رواية عودة الملاك الفصل الحادي عشر 11 بقلم ميسون عبدالمجيد

عبير بصدمه: بنتك

سليم بجدية:ايوا ي هانم بنتي ومتشكر ليكم انكم اخدتو بالكم منها الفترة دي يلا ي ملاك

وقرب منها مسك اديها ومشي خطوة

ملاك سحبت اديها بغضب:مالك حضرتك داخل سخن كدة ليه ومتشكر علي انهم اخدو بالهم مني الفترة دي أنت ليه محسسني انك كنت مسافر وسبتني عندهم اسبوعين انا قعدة معاهم عمر بحاله عمر ٢٦ سنة هما اللي ربوني وكبروني وعلموني احسن علام واحسن تربيه وعمرهم ما فرقو بيني وبين سيف ويمكن كانو بيعملوني احسن من سيف تيجي حضرتك ياللي المفرود ابويا اللي رماني في الزبالة وانا لسه بفتح عيني واشوف الدنيا اسيبهم وامشي معاك عادي كدة

سليم بضيق وحزن: أنتي خلاص بنتي وملكيش أي كلمه وانا هوفرلك عيشه احسن من دي بكتير

ملاك بعنين حادة:تعرف لو جبتلي قصر وكتبتلي كل املاكك كدة مقابل أن اعيش مع عيلتي في اوضة وحدة هعيش معاهم ولا هاجي معاك

كل دا وعبدو وعبير وسيف بيستعمو في صمت

سليم بحدة:انا مش هتناقش معاكي دلوقت ولا هغصبك علي حاجة هسيبك تهدي وتفهمي انك بنتي وبرضاكي أو غصب عنك هتعيشي معايا

سليم مستناش ترد ومشي وسابهم تحت صدمة الكل

ملاك وقعت علي الارض وعنيها اتملت دموع

عبير اخدتها في حضنها:بس ي ينتي بس ي ضنايا حقك عليا

ملاك بعياط:هو ليه بيعمل كدة ليه يبوظ حياتي فجأة مكفهوش اللي عمله وكمان مش عايزني افرح ليييه لييييه

سيف بحزن:ماما دخليها اوضتها ترتاح

عبير اخدة ملاك دخلتها وخلتها تنام على السرير وسابتها وخرجت

عبدو:مين الراجل وهو بجد ابو ملاك الحقيقي

عبير خرجت:ايوا انت شكلك عارف حاجة ومخبي ي سيف

سيف بهدوء:ممكن تهدو وانا هفهمكم كل حاجة

سيف بدء يحكي

اما في الداخل

كانت ملاك نايمه علي السرير وعمالة تعيط

ملاك بدموع:ليه كدة ليه كل ما افرح يحصل حاجة تكسر فرحتي ليييه

بعدها بصت لانعكاس صورتها في المرايا

ملاك بحدة وجمود:بس لا مس هسمحلك ي سليم الجيار تكسر فرحتي بعد كل دا وهنشوف مين اللي هيكسب

في الخارج

عبدو بذهول:معقول في حد يعمل في ضناه كدة يرميه في الزبالة عشان ايه دا كله قضاء وقدر

عبير بحزن:المهم انت هتعمل ايه سيف دا بانيله راجل مش سهل

سيف بثقة:ولو حصل ايه هجوز ملاك برضاه او غصب عنه

عبدو بحدة:سيف اللزم حدودك دا مهما كان ابوها وليه حق عليها

سيف بنرفزة: ابوها حضرتك مقتنع ي بابا باللي بتقوله دا ها انو ابوها ابوها ايه دا اللي ظاهر بقاله اسبوع اما حضرتك تبقي ايه ها انت اللي من يوم ما اتولدة وانت وماما اللي ربتوها وكبرتوها وعلموتها وكل حاجة كانت بفضلك انت وماما يجي واحد زي دا بعد كل دا ياخدها علي الجاهز

عبير بحزن:خلاص ي سيف وطي صوتك لا ملاك تسمع هي مش نقصه

سيف بص للفراغ بغل

عبدو بهدوء:انا هقلك علي حل ي سيف ولو منفعش هسيبك تعمل اللي عاوزه تمام

سيف:وايه هوا ي بابا

عبدو:هقلك…

_______________________________________تسريع الاحداث

تاني يوم ملاك صحيت وكلها عزيمه وغل وجمود واقسمت انها لازم تحط حد لموضوع سليم

صحيت اخدة شاور ولبست بنطلون اسود عليه تيشرت اسود وجاكيت اسود وكوتشي اسود ولمت شعرها ولبست طقيه الجاكيت السودة ولبست نضارة شمس سودة أي حد يشوفها يخاف ????

