Uncategorized

اسكريبت تزوج غيري لكني أحببته الجزء الأول 1 بقلم نرمين محمد

 اسكريبت تزوج غيري لكني أحببته الجزء الأول 1 بقلم نرمين محمد

اسكريبت تزوج غيري لكني أحببته الجزء الأول 1 بقلم نرمين محمد

اسكريبت تزوج غيري لكني أحببته الجزء الأول 1 بقلم نرمين محمد

….=هتسبنى يا حاتم.
حاتم = انتى مجنونه يا أميرة… عايزانى اسيب روحى.
ابتسمت بكسوف و باسته من خده بعد ما رفعت النقاب رفعة صغيرة تبين شفايفها بس ونزلته بسرعة = تعرف انت احلى حاجة فى حياتى.
برق بعنيه جامد ومسك ايداها ونزلوا من العيادة إلى كانوا فيها و عمال يجرى على عربيته.
أميرة بضحك= حاتم انت بتعمل ايه فى ايه.
حاتم بأبتسامه= انتى عايزانى بعد البوسه من الشفايف الناعمه ديه والخدود إلى حمروا دول استنى لاااا لازم استغل الفرصه.
ضمت شفتيها بكسوف = علفكرة انت قليل الادب.
حاتم بغمزة= طب هو فى حاجة احلى من قلة الأدب.
ضحكت بميوعه….فذاد من سرعة عربيته….لحد ما وصلوا العمارة إلى ساكنين فيها ودخلوا الاسانسير لحد الدور السابع وهو طبعا لسه ماسك ايديها و كل ثانيتين يبوسها من خدودها من فوق النقاب وهى تضحك اكتر……وصلوا شقتهم وقفل الباب بسرعة و بعد كدا شالها و دخل اوضتهم بسرعة …..بعد ما نزلها من على ايديه …..بدأ يفك الخمار بعد كدا النقاب و هو كل شويه يبوسها من خدها.
أميرة بضحك= حاتم حبيبى أهدى طب هههه .
حاتم برق بعنيه جامد= انتى بتقولى ايه ….يا بركة دعاكى ياما ديه بتقول حبيبى…..لا احنا محتاجين نسمع الكلمه ديه تانى بس بطريقه تانيه.
شلها بعد ما فكلها شعرها الأسود الطويل و كانت لابسه قميص قصير اسود تحت هدومها…..كان لسه بيقرب حطت ايديها على  بوقه وقالت.
أميرة بأبتسامه= يعنى مش زعلان انى مش هقدر اخلف …ولحد الان مجبتلكش العيل إلى انت نفسك فيه من زمان.
شال ايديها من على بوقه وقال بحب= تعرفى انتى اهلى وبنتى ومراتى و حبيبتى وكل حاجة ليا ….العيال ديه اخر اهتماماتى اصلا….و ده نصيب …هنعترض على قضاء ربنا.
ابتسمت وقالت = لا إله إلا الله اكيد لا مش هنعترض على قضاءه…
ابتسم وهو بيبص على شفايفها = يبقا خلاص بقا……
………………….
