روايات

اسكريبت انتقام مشروع الفصل الثاني 2 بقلم سولييه نصار

اسكريبت انتقام مشروع الفصل الثاني 2 بقلم سولييه نصار

اسكريبت انتقام مشروع البارت الثاني

اسكريبت انتقام مشروع الجزء الثاني

اسكريبت انتقام مشروع الحلقة الثانية

جاتلي رسالة من اخت جوزي منار …غريبة هي طول عمرها بتكره*ني اووي ايه اللي جد يعني ….كانت عايزة تقابلني شخصيا بخصوص فرح وسليم …كنت ساعتها زي الغريقة عايزة اتعلق بأي قشاية والقشاية دي كانت منار …من غير ما افكر كتير اتصلت بيها ومن غير سلام ولا كلام حتي قالتلي علي المكان اللي هنتقابل فيه والزمان كمان …قومت وغسلت وشي وضبطت نفسي وخرجت
– علي فين يا قطة
قالتها مرات ابويا بسخرية
-ملكيش دعوة …
قولتها ببرود ومشيت …
…..
بعد نص ساعة كنت قاعدة قدام منار اللي كانت بتشرب قهوتها بهدوء…منار ست جميلة وشيك اوووي رغم انها اكبر مني بعشر سنين بس اللي يشوفها يقول انها اصغر …ملامحها بريئة…بس  دايما متقلدة البرود …ممكن بسبب خي*انة جوزها ليه وطلاقها منه …رغم انها عمرها ما ح*بتني ولا اتقبلتني الا اني معجبة بعزة نفسها رغم انها ب*تموت في جوزها الا انها رمته برة حياتها بعد اول خيانة رغم انه عمل المستحيل عشان يرجعها بس هي رفضت
-هتفضلي بتتأملي فيا كده كتير …بقلم سولييه نصار
صوتها خرجني من تخيلاتي
بصتلها وقولت:
-انتي طلبتيني وقولتي عايزاني بشأن فرح وسليم
-عرفت باللي سليم عمله
ابتسمت بتريقة وقولت :
-اها …قولي كده طبعا الفرحة مش سايعاكي صح ؟!
– كان نفسي بجد اقول اه يا حنين انا في الحقيقة مش بتقبلك …بس بجد زعلت
-كتر خيرك والله …بس هنعمل ايه جوزي اختار اختي وفرحهم الخميس اللي جاي
– بس جوازهم كده هيبقي باطل
بصتلها بإستغراب
-مش فاهمة .
-انتي مراته
– هو طلقني
– بس عدتك مخلصتش
– وده
فجأة سكتت وانا بستوعب …حطيت ايدي علي بوقي وانا ببصلها بذهول …فجأة ابتسمت …ابتسمت هي وقالت:
-طبعا انتي عارفة هتعملي ايه صح ؟!
وقامت ولسه هتمشي وقفتها وقولت:
-انتي ليه بتعملي كده ؟
ابتسمت. قالت:
-صحيح انا مش بطيقك بس انتي ارحم من اختك الحرب*اية…..
مشيت فأنا ابتسمت
…..
رحت علي بيت سليم وخبطت بس اللي فتحتلي فرح …
بصتلي بغضب وقالت :
-انتي ايه اللي. جابك هنا
زقيتها وانا بقول ببرود :
-جاية بيتي يا فروحة مالك …
لقيت مرات ابويا كمان …ابتسمت وقولت:
-اهلا الع*قارب كلهم متجمعين هنا في بيتي .
سليم قرب مني وقال :
-انتي بتعملي ايه هنا ؟! قولتلك مش عايزك …انتي معندكيش كرامة وفرحي علي فرح بعد اسبوع
قعدت وانا بضحك وقولت :
-اسكت مش قولتلك …خلاص يا حبيبي مفيش فرح بح
-افندم
-اه والله …اصل في تفصيلة صغيرة قد كده نستوها وانتوا بتحاولوا تط*عنوني في ضهري
بصلي وقال بحيرة :
-ايه هي
-مينفعش تتجوز اختي الا بعد العدة بتاعتي
-نعم
قالوها التلاتة سوا
ابتسمت بخبث وقولت:
-نعم الله عليكم يا حبايبي انا سالت الشيخ لو عايز تسأل اسأل …
بصيت لفرح وابتسمت وقولت:
-الا لو عايز علاقتكم تبقي حرام …
اتوتر سليم فضحكت وقولت:
-وفي خبر كمان للاسف …لحد ما تخلص عدتي…انا هقعد عندك هنا اصلي مش مرتاحة في بيتنا وطلاقنا رجعي يعني ينفع جدا ابقي في البيت هنا …
كانوا بيبصولي بصدمة فضحكت علي شكلهم وقولت :
-وبما اني ست البيت هنا وانتوا ضيوفي تحبوا تشربوا حاجة …ممكن اعملكم مانجا !!
يتبع ..
لقراءة باقي حلقات الرواية اضغط على (اسكريبت انتقام مشروع)

اترك رد