ملاك بصت لنفسها في المرايا وابتسمت بثقة وخرجت

كان سيف معدي من قدام اللوضة شفها وقف بخوف

سيف بخوف:سلام  قولا من رب رحيم في ايه يبنتي مالك

ملاك بصتله وضحكت:لالا متقلقش مشوار كدة هخلصه وهرجع لاصلي

سيف بعدم ارتياح:مش مطمنلك

ملاك ربطت علي كتفه: يسطا عيب متقلش كدة المهم هنزل قبل ما بابا وماما يصحو قلهم اني رحت المستشفى

سيف بعدم فهم:طب استني أو..

ملاك بسرعة:يلا يلا باااي

وسابته ونزلت بسرعة وركبت عربية واتجهت للمستشفى

بعد وقت كانت وصلت ملاك المستشفي

ملاك دخلت المستشفى وكان ياسين واقف مع الممرضة بيقلها علي مريض شاف ملاك من بعيد بصلها بأستغراب كدة ???????? وهي بصتله وابتسمت بغرور ومشيت من قدامه

ملاك وصلت للدور اللي في مكتب سليم واتجهت ليه كان باسل يحيي خارج من عنده وماشي هوا كمان في الكوري دور وكانت ملاك قلعة النضارة

يحيي بأستغراب:في ايه مين مات

ملاك ضحكت:هشش هتعرف بعدين

وسابته وكملت ويحيي مستغرب

ملاك وصلت قدام مكتب سليم خبطت وقبل ما يرد كانت دخلت وقعدة علي كرسي المكتب

سليم بصلها بأستغراب من شكلها وبجاحتها:دا ايه دا أن شاء الله

ملاك ببرود: ايه

سليم بضيق:دخله كدة علي طول وقعدتي حتي من غير ما ااذنلك

ملاك بتمثل الصدمه:اووف هو انا يعني لازم استأذن قبل ما ادخل مكتب بابا

سليم بصلها بصدمه:بابا!!!!!

ملاك بأبتسامة مستفزة:ايه دا هوا انت مش بابا ولا أنا برمي نفسي عليك ولا انت ناوي تتبري مني ولا ايه ي سواليم

سليم بعدم ارتياح: أنتي شربه ايه علي الصبح عامل فيكي كدة

ملاك حطت رجل علي رجل ببرود:والله ولا أي حاجة حتي مش فطرت يلا بقي اطلبلنا فطار هنا نفطر سوا انا وبابايا لاول مرة ها

سليم بيفقد اعصابه:لو متعدلتيش وقولتي عايزة ايه تتفضلي برا

ملاك ببرود: إلا قولي ي بابا انت عندك كام مستشفى وبتملك ثروة قد ايه

سليم بعدم فهم:ليه أن شاء الله

ملاك ببرود:يعني بس عشان ابقي عرفة مش ابقي زي الاطرش في الزفا ما بين اخواتي اه صحيح انت بلغت ولادك احم قصدي اخواتي إني ابقي اختهم وتوؤم ياسين

سليم بضيق: لأ وحضرتك جيا هنا عشان تاخدي ورثك ولا ايه

ملاك ببرود:حاجة زي كدة دلوقت الورث مش هيتوزع علي اربعة علي خمسه ي بابا

سليم بنرفزة:ايه الجنان دا وايه اللي بتتكلمي في دا انا مفيش واحد من ولادي يستجرأ ويكلمني في حاجة زي كدة تيجي أنتي ياللي عرفت انك بنتي بقالك شهر جيا تكلميني في الورث

