رواية عشقت فجر الصعيد الفصل الحادي والعشرون 21 بقلم سارة أحمد عماد

من أمام العماره .

كان يقف وعلامات الصدمه واضحه عليه فماذا تقول علي كل ذلك كان كذب هل خالد علي قيد الحياه فعلا.

فارس بصدمه/انتي متاكده من كلامك ده ي فجر .

فجر بثقه /طبعا متاكده ي فارس واحنا لازم نتصرف بس كل الي متاكده منه أن خالد عمل ده كله علشانا علشان يحمينا.

فارس بغضب /طول عمره مجنون طول عمره بيجي علي نفسه علشان الي حواليه .

فجر برجاء/واحنا لازما نتصرف ي فارس لازما ننقذه.

فارس بتنهيده وتركيز/متقلقيش ي فجر هاتي رقم  التلفون .

فجر /امسك .

فارس /اطلعي انتي دلوقتي فوق .

وكاد أن يرحل ليوقفه صوتها بدموع ورجاء .

/فارس انا عايزه خالد مش عايزاه يروح مني تاني .

فارس بابتسامه حانيه / متقلقيش ي فجر هرجعهولك لتوامي له بهدوء ليرحل سريعا لإنقاذ ما يمكن إنقاذه .

في الدلتا ….

في شقه كريم ..

كريم بصدق /هو ده الي حصل ي عمي صدقني انا مش خائن بس مهما كان مكنش ينفع اسيبها ابدا مهما حصل .

ربيع بتنهيده /اسمعني زين ي ولدي انا وثقت فيك شوفت جدعنتك وشهامتك مع بتي الي اكددتلي انك راجل صوح علشان كده كنت واثق فيك بس برضك لازما نعرف رايها هي انا اهم حاجه عندي راحه بناتي  موافقه ي ايه ي بتي.

ايه بخجل شديد /الي انت تشوفوه ي ابوي .

صفيه بضحك/هههه لا ي شيخه كل ده والي يشوفوه ابوكي برضك ي ميه من تحت تبن .

حنان بسعاده /ربنا يسعدكم ي حبايب قلبي واطمنوا علي ايه دي بنتي قبل ماتكون مراه ابني وفي عنيا الاتنين .

ربيع /الف مبروك ي بتي خالي بالك منها ي كريم ي ولدي .

كريم بسعاده غامره /اطمن ي حاج ربيع ووعد وقسم قدامك وقدام ربنا اني مش هقرب من ايه ولا هلمس منها شعره واحده الا بعد ماعملها فرح الصعيد كله يحكي عنه .

ربيع بفخر بزوج ابنته /ربنا يخليك ي ولدي واحنا هنستنا .

لينظر كريم الي ايه بعشق وسعاده وهي ايضا تبادله النظرات بسعاده وعشق فهو زوجها حلالها فمن بعد ذلك للحظه لن تخشي اي شئ.

في فيلا مارك  …

مارك /بلغوا الاتنين الفلاحين دول أن النهارده الساعه 12هيكون تسليم اكبر شحنه من الآثار لأن شحنه السلاح هتوصل وانا عايز شحن الاتنين يكونوا في نفس الميعاد  .

سلطان /تمام انا مسافر الصعيد واخلص موضوع شحنه الآثار مع عثمان وحمدان .

الجيار/وانا وخالد سعادتك هتكون مسؤولين عن شحنه للاسلحه.

مارك بتحزير /اسمعوها انا مش عايز غلطه فاهمين وخالد يبقا تحت عنيكم لحد مكل حاجه تخلص .

سلطان والجيار/تمام سعادتك .

في الفيلا الخاصه ب خالد ..

كان يجلس بشرود وهو يفكر في القادم وماذا سيحدث ليقاطعه فارس بسخرية .

فارس بسخرية /خالد باشا اول مره اعرف ان الميت بيصحا تأني .

خالد بصدمه /فارس .

فارس بغضب /ايوه فارس فارس الي كنا عاملين زي التؤام سواء عمرنا مخبينا علي بعض حاجه يحصلك كل ده وفارس اخر من يعلم مش كده .

خالد بقوه مصتنعه/فارس انت عرفت مكاني ازي .

