Uncategorized
رواية مريضة سرطان وخط النجدة الفصل الثاني 2 بقلم أمل صالح
رواية مريضة سرطان وخط النجدة الفصل الثاني 2 بقلم أمل صالح
 |
| رواية مريضة سرطان وخط النجدة الفصل الثاني 2 بقلم أمل صالح |
رواية مريضة سرطان وخط النجدة الفصل الثاني 2 بقلم أمل صالح
بصت للفون : ليه عملت كدا
_ عشان متخسريش دنيتك واخرتك يا آنسة ابرار..ممكن تنزلي انا اللي تحت دا
بصت تحت وبعدين وقفت وبدأت تبكي…
بصت للمسافة بينها وبين الأرض بدموع وخوف…
رفعت راسها وصرخت : ياااااااااااااارب
غمضت عينها ولسة هترمي نفسها حست بحد بيحاوطها وبيشدها لورا…
بصت لقته نفس الشخص اللي كان بيشاور ليها تحت…
شدت ايدها من بين ايده وزعقت…
_ حضرتك مالك اموت او لا مااااااالك
: دا واجب عليا حضرتك انتي كلمتي خط النجدة
بصتله وبعدين نزلت دخلت بيتهم ورزعت الباب في وشه…
دقيقه لقت الباب بيخبط…
فتحته ولقيته في وشها…
_ افندم
: محتاجين ناخد أقوالك و عملتي دا بدافع ايه
_ مش بدافع حد
: ممكن اتكلم مع حضرتك شوية
_ لا
قفلت الباب تاني في وشه…
نزل الشاب للعربيات اللي تحت…
طبعا الجو مخلاش من الناس اللي طلعت من بلكونتها بتسأل ايه اللي حصل…
حاول يتحجج بأي حاجة عشان يسكتهم وبعدين ركب العربية ومشى…
وفي نص الطريق سأله صاحبه…
_ هنعمل ايه يا سمير مهي ممكن تكررها
: هراقبها
_ يخربيتك يعم انت مالك
: ياخي دي روح بني آدمة وبعدين هي قتالة قتلة دي بنت يعني
_ انت حر
… تاني يوم …
كانت قاعدة قدام النيل كالعادة بتتكلم كأنها بتكلم شخص قصادها…
بتحكيله كشخص امين مش هيطلع سرها…
وعلى رأي اللي قال سرك في بير…
_ تعرف حصل معايا حاجة غريبة امبارح بس انا غبية انا لسه كلمت خط النجدة مش كان زماني عند ربنا الوقتي وبعدين البني ادم دا ماله مش فاهمة انا بحب احكيلك عشان هتسمعني ومش هتقول لحد
: اممممم وميتنفعش تحكيلي انا
لفت لقته نفس الشخص…
او زي ما عرفنا انه سمير…
_ انت عايز مني ايه
: انتِ في ايه في حياتك عشان تبقى كدا
_ انت مالك اصلا ابويا انت ولا اخويا
: اعتبريني النيل
قامت وقفت من مكانها ومشت…
وقبل ما تكمل طريقها لقت اللي وقف قدامها ونزل بإيده على وشها….
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم