رواية لم يحبني الفصل الخامس 5 بقلم زينب المتولي

_ انت بتقول ايه انا مش فهماك وانت عارف اللى فيها هحمل ازاى انا ؟

_ هطلقك واتجوزى تانى .

_ نععم ، انت بتقول ايه ؟؟

_ بقولك هطلقك وتجوزى وتحملى بعدها هجوزك تانى .

ضحكت بصوت عاالى وقولت :

_ انت اهبل انت بتقول ايه ؟؟

_ انا مش بهزر ياليلى انا بتلكم بجد .

عليت صوتى وزعقت :

_ مهو لو بتتكلم بجد تبقى بجح ومجنون .

_ ليلى متنسيش انا جوزك متعليش  صوتك .

_ معليش صوتى ده انا هعلى صوتى كمان وكمان استحملتك كل ده واستحملت حبك لواحدة تانية وقولت نزوة وهتعدى انما تيجى وتقولى اتجوز واحمل واجى اتجوزك تانى لييييه انت مجنون اكيد . 

قرب منى وضربنى بالقلم وقعت من قوة الضربة وبعدها مسك شعرى فى ايده وقال بصوت عالى :

_ بقولك اييه انا كلامى هو اللى هيتنفذ انتى فاهمة .

_ سيب شعرى انت مجنون بقولك سيبنى .

سابنى وزقنى بقوة على الارض فاتخبطت على الطرف التربيزة لقيت سائل بارد بيسيل على وشى وبعدها حسيت بوجع صعب جدا لدرجة انى معتش شايفة قدامى وبعدها كل حاجة اسودت قدامى كنت سامعة صوت جمبى بيتكلم ويقول ” فوقى انا لسه عايزك لسه لسه مخلصتش الكتاب فوقى متموتيش دلوقتى انا لسه عايزك ” ودىى كانت اخر حاجة انا سمعتها قبل مايغمى عليا  …

مفوقتش غير وانا فى اوضة غريبة عمرى ماشوفتها كان دماغى بيوجعنى جداا حطيت ايدى على راسى لقيت شاش ملفوف حولين راسى ..

حاولت اقوم بس مش عارفة وبقع بس قمت عشان اشوف انا فين روحت للباب لقيته مقفول وقاعدة بخبط ومش قادرة اصرخ حرفيا عشان دماغى روحت قعدت مكانى من التعب والصداع نص ساعة عدت وانا معملتش حاجة غير انى بحاول اشوف انا فين حتى دى مكنتش مستشفى لقيت صوت مفتاح بيتحرك فى الباب وقفت اشوف مين اللى بيفتح فتحت لقيت سيف واقف ومبتسملى :

_ اظنك بقيتى كويسة دلوقتى .

_ انا فيين ؟

_ متخافيش ياحبيبتى انتى فى مكان امااااان اوى يعنى .

_ سيييف بقولك احنا فيين انا عايزة اروح لاهلى .

_ اهلك تمام هفهمك احنا فى مكان ولا اهلك ولا حد يعرف عنه حاجة ومش هيعرف غير لما اخلص اللى انا بعمله .

_ لا لا انت ميين انت اتجننت اتجننت بقولك انا عايزة امشى من هنا .

زعق وقال :

_ ليلى اظنك مش عايزة يحصل نفس اللى حصل فى البيت فخليكى حلوة وهكون حلو معااكى اتفقنا .

_ لا لا متفقنااش انا لازم امشى من هنا انت مجنون اكييد .

_ انا هسيبك ترتاحى شوية وتوزننى عقلك عشان فى حاجات كتيير لازم تتعمل يلاا سلاام .

وخرج وقفل الباب وراه :

_ لااا سييف بقولك افتح الباااب افتح الزفت البااااب سيييف .

وقعت على الارض وانا بعيط ومش فاهمة ايه  اللى بيحصل حوليا انا مش فاهمة انا مشتتة ومفيش حد جمبى حتى الشخص اللى كنت مفكراه هيبقى سندى وكل ماليا بقى السبب فى دمار حياتى .. 

………………………………….

_ انت اتجننت يا سيف انت بتقول ايه ؟

_ بقول ايه يعنى يا لؤى فين الغريب فى ده ؟؟

_ انا عارف انك كل اللى بتكتبه بتعمله فى حياتك بس مش لدرجة انك تكتب ان مراتك تجوز وتحمل من شخص تانى انت اكيد اتجننت .

_ انا مجننتش يا لؤى وانت عارف ايه اللى انا بعمله كويس اووى وده لو محصلش قبل السنة الجديدة واتحقق اللى انا كتبته انا هموت .

_ غبى غبى محدش قالك تعمل الاتفاق الغبى ده .

_ اهوه حصل اللى حصل بقى هاااه هتعمل ايه ؟؟

نظر اليه لؤى بتفكيير بعدها قال :

_ انا موافق اتجوزها يا سيف بس بشرط …