رواية المستحيل تحقق الفصل الرابع عشر 14 بقلم زهرة

فلاش باك

سيد  بصي بقي عشان انا جبت اخري منك هتوافقي علي البشمهندس آدم هو هيجي بكره بليل و هيقعد معاكي كل الي يقوله توافقي عليه 

روان بألم و قلت حيلة حاضر 

سيد دا مش بمزاجك يا روح امك غصب عنك وافقتي موفقتيش هتتجوزيه فخليكي شاطرة كدا و اسمعي الكلام و يلا غوري من وشي كتك البلا الأزرق في جنتك 

روان أخذت الالم في روحها و ذهبت الي غرفتها 

روان يا رب يا رب انا تعبت انا عملت اي لكل دا تعليم و قولت خلاص مش مهم هتعلم بس لما يجي وقتها 

انما جواز كمان عاوزين يجوزني بالعافية انا كل الي قولته مش عاوزة واحد مستوي تعليمه عالي اوي 

دا انا هنزل زول هههههههه و كله بسبب عيلتي يا رب انا كنت عملتلهم أي بس دا انا عايشه خدامة عندهم و متكلمتش 

بس برضوا يا روان ممكن يطلع كويس و يعاملك حلو و يبقي دا عوض ربنا ليكي 

هو أنا هضحك علي نفسي وألا اي اكيد متجوزني عشان يكمل عليا هو مهندس مش هيتجوز واحدة اميه إلا إذا كانت له نيه من كدا و أكيد عشان اشتغله خدامة عنده ما انا مليش أهل …..

نامي يا روان استهدي بالله و نامي علشان تعرفي تتعاملي مع اليوم بكره احسن ما يكون نصيبك علقه تانيه و انتي جسمك معاتش يستحمل …..

نامت روان و بداخلها يدعوا أن يزول الهم و الالم الذي و كان للاسف فيه هم عائلتها التي و من المفترض أن تكون هي امانها و لكن خالفها الحظ و كانت هي سبب تعاستها و حزنها الدائم في الحياة ….

_______________________________________

تحية / هو الي احنا بنعمله دا صح يا سيد

سيد/ صح طبعا البنت ملهاش غير بيت جوزها تخدمة و بس و هي شكلها عاوزه تتربي من ساعة ما قالت علام 

تحية باقتناع صح كدا يا سي سيد بس يا رب بنتك متعكهاش بكرة انا عارفاها عاوزه بتعمل كل حاجة

سيد خليها تعملها كدا و انا كنت طلعت عينيها بنت الكلاب دي 

تحية بتشتم لي دلوقتي

سيد اكتمي خالص و انخمدي يلا بدل ما اقطع خبرك انتي كمان مش لو كنتي جبتيلي ولد بدلها كان نفع دلوقتي

تحية و انا أعمل اي يا أخويا ادي الله و ادي حكمته نصيبك في بنت 

سيد ربنا ييخدها و يخدك انتي كمان يلا اديني هخلص منها قريب عبالك انتي كمان 

___________________________________________

تاني يوم كان العمل علي ساق و قدم في المنزل من قبل تحية و سيد 

تحية يلا يا محروسه قومي نضفي الشقه و اكنتسي و تلمعي كل حاجة عاوزاها تشف و ترف انتي فاهمة

روان حاضر

تحية و بعدها تروحي تستحمي و تحطي ريحة نضيفه جيبهالك غاليه يكش يطمر بس فيكي هتلاقيها في الدرج مع شوية مكياج

روان بتريقه و لازمتها اي الريحة و المكياج محسساني اني هتجوز واحد بحبه و دايبه في هواه

تحية بزعيق انتي هتتلامضي معايا انجري اعملي الي قلت عليه و ياك بس ينقص حاجة هقطعك حتت 

روان بزهق طيب 

__________________________________________

و عرسنا حلو اه و النعمة حلو الف مبروك يا صحبي عشت و شوفتك عريس ياض 

هتف بهذه الكلمات عدنان صديق آدم 

     (عدنان صديق آدم بالكلية و لكن مختلف عنه بالشخصية ) 

آدم عريس اي يا ابني بس انا متجوزها مصلحة مش اكتر.

عدنان مصلحة ازاي انت مش بتحبها 

آدم انا احب واحدة جاهلة لا طبعاً

عدنان اومال هتتجوزها لي 

آدم قولتلك مصلحة 

نظر له عدنان بعدم فهم 

آدم هكسب فيك ثواب و افهمك بص يا سيدي

     (انا واحد عازب مبعرفش حتي اعمل كبايه شاي هتجوزها هتكون جارية عندي تلبي طلباتي و رغباتي و بس يعني معني أصح هتكون خدامة هنا و طبعا مش هعرف حد اني متجوز انت بس عشان صاحبي و مستحيل اخبي عنك حاجة )

عدنان بزهول من تفكيره انت ازاي كدا يا اخي اعتبرها اختك هترضي حد يعمل معاها كدا 

آدم بلا مبالاة اولا انا معنديش اخوات بنات ثانيا اذا كان أهلها موافقين و بايعنها انا الي هخاف عليها 

عدنان انت ازاي هتبقي مهندس بتفكيرك دا لو أهلها مكنوش سند ليها المفروض انت تكون سندها و تعوضها عن أهلها دول لو كانوا مش متعلمين و اتخلوا عنها خليك انت جمبها يا متعلم 

آدم بقولك اي فكك بقي من الحوار دا مش عاوز اعكر دماغي و انا رايحلها بليل كدا كدا اصلا هطلقها بعد ما اتخرج بس اكون استمتعت بجمالها و زليتها شوية اصل انا شرير هههههههه

عدنان ربنا يهديك يا صاحبي و يزرع حبها في قلبك و يشيل الغمامه الي علي عينك دي ثم أكمل بصوت منخفض و يعين البنت دي عليك 

آدم بيقولوا عليها مزة بس يا خسارة الحلو مبيكمالش مش متعلمة عارف انت لو كانت متعلمة كنت خليتها مراتي للأبد

عدنان في محاولة إقناعه طب ما تعلمها انت و ينوبك فيها ثواب 

آدم يا عم انا فاضي اعلم نفسي لما اعملها لو كانت نافعة في علام كانوا أهلها علموها

رتب عدنان علي كتفه و قال 

 هيجي اليوم الي هتحبها فيه يا صاحبي بس ادعي انه ميكونش فات الاوان وقتها 

_______źahrä__________

تتنقل بين اثات البيت بخفه و سلاسه ترتب و تتظف تمسح و تكنس و كل هذا بأمر من والدتها لأجل من ؟!

    لأجل ما يدعي بـ عريس الغفلة

هكذا أطلقت روان علي آدم عريس الغفلة و لكي الحق يا بنيتي فانتي مقبله علي ما هو ليس بالهين …

توحه (تحية) خلصتي يا زفته انتي 

روان خلاص قربت اهو فاضل المواعين في المطبخ هغسلها و خلاص 

توحة انا مش عارفة انتي بتقعدي ميت سنه علي ما تخلصي شغله لي قربي روحي استحمي و سيبي المواعين انا هغسلها الراجل علي وصول 

روان بلا مبالاة طيب ماشي 

و ذهبت و هي تتمتم في سرها 

 ( يكش يولع بجاز وسخ خسارة فيه الجاز النضيف و هو جاي في وسط البحر ما يلاقوا كوباية ماية يطفوه بيها اووووووف بقي )

_________źahrä_______

سيد ها يا ولية خلصتوا كل حاجة 

تحية اه خلاص كل حاجة بتخلص اهو فاضل بس تيجيب حتيتين جاتوا و شوية مشكل لزم التحلية

سيد بضيق و انتي مش فاكره تقولي غير دلوقتي

تحية ما انا مفكراك عارف يا سيد 

سيد طيب ماشي هروح اجيب الحاجة دلوقتي بس طمنيني البت جهزت و بقت حلوه كدا عاوزها ملعلعه بتشف و ترف 

