Uncategorized

رواية ليل الفصل الثامن والثلاثون 38 بقلم ياسمين خالد

   رواية ليل الفصل الثامن والثلاثون 38 بقلم ياسمين خالد

رواية ليل الفصل الثامن والثلاثون 38 بقلم ياسمين خالد

رواية ليل الفصل الثامن والثلاثون 38 بقلم ياسمين خالد

بيقاطع صوتهم أنس وهو بينادي بصوت عالي : روديناا !!!
دكتور حازم ورودينا بصوا ب ذهول وإرتباك ل أنس إللي كان نازل على السلم ..
حازم حاول يعدل نفسه ب عدم إتزان ..
رودينا ب خوف : دكتور حازم كل حاجه مسكره وتعب .
أنس نزل من على السلم لحد ما وِصلُهم سندوا ضيق حاجبيه بضيق بص ل رودينا نظرات غضب وقال : إطلعي هاتي مايه 
_إبتلعت ريقها ،وطلعت سمعت كلام أنس دخلت المطبخ ب إرتباك حضرت المايه ف الكوبايه ، إيديها كانت بتترعش من خوفها على حازم وموقفها قدام أنس ، فضلت تقول بصوت خافت : يارب أسترها ..
“نزلت بسرعه لدرجه إن المايه كانت بتقع من إيديها على السلم ، نزلت لاقيت أنس باصص ف الارض وحازم الزعل بان علي ملامحه ، رودينا أدركت حزن حازم إللي باين على ملامحهُ نتيجه إن أنس سمع حازم وهو بيقولها انها خايفه عليه ..
نزلت وقربت عليهم إدت ل أنس الكوبايه ، أنس بحزن بيديله الكوبايه .
_حازم ب إبتسامه بعد م شرب : مُتشكر ، انا بقيت كويس أنا هقوم أنا .
= أنس : إتفضل .
“حازم مشي وهو مخنوق ان رودينا إتحطت ف الموقف ده قدام أنس ” 
أنس ضم إيدو بقوه وقال وهو بيجز على سنانه وبيبصلها بِ حِده : إنتي إيه إللي جابك ! وإيه وقفك معاه ، إنتي مش كنتي عند ماما !!! 
_ ردت ب إرتباك : و .. والله هفهمك 
= ها أنا سامع أهو ، ردي !!
“بتحكيله السبب إللي خلاها تيجي ” ..
_ أنس : طب حلو ، إيه خلاكي وقفتيله وإتكلمتي معاه !!
= كان نازل علي السلم وانا ماسكه شنطه الحلويات ف اديتله.
_ بزعيق : لا حنينه 
= اتنفضت وهي بتضحك ..
_ إنتي بتضحكي يابت ! إنتي جبله !! 
_قالت ب ابتسامه: أنس !
=…..
= طب رد طيب !
_ عايزه إيه إنجزي !
” إترمت ف حضنه بفرحه ” .
_ انس : إنتي بتثبتيني يعني ولا إيه !
= بتتكلم وهي ف حضنه : من يوم ما وعيت علي الدنيا وانا معملتش حاجه تخليك تغير عليا ، النهارده اول موقف يحصل والاقيك غيران عليا ف حتي لو انت بتزعقلي بس انا فرحانه .
_ أنس حَس بالضعف إتجاهه كلامها شدها من حضنه وحضن وشها بين كفوفه وقالها بحنيه : طب انا ضعفت ليه دلوقتي !
=ضحكت _ يمكن علشان دي الحقيقه 
” حطيت ايديها علي إيدو اللي حاضن بيها وشها ” حقك عليا ، بس والله انا خوفت عليه لان هو مريض سكر وانا أكلته حلويات فاهمني ! 
= متكررش تاني ، متخافيش على حد غيري .
_ ضحكت _ حاضر ، قالت بحنيه : فطرت !
= لأ !
