتك تبقى امى زيي وخليت مصطفى يحطلك المنوم علشان تبقى تايهه طول الوقت ومتبقيش مركزه بس هو كان وسخ كان عاوزه يحطلك المنوم ويعمل علاقه معاكى بس كنتى بتفلتى منه نصيبك بقى وغير رضوى.. شربتكم انتوا الاتنين من نفس الكاس.. هى بقت زى واوسخ كمان.. فجر بذهول.. انتى.. هاجر بغل وكره.. ايوه انا.. ما الست هانم بنت عمك اتصلت بواحده حبيبتى كانت عاوزه دكتوره يرجعها انسه بعمليه وبصراحه انا اتفجأت والفرصه جت لحد عندى خلتها توصف لها أقذر دكتور ودفعت فلوس للممرضه علشان تكمل على الباقى منها.. وصيت عليها وكله بالفلوس.. اغتصبوها تلاته.. رضوى اللى هتبقى مرات اخوكى جابت لكم العار خلاص.. اللى كانت بتعايرنى.. ما هو مفيش حد احسن من حد 
 
وبصت فى عينها اوى وانتى بلا رحم زى يا فجر واحده بواحده.. فجر ضربتها بالقلم.. وانهارت ومش متوقعه ان كل ده يطلع منها.. انتى مريضه بجد.. مصطفى.. يا بنت الكلب وجرى عليها وكان بيحاول يخنقها والكل اتشغل بيهم وفى نفس اللحظه ام يسرى شافت قطر على مكتب الظابط خدته وجريت على حسن من غير ما حد ياخد باله وضربته فى قلبه.. حسن مسك قلبه ووقع على الأرض.. الظابط بذهول.. ايه ده ومسكها.. يسرى.. ليه بس كده يا امى.. احمد ابنها..امى ????????
.. ام يسرى بهستيريه قتلته هههههههههه هههههههه قتلته هههههههه هههههههههه
مصطفى جرى على باباه والظابط احمد كان بيحاول ينقذه إنما مات فالحال 
__ فجر اتصدمت وفتحت باب المكتب وخرجت تجرى.. محمداخوها شافها وكانت معاه رضوى وجريوا وراها.؟!

تنبيه لكل أعضاء الصفحه اتفعلوا على الرواية بلايك و20 ملصق علشان الحظر ميرجعش واقدر اكمل حكايه فاطمه الكلام للكل للاعضاء الصامته والمتفاعله
لاستمرار النشر 
بعد مرور 3 شهوررررر 

___ يسرى واقف قدام باب القسم وكان معاه اخوه احمد.. رضوان خد براءه وكان خارج من السجن. 
يسرى جرى عليه وخده فى حضنه بعد سنين من الفراق والعذاب والظلم.. احمد بدموع.. بابا وحضنه
رضوان بفرحه.. فين امكم يا ولاد فين ام يسرى 
ومحدش فيهم رد؟ 
يسرى فتح باب عربيه فخمه جدا ورضوان ركب هو وأحمد وطلعوا على الڤيلا 

___فى فيلا حسن ___
الجده واقفه على الباب الڤيلا ومعاها صفيه بعد ما خرجت بعد اعتراف ام يسرى واحفادها رضوى وبسنت ومحمد وزيزى وقدامهم شنطهم!؟ 

__ فجر فى اوضتها ماسكه صوره مامتها حكمت وبتعيط وقامت خدت شنطتها ونزلت وكانت عينيها على كل ركن فى الڤيلا وهى بتودعها 
خرجت على باب وقفلته وكان فى ايدها مفاتيح 
ولما خرجت على البوابه الكبيره وقفت وكانت 
بتبص على اليافطه اللى مكتوب عليها حسن الاباصيرى. 

___ عربيه وقفت قدام الفيلا ونزل منها رضوان 
ويسرى واحمد. 

يسرى قرب من فجر.. انتوا رايحين فييين.. فجر.. 
هنمشى.. خلاص مبقاش لينا مكان هنا ومدت 
ايديها ب المفاتيح.. خد يا يسرى.. مد ايده وخدهم 
وقدمهم لابوه.. رضوان بدموع.. انا فرحان بس 
فرحتى مش كامله من غير امكم يا ولاد ????
الجده بألم.. مبروك رجوعك لبيتك يا رضوان.. مبروك رجوع حقك ليك وعيطت.. كان نفسى ابنى حسن يكون عايش ويرجعلك حقك بنفسه بعد ما حبسك ظلم.. ابوس ايدك يا ابنى سامحه.. رضوان.. ربنا يسامحه إنما أنا مش مسامح فى حقى ابدا.. مراتى وعشره عمرى راحت بسببه.. اتجننت ومرميه فى مستشفى المجانين ولو خفت هتتشنق.. حسبى الله ونعم الوكيل ???? 

يسرى.. خلاص يا بابا.
___ فجر شالت اليافطه اللى بأسم حسن وحطت يافطه بأسم رضوان وأولاده 
يسرى قرب منها.. فجر اقعدى انا بحبك وانتى عارفه.. فجر بدموع ووجع.. مينفعش يا يسرى خلاص كل حاجه راحت.. بعد موت امى ظلم وانا حاسه انى انا مش انا.. انا خلاص اتغيرت.. انا واحده تانيه انا نفسى معرفهاش????????
 
