رواية هاربة إلى قلبي الفصل الرابع 4 بقلم مريم فهمي

البنت : اسفه علي اي بقي احكيلي ..اي ده الدبله كانت هتقع من ايدي يا حماتي 

قمر : هند !! قلتلك مش بحب كلمة حماتي دي وقلتلك بدل المرة الف 

هند : اسفه جدا يا قمر معلش 

قمر : ياريت متقوليش قمر كده قولي مدام قمر او قولي يا مرات عمي 

هند بصت لآدم بغيظ لانها خطيبته وسايب مامته كده عماله تهزق فيها بس بادب ،، وبصت لاسيل بغيظ برضه عشان هتقعد معاهم لحد ما سابت الاكل وقامت ومتغدتش 

&_-_-_-_-_-_-_-_-_-_-& 

عند ڤلة حازم 

حازم : انا هقلب الدنيا كلها عليكي يا بنت ….انا تهربي من بيتي انا حازم تغفليني وتهربي انا هدور عليكي واقتلك 

عم محمد (الراجل بتاع الامن) اوامرك يباشا 

حازم : انت ازاي يا متخلف انت تسمح للزفته انها تخرج ها اقول للناس الي جايين دلوقتي اي ها انا لسه جاي من الشغل دلوقتي ومش عارف مكانها فين امشي من وشي 

مشي عم محمد 

حازم : المشكله ملكيش حد تروحي عنده بس ماشي هجيبك من تحت الارض يا الي اسمك اسيل …

&-_-_-_-_-_-& 

نرجع للحيا الصفرا اققصد هند ، ونشوف عملت اي ..

اسبل : خالتو هي مين دي 

رد آدم ..دي تبقي خطيبتي وبنت عمي ،،عمي مات وهي في رقبتنا وخطبتها ارجوكي متزعليش منها هي قلبها طيب وحنينه عن اذنكوا اشوف مالها 

وقام كده عادي وراح عند العقربه ييه اقصد هند 

قمر : متزعليش !! 

اسيل : لاء انا مش زعلانه وهزعل ليه 

قمر : من كلام العقربه دي ييه اقصد هند ( عادي عادي قمر وصلها احساسي اني دي عقربه ) 

اسيل : لاء خالص هي اكيد فهمت كلامي غلط مع ادم 

قمر : جت قعدت معانا هنا بعد ما عم آدم مات ولحد ما وقعت آدم وخلته يخطبها وعندي احساس انه خطبهة كده شفقه شغلها معاه سكرتيرة بس انا لا عاجبني طبعاها ولا لبسها وآدم بيحاول يغير منها 

اسيل : ربنا يديمهم لبعض عن اذنك هطلع اشم هوا في الجنينه شويه 

قمر : ماشي اطلعي وانا جيه وراكي 

اسيل : ماشي يا قمر انتي 

طلعت اسيل الاول اوضتها عشان تاخد مذاكرتها وبعدين نزلت الجنينه ولما دخلت الجنينه لقت آدم وهند (قلت اسمها اهو مز غير ما اقول عقربه) بيتخانقوا 

قعدت علي الكراسي الي كانت محطوطه في الجنينه وفتحت مذاكرتها وبصت للنجوم والقمر وبدات تكتب 

*لم اكن اعلم انه يمكن خلق ابتسامه علي وجههي وانا بداخلي الكثير من الصراعات لقد واجهة الكثير اريد ان يطمئن قلبي فا انا لم آتي هنا من اجل ان يحطم قلبي الذي اعتقدت انه مات هل قلبي عاد للحياه منذ رؤيته ام عاد للحياه منذ ان علم انه باستطاعته الفرح مرة اخري ، لقد عاد للحياه ولكنه مات الآن علي ما اعتقد* 

جه آدم من وراها وقال  ..بصي بصي النجمه الي هناك دي مش بتفكرك بحاجه 

اسيل اتنفضت شويه واتجهت ليه وكانت مفكراه بيكلمها لكن لقته بيكلم ست هند 

هند بفرحه : دي النجمه الي سمتها علي اسمي بهند 

آدم : اه …تعالي نقعد مع اسيل 

راحوا قعدوا مع اسيل 

آدم : تحبي نقعد معاكي شويه 

اسيل بابتسامه : ما انتوا قعدتوا 

هند (العقربه????????) : هتحضري اكيد خطوبتنا صح 

اسيل : مش انتوا اصلا مخطوبين 

آدم : احنا لابسين دبل بس لكن معملناش خطوبه 

اسيل : آه ان شاء الله اكيد هحضر 

هند : بس انا عندي سؤال ليكي 

اسيل : اتفضلي 

هند : انتي ليه متخطبتيش لحد الآن ولا عشان انتي مش جميله اووي يعني ولابسه البتاع ده الي دافن جمالك جواه ده لو موجود اااه وقبل ما تردي انتي ايه الي في ايدك ده 