“طلعت بسكوت من الشنطه ” طب خد 
_ قال بمشاكسه : اه هاكله بقي واعمل نفسي اغمي عليا علشان تخافي عليا !
=ضحكت _ غيور يالهوي !! ، بعد الشر عليك من التعب وأي حاجه تإذيك ياحبيبي 
_ يارب ياحبيبتي ، يلا أوصلك ف طريقي وقولي لماما اني هاجي علي الغدا انا وعائشه زي ما اتفقنا .
_ ماشي ياحبيبي ..
_________
“أنس بيوصَّل رودينا منطقتهم ، بتشتري الطلبات وبتطلع البيت وأنس بيروح على شغله “
بتطلع الشقه.
________
_ تيتا : انتي يابنتي نزلتي الصبح بدري ليه كده !
= إيه ده انتي اللي ليه صحيتي بدري ياتيتا  بس !
_ ياحبيبتي انا ده معادي اللي بصحي فيه كل يوم 
= طب ياست الكل انا نزلت بدري علشان مخليش ماما تنزل وجيبت كل المحاشي والطلبات إللي محتاجينها وجيبت لبن علشان نفطر بقي بالشاي بلبن والكيكه بتاعتك ياقمر .
_ ربنا يفرحني بيكي ياحبيبتي يارب .
= في حياتك ياتيتا ياحبيبتي .
__________
“بتدخل تحضر الفطار، وهي بالها مشغول ف حازم وياترى عامل ايه دلوقتي!، خدت هدنه ودعيتله ب يقين ان ربنا هيستجابلها : يارب يكون كويس ومحصلوش أي حاجه ، يارب اقف جمبه ومعاه .
قطع دعائها صوت سهيله وهي بتتكلم ب فخر: ياسلام على بنوتي وهي شاطوره كده وقمر ونزلت جابتلي الحاجه من غير ما أقولها !
_ ضحكت وقربت عليها طبعت قبله علي جبهتها _ صباح الفل ياماما .
= صباح النور ياعيون ماما ، إنتي خدتي دعوات حلوه مني انا وتيتا مش قادره أقولك عددها .
_ ربنا يباركلي فيكم يارب ، يلا روحي اقعدي مع تيتا وانا هحضر الفطار واجيلكم .
= ماشي ياحبيبتي .
_______
“رودينا بتحضر الفطار وبتخرجلهم برا “
_ الفطار جهز ياجماعه ويارب ما تتريقوا علي الشاي بلبن بتاعي 
= سهيله : تسلم إيدك يا حبيبتي .
_ بالهنا والشفا.
“تليفون سهيله بيرن ” ..
_سهيله : مين !
= ده خالو حسام 
رودينا بترد .
_____
_ شق الشقايق إللي واحشني.
= حسام بيضحك _ أه يابكاشه وحشتيني أوي.
_ وإنت كمان ياخالو ، صاحي بدري ليه !
= بشوفكم صاحين ولا لا علشان نيجي .
_ لا متجيش 
= عارفه يارودينا هاجي اسقفلك على وشك .
_ انت خال انت ! ياساتر عليك .
= هتعملي اكل النهارده ولا ست بيت فاشله !
_ ياباشا عيب عليك ، ده انا هعملك محشي .
= إوعى ، نفسي فيه والله.
_ خلاص إفطر وتعالي يلا.
= خلاص ماشي الساعه ١٠ ونص أهي هصحى ندى تفطرنا وكده وعقبال ما نيجي يبقي الظهر أذن.
_ ماشي ياخالو هستناكوا .
= ماشي ياحبيبتي ، سلميلي على سهيله وجدتك لحد ما أجي .
_ ماشي ياخالو ، باي .
= باي
_______
سهيله : ها قالك إيه !
= بيسلم عليكم وهيصحي طنط ندى وهيفطروا وهيجوا .
_ طب كويس .
” بيكملوا فطارهم “.