( هحكلكوا حكايتى انا اسمى أميرة عندى ٢٧ سنه ومجوزه بقالى سنتين وده جوزى حبيبى إلى ليا من الدنيا ديه كلها مرات ابويا بعد ما ابويا مات شغلتنى خدامه عندها لحد ما جاه حاتم و اتقدملى و انا مكنتش عايزة اتجوز دلوقتى بس طبعا مرات ابويا ما صدقت فرمتنى بس حاتم غير فكرتى عنه نهائى كنت فكراه هيعملنى زيها خدامه تكنس وتطبخ و تربيله عياله و كنت فاكراه جواز صالونات ومش بيحبنى بس طلع عكس كدا نهائى طلع بيعشقنى وانا مكنتش حباه ومش بحبه….لكن مع الوقت لقيت نفسى حبيته …بس بغبائى مقلتلوش خايفه أقوله يسبنى زى كل إلى بحبهم و يسيبونى …..بعد ما حياتنا بدأت تمشى و انا فرحانه جدا الصراحة من معاملته ليا الصراحة كان بيعملنى زى بنته بالظبط وحبيبته ومراته فى نفس الوقت لما بكون تعبانه ومش قادرة اعمل اكل يخوش المطبخ وانا نايمه تعبانه فى السرير و يحاول أنه يعمل وفى الاخر يحرقه بس حاول أنه يعمل وساعات الصراحة بيطلع حلو بالصدفه وعلطول بيطلع محروق ولما بيتحرق بيطلب من اى مطعم و يحطه فى صنيه و يدخلى بيه و يقومنى و يقعدنى فى حضنه ويأكلنى ببقا مبسوطه اوى وهو بيعمل كدا يالهوى يا ناس انا بحبه اوى بس خايفه بجد أقوله…..المهم كنا بقالنا كتير مستنيين حمل و هو الصراحة كان نفسه يكون اب وانا حرمته من النعمه ديه استننا سنه كامله لحد ما روحت لدكتورة و فضلت اتابع معاها لحد اخر مرة ديه يعنى ديه المرة الرابعة قالتلى بعد ما التحاليل بتاعتى خرجت انى مينفعش اخلف كنت اليوم ده حسى أنه هيسبنى ويتجوز عشان يكون اب بس فاجئنى بالى قاله يوم ما كنا فى العيادة)
فضلنا شهرين ونص مع بعض ومبسوطين كدا وطبعا لما بنكون ماشيين فى الشارع وبشوف عيال صغيرة بشوف نظرة عينه عليهم النظرة ديه بتوجعنى اوى…نظرة حرمان بكون عاوزة أقوله روح اتجوز غيرى وخلف لكن متكونش النظرة ديه فعنيك…لكن مش عايزة أقوله كدا عارفه انها انانيه لكن مش هقدر اشوفه مع واحدة تانيه هتقهر بجد…فضلت كل يوم ادعى أن معجزة تحصل من عندك يا رب …يارب انت قادر على كل شئ ….واعيط كل يوم وادعى نفس الدعوة ……وطبعا حماتى عرفت و كرهتنى اكيد طبعا عشان مجبتلهاش ولى العهد الى هى بتتمناه وبدأت حماتى تزن على حاتم أنه يتجوز تانى وانا افضل على زمته عادى وهو طبعا كل مرة بيرفض لحد ما انتوا عارفين الزن على الودان اقوى من السحر و الشعوذة………….لحد اخر شهر ده معاملته ليا بدأت تتغير نهائى يصحى الصبح مش بشوفه غير اخر الليل مش عارفه و قلبى بدأ يتقبض خايفه الا يكون شاف وحب بنت تانيه بجد هتقهر بجد…انا مليش غيره والله.
لقيته داخل البيت كانت الساعة ٧ بليل اول مرة من ساعة ما اتغير يرجع بدرى كدا جريت عليه وقولت لازم اعمل اى حاجة عشان اصالحه ………..اتصدمت لما لقيت إلى وراه ديه وبيقولها وهو بيبصلى نظرة خاليه من أية مشاعر= اتفضلى يا حبيبتى بيتك.
بصتله بصدمه ورجلى معدتش شايلانى وخلاص هقع مش قادرة= أن.ن.نت حاتم هو هو فى ايه…وووو م.مين ديه.
بصلى ببرود تام= ديه ضرتك يا أميرة.
الجمله نزلت عليا زى الرعد أو كأن جردل مايه ساقعة نزل عليا .
ضحكت كأنى مش مصدقه و هو بيهزر= انت انت هههههه اكيد بتهزر صح صح يا حاتم قول قول انك بتهزر عشان انا متأكده انك استحالا تعمل كدا .