ملاك قامت بغضب:طب كويس اديك قلت عارف اني بنتك مبقالكش شهر يعني لقدر الله بعد عمر طويل لو جرتلك حاجة اظن مفيش حد من ولادك عارف إني بنتك وانا ولا هيكون ليا أي لزمه غير انك ظهرت في حياتي لفترة دمرتها وخرجت جايلي بيتي تقول لابويا شكرا علي الفترة اللي اخدتو بالكم منها ولا اكنك جبتني بنفسك اقعد معاهم اسبوعين انا عايشة معاهم عمر بحاله فااااهم وحضرتك جاي تقولي انا من حقي انك تيجي تعيشي معايا وانسي اهلي اللي ربوني وكبروني وعلموني اللي لولاهم الله واعلم حالي كان هيبقي ازاي متربيه في ملجأ او الكلام اكلتني او او وحضرتك ي حرام زعلت علي موت مراتك حبيبتك فقولت مفيش غيري اللي سبب في موتها انت لو عندك ذرة ايمان وحدة كنت استحالة تعمل كدة طب انت من حقك إني ارجعلك  ومن واجبي اني ارجعلك لانك للاسف ابويا طب انا ايه ها مش ليا حقوق هااااا

ملاك قالت كل الكلام اللي في قلبها وكانت بتاخد نفسها بسرعة اثر الغضب

سليم قعد علي الكرسي بحزن وحط ايده علي قلبه بتعب وحزن

سليم بحزن وعنين مليانه دموع:انا انا مكنتش عايز كل دا يحصل مكنتش عايز ادمرلك حياتك انا من اول يوم شفتك في مع ولادي كنت واثق ومتاكد من غير ما اعمل التحليل انك بنتي صورة من ورد نفس ملامحها وعنيها الزرقة زي السما وشعرها الدهبي ونظرها اللي مش كويس نفس طولها نفس خفة دمها نفس قسوتها لما حد يجيي عليها انا كل اللي كنت عايزة اني اخدك في حضني وكلمت بابا منك تكون طلعه من قلبك مش تريقة انا مش عايز حاجة من الدنيا غير سعادتك

ملاك بصتله وعنيها دمعت هي كان نفسها في اللحظة دي تجرق عليه وتاخدو في حضنها اول مرة تحث بيه كدة وفعلا قلبها وجعها بس للاسف متكلمتش اخدة شنطتها

واول ما خرجت لقيت باسل قدام الباب بصتله بأرتباك وتوتر وهو بصلها وابتسم  وفتح ايده الاتنين وهي ما صدقت ورمت نفسها في حضنه باسل اخدها وقعدو علي جنب وفضل يهديها

بعد وقت

ملاك بدأت تهدي رفعت وشها بصت لباسل

ملاك بعيون مليانه دموع:انت هو قلك إني ابقي بنته

باسل بأبتسامة:بابا مقليش أي حاجة

ملاك بأستغراب:اما انت عرفت منين

باسل بأبتسامة:انا من اول يوم شفتك في وكنت متاكد انك اختي من غير ما اشوف ولا اسمع أي حاجة حتي من غير تحليل كنت متاكد انك اختي وتوؤم ياسين

ملاك بصتله وابتسمت ومش عارفه تتكلم تقول ايه

باسل بأبتسامة عشان يلطف الجو:بس عرفة انا عرفت ازاي

ملاك بصتله بمعني ازاي

باسل بغرور:لانك فيكي شبه مني قمر زي يعني

ملاك ابتسمت بسخرية:هو انت قمر يعني

باسل برفعه حاجب:ليه عندك اعتراض

ملاك بكذب:ابدا

وعدلت وشها بعيد وببرطمه:دنتي زي القرد

باسل بصلها وضحك

ملاك بأحراج وتوتر:طب طب ادهم وياسين ويحيي عرفو

باسل بأبتسامة:تؤتؤ يس مسيرهم يعرفو

ملاك بحزن:انا بجد مش عارفه ليه كل دا حصل حياتي باظت وانا ظهرت فجأة في حياتكم وهبوظ حياتكم بردو مش عارفه ليه كل دا يحصل

باسل ضمها لحضنه تاني:بت بلاش الكلام الاهبل دا انتي خلاص اختنا دا انا مصدقت وكمان بقيت اخواتي هيفرحو اوي مش متخيلة احنا بقلنا قد ايه بندور عليكي وسبحان الله النصيب يخليكي تقدمي في المستشفي بتاعت بابا كل دا يحصل عشان نلاقيكي

