Uncategorized
رواية ثمن حبي الفصل الثاني 2 بقلم نادين محمد
رواية ثمن حبي الفصل الثاني 2 بقلم نادين محمد
 |
| رواية ثمن حبي الفصل الثاني 2 بقلم نادين محمد |
رواية ثمن حبي الفصل الثاني 2 بقلم نادين محمد
ريهام:مش تباركيلي يابت
بسمه باستغراب: بمناسبه ايه
ريهام بفرح: ابن عمك علي خطبني من بابا…هو مقالكيش ولا اي
كنت سامعه الكلام ده والدموع فعيني…معقوله صحبتي الانتيم تتجوز حبيبي…طب ازاي وليه….ليه واحد ميستاهلش زي ده يفرق بيني وبينها ليه…هو عارف اني بحبو.. ليه يعمل معايا كده ، هو ملاقاش غير صحبتي يعني
ريهام:مالك يا بسمه
بسمه بتحاول تكتم دموعها:لا ولا حاجه يا ريهام..الف مبروك ياحبيبتي
ريهام:الله يبارك فيكي ياروحي ، انا قولت انتي اول واحده لازم تعرفي ، انزلي معايا بكره بقي نجيب شويه حجات للشقه
بسمه بفرح عكس اللي جواها:طبعا ياروحي طبعا ، عيوني
ريهام:طب انا هقفل دلوقتي وهروح اشوف ماما…يلا باي
بسمه:باي
قفلت وأنا مجروحه….ازاي بعد كل العشره دي يعمل كده….هي عشان مودرن وتلبس قصير وانا محجبه يعمل معايا كده….هو طول عمرو كده…مش بياخد غير بالمظاهر وبس..
المهم لقيت بابا داخل عليا
باسم:في اي ياحبيبتي سيبتينا ليه
بسمه:لا يابابا مفيش حاجه ، روح انت وانا هحصلك
باسم: ماشي يابسمه
بابا مشي وانا قعدت مكاني كالعاده…مكسوره…بس قررت اني هواجهه بليل…واقوله ليه اخترت صحبتي مع انك عارف اني بحبك…
طلعت فوق ورا بابا..وروحت قعدت جمب خالتي
خالتي(سلمي):مالك يابسمه نزلتي وانتي زعلانه ليه
بسمه:لا ياخالتو مفيش حاجه كنت متضايقه شويه بس
علي ببرود: متضايقه عشان خطبت
بسمه باستفزاز:وانت مالك….ميخصكش… وبعدين مش…صحبتي الانتيم انت اللي خطبتها…اكيد هفرحلها طبعا.. دنا خارجه معاها بكره نجيب شويه حجات..روح العب بعيد بقي ياشاطر
بصلي ببرود كده وبص قدامو تاني.. عدي اليوم وكلو بخير وكلو راح اوضتو….صراحه حاولت انام معرفتش ، قومت اتوضيت وصليت الفجر وعملتلي كوبايه نسكافيه وطلعت جنينه الفيلا ، اصل كلنا عايشين في فيلا مع بعض…كل واحد ليه اوضتو
قعدت شويه فالجنينه لقيته جه قعد جمبي فجأه
علي: خير… اي اللي جابك هنا
بسمه ببرود:ملكش فيه… ميخصكش ياعلي
علي بضحك:مش كنتي بتحبيني من كام شهر
بسمه بحزن: للدرجادي بتستهتر بمشاعري
علي بصدمه:استهتر بمشاعرك…انتي بتتكلمي جد
بسمه بهدوء:فاكرني بهزر…طبعا منت مفكر كلامي كلام اطفال….لو كان كلام اطفال مكنتش اعترفتلك ١٤٣ مره….متستغربش اني عدتهم…انا كل مره لما بعترفلك وتكسرني كنت بروح اكتب فكراسه عشان انتقم منك….الاستهتار بالمشاعر مش حاجه سهله خالص…بالعكس ياعلي…انت استهترت بمشاعري..معني كده انك اناني ومش بتحب غير نفسك…ممكن اسالك انت ليه اخترت صاحبتي بالذات
علي ببرود:عشان هي احسن منك….هي مودرن وبتلبس حلو… وبتعرف تختار لبسها مش زيك…وبتتكلم فرنساوي والماني….واحلي منك
بسمه بابتسامه:مش هتعرف تفرقني عن صحبتي ياعلي….اضرب دماغك فاقرب حيطه…او ارمي نفسك في البحر احسن وسبته ومشيت وهو لسه قاعد مكانه…روحت نمت وانا زعلانه كالعاده…بس اتعودت علي كده … قعدت افكر شويه لحد ما روحت فالنوم..
(تاني يوم الصبح)
صحيت علي رنه الموبايل…بصيت فالموبايل لقيت الساعه ٩ الصبح…وريهام بترن
بسمه بنعاس:ايوه ياريهام
ريهام:اي يابنتي انتي لسه نايمه…قومي يلا افطري وتعالي..هستناكي ف******
بسمه: حاضر ياروحي…باي
ريهام:باي
قفلت مع ريهام واتوضيت وصليت كالعاده ولبست دريس كده (صورتو فكومنت) قمر ونزلت عشان افطر
كلهم معادا علي:صباح الخير
بسمه:صباح النور ياقلوبي
باسم بضحك: يابت يابكاشه
بسمه:انا اقدر برضو يسطا وبوست ايده
نهي:وانا مليش ولا اي
بسمه: أما اخلص الاكل ياست انا جوعاااااانه
نهي بضحك:اه ياطفسه
وقعدنا نضحك كلنا…معادا علي …كان قاعد مستغرب ازاي أنا امبارح كنت كده…ودلوقتي كده… بس انا قررت اطلعه من دماغي…بس مش عارفه
خلصت فطار وسلمت عليهم وطلعت بره عشان اروح مع ريهام…لقيتو فجأه جاي ورايا وبيمسك ايدي و……