نفض ايدى إلى كانت على دراعة لما مسكته = ايدك متلمسنيش انتى مفكرانى يعنى عشان بحبك هفضل مع واحدة عاقم مش بتخلف ارض بور زى ما بيقولوا ….انا أساسا شاكك ازاى حبيتك هو اكيد اعجاب وراح لحاله …..وانتى لو مش عاجبك الوضع اطلبى الطلاق وانا اطلقك براحتك وكل واحد يروح لحاله وانتى اتجوزى واحد شبهك.
ادا هو ازاى جاب القسوة ديه بجد بقا قاسى اوى  ادا للدرجادى انا بقيت مش مهمه عنده ….وازاى اسيبه هو عارف انى مليش مكان ولا امان غير حضنه و هو بيتى و سندى ….ازاى هطلب الطلاق كدا واسيبه اده …
ضحكت كأنى كنت متأكدة أن اليوم ده هيجى وكنت حسى بيه الشهر إلى فات أنه فعلا مع واحدة غيرة كل واحدة بتحس بجوزها اتغير ليه…….وعرفت كمان أنه مجوزها من شهر وحماتى إلى هى أمه كانت عارفه …….دخلت الاوضه الزيادة الى فى الشقه عشان متأكدة أنهم هيناموا فى اوضتنا …..اوضتنا انا وحاتم….ياااه بقيت اوضتهم….دخلت الاوضه بصمت وكسرة نفس و وجع قلب و قهر…قفلت الباب براحة….ولقيتهم بيتكلموا شويه وبعد كدا سمعت باب الاوضه بيتقفل…
بعد شهر ونص كمان…..وطول المدة ديه وانا بشوف كل إلى كان بيعملوه ليا حاتم بقا بيعملوا معاها هى وكل الاهتمام ليها هى لما بشوفهم كدا بسيبهم واخوش الاوضه اعيط كأنهم قاصدين يعملوا كدا قدامى و يخوشلى بس اخر الليل يسأل عليا وبس حتى مبقاش يقعد معايا مستخسر فيا ابسط حقوقي بقيت لما بيوحشنى اخد صورته و قميصه إلى خدته من اوضتهم وهما مش موجدين إلى فيه ريحته إلى بعشقها وبحط الصورة فى حضنى هو والقميص …. و فى اخر خمس اسابيع دول بقيت حسى بدوخة كل شويه و حسى انى هرجع و فعلا اى حاجة بكلها برجعها علطول جبت مجموعة برد يمكن يكون برد فى معدتى لكن مفيش فايدة وفى يوم الترجيع ذاد اوى والدوخة بتزيد و بيغمى عليا شويه وأقوم اصحى الاقى نفسى فى نفس المكان إلى وقعت فيه …..قولت ما بداها بقاا بدأ الشك يكبر جوايا حتى وانا بكلم صاحبيتى فى التلفون وحكتلها إلى بعانى منه قالتلى ممكن تكونى حامل قولتلها مستحيل انا مش وريتك التحاليل قالتلى مافيش حاجة بعيدة على ربنا قولتلها ونعم بالله بس هتأكد…..نزلت جبت اختبارين حمل واحد عشان اشوف حامل ولا لا والتانى عشان اتأكد عشان فى أغلب الأحيان بيكون الاختبار كاذب….لبست ادناء اسود و النقاب الاسود و نزلت بسرعة وجيت….دخلت الحمام وبعد شويه بالظبط لقيت نفسى بقعد على الأرض من الصدمه = ادا ازاى….الاختبار طلع خاطين يعنى موجب …… انا حامل ازاى ازاى حامل طب والدكتورة إلى قالت كدا ….لا لا انا لازم اتأكد بردوا.
طلعت الاختبار التانى و عملته و فعلا طلع موجب يعنى ميه فى الميه حامل……..جريت على الاوضه وطلعت التحاليل عشان اتأكد ولقيت التحاليل بتقول انى استحالا اكون حامل او اخلف اصلا……قولت لا لازم اروح للدكتورة واتأكد يمكن فى حاجة غلط مش عارفه بس فيه.