__________
علي الجانب الأخر عند حازم ف المستشفي عند مازن 
_ صباح الخير يامدام حور 
= صباح النور يادكتور حازم ، حضرتك هتدخل تطمن علي مازن !
_ انا دخلت وإطمنت عليه وأمرت إنهم ينقلوه غرفه كمان الحمدلله إتحسن كتير عن الأول وبكره بالكتير أو بعدو ممكن يروح معاكم.
= حور ب فرحه : بجد يادكتور ! مازن بقي كويس ! 
_ اه والله .
= بدموع فرحه وبصوت ممزوج بين الدموع والفرحه : الحمدلله يارب ألف حمد وشكر ليك يارب ..متشكره لوقفت حضرتك جمب ابني عمري ما هنسهالك أبدا .
_ ربنا يبارك ف حضرتك ، عن إذنك .
________
_ حور بفرحه: بلغت لؤي بالخبر.
= انتي بتتكلمي بجد ! ، يعني خلاص بقى كويس !
_ اه الحمدلله دكتور حازم لسه مطمني عليه أهو ..
= طب الحمدلله هشتغل نص يوم وهاجي نشوفه سوا متدخليش غير لما يلاقينا احنا الإتنين مع بعض إتفقنا علشان يحس ان احنا الاتنين جمبهُ!.
_ حاضر 
_________
علي الجانب الاخر ف مكتب حازم ..تفكيروا مشغول ياترى أنس عمل ايه مع رودينا ، طب اتصل بيه ولا اعمل ايه !
بعد تفكير دام ٥ د ..طلع تليفونه ورن علي أنس .
_ الو ياانس .
_ايه ياحازم عامل ايه دلوقتي .
= انا الحمدلله بقيت أحسن 
_ طب الحمدلله ، خير ف حاجه !
= اه فِ ، انا بتصل أعتذر علشان لو فِ مشكله حصلت بسببي بينك وبين رودينا .
_ انا منكرش إني إتضايقت وانا عمتا منعتها تقف معاك تاني .
= حازم إتصدم من جراءه أنس وانه خلاص كده حس ان الامل ان رودينا تكون ليه قل ، وحتي لو مؤمن اتكلم مع يوسف أنس هيمنعوا..
ابتلع ريقهُ بعد ما جمع كلامه وقال ف توتر : انا اسف ياأنس ، بس ممكن متزعلش مني والله انا اسف بجد
أنس مهما يبان شديد بس من جواه طفل بيضعف من كلمه ومبيحبش يشوف حد ضعيف قصادهُ رد بتلقائيه : خلاص ياحازم انا مش زعلان ، حصل خير .
=حازم : هو انا ينفع افتحلك قلبي واقولك حاجه !
_ لو انا معجب بواحده اوي وناوي معاها خير ، ممكن حد يوافق عليا .
_ انس ب استغراب: وانت ليه بتستقل ب نفسك كده ! إنت ناقصك إيه ! انت راجل ومحترم وبنيت نفسك ومستقبلك ودكتور كبير ما شاء الله .
_ حازم بنبره فيها حزن ومليانه ضعف :علشان معنديش أهل ياأنس ، معنديش أب ، ابويا خذلني وقتل أمي ، وأمي ماتت ومغيش حد بيسأل علينا وأمي كانت وحيده معندهاش إخوات يعني وحيد انا وأخويا هبقي رايح لأهل البنت بطولي ياأنس 
_ أنس قلبه وجعه من طريقه حازم الدموع اتراكمت ف عينه ،حاول يتماسك ويرد عليه : مش هتروح بطولك ، هروح معاك انا اخوك وبابا ابوك وعم مؤمن ابوك وجدي هو جدك انت بقيت من عيلتنا إنت بقى ليك عزوه من أول يوم دخلت فيه بيتنا مش عايزك تقلل من نفسك تاني إنت فاهم !
_ يعني أنا أشرف ياأنس !
= أه تشرف ونص كمان .
