رواية بنتين من الصعيد الفصل الخامس 5 بقلم إسراء القاضي

صفيه_هتتجوز واحده بتكسر تقاليدنا وعايزه تعلم البنات يابن ابويا.

شوفت في عنيها نظرة شماته غريبه كنت اول مره اشوفها،حسيت عنيها بطلع شرار وعايزه تولع فيا،بس ليه ده كله انا عملتلها ايه،مفوقتش غير علي صوت العمدة وإيد نور اللي تبتت في ايدي وكأنها بطمني..

العمدة بصوت عالي_ قصدك ايه يابت انتي ما تعقلي كلامك كده واعرفي بتقولي ايه 

صفيه بغضب _ قصدي اللي سمعتوه يابويا الست هانم اللي عايزين تاخدوها لأخويا ناويه تعلم بنات البلد وتخليهم زيها إكده هيا وصاحبتها رايحين جايين بحجة العلام والله أعلم هما بيعملو ايه من ورانا لما بيطلعو من البلد ما احنا مش شايفين حاجه. 

شِهقت وبصيتلها بصدمه. 

=انتي تخرصي خاالص ومسمعش نفسك

صفيه_ مش هخرص يابلال لو مش مصدقني ف هيا وصاحبتها كانو بيعلمونا عشيه في الجامع واسألها اهي قصادك ياخويا

=أقسم بالله لو متخرستي خالص لأكون ضاربك قلم يربيكي 

العمده بغضب _بلاال خد اختك وامشو من هنا انا ليا كلام تاني مع نور ومريم. 

في لحظة مالقتش حد معايا مش عارفه ازاي وامتي بس لقيتني انا وعمي لوحدينا، انا عارفه اني عمي طيب بس في غضبه بيبقي جحيم.كنت بلعن نفسي مليون مره اني صدقت صفية وأمنتلها بس هيا طلعت اقذر ما كنت اتخيل نكدت عليا وبوظت فرحتي بس انا مش هستسلم برضو جه الوقت اني اعمل اللي في دماغي . 

_هتفضلي سرحانه وبتفكري كتير ولا إيه 

=ياعمي انا معملتش حاجه غلط انا فعلا كنت ناويه اعلم ساره ولما روحتلها الجامع لقيت صفيه هناك ف قعدت معاهم انا ونور وعلمناهم حجات بسيطه 

_صريحه انتي يادكتوره مبتكدبيش ولا تحوري في كلامك وده حاجه جميله بس انتي غلطي وغلطي قوي كماان  بيوجه عصايته ليها_انا حذرتك قبل كده وقولتلك هتكملي تعليمك ومالكيش دعوه بباقي بنات البلد وانتي عملتي ايه خونتي الثقه والأمانه 

= ياعمي افهمني ارجوك اللي بيحصل هنا في بلدنا ده ظلم وجريمه تعليم البنت مش حرام ولا هو عيب البنت تتعلم زي الولد بالظبط. مينفعش والله اللي بتعملوه ده هتتحاسبو عليه ياعمي واكتر حد هيتحاسب هو انت علشان انت اللي بإيدك تغير التقاليد دي والعادات الظالمه اتجاه البنات وكأنكم بِتزلونا اننا اتولدنا بنات، ارجوك ياعمي ارجوك اديني فرصه واحده بس احاول اسعد بيهم البنات دي وأعرف كل واحده منهم  انها لازم تفتخر وترفع راسها بِكونها بنت ارجوك ياعمي خليني اوريهم ان البنت مكانها مش في المطبخ ولا بيت جوزها بس واخليهم يعرفو اننا قد اي حاجه وقد اي تحدي.. 

 العمده بنظرة إعجاب لمريم بس خفاها بسرعه _ ايه يادكتوره العلام خلي ليكي رآي وبقيتي تتكلمي وتعقلي الكلام بس شكلك نسيتي انك بنت أرياف ولو علمتي البنات كلهم ساعتها هيتساوو بالرجاله وكل واحده هتتكلم زيك كده وترفع صوتها علي الراجل طلبك م… 

وقبل ما يكمل كلامه كان بلال واقفلهم علي الباب وهو بينهج من الجري وبينده علي مريم وابوه

=ابويا صفيه تعبت قوي ومش عارفه مالها عماله تصرخ ببطنها ومش مبطله عياط 

العمده_ مستني ايه ماروحتش للحكيم ليه يلا نروحله بسرعه

بلال بغضب _انا اختي مش هتنكشف علي راجل ابدااا مهما يحصل 

كل ده بيحصل ومريم ساكته بس مبسوطه من جواها انهم ممكن يحتاجو دكتور ف مش هيكون غيرها وساعتها هتثبت انها بنت ارياف بس تقدر علي اي حاجه وان ده شئ ميعبهاش في حاجه.. 

الأتنين بصو لمريم والعمده قال_ بصي يابنتي انتي عارفه ان مفيش دكتوره في البلد هنا غيرك دلوقتي وانا عارف ان صفيه غلطت معاكي بس مقدمناش حل غيرك 

=مفيش حاجه ياعمي ده واجبي بس يلا نروحله بسرعه علشان نشوفها

طلع العمده ووراه مريم وبلال

_سامحيني علي اللي صفيه عملته معاكي 

_متتأسفش يابلال اختك ساعدتني وقربت عليا المسافه وهيا فاكره انها ضرتني باللي عملته

=مش فاهمك

_مش مهم اجري بقي خلينا نشوف اختك اللي طفشتني في حياتي دي

____________________________

_ اااااه ياني همووووت الحقووني

_مالك يابتي ايه الي جرالك متخفيش اخوكي جايب الدكتوره مريم وجاي وراي اهوو

_مريم،مريم بت عمي لاااااااااع

_يوووه بقي ياصفيه خليني اشوفك  خلصينا بقالي ساعتين واقفه

_انتي هتقتليني صوح؟

ضحكت مريم _لا مش هقتلك اصل انا مش زيك بَطعن في الضهر  وانجزي بقي

وبعد ما مريم شافت صفيه وكشفت عليها 

مريم بصدمه_ دي لازم تعمل عمليه

بلال_ عملية ايه؟ 

_الزايده عندها ملتهبه جداا ولازم عمليه

_هتعرفي تعمليها يامريم؟ 

=هو بصراحه ياعمي انا مينفعش علشان لسه متخرجتش رسمي لكن انا اعرف واحده صحبتي دكتوره برضو هيا في البلد اللي جنبنا وعندها امكانيات وادوات تقدر تعمل بيها العمليه ومتخفش انا هدخل معاها مساعد

_ طب يلا يابنتي مستنين ايه قَوم اختك يابلال ويلا يامريم نروحلها

________________________

(بعد العمليه) 

طلعت مريم هيا والدكتوره صاحبتها والكل جري عليهم 

_هاا يابنتي طمنينا بنتي كويسه مش كده؟ 

الدكتوره_ صفيه بخير وكويسه جدا بس هتقعد معانا هنا يوم  او اتنين وبعد كده تقدر تروح معاكم تاني، بس كل الشكر لمريم عرفت تتصرف وحقيقي هتبقي دكتوره شاطره جداا يامريم،يلا بعد آذنكم.

جات مريم هيا كمان تمشي ورا الدكتوره

_ احم استني يامريم يابنتي 

ابتسمت مريم بإنتصار وجواها صوت بيقول

“وأخيييييرا هنقدر نحقق حِلمنا الحقيقي يانور” “????????