رواية عشق الأيام الفصل الرابع 4 بقلم منار كريم

وقفنا لما آيام سبقت حبيبة وراحت الكافية 

آيام حمزه..؟ ده ومين اللي معاه دي وهي لسه واقفه بصت لقت حبيبة بتنادي عليها

حبيبة اي يا بنتي روحتي فين انا عماله ادور عليكي من بدري 

آيام حبيبة هو مش ده حمزه ومين اللي معاه دي 

حبيبة اه هو حمزه بس معرفشي اللي معاه دي مين تعالي نسلم عليهم ونشوف مين دي 

آيام مينفعشي ما يمكن بيشتغلوا 

حبيبة بيشتغلوا اي بس تعالي بس تعالي وشدت آيام معاها وراحوا عند حمزه 

حمزه اول ما شفهم اتفاجئ وارتبك 

حمزه حبيبة ا انتي جاية لي في حاجه ولا اي 

حبيبة لا كنت أنا وآيام نزلين المول بنشتري هدوم وشوية حاجات كدا بس مش هتعرفنا مين دي يا حمزه

حمزه ا ا اه طبعاً دي انچي زميلتي في وكنا مع بعض في الكلية وكانت معايا لما سافرنا ودي حبيبة اختي وآيام بنت عمي 

انچي اه تشرفنا بس حمبوزي نسي يقول ليكوا اننا بنحب بعض وقريبا هبقي خطيبته مش كدا حمزه 

آيام عينها دمعت بس خبست دموعها أنها تنزل

حبيبة لية هو مقلكيش انو خاطب آيام وكمان تلات شهور هيتجوزوا ولا اي آيام سابتهم ومشيت وحبيبة جريت وراها 

حمزه وهو خارج وراهم جري علي شأن يلحقهم 

انچي مسكت أيده تعالي هنا انت رايح فين واي موضوع خطيبتك ده والجواز انت بتستبهل يا حمزه ولا اي 

حمزه ساب أيدها وقالها هبقي افهمك كل حاجه بس سبيني الحقهم ليروحوا يقولوا حاجه ليهم وأصلح اللي انتي هببتيه ده وسبها ومشي 

حبيبة وهي بتجري ورا آيام آيام استني بس يا آيام يا بنتي استني بقي حيلي اتهد اكيد في سوء تفاهم استني بس نفهم منه 

آيام سوء تفاهم ايه اللي مخلية قاعد معاها وفي مكان لوحدهم ده يا حبيبة انتي بتضحكي عليا ولا علي نفسك يعني وأثناء حديثهم خرج حمزه جري وراهم وهو بينهج وبيقولهم استني بس يا آيام هفهمك كل حاجه والله 

آيام مش عايزه افهم حاجه ودي حياتك الشخصية وانا مليش دخل فيها عن اذنك يا بشمهندس علي شأن مينفعشي وقفتنا دي في الطريق وسأبتهم ومشيت وحبيبة مشيت وراها بعد ما بصت لحمزه بصه خزلان 

حمزه بصلها قلها حتي انتي يا حبيبة مش هتسمعيني

حبيبة مش مهم أنا أفهم المهم آيام هي اللي  تعرف الحقيقه قبل ما الدنيا تتهد عليك وانت عارف ماما مش هتعديها علي خير 

حمزه طيب انا عاوز اوصل ل آيام اوصلها ازاي أو اعرف اتكلم معاها ازاي قبل ما حاجه لطنط كريمه أو ماما 

حبيبة متقلقشي آيام مش من النوع ده متخفشي بس المهم تثبتلها الحقيقه فعلا وتقدر تقنعها لان آيام مستحيل حد يقنعها بسهوله كدا 

حمزه ربنا يستر بيني كدا الموضوع صعب 

حبيبة اسيبك انا اروح الحق آيام قبل ما تروح لوحدها وحد يلاحظ

حمزه خلاص ماشي روحي علي شأن تلحقيها يلا وخالي بالك من نفسك 

حبيبة حاضر يلا باي 

بعد ما حبيبة مشيت حمزه رجع تاني دخل لانچي 

انچي لا والله وانت لسه فاكرني ولا حبيبة القلب مرضيتشي تسمع توسلك ليها 

حمزه بغضب وصوت مكتوم انچي اتقي شري دلوقتي ويا ريت مش عايز اشوف وشك تاني واه انا كنت جاي عايز اقولك انك تنسيني خالص واني هتجوز بنت عمي 