_ طب انا طالب إيد رودينا ، واتكلمت امبارح بليل مع عم مؤمن بليل وقال انه هيكلم والدك وانا قولت هكلمك انت ف الموضوع ده 
_…..
_ انس انت ساكت ليه !
= مش عارف يمكن علشان حسيت ان اختي مره واحده كده هتروح مني ! يمكن علشان لسه شايفها البنت الصغيره اللي كنا بنلعب انا وهي سوا ، يمكن علشان مش هصحي الاقيها تاني ف وشي وافضل ارخم عليها ! سكوتي يمكن علشان معملتش حساب اليوم إللي هشوفها فيه عروسه !
= مقدر مشاعرك والله ، بس انا عمري ما هقدر امنعها منك لو عاوزها كل يوم تبقي عندك لحد ما ارجع من الشغل انا معنديش إعتراض ، أهم حاجه إنت توافق وتساعدني ياأنس .
_ أنس إبتسم ورد عليه ب فرحه : وانا موافق ياحازم ، بس عارف لو ف يوم زعلتها ولا دمعه من عيونها نزلت هعمل فيك إيه !
= دي وصيه الرسول ، إزاي هأذيها ! وإزاي منفذش وصيه الرسول وأحافظ عليها ! 
_ عليه أفضل الصلاه والسلام ، خلاص ياسيدي هتكلم مع بابا انا وعم مؤمن بليل وتيجي معانا وانا النهارده رايح عند رودينا ومش هجيبلها سيره هنعملهالها مُفاجأه أول ما بابا يوافق .
= حازم بفرحه : شكرًا ياأنس ربنا يباركلك يارب .
_انس: امين يارب ، هستأذنك علشان ورايا شغل كتير جدا.
= إتفضل ..
________
بيقفلوا ، وكل واحد فيهم على مكتبه قاعد فرحان ..❤️
__________
علي الجانب الأخر ..
__________
طب ليه يامؤمن مصحتنيش أحضرلك الفطار ياحبيبي؟
_ مهانش عليا أصحيكي ، حضرت انا شاي بلبن والبسكوت اللي انتي عاملاه ونزلت .
= بالهنا والشفا ياحبيبي ، سهيله عازمه عائشه النهارده على الغدا .
_ طب هتروح مع مين !
= أنس هيخلص شغل ، وهيجي ياخدها من تحت البيت .
_ ماشي ياحبيبتي خليها متتأخرش.
= حاضر
_ متخليش تيتا فاطمه تتكلم معاها ف موضوع مازن ولا اي حاجه من دي عاوزين نتعامل معاها طبيعي .
= هما بيفطروا سوا برا وانا نبهت علي تيتا فاطمه وخلاص مش هتتكلم معاها ولا حاجه.
_ ماشي ياحبيبتي ، هروح أكمل شغل .
= ف ستات ف الفيلا !
_ ده فيه حبه مُزز مش قادر أقولك .
= والله !
_ يالهوي ياليل ايه الحلاوه إللي فيهم دي بجد !
= مؤمن انت بتعصبني صح !
_ بصراحه اه .
= طب متتكلمش معايا تاني بقى .
_قموصه تراتاتا قموصه تراتاتا 
= متضايقنيش اكتر من كده بجد
_ بحبك .
= مش بكلمك واقفل بجد
_ لسه بتغيري !
= لا مبغيرش هغير ليه يعني .
_ طب اقفلي بقي علشان الست صاحبه الفيلا بتناديني .
_ قالت بعصبيه : مؤمنننن .
=بيضحك _ بتغيري اهو امال ايه مبغيرش ونينينينينيني
_طب بغير ومتكلمش غيري وانا قولتلك متروحش الفيلل اللي صحابها ستات .
= والله بهزر معاكي ده راجل وشنبو اطول من حياتي.
_ضحكت 
= بحبك وانتي غيرانه ها .