فارس بانهيار/هو ده كل الي همك عرفت ازي ايه ي اخي البرود ده بس بجد انت طلعت معندكش دم انت مش بس خبيه عليا انا ودمرت حياتي لا دمرت حياه الغلبانه الي مش عايزه حاجه من الدنيا غيرك وانت متستهلش اصلا وعلي العموم فجر هي الي حكتلي علي كل حاجه واديتني رقم التلفون وطبعا مش صعب عليا اني اعرف مكانك منه.

خالد /صح نسيت انك رجعت الخدمه ي سياده الرائد بعد مابعتلك الملفات مع ادهم واللواء صلاح علشان ترجع من تاني الاداره وتساعدني في الي جاي .

فارس بصدمه /ايييه .

فلاش باك …

في الاداره ..

خالد بتأكيد /ادهم الملفات دي لازم توصل ل فارس وتوصلوا كل كلمه قولتها بالحرف .

اللواء صلاح /تفتكر فارس بكده ممكن يرجع ي خالد .

خالد بتأكيد /هيرجع سعادتك مجرد انكم تششكوه فيا ساعتها هيرجع وهيصمم يعمل اي حاجه علشان خاطري وعلشان يكشف الحقيقه.

اللواء صلاح بتنهيده/خالد انت بجد عملت الي محدش يقدر يعمله احنا من ساعه الي حصل واحنا بنوقع في الي حواليهم .

خالد بسخرية/عندك حق سعادتك احنا عاملينهم زي المصيده الي بنصتاد بيها الكلاب الي حواليهم وجيه الوقت الي هنقبض عليهم هما وننهيهم وفارس معايا انشاء الله .

اللواء حمدي بفخر/ربنا يوفقك ي خالد وانا متاكد انت وفارس هتنجحوا في المهمه دي .

خالد /انشاء الله سعادتك .

باك ….

فارس بغيظ /نعم ي عني كل دي كانت تمثيليه وانت متفق مع اللواء حمدي وخالد وانا الاهبل الي في الوسط مش كده .

خالد بضحك/هههههه بالظبط كده .

فارس بغيظ وغضب /وحياه امك .

خالد بضحك/هههههه اهدا اهدا بص احنا دلوقتي لازم نقعد ونهدا ونخطط الفرصه جات لحد عندنا النهارده هنينهي كل حاجه ونخلص من كل ده .

فارس بحده  /ماشي بس نخلص الاول وبعدين نتحاسب .

في شقه فجر…

فجر باستغراب /مالك عاد ي سليم فيك ايه وساره اخبارها ايه .

سليم بضيق /كويسه ي فجر .

فجر بدهشه /واه عاد ايه الي حوصل انتوا لحقتوا انتي زي السكر وبتحبك ي سليم .

سليم /متشغليش بالك ي فجر مشكله وهتخلص اهو عمي ربيع وصل .

صفيه بسعاده واشتياق /فجر بتي اتوحشتك جوي جوي .

فجر بسعاده ودموع /أما اتوحشتك جوي ي أما أبا اتوحشتك جوي ي حبيبي .

ربيع بحنان/انا الي اتوحشتك جوي ي فجري الدنيا كلها ملهاش طعم من غيرك ي فجر.

سليم بمرح /وانا ايه ي حاج ربيع ماحدش اتوحشني ولا ايه .

صفيه بضحك /هههههه والله اتوحشناك جوي ي سليم ي ولدي .

ربيع /عامل ايه ي سليم ي ولدي .

سليم بابتسامه /الحمد لله ي عمي نورتونا وشرفتونا اتفضلوا .

في فيلا سلطان ..

في غرفه ساره .

ساره بدموع وانهيار/حتي انتي بتقويلي غلطانه ي رنا حرام عليكي .

رنا بحده /ايوه غلطانه انتي لما حكتيلي علي موضوع فجر ده قولتلك متسكتيش لازم تعرفي ايه الي وراها بس انتي سكتي متجيش دلوقتي وتلومي سليم علي حاجه .

ساره بصراخ /انتي معايا ولا معاه .

رنا /انا مع الحق ي ساره أنتي كده هتتدمري علاقتك ب سليم انا متاكده أنه بيحبك شوفت ده في عنيه فكري قبل متهدي كل حاجه ي ساره .