انچي بغضب هي الاخري حمزه انت بتقول اي انت واعي للي بتقوله ده بجد ولا بتهزر انت عارف انى بحبك ومقدرشي استغني عنك وانت عارف الكلام ده كويس مش احنا حتي كنا متفقين انتا نتجوز صح يا حبيبي وراحت تحط أيدها علي وشه 

حمزه بغضب عارم وهو بيشيل أيدها من علي وشه بغضب انچي الزمي حدودك وانا مكنتش بحبك ده كان مجرد اعجاب وانت مرضاش اني احب واحده واكلمها وانا خاطب وحده تانيه لو انتي ترضيها انا مرضهاش ويا ريت تمسحي رقمي من عندك ومتتصليش تاني اوك وسابها ومشي 

انچي بمكر كدا يا حمزه يبقي انت اللي جبته لنفسك ولحبيبة القلب بتاعه وضحكت ضحكه شريره 

بعد ما حبيبة وصلت هي وآيام البيت وكل ده وآيام حابسه دموعها علي شأن محدش يشوفها بتعيط ومامتها متقلقشي عليها آيام بمرح عكس النار اللي جواها احلي مسا علي الناس الكويسه 

كريمه يا بت يا بكاشه ها قوليلي جبتي اي بقي 

آيام انا بكاشه يا كرمله ماشي ليكي يوم لا يا ست الكل انا معجبنيش حاجه وانا قلتلك اني عندى كل حاجه دي البت حبيبة هدت حيلي بصي بقي هخش اتوضي واصلي المغرب قبل العشاء ما تاذن تكوني حضرتي العشا علي شأن جوعانه يا خلق يا هو

كريمه اخرصي يا بت اي هتكلينا ادخلي يلا صلي هكون سخنته 

ودخلت آيام اوضتها واتوضت وصلت وهي بتصلي سمحت لدموعها العنان أنها تنزل آيام وهي بتدعي يا رب انا بحبة اوي يا رب اهدية يا رب يا رب انا قلبي وجعني اوي لما شفته معاها يا رب أزرع حبي في قلبة وهدي قلبي يا رب وانتهت آيام من الصلاه بصت لقت حبيبة داخله عليها الأوضه 

حبيبة حرما يا ستي 

آيام جمعا يا حبيبتي خير هو مش احنا لسه سايبين بعض مبقلناش نص ساعه 

حبيبة الصراحه كنت عايزه اتكلم معاكي في موضوع 

آيام بمقاطعه لو قصدك علي موضوع حمزه فا خلاص مش عايزه اسمع حاجه تاني وانا يوم ولا اتنين وهقول لماما وطنط أن مفيش نصيب وكل واحد يروح لحاله 

حبيبة بصي يا آيام انتي طول عمرك عارفه غلوتك عندي طبعا عايزه اقولك أن حمزه اخويا بيحبك بجد اه متستغربش هو يمكن في الاول كان معارض لأنه بقاله اكتر من سنتين مشفكيش فا اكيد دا الطبيعي لاي واحد وكمان هو مكنشي ادامه غير اللي اسمها انچي دي فا اكيد هيعحب بيها وهينجذب ليها خصوصا انهم في غربة وهما من بلد واحده فهماني 

آيام بيحب اي يا حبيبة انتي كمان وأحد زي ما قلتي بقاله سنتين مشفنيش هيجي في يومين يحبني بقولك اي انا عايزه اذاكر احنا عندنا امتحانات ومش فاضيه للكلام ده 

حبيبة براحتك بس عايزه اقولك انو بيحبك بجد وأثناء حديثهم قطعهم 

كريمه يلا يا ولاد العشا جهز يلا يا حبيبة تعالي أتعشي معانا 

حبيبة معلشي والله يا طنط مش جعانه تتعوض أن شاء الله مره تانيه يلا سلام انا وفكري كويس يا آيام في الكلام اللي قولته ليكي 

آيام أن شاء الله وراحت آيام تتعشي مع مامتها وهي بتفكر في كلام حبيبة أن حمزه بيحبها واتمنت فعلا أنو يكون زي ما حبيبة قالت انو يكون حبها 

نروح لحمزه وهو مروح بقي عمال يفكر في آيام طول الطريق ويا ترا لحق يحبها الحب ده في يومين والأهم انها ممكن تسمعه أو تسمحه علي الموقف اللي حصل انهارده وهو ماشي فجأة .. ……………