_ وانا كمان بحبك وهنفخك لما تيجي إصبُر عليا 
= متقدريش يانصابه .
_ لا أقدر .
= هجيبلك كيندر شوكليت اللي بتحبيها .
_ يااااه ذكريات ، فاكر لما كنت جايبلي كيندر شوكلت وانا كنت مقموصه علشان فاكراك مجيبتليش الفانوس .
= فاكر طبعا ..بحبك ياليل .
_ بحبك أوي يامؤمن .
______
بيقاطع كلامهم رحيم وهو بيفرك ف عينه ، قومي حضرلنا الفطار ياماما انا وسليم .
_ حاضر ياحبيبي ، اغسلوا وشكم وفوقوا وأنا جايه .
= حاضر .
_ طب يامؤمن انا هقفل علشان احضر الفطار للأولاد 
= ماشي ياحبيبتي ، باي .
_باي ياحبيبي 
__________
ليل بتدخل المطبخ تحضرلهم الفطار “
_________
انس بيبعت مسدج ل عائشه ..
_ وحشتيني .
” فتحت موبايلها وهي مبتسمه وكتبتله مسدج محتواها ” .
= وإنت كمان وحشتني 
_ جهزي نفسك علشان قربت اخلص شغل .
= حاضر 
______
تيتا فاطمه : بتكتبي ل انس !
= اه ياتيتا .
_ربنا يفرحكم ياحبيبتي .
= امين يارب ..هقوم اجهز علشان هو قرب يجي 
_ماشي ياحبيبتي .
____________
“بتدخل أوضتها علشان تجهز  “
____________
علي الجانب الأخر عند سهيله ..
_ شوفتي ياماما خالو اللي قالي هاجي الضهر الساعه ٣ ومجاش .
_ حسام اليوم عندو ب سنه ، زمانه جاي .
=يجي بالسلامه ، الحمدلله اهو ان احنا خلصنا ناقص الحاجه على السوا بس .
_ الحمدلله ، وانس قرب يخلص شغل بردو .
= اه ، انا ممكن اتصل ب عائشه اأكد عليها تيجي .
_ خلاص ماشي ياحبيبتي .
_________
بتخرج برا المطبخ وبتتصل ب عائشه 
_________
_ألو عائشه 
= إذيك ياحبيبتي عامله إيه !
_انا الحمدلله كويسه وإنتي !
= الحمدلله
_ يديم الحمد يارب ، هستناكي تيجي مع أنس ها 
= حاضر أنا بجهز أهو .
_ ماشي ياحبيبتي ، عاوزه حاجه !
= لا سلامتك يارودينا .
_ الله يسلمك باي
= باي
__________
جرس الباب بيرن.
_ رودينا : أيوه ، حاضر .
“بتفتح الباب ” 
_ خالو حبيبي ..
“بتحضنه ” ..
= وحشتيني اوي .
_ وانت كمان ياحبيبي ..
اتفضلوا .
= اذيك ياطنط ندي !
= الحمدلله ياحبيبتي انا كويسه .
_ عدي القمر عامل ايه !
_بنبره طفوليه : الحمدلله كويس
” بيدخلوا ويسلموا على بعض ، بيمر ساعه من الوقت انس بيخلص شغله وبيعدي على عائشه بياخدها ويركبوا اوبر .
__________
عامله ايه !
= كويسه وانت !
_ كويس 
= عملت ايه ف الشغل !
_ اشتغلت 
= يابرودك والله 
_ اصل هعمل ايه روتين الشغل اليومي 
= انا غرضي من السؤال انت عارفوا .
_ امممم، لا ياستي مفيش واحده كلمتني ولا جت سكرتيره جديده ولا عملت انترفيو لواحده ولا اي حاجه من دي.
= ببرود : طيب .
_ يالهوي علي برودك بجد 
= شكرا يامحترم .
_ العفو ، صح بقولك .
= قول !
_ عاوزك تجسي نبض رودينا النهارده انها معجبه ب دكتور حازم ولا لا !