ملاك ابتسمت بعدم راحة

باسل ضحك:بس دلوقت في مشكله أنتي توؤم ياسين وانتي وياسين مش بطيقو بعض

ملاك ضحكت:لا ما احنا بدانا ناخد علي بعض في الفترة الأخيرة

باسل ضحك:طب كويس طب وادهم

ملاك ببرود:لا ادهم دا ميقدرش يبصلي دنا كنت بعذبه قبل ما يعمل العمليه

ادهم من وراهم:بتعذبي مين ي عسلية

ملاك اتخضت:بسم الله الرحمن الرحيم انصرف 

ادهم برفعة حاجب:كنتي بتقولي ايه

ملاك ببراءة:كنت بقول ان هيما دا احسن واحد في اخواته

ادهم بغيظ:والله يختي بطا

ملاك وباسل ضحكو

ادهم بضيق مصطنع:علي العموم أنتي لازم تغيري بطاقتك والكريدت كارد وكله من ملاك عبدالحميد لملاك سليم الجيار

ملاك بصتله بأستغراب

باسل:انت بابا قلك

ادهم بأبتسامة:من غير ما يقولي انا كنت حاسس من يوم ما كنتي بتحوشي الممرضة والمريض ضربك وياسين قام بعده عنك

ملاك ابتسمت

ادهم بزعل مصطنع:طيب حتي لما عرفت انك اختي مفيش أي حضن ولا هو باسل وبس

ملاك ضحكت وقامت حضنته وادهم تبت فيها جامد كأنه مصدق لقاها

يحيي كان معدي شافهم كدة قرب منهم بعدم فهم

التلاته بصوله وضحكو

يحيي:انتي اختي صح

ملاك ضحكت:هو انتو بتعرفو منين

يحيي ضحك بفرحة:قلب الاخ بقي

وقرب منها حضنها جامد

وفضلو يحضنو بعض كلهم وملاك كانت وسطيهم حثا بالفرحة والامان وكانت طايرة من الفرحة

بعد وقت

باسل رفع وشه لفوق عشان دموعه متنزلش

باسل ضحك:لا مش هنبتديها بعواطف احنا خلاص نفرح وبس

يحيي:كدة كلنا عرفنا مفيش غير ياسين

ادهم:اه فعلا دا المشكلة مش عارف هنجبهاله ازاي

ملاك بأبتسامة:سبوهالي انا دي

كلهم بصولها بعدم ارتياح وهي سابتهم وركبت الاسانسير وطلعت لياسين

ملاك وصلت قدام مكتب ياسين اخدة نفسها بتوتر خبطت ودخلت

كان ياسين لابس نضارة نظر وباصص للورق بتركيز 

ملاك بتوتر:احم احم

ياسين مش بصلها ولا عبرها

ملاك بصوت عالي:احم احم

ياسين ولا معبرها

ملاك خبطت بأديها علي المكتب بغضب:طب ايه اريل انا مش بتكلم

ياسين بصلها بعدها بص للورق تاني ببرود

ملاك حط اديها في وسطها ووقفة قدامه تهز رجلها بغيظ

بعد وقت قصير

ياسين رفع عينه وقلع النضارة ورجع بالكرسي لورا ببرود

ياسين ببرود:نعم

ملاك وقفة بصاله برفعة حاجب

ياسين ببرود:نعم ي دكتورة ملاك سليم الجيار

ملاك بصتله بصدمه وذهول:انت عرفت منين

ياسين ببرود:ارفعي ايدك الشمال كدة

ملاك بصاله بعدم فهم

ياسين بصوت عالي:ارفعي

ملاك بصتله بغيظ ورفعت اديها

ياسين بصلها ورفع ايده هو كمان

ياسين:بغض النظر عن اننا صورة من بعض واكيد دي مش صدفة نفس الوحمة اللي في ادينا

ملاك بصتله وابتسمت بخفه

ملاك لفت وشها وكانت هتمشي

ياسين وهو قاعد:استني عندك

ملاك وقفت وهي مش فهمه حاجة وياسين قرب منها فضل يبصلها شوية وهي كمان فضلت تبصله

راح ياسين أخدها في حضنه وفضل متبت فيها لدرجة انها حست ان ضلوعها هتكسر بس كانت مبسوطه جدا

