Uncategorized

رواية نور وسط الظلام الفصل الثالث 3 بقلم هنا سلامة

 رواية نور وسط الظلام الفصل الثالث 3 بقلم هنا سلامة

رواية نور وسط الظلام الفصل الثالث 3 بقلم هنا سلامة

رواية نور وسط الظلام الفصل الثالث 3 بقلم هنا سلامة

مروان : ايه مفاجأه و لا ايه يا حرامي
آدم: انا الي حرامي.. و لا انت الي عاوز تاخد فلوس مش من حقك تاخدها
مروان علا صوته و رمى آدم على الكرسي جامد و قرب منه اووي
نور : انا سامعه صوت زعيق من مكتب آدم هو في ايه
نور فتحت الباب و لقت مروان واقف قدام آدم و أدم مرمى على الكرسي من غير ما تفكر راحت مسكت مروان من ورا من ايده و زقته و راحت بخضه
نور : آدم انت كويس
آدم : اه اه كويس
نور وقفت آدم وراها و كلمت مروان
نور : انت ازاي يا أفندي يا محترم تدخل من غير احم و لا تخبيط على باب الناس ده لو زريبه مش هتعمل كده لا و كمان داخل على الراجل في مكانه و مكتبه انا هنده الامن يطردك بره يا زباله يا حسااله انت
مروان مسك نور من ايدها جامد و قالها : احترمي نفسك يا..
قام آدم خد ايدها و زقه و قاله : كلامك معايا و متلمسهاش
الأمن : فيه حاجة يا أدم بيه
نور : اه خد الزباله ده بره و ميدخلش الشركه دي تاني الا قسما عظما ما هتشوفو يوم عدل
الأمن : حاضر يا هانم
بعد خروجه
نور : انت كويس يا أدم!؟ انا قلقت عليك اووي.. اقصد يعني لما سمعت صوت الزعيق قلقت
آدم : انا كويس انت الي كويسه؟!
نور : اه.. اه
آدم : مالك؟!
نور : مفيش.. بس اول مره اخد بالي من عينك
آدم : داده ناديه دايما تقولي يعني العيون الحلوه دي تتعمي؟!
نور: ده هي الي تستاهل العمى و الله
آدم بضحك : ايه؟!
نور :لا مفيش بهزر
ادم : طيب الساعة جت ١٠ معتش ورانا شغل ممكن نروح بقى
نور : ماشى
آدم : ايه ده
نور : اصلي طلبت عم محمد يجيب العربية و قولتله يروح هو لأنه كان تعبان
آدم : طيب مين هيسوقها
نور : أمي
آدم : ايه؟!
نور : انا يعني هيكون مين يا أدم
ملك : ايه ده آدم.. عامل ايه
آدم : ازيك انت يا ملك انا الحمد لله
ملك : وحشتني اووي
نور : انا هركب العربية انا لأن الحب ولع في الدرة
ادم: استنى يا نور
ملك : مين القطه
آدم : نور مديره البيت و المسئولة عني في الشركه و. البيت و بتشتغل معايا
ملك باستهزاء : شغاله يعني
نور بصوت عالي : شغاله في عينك يا بت انت اهو احسن منك مش بلفلف في الشارع
ملك : انت قليله..
آدم يقاطعها: ملك لو سمحتي
ملك : مش شايف هي بتقول ايه
نور بتريقه و بتقلدها : صحيح مش شايف
آدم : نور الله خلاص بقى.. و بعدين يا ملك انت الي بداتي
ملك : سلام يا أدم
نور: بت رخمه
آدم بيضحك جامد اووي
نور: بتضحك على ايه انت
آدم : عليكي
نور : اشمعنا؟!
آدم : انا مفيش بيني و بينها اي حاجه على فكره
نور : بجد.. اقصد يعني يخصني في ايه اتفضل اركب بقى
ادم : براحه و انت ماشيه علشام منعملش حادثه.. انت ماشيه بسرعه كده ليه ها؟! نهاية العالم
نور بتريقه: لحسن نقابل واحده تقولك وحشتني اووي نيني
آدم بضحك : انت مسخره
نور : نفس سألت البت إلي كانت واقفه معاك
بعد ١٠ دقايق
نور : آدم آدم آدم اصحى وصلنا
آدم : المقص المقص المقص
نور بفزع : آدم آدم في ايه..
آدم : هو انا قولت ايه؟!
نور : قولت المقص المقص..
آدم : معلش انا عاوز انام بس
نور : و لا يهمك اتفضل هات ايدك
نور في نفسها : ايه حكاية المقص دي يا ربي؟! انا هتجنن
جوه القصر
داده ناديه : آدم انت جيت.. احضر الاكل
آدم : لا انا هتغدى بره النهارده
نور : طيب الحق نام شويه
آدم : و انت كمان عم محمد قالي انك كنت سهرانه
نور باستغراب : صحيح يا أدم ايه القوضه دي
آدم بغضب شديد مسك ايد نور و شهدها و قال بصوت عالي : نور ملكيش دعوه بالاوضه دي انت فاهمه و لا لا؟!
نور بخوف شديد : فاهمه.. فاهمه
آدم : متجيش ورايا يا نور متجيش
نور : هطلعك بس
آدم بصوت اجش : لا مش عاوز مش عاوز
آدم في نفسه : هو ليه كل حاجه النهارده مصممه تفكرني بيه؟!
نور طلعت وراه من غير ما ياخد باله و دخل القوضه و قفل الباب جامد
فجأه…
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم

تعليق واحد

اترك رد