استوووب اصل اسيل غلبانه ومش هتعرف ترد علي العقربه دي فانا هرد بدالها ( اي يا ماما اي يا حبيبتي وانتي تعرفي اي عن الجمال يا عقربه انتي ثم انتي مالك اي اي الي في ايدها انتتتي مالك ثم الخمار ده عفه للبنت لاني البنت جوهرة غاليه والغالي ميخدوش الا غالي فهمتس يا عقربه ) 

اسيل سمعت الكلام ومردتش عليها وسبتهم وقامت 

آدم بص لهند بغيظ وكان هاين عليه يقوم يديها الم علي وشها يطيره وبصلها بنظرة قرف وقام جري علي اسيل عشان يعتذر منها 

آدم وهو بينهج …اسيل اسيل 

اسيل وقفت والدموع في عنيها …نعم 

آدم …ارجوكي متخديش علي كلامها هو ده طبعها 

اسيل بعياط …ولا يهمك 

قمر جت لما لقت اسيل بتعيط 

قمر بخضه ….مالك يا اسيل اي الي حصل …اي الي حصل يا آدم 

آدم : اسيل مستحملتش كلام هند 

قمر وعنيها بتطلع شرار : هنننننند.!! دي ليلتها سوده معايا تهدي عليا بس 

يا هنننننننننند 

جت هند البريئه الي حطه عينها في الارض وقال اي مكسوفه 

– نعم !! 

قمر : انا بحذرك يا هند اسيل لاء فاهمه اسيل لاء 

هند : والله انا كنت بتكلم معاها عادي بس هي الي خدت الكلام بالعكس صح يا آدم 

آدم : لاء يا هند مش صح انتي لازم تاخدي بالك من كلامك فاهمه حتي معايا وعن اذنك بقي 

كلهم مشيوا وسابوا العقربه لوحدها 

آدم ..لتاني مرة يا اسيل انا بعتذرلك  

اسيل ..: خلاص يا ادم حصل خير ! 

دخلت اسيل اوضتها ودخلت قمر قعدت معاها شويه 

قمر : اوعي تكوني اضايقني من العقربه دي ها 

اسيل : لاء خلاص 

قمر : نفسي تبعد عننا والله العظيم 

اسيل : بس هتروح فين يا خالتو برضه ما هي ملهاش حد تروحله 

قمر : لا ليها ،، ليها خال عايش برا وهيموت وياخدها وهي مش موافقه وكل يوم يتصل بيها وهي مش راضيه تسافرله ابدا وقاعده هنا عشان آدم نفسي يفسخ الخطوبه دي 

اسيل : للدرجه دي بتكرهيها 

قمر : مش حكاية اكرها انا بس مش بحب تصرفتها خالص ومش عاوزها معاه في الشركه …وبعدين بصت لاسيل …اسيل حبيبة خالتوا

اسيل : اممم نعم 

قمر : عاوزاكي تنزلي الشغل مع آدم 

اسيل اتخضت ‘ ينهر اسود ودي هتسيبني في حالي دي 

قمر : تبقي تفكر بس تقربلك وانا هقطعها باسناني  نامي انتي دلوقتي  

اسيل : خالتو انا خايفه منها 

قمر : اوعي تخافي منها ابدا دي هبله ، خدي ده 

اسيل : اي ده ؟!

قمر : شايفاه غساله قدامك مهو موبايل اهو 

اسيل ضحكت ،منا عارفه اققصد اعمل بيه اي 

قمر : ده بدل الفون بتاعك عشان ابوكي ما يعرفش يوصلك الفون ده فيه خط جديد وعليه كل الابليكشنز الي ممكن تحتاجيها يلا سلام 

خدت اسيل الفون وقمر خرجت وراحت لاوضة آدم 

– بتقولي اي يا ماما ازاي اخدها معايا ؟؟