رواية عشق الأيام الفصل الثالث 3 بقلم منار كريم

وقفنا أن آيام خلصت مذاكره وصلت الفجر ونامت 

بعد ما قرات الورد اليومي تاني يوم الصبح مامتها بتصحيها آيام آيام اصحي بقي انتي واقعه من طياره يا بنتي اصحي بقي لا هي كدا مش هتفوق وهوب لقت كوباية ميا متلجه فوقها 

آيام صحيت مفزوعه ووقفت علي السرير الحقوووووني بغرق اااه بغرق وهي عماله تدور حوالين نفسها زي المجنونه 

كريمه هههههههه هو لازم اكب عليكي ميا علي شأن تصحي قومي يختي ورانا شغل كتير اوي وانا مش هقدر اعمل كل ده لوحدي 

آيام لي يا ماما هنعمل شغل اي اللي تصحيني الساعه ٧ علي شأنه ده 

كريمه انتي ناسيه أن مرات عمك وحمزه جايين يطلبوا ايدك انهارده ولا اي يلا بطلي كلام بقي لسه ورانا غسيل سجاد وترويق وسابتها وخرجت برا الأوضه

آيام يعني هو غريب نغسل السجاد ونعمل ده كلوا اومال لو كان غريب كنتي هتهدي الشقه وبناتيها طوبة طوبة تاني دا اي دا بس يا ربي بس انا خايفه ليكون مش بيحبني بس في نفس الوقت مبسوطه اوي لاني بحبة من زمان يا رب بقي وقامت اتوضت وصلت الضحي زي كل يوم وقراءت الورد اليومي من القرآن الكريم لانها مش هتلحق بليل تقراه وبعد ما انتهت خرجت لمامتها كانت كريمه حضرت الفطار قعدوا فطروا و خلصوا آيام شالت الفطار وابتدوا في العمل الشاق ???? بعد ما خلصوا كل حاجه آيام قعدت علي الكرسي ااااااااه يا ضهرك يا آيام يا صغيره علي التعب يا لوزه مكنشي يومي دا في العيد مش بنعمل كدا 

كريمه خرجت ينهار اسود قومي يا بت قعتي علي الكرسي وبوظتي شكله كدا منك لله قومي وظبطية واياكي تقعدي علي كرسي واحد لحد ما يجوا فاهمه 

آيام نعم هو اي اللي مقعدشي يا ماما اومال افضل واقفه لحد ما يجوا اي الكلام ده 

كريمه انا قلتلك كلمه واحده سامعه ولا لا ويلا قومي جهزي نفسك علي شأن الساعه بقت ٦ وهما متفقين يجوا ٧ يلا 

آيام حاضر يا ماما حاضر 

®®®®®®®®®®®®®®®®®® 

في شقه حمزه 

حمزه يعني برضوا يا امي اللي في دماغك هيمشي 

حنان يا حبيبي والله دي طيبه وهتحبها صدقني كفاية أن ابوك كان بيحبها وبيعتبرها زي حبيبة با الظبط 

حبيبة اي يا جودعان ما تخلصونا الساعه بقت ٦.٤٥ هنتاخر 

حمزه علي اساس انها في بلد غير البلد دي في نفس العماره لا وكمان الشاقه اللي فوقنا 

حنان بطيبة وحب طب يلا يا حبيبي 

حبيبة بس اي القمر ده يا حمبوزي مش انا اختك بس بكراش عليك ااه والله 

حمزه اتلمي يا بت انا اصلا طول عمري قمر بس تعالي هنا وقفشها من قفاها زي حرامي الغسيل تعالي هنا مش ده التيشيرت بتاعي اي اللي مخلكي تلبسية ها 

حبيبة يا اسطي مش انت اخويا ولا لقيني علي باب جامع يعني مش في مثل بيقول الاخوات لبعض برضوا 

حمزه لا يختي لقينك علي باب كنيسه مش جامع واي المثل ده لا مفيش الكلام ده بقولك اقلعي التيشيرت حالا 

حنان يلا يا ولاد بقي بطلوا خناق هنتاخر 

حمزه ماشي بس والله ما انا سايبك ماشي وسابها من قفاها 

حبيبة وهي بتعدل هدومها وبتتكلم بغرور مصطنع ناس مش بتيجي غير با العين الحمرا صحيح وفي ثانيه كانت بقت ادام باب الشقه مستناهم يخرجوا علي شأن يرحوا ل آيام

®®®®®®®®®®®®®®® 

في شقه آيام 

كانوا وصلوا وكريمه استقبلتهم بسعاده وترحيب 

كريمه اهلا اهلا نورتوا والله ازيك يا بشمهندس يا كبرت علينا خلاص متجيش تسال علي مرات عمك حتي 

حمزه حقكك عليا يا طنط والله إنا يا دوبك لسه جاي امبارح اعزريني عندي انا دي 

كريمه لا يا حبيبي متعتزرشي انت ابني يا حبيبي 

حبيبة قطعت كلامهم طيب انا بقي هقوم اشوف آيام جهزت ولا لسه ودخلت حبيبة لاوضه آيام 

حبيبة بتصفيره اعجاب  اي دا اي دا اي دا اي الجمال ده يا بنتي كانت آيام لبسه فستان احمر طويل ضيق من عند الصدر ونازل علي واسع وفي فينكه في الفستان من ورا علي طرحه بيضا  علي هيلز ابيض وكانت مش حطه غير كحل في عينها وملمع شفايف بسيط جدا 

آيام بغرور مصطنع انا اصلا طول عمري قمر 

حبيبة يا سبحان الله نفس كلمه حمزه وانا بقوله دا وانا بعكسه ???????? 