بعد وقت بعدو عن بعض

ملاك بصاله ومبتسمه:تعرف اننا توؤم وشبه بعص بظبط لكن مفيش صفة وحدة بتجمعنا

ياسين بأبتسامة بشوشه:بالعكس احنا كل حاجة شبه بعض فيها أنتي مثلا عنيدة وشجاعة مش بتاخفي من حد أي نعم سعات بتبقي زي الكتكوت بس مش علي طول وانا كمان كدة عنيد وشجاع انا مغرور شوية

ملاك قاطعته:لا كتير

ياسين ضحك:تمام مغرور كتير وانتي مغرورة سيكا بصي احنا شبه بعض في حجات كتير بس ربنا يستر من اللي جاي وهقتنع ازاي انك مش اختي وبس المصيبه انك توؤمي

ملاك بصتله بغيظ وهو ضحك بحب

تسريع الاحداث

سليم الجيار روح فلته وكان زعلان جدا  بعد وقت كان قاعد في مكتبه دادا كريمه بلغته ان في حد عايز يقابله

بعد كام دقيقه

دخل سيف وعلي وشه ابتسامه غصب عنه

سليم بصله شوية وافتكره علي طول قام وقف وقرب منه

سيف بيبصله وافتكر كلام عبدالحميد امبارح

عبدالمحيد:خليك هادي ومحترم في الكلام

سيف مبتسم غصب عنه:السلام عليكم

سليم بضيق:وعليكم السلام

سيف افتكر كلام عبدالحميد

عبدالمحيد: خلي طريقة كلامك كويسه وكلامك حلو حتي لو هو وحش

سيف بضيق واضح:ممكن اتكلم مع حضرتك شوية

سليم بضيق:اتفضل اقعد

سيف قعد وبدء يكلم مع سليم وبيعمل كل حاجة وعكسها من اللي قلهوله عبدالحميد

سيف قاعد رافع حجبه بقرف وبيبص لسليم وسليم كذلك

سيف افتكر

عبدالحميد:خليك انت الاحسن ومتبقاش دبش ومتدخلش في الكلام علي طول خليك انت الاحسن وحببه فيك

سيف بتلقائية:بص حضرتك انا جاي ابلغك اني هجوز بنتك اقصد ملاك

سليم برفعة حاجب:لا بجد طب علي كدة انا معزوم في الفرح ولا لا

سيف بضيق:مش عارف الصراحة بس دي حاجة ترجع لملاك

سليم قام بنرفزة: انت ايييه يلاااا داخل تقولي هجوز بنتك انت فاكر نفسك مين

سيف قام بعصبية: لا حضرتك مهو برضاك او غصب عنك هجوز ملاك يعني هجوزها

سليم:وانا علي جثتي انك تتجوزها

سيف بغضب:طب ييقي نقرأ عليك الفتحه

سليم بغضب:انت انسان مش محترم وأنا هطلب الامن يطلعوك برا

سيف بضيق وقرف:بلا نيله قال يعني هيطلعوني من الجنه انا كدة كدة همشي بس حابب افكرك ووعد مني هتجوز بنتك وهبعتلك الدعوة بنفسي

سيف خرج وساب سليم قرب يولع من الغضب

بعد وقت سيف رجع البيت وكان مضايق جدا

عبدو بقلق:ها اتفاهمت معاه اتكلمتو في حاجة

سيف بضيق:انا رحت قلتله هجوز ملاك برضاه أو غصب عنه وهبعتله الدعوة بنفسي

عبدو بصله بصدمه

عبدو بغيظ:انا غلطان غلطان لاني بعت واحد متخلف زيك وعارف انك دبش ومش بتعرف تتحكم في اعصابك اهو كدة انت بتنشف راسه اكتر ومش هيوافق

سيف بضيق:بابا لو حصل ايه هجوز ملاك لو وصلت إني اخطفها هخطفها

عبدو بصله بغيظ:والحل

عبدو بضيق:مفيش حل خلاص اما انت وبتحكيلي انك قلتله كدة الله واعلم في ايه زيادة خليك ادي دقني لو رضي بجوزهالك بصعوبة

سيف بثقة وعندة:اقسم بربي هجوزها غصب عن أي حد المهم انت المفرود ابويا وتقف جنبي ولا ايه