تحية اهي بتجهز اهي و انا جيبالها شوية مكياج هيخلوها فله يخويا

سيد طيب يلا خليها تخلص الراجل علي وصول وانا هروح اجيب الضيافة من علي أول الشارع

تحية تيجي انت و هو بالسلامة يخويا 

_______źahrä______

آدم يعني مش هتيجي معايا يا عدنان 

عدنان لا يا صاحبي مش هقدر والله انت عارف انت والدتي تعبانة و محتاجة خدمة

آدم ما تشوفلك واحده زي الي رايح اخطبها دي تخدمك انت و امك 

عدنان لا يعم الي مرضهوش على أخواتي و ولادي مرضهوش على بنات الناس حتي لو أهلها موافقين 

آدم براحتك انا كنت بقول بس عشان والدتك و خدمتها

عدنان انا الحمد لله مش محتاج مساعده من حد و اقدر اخدمها بعنيا و هي علي دماغي من فوق

آدم ربنا يخليهالك يا صاحبي و يشفيها

عدنان اللهم آمين تسلم يبشا 

آدم همشي انا بقي

عدنان تمام مع السلامة و فكر في كلامي تاني

آدم أن شاء الله

________źahrä______

تحية يلهوي اي الي انتي عملاه في نفسك دا 

(كانت روان ترتدي ثياب بالية للغاية يكاد يستخدمها الأمهات قطعة للمطبخ و وضحت احمر شفاه بطريقة ترعب من يراه و كانت المكياج موضوع علي وجهها بطريقة تجعلك تكاد تقع على الارض من فرط الضحك )

روان مالي ما انا كويسة اهو ثم أكملت لتجعلها تغضب اي رأيك حلوه مش كدا 

تحية بغضب اه جميلة اوي غوري اغسلي وشك و نضفيه من القرف دا دا انتي لو قاصدة تطفشيه مش هتعملي كدا 

ثم اكملت اخلصي اغسلي وشك دا و تعالي انا الي هظبتك يلا انجري قبل ما ابوكي يجي يشوفك كدا و ساعتها هيطين عشتك و عشتي معاكي 

روان بزهق طيب اتزفت 

أعدت تحية روان و جهزتها للقاء آدم فكانت روان جميله لدرجة أنك أن نظرت لها وقت اسير عشقها في الحال و لكن هذه هي الحياه تعطينا أشياء و تحرمنا من أشياء اخري و كان نصيب روان المشقة و لتاتي بعدها الراحة الأبدية …..

دلف سيد الي المنزل و معه الضيافة لعريس الغفله كما أطلقت عليه روان 

سيد خلصتوا وألا اي الراجل زمانه على وصول 

تحية اه الحمدلله خلصنا اه تعال شوفها كدا 

دخل سيد الغرفه التي تكمث فيها روان 

سيد بسم الله ماشاء الله تبارك المولي فيما خلق 

دا انتي هتهبلي الراجل يا بت بس يا ريت تكوني ناصحة و مفتحة كدا و مش عاوز اي غلطة

روان بابتسامة صفراء أن شاء الله 

كاد سيد أن يتحدث و لكن قاطعه رنين جرس الباب. 

روان بسرها شرفت يا عريس الندامة مولعتش لي و انت جاي صدقيني كنت هفرح اوي ..

سيد البشمهندس آدم وصل اهو انا هاخدة و تقعد في الانترية شوية و لما اندهلك تخرجي بالحاجة الساقعة ماشي 

 روان ماشي 

________źahrä_________

فتح سيد الباب

آدم السلام عليكم

سيد و عليكم السلام اتفضل يا بشمهندس

آدم بتواضع زائف اسمي آدم بس يا عم سيد وألا انا مش زي ابنك بقي 

سيد يا خبر دا انت اكتر من ابن ليا يا آدم اتفضل ادخل واقف على الباب لي 

دخل آدم و جلس في الانترية او كما يدعي الصالون 

جلسوا في صمت تام الي أن قطع هذا الصمت صوت سيد و هو يقول ……….

يتبع…..