في فيلا عاصم …

كانت تحتضن طفلتها بدموع وسعاده واشتياق .

حنين بطفوله /انتي ماما .

اميره بدموع وهي تقبلها/ايوه ي نور عيني انا ماما انا ماما يروحي .

عاصم بسعاده/حمد لله علي سلامتك يروحي مش قادر اصدق أننا سواء ومحدش هيقدر يبعدنا تاني ابدا.

كانت تقف هايدي  وهي تنظر بصدمه وحزن للعوده اميره فقد انتهت فرصتها في الحصول علي عاصم وانغلقت أمامها كل الابواب ..

في الصعيد ..

في دوار العمده ..

عثمان /حمدان جهز حالك سلطان بيه كلمني وقالي أن التسليم هيكون النهارده .

حمدان /ماشي ي ابوي كله هيبقا تمام .

بدور بدموع وتعب/بتي عايزه بتي هتفضلوا كده ساكتين كده .

حمدان بحده/وهي بتك فين مش مع حبيب الجلب الي هملتنا علشانه تغور معاه في ستين داهيه ويوكلها التراب بعد ماكانت عايشه في العز .

عثمان /يلا ي ولدي جدامنا شغل كتير يلا .

في الاداره ..

اللواء حمدي بسعاده/مبروك علي رجعوكم مع بعض تاني ي شياطين .

فارس وخالد /شكرا سعادتك.

اللواء حمدي/بصوا بقا من التسجيلات والمعلومات اتاكدنا أن مارك مصمم أنهم يبقوا العمليتين في نفس الوقت يعني هتبقا فيه عمليه في الصعيد وعمليه هنا في القاهره .

فارس /سبيولي انا مهمه الصعيد سعادتك انا دارس المنطقه هناك كويس .

خالد /وانا مهمه القاهره سعادتك .

حمدي/تمام كده يبقا كل واحد يختار فريقه ويجهز نفسه ي ابطال .

خالد وفارس /تمام سعادتك .

في منزل حوريه عمه صابر..

كان يجلس بالم في ضهره اثر حمل الطوب لكسب المال فكانت تجلس جانبه قمر بوجع والم من أجله .

قمر بالم /أكده ي صابر أكده حرام عليك نفسك ي حبيبي .

صابر بتعب/اعمل ايه بس ي قمر مش لازما نصرف ي ام الغالي انتي والي فبطنك محتاجين مصاريف .

عنيات بابتسامه /العوافي .

صابر بسعاده ولهفه /خيتي كيفك اتوحشتك جوي  .

عنيات /وانت كمان ي اخوي كيفك ي ام الغالي .

قمر بابتسامه/زينه ي عنيات ربنا يخليكي امي كيفها ي عنيات .

عنيات بارتباك /زينه ي حبيبتي.

صابر/قمر روحي شوفي الغدا خلص ولا لا .

قمر /حاضر ي صابر .

صابر بهمس /عملتي ايه ي عنيات .

عنيات بانتصار /اطمن ي اخويا كله تمام نص اراضي عثمان بقت بتاعتنا رجعنا حق ابويا وامي ي صابر.

صابر بسعاده /ينصر دينك ي عنيات عقبال ربنا ميخلصنا من شرهم ومعاودة بلدنا ونعيشوا فيها بأمان.

عنيات بتمني /امين يارب. 

في شقه فجر .

فجر بصدمه /واه كل ده يحصل ل ايه اختي وانا معرفش طيب ي ايه اما ربيتك .

صفيه بسعاده /المهم انها سعيده ي ضنايا مش قادره اصدق اني اطمن عليكم ي حبيبتي عقبال ماشوف ولادكم جرا ايه ي بت ي فجر مفيش عيل كده ولا كده جاي في الطريق ده انا حبله فيكي من اول يوم.

فجر بارتباك /أما أنا شايله حمل تقيل جوي ومحتاجالك جوي .

صفيه بخوف /احكي ي ضنايا وانا سمعاكي .

فجر بقلق/انا لسه بنت ياما محدش لمسني .

صفيه بصدمه /اييييييه