عبدو بغيظ:مليش دعوه مش انت اللي غلطت ولسانك مسحوب منك اتحمل غلطك بقي

سيف بصله بغيظ

وهنا ملاك كانت دخله

ملاك بأبتسامة:مساء الخير

الاتنين:مساء النور

ملاك بقلق:مالك ي سيف قالب كدة ليه

سيف بأبتسامة ضيق:رحت طلبتك من بباكي

ملاك ابتسمت

اكمل سيف:وهو رفد واتخانقنا وقلي علي جثتي انك تجووها وانا قلتله نقرأ علي روحك الفتحه وغصب عنك هجوزها وهبتعلك الدعوة بنفسي

ملاك بصتله بصدمه مش قدرة تتكلم

عبدو ضرب كف علي كف بقلة حيلة:ربنا يهديك يبني والله ولسة الله واعلم حصل ايه تاني

سيف بضيق: محصلش للاسف هو لولا كان هيطردني وانا قلتله قال يعني قاعد في الجنه

عبدو:ايوا ايوا طلع كمان طلع علي اخر يوم يمكن تكون شتمت الراجل

سيف بضيق: لأ للاسف مهو بقلق طردني فا مقدرتش اكمل خناق معاه

عبدو بغيظ:هو دا اللي قلتلك عليه قلتلك تدخل بأبتسامة هادية وتكون مؤدب ومحترم وكلامك كويس ومتدخلش في الموضوع علي طول حاول تخليه يحبك

سيف قاطعه:لا منا اول ما دخلت قلتلع بص أنا هتجوز بنتك اقصد ملاك وهو اتعصب ومن هنا بدات الخناقة

عبدو بغيظ:تصدق أنا غلطان إني قاعد مع عيل ويك جاتك القرف

عبدو سابهم ودخل 

سيف وملاك بصو لبعض وضحكو جامد

ملاك ضحكت:حقيقي انت مصيبة يعني انت خليته ينشف راسه اكتر من الاول بجد مش عارفه اقلك إيه

سيف ببرود:ولا أي حاجة ومهما حصل هتجوزك ولا وصلت إني اخدك ونهرب سهله

ملاك بصتله بغيظ

الباب خبط ملاك قامت تفتك لقيته سليم

ملاك بضيق:نعم

سليم دخل وبص لسيف من فوق لتحت بقرف وسيف كذلك

سليم بحدة:اندهي استاذ عبدالمحيد لو سمحت

ملاك بصتله بعدم راحة وراحت تنده عبدالحميد

خرج عبدالحميد

عبدالحميد بقلق:خير دكتور

سليم بضيق: اتفضل ممكن نتكلم

قعدو الأربعة

سليم بهدوء وحدة:انا جاي اشكرك علي إللي عملته مع بنتي العمر دا كله وعارف أن شكري دا ملوش أي لازم بس أنا مستعد اجبلك شقة في احسن مكان في مصر

سيف باصصله برفعة حاجب:لا عادي محنا ممكن نجبها فيها أي

سليم بصله بضيق واتجاهل كلامه:اسمعني ي استاذ عبدالمحيد حضرتك اب وعارف غلاوة الابن فا انا بكرر شكري تاني وتسمحلي اخد بنتي من هنا وطالع هتعيش معايا في فلتها

صمت وصدمه عمو المكان

عبدو حاول يتكلم

عبدو بحزن شديد:زي ما حضرتك قلت أنا اب وعارف غلاوة الضنا بس اعزرني انا مش هقدر اغصبها علي حاجة هي موجودة وتحتار تعيش مع مين

سليم:تمام اتفضلي ي ملاك تعيشي هنا في الشقة البسيطة وسط ناس طلعو مش اهلك وشاب غريب عنك ولا تعيشي وسط عيلتك في فلتك بين اخواتك

ملاك سكته ومش بترد

سيف بعنين حادة:ملاك ردي هتعيشي مع مين

ملاك بصاله وعنيها اتملت دموع

عبدو قرب منها بحنيه:اختاري ي حبيبتي ومهما كان اختيارك مش هتبعدي عننا

سليم بحزن: اختاري ي ملاك

ملاك بخوف وارتباك:انا انا هعيش مع…..