بعد ما صاحبتى خانتنى وخانت اخويا وضربتنى فى ضهرى ظلم وانا الدنيا اسودت فى وشى 
بعد ما مصطفى ابن عمى اللى من لحمى ودمى
يدمرنى ويحط ليه منوم ويتفق مع صاحبتى عليه 
تفتكر انى اقدر ادى الأمان لحد تانى.. معتقدش
يسرى.. هما خدوا جزاءهم واتحبسوا 
فجر بانهيار.. طيب وانا 
يسرى.. انتى بتاعتى انا يا فجر 
فجر بزعيق.. انت مش مستوعب بتقول ايه؟! 
ومسكت ايده وراحت لحد الاوضه بتاعتهم وقالت 
فى المكان ده انا اتفقت معاك اقتل عمى وابن عمى وانت وافقت وبعدها اكتشفت ان مامتك هى اللى قتلت امى بالخطأ.. يعنى امك السبب فى موت امى.. تفتكر بعد كده ننفع نعيش مع بعض
يسرى بكسره.. انا بحبك وكل واحد عمل حاجه خد جزاءه.. امى بقى حالها حال.. ومصطفى وهاجر محبوسين بعد ما اتحكم عليهم
فجر.. مبقاش ينفع.. انت بتضحك على نفسك ولا عليه يا يسرى.. عمى سرق ابوك وظلمه واتحبس بسببه 25 سنه.. تفتكر انك فى يوم مش هتعايرنى بيه.. وانا مش هيجى عليه يوم ابص فى وشك وشوف فيك مامتك اللى قتلت امى.. طيب لو كنت بخلف واتجوزنا واخلفنا كنا هنقول لاولادنا ايه لما يسألونا 
 
عن اهالينا؟ رد عليه ارجوك.. يسرى بتوتر.. انا بحبك يا فجر 
 
فجر.. اوهام.. انا عمرى ما حبيتك يا يسرى وانت عارف كده كويس.. وانهارت.. انا كنت انانيه.. بفكر فى مصلحتى وبس واستغليت حبك ليه وعيطت.. انت مصدق نفسك بس للأسف انا مش مصدقه
” وانهاااارت” ????????????????????
يسرى قرب منها وحاول يهديها بس كانت دماغها 
ناشفه.. خرجت من الاوضه وخدت شنطتها وبصت 
ل يسرى وركبت العربيه مع جدتها وعيلتها.. يسرى بحزن.. انا بحبك يا فجر.. ارجوكى فكرى.. فجر.. مبقاش ينفع يا يسرى انا جوايا جرج كبير 
ومسكت ايده وبصتلو اوى.. صدقنى لو انا وانت اتجوزنا مش هيكون فى ما بينا ثقه وأمان واحتمال نخاف من بعض يمكن احطلك سم فى الشاى ???? واخد تار امى.. يسرى بدموع.. بحبك 
فجر.. وانا عمرى ما حبيتك.. ربنا يوفقك مع بنت 
الحلال اللى تشبهك يا يسرى.. وطلبت من السواق يطلع.. وسابت ايده والعربيه مشيت بيهم 
يسرى واقف بيبص على العربيه.. رضوان خده فى حضنه.. البنت بتتكلم صح.. يسرى.. بحبها يا بابا 
احمد.. يا عم خلينا فى مشاكلنا.. يلا بقى يا جماعه 
ندخل الفيلا وفعلا دخلوا.. نسيت اقولكم بالنسبه 
اجهزه التسجيل اللى احمد كان بيتسنط بيها هى نفعته عرف منها موضوع خطف رضوى وموضوع علاقه مصطفى ب هاجر بس مقالش علشان الأمور توضح اكتر وطبعا مقالش للبوليس انه مركب اجهزه تسنط علشان ميتعقبش واتخلص منهم. 

__بعد مرور 4 شهور فى منزل فجر اللى ورثته من مامتها كانوا بيجهزوا لفرح محمد ورضوى بنت عمه.. وطبعا محمد اتجوزها علشان يحافظ على شرفه لان بنت عمه أولى بيه وكان مع الوقت ابتدى يحبها ويرتاح لها وهى كمان كانت بتبادله نفس الشعور.

___ فى الكوافير ___
فجر.. يلا يا بنات انا جاهزه.. زيزى.. الله يا فجر انتى زى القمر كده ليه.. فجر.. اموووواه انتى اللى قمر، ???? بسنت.. يا جمالك يا بنت خالى.. عقبالك.. فجر.. انا وانتم يارب قولوا اميين.. بسنت امين ❤️???? زيزى.. أمين ???? 

رضوى خارجه ماسكه الفستان.. الميك اب لايق عليه.. فجر.. انتى قمر يا حبيبتى وباستها.. امواااه 
مبروك يا مرات اخويا.. رضوى.. هموت من الكسوف وقربت من فجر.. اققرصينى علشان تحصلينى.. فجر بابتسامه جميله.. اه هحصلك فى جمعتك ???? يا بنتى دى تخاريف.. رضوى.. بكره تشوفى.. العريس وووووصل ???????? ولما شاف عروسته كان فرحان بيها جدا وخرجت فى ايده 
قدام الناس كلها وركبت معاه العربيه ولما وصولوا 
البيت نزلوا من العربية على الزفه وفجر ماسكه 
فستان رضوى وطلعت الفون تتصور جمبها وخدت 
أجمل سيلفى مع اجمل عروسه واحلى فرحه 
وقفت على جمب وشافت قصادها شاب جارهم 
معجب بيها جدا.. قرب منها وحاول يتكلم معاها 
وابتدت تتكلم معاه وحست براحه نفسيه عمرها 
ما حستها قبل كده وانتهت علاقتهم ب الخطوبه 

_ ام يسرى اشتغل ومع الوقت استوعب ان جوازه من فجر مكانش ينفع واتجوز بنت من قرايبه وكان سعيد معاها ????
تمت بحمد الله ????.