اتصلت بحاتم عشان افرحه و أقوله ويجى معايا عند الدكتورة يمكن نطلع فرحانين المرة ديه..ونسيت تماما أن هو مع واحدة تانيه غيرى.
عند حاتم و ريم….كانوا قاعدين على البحر ومبسوطين جدا…..تلفون حاتم رن برقم أميرة هو مش عارف ليه فرح لما شاف اسمها…كان لسه هيرد.
ريم بنفى= حبيبى مترودش عليها ديه عايزة تبوظلنا أوقاتنا مع بعض.
حاتم بابتسامة وهدوء= ريم حبيبتى معلش هى مراتى زى ما انتى مراتى بردوا… متخافيش ومش هكلمها بنفس عشان متزعليش.
قال اخر جمله بضحكة عشان ميضيقش ريم…. لكن من جواه هيموت ويرد على أميرة واحشته بدرجة فظيعه عشان مبقاش بيشوفها كتير طول الوقت بتقعد فى الاوضه كأنها مش عايزة تشوفه…..اخيرا رد.
حاتم ببرود مصتنع=نعم يا اميرة عايزة حاجة.
كانت لسه هترود بفرحة وتقوله على الى حصل و تفرحه….
لكن سمعت صوت ريم وافتكرت الواقع المر……
ريم وهى قاصدة تعلى صوتها عشان أميرة تسمع=هههههه حبيبى بوص على الصورة ديه .
حاتم بصلها عشان تسكت وفعلا سكتت ..
أميرة بهدوء و وجع قلب= عامل ايه يا حاتم.
حاتم بهدوء= تمام….عايزة حاجة.
أميرة بهدوء وابتسامه خفيفه= بقولك انا هروح للدكتورة النهاردة تمام .
حاتم ببعض القلق لكن خفاه بالبرود= انتى لسه حطه الموضوع ده فى دماغك.
ابتسمت بوجع= لا شويه برد فى معدتى بس هروح اكشف.
حاتم بهدوء وقلق= تمام روحى بس خلى بالك من نفسك تمام.
ابتسمت أنه قالها خالى بالك من نفسك= تمام….حاتم.
حاتم بندم أنه مش عارف يروح معاها= امممممم.
اميره بحب= هتوحشنى.
حاتم بابتسامة بس رجع لبرودة بسرعة= تمام يا اميرة سلام.
واتنهد تنهيده كبيرة وقفل .
عند أميرة…..
قفلت وانا زعلانه بس فى نفس الوقت فرحانه عشان يمكن يكون جوايا حتة منه و منى ……دخلت لبست ادناء نبيتى و عليه نقاب وخمار كحلى ….لبست و جهزت و حضرت شنطتى و خدت التحاليل بتاعت اخر مرة……بعد خمس دقايق نزلت من العمارة و ركبت مشروع ….بعد شويه نزلت قدام العيادة بتاعت الدكتورة إلى كانت متابعة حالتى وكانت اسمها دكتورة بسمه …..دخلت العيادة و حجزت و قعدت مستنيه دورى و قد ايه كان نفسى حاتم يكون معايا فى اللحظة ديه ….طلعت التلفون و دخلت على البوم مسمياه جوزى حبيبى…وفضلت اتفرج على صورهه بحبه اوى….قطع تفكيرى فيه السكرتيرة وهى بتنده على اسمى= مدام أميرة عبد الحميد.
قومت من الكرسى بتوهان = انا انا يا انسه اسفه لو مسمعتكيش .
السكرتيرة ابتسمت وقالت= ولا يهمك يا مدام اتفضلى دورك جاه.
دخلت وانا متوترة وجهزت نفسى لأى صدمات حتى لو قلتلى انتى هتموتى بكرا…
يتبع…..
لقراءة الجزء الثاني : اضغط هنا
لقراءة باقي أجزاء الاسكريبت : اضغط هنا

اترك رد