آيام بتعكسي اخوكي لا دي طارت منك خالص 

حبيبة طب يلا يا اختي كلهم مستنينا برا 

آيام حبيبة بجد انا حلوه اصلي خايفه اوي ومكسوفه

حبيبة طب يلا يا اختي يا مكسوفه ????????خرجت حبيبة وآيام كانت شايلة صانيه العصير وحاطه وشها في الأرض ومكسوفه جدا 

حنان تعالي يا حببتي بسم الله ما شاء الله اي القمر ده هو في كدا حلاوه تاني 

آيام بكسوف وهي وشها في الأرض شكرا يا طنط 

كل ده وحمزه مبحلق في آيام من جمالها وهداوها 

كريمه تعالي يا آيام اقعدي جنبي بصي احنا اتفقنا نقرا فاتحه علي ما تخلصي تلاته ثانوي وتدخلي جامعتك  ونكتب الكتاب 

آيام بفرحه داخلية اللي تشوفيه يا ماما 

حنان طب يلا يا حبيبة يلا يا أم آيام نخرج احنا ونسبهم مع بعضهم شوية 

حبيبة وكريمه يلا نخرج احنا في البلكونه 

بعد ما خرجوا 

حمزه ازيك يا آيام 

آيام الحمد لله انت ازيك 

حمزه الحمدلله اي هتفضلي باصه في الأرض كتير عجبك السجاد .

آيام لا عادي مفيش  حاجه بس ممكن اسالك سوال

حمزه ايوا طبعا اسالي 

آيام هو انت بتصلي 

حمزه ولتاني مره يبص ل آيام نظره اعجاب علي تمسكها با الدين 

حمزه اه الحمد لله في حاجه تاني عايزه تسالي علي حاجه تاني

آيام لا شكرا قام نده علي مامته ومامة آيام 

وقاروا الفاتحه بس وآيام صممت أنو مش هيبقي ما بنهم اي مكالمات فون او اي حاجه علي شأن اقدر تركز في مذاكرتها كويس وتجيب مجموع 

علي شأن تدخل كلية الطب اللي هي نفسها فيها 

وبعد ما اتفقوا ومشيو 

عند حمزه بعد ما روح وهو نايم علي السرير وعمال يفكر في آيام اللي من ساعه ما شافها مع أخته وهي في باله مش بتروح ابدا قاطعه تفكيره رنة فونه لاقاها انچي حمزه وهو بينفخ وكان بيرد 

حمزه الو

انچي………….

حمزه معلشي كان في موضوع كدا 

انچي ………

حمزه لا ما هو مش هينفع علي الفون لازم نتقابل في أي كافية 

انچي…………

حمزه باي يا قلبي اشوفك بكرا الساعه ٤زي ما اتفقنا 

انچي………….

حمزه باي 

تاني يوم عند آيام صحيت علي رنة فونها 

آيام ايوا يا زفته عايزه اي 

حبيبة اخس عليكي يا آيام يبقي كدا تقوليلي زفته ????????

آيام لا يختي عندك دم زعلتي اوي 

حبيبة المهم هاتيجي معايا نروح المول اجيب هدوم 

آيام طيب انا هشوف ماما واكلمك

حبيبة ماشي يا اختي بس هنروح علي العصر كدا 

آيام خلاص ماشي باي بقي علي شأن الحق اصلي الضحي واذاكر شوية قبل ما نروح 

حبيبة باي 

وبعد ما آيام وحبيبة قفلوا قامت آيام 

كريمه اي دا صحيتي بدري يعني اول مره 

آيام الزفته حبيبة هي اللي صحتني علي شأن عايزانا نخرج نجيب هدوم 

كريمه طب ومالوا روحي معاها وتبقي خدي معاكي فلوس هاتيلك اللي يعجبك 

آيام بس انا مش محتاجه حاجه وعندي كل حاجه يا ماما 

كريمه يا بت اسمعي الكلام وخلاص 

آيام حاضر 

وفي المول آيام حبيبة انا تعبت اوي منك لله انا هروح الكافية اللي في المول اشرب حاجه هتيجي معايا 

حبيبة ماشي جاية بس هروح اسال علي سعر الفستان ده وجاية 

آيام ماشى وبعد ما آيام دخلت الكافيه 

آيام …………