= وانت مالك اصلا !
_ بطلي لماضه طيب ، الراجل طلب ايديها مني وهنكلم بابا النهارده .
= عائشه بفرحه : بجد !
_ اه والله 
=طب دي حاجه كويسه جدا يامسهل يارب ، ربنا يفرحها إن شاء الله ، طب ما انتو كده كده هتعرفوا ردها لما حازم يروح لعمو يوسف .
_ ما هو ياغبيه علشان لو ملقيتش قبول منها مش هخلي الراجل يدخل بيتنا ويتحرج فهمتي .
= اه فهمت ، خلاص حاضر .
_ حضرلك الخير .
___________
بيوصلوا عند البيت ..
بيطلعوا ويسلموا علي الكل وعائشه بتدخل تساعدهم ف المطبخ 
بيحضروا السفره وبياكلوا وبيهزروا وبيقضوا وقت عائلي لطيف مع بعض ، عائشه بتشاور ل رودينا ب عينيها إتجاهه البلكونه .
رودينا فهمتها ، وإستإذنوا من الجميع ودخلوا البلكونه ..
_ رودينا : خير ف حاجه ياعائشه !
= لا بس حسيت اني حابه ادخل البلكونه شويه 
_ طب انس ضايقك طيب ؟
=لا ياحبيبتي متقلقيش مفيش حاجه 
_ سكتوا شويه ..
_ عائشه : رودينا 
= نعم !
_ مفيش حد ف حياتك كده ولا كده  ، انتي كنتي بتحكيلي !
= ضحكت بخجل _ بصي هو مش حد ف حياتي اوي يعني ، بس بصراحه ..
_ بصراحه إيه !
= دكتور حازم اللي جيه عندنا جديد ، حاسه اني مشدوداله اوي  .
_ ايوه بقي بنتنا كبرت وبقيت تحب اهي .
= متكسفنيش ياعائشه .
_ ضحكت _ حاضر مش هكسفك.
= بس خايفه مثلا حتي لو هو ف مشاعر من ناحيتي بابا يرفض هو وانس .
_ ليه !
= مش عارفه بصراحه .
_ متقلقيش وسيبيها علي ربنا ..
=ونعم بالله .
_عائشه حضنتها بفرحه حمدت ربنا بصوت خافت ان رودينا بتبادله نفس الشعور وإن الولد مش هيتكسر بخاطروا .
__________
خرجوا برا ف الصالون وعائشه اومأت راسها ل انس ب معني ان رودينا معجبه بيه ، ابتسم انس وكملوا كلامهم … وبعد مرور ساعتين .
_انس : هنستأذن احنا بقي 
_ سهيله : لسه بدري ياحبيبي 
= قعدنا اهو ياماما .
“بيسلموا ع الجميع وبيمشوا “
_________
ف الطريق عائشه بتحكيله اللي حصل بينها وبين رودينا ..
__________
حازم بيتصل علي انس .
_ الو ياانس عامل ايه !
= بخير الحمدلله ، انا جاي اهو ف الطريق انت جاهز !
_ اه انا قاعد عند عم مؤمن اهو مستنينك .
= ماشي ياحبيبي ، مش هتاخر .
_ خلاص ماشي .
__________
بعد مرور نص ساعه ، انس بيوصل وبيطلع هو ومؤمن وحازم عند يوسف 
__________
_ يوسف رحب بيهم لكن من جواه كان حاسس ب حاجه غريبه .
_ مؤمن اتكلم نيابةً عن حازم كإنه والدهُ : بص ياايوسف ، من الاخر كده حازم معجب ب رودينا وطلب ايديها مني وانا جاي ف مقام والده وجاي اطلب ايد رودينا بنتك علي سنه الله ورسوله ل حازم .
_ يوسف ب دهشه قال :…
يتبع..
لقراءة الفصل التاسع والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران

اترك رد