رواية في ظلمة بيجاد الفصل الخامس عشر 15 بقلم كنزي حمزة

مازل محتجزاً بعد أن تحولت أوراق القضية الي النيابة العامه والتي قررت أن ينقل من القسم الي داخل السجون

وجد نفسه بين ليلة وضحاها تحول من كبير بلد بأكملها الي زليل يحتجز مع المجرمين بل ويتعامل بطريقة غريبة عليه

لم يتعامل بها من قبل فعلم ان ابن أخيه ليس بهين ولابد ان يهابه ويعمل له ألف حساب

أخرجه من شروده هذا صوت العسكري وهو يناديه

تعالي يا مهران

خير يا شاويش اجي فين

يعني هاخدك على السيما قوم يا راجل انت ليك زياره في مكتب المأمور

مين لو بيجاد ابن اخويا مش عايز اقابله

بقولك قوم الباشا المأمور طالبك انا ماعرفش مين اللي عنده

طيب يا شاويش يلا اما نشوف ده مين اللي جاي يزورني ده كمان

///////////////////////////

وداخل مكتب المأمور وجده يجلس بأنتظاره

مين هو انت يا حج عدلي

حج مهران ازيك يا صاحبي عامل ايه

وقف أمامه يرد له السلام محتضن اياه بحميميه ليتحدث المأمور

تعالي اقعد يامهران انا هاخرج بره شويه واسيبك تقعدو براحتكم مع بعض

وبعد أن خرج وترك لهم مكتبه جلس أمام صديقه على الاريكه بوجه يكسوه الغضب

شوفت ابن ال……. يا عدلي شوفت عمل فيا ايه

اهدي يا حج مهران عشان تعرف تفكر الواد حابك القضية صح وانت بعندك ده هاتضر فيها جامد

عايزني اديله نص ملكي بعد ما كسر عيني واخد مراتي وبنتي من بيتي يا عدلي

اطمن يا مهران النهارده هاخلصك منه هو زمانه راجع دلوقتي هو صاحبه وفي الطريق هايلاقوا اللي مستنيهم

كده تمام يجيلي هنا بقى وانا اخلص عليه بأديا

لاء احنا عايزينو لما يجي نتفاهم معاه براحه لحد ما يخرجك من الورطه دي

بس هو يجي يا عدلي

بقلمي/ميادة مأمون/////////////////////////////

زي ما قولتلك يا حسن احنا هانسلم الحج عدلي العربيه بالبضاعه وبعد كده مافيش شغل في الحوار ده تاني

امين يا صاحبي احنا متفقين انا معاك في اي حاجه

اي ده هَدي يا حسن هَديييييي دي لجنه يا حسن لجنه

لجنه ايه دي عمرها ما حصلت ووقفت لجنه في داخلة البلد كده

بقولك أقف اكيد اتغدر بينا

مش هينفع أقف يا بيجاد لو اتغدر بينا زي ما بتقول يبقى الحوار ده كله عشانك انت لكن انا هايقفولي ليه ولو لعدلي كانوا صبرو لما وصلت عنده وهجموا على بيته نط من العربيه واستخبي في الزرع

مش ممكن هاسيبك لوحدك

اسمع الكلام مافيش وقت انت هاتعرف تساعدني لو انا اتحبست لوحدي لكن لو اتحبسنا احنا الاتنين يبقى مش هانخرج منها بقولك نط يلااااااا

فتح له الباب الجانبي وزجه بيده للخارج يحثه على النزول من السياره

انزل بقى يا بيجاد بس بقولك اوعي تخلي بيا لو اتحبست انت المحامي بتاعي فاهم اوعي تسيبني ياض دي فيها ٢٥ سنه

ماتخفش يا صاحبي مش هاسيبك وربنا ماهاسيبك يا حسن

قفز من السيارة وجرى وسط الزراعات واختفي بينها واستتر باليل حتى يرى ماذا سيحدث لصديق عمره الذي ضحى بنفسه ليحميه

رأه وهم يسحبونه من خارج السيارة و اخرجو من داخلها المخدرات بسهوله وكأنهم يعلمون الأماكن المختبئة بها جيداً

قيدوه بالحديد ووضعوه بهذا الصندوق الحديدي المتصل بعربة الشرطه ليأخذوه معهم وبعدها بلحظات أنفض ذلك الكمين

ليتأكد هو أن صديقه كان معه كل الحق حين قالها له

انهم يقفون بانتظاره

////////////////////////////////

وقفو هم الاثنان مرتابين في أمره حين وجدوه دلف إليهم وسريعا ما اتجهه لغرفة مكتبه وهو يسب ويلعن كل شئ

مالك بس يا بيجاد من ساعة مادخلت الفيلا وانت بتزعق وغضبان كده انت اصلاً كنت فين طول النهار وحسن صاحبك كمان فين

ابعد عني يا زياد سيبني في حالي دلوقتي خليني اعرف افكر هاخرجه من الورطه دي ازاي

ورطة ايه هو راح فين

اتقبض عليه

ايه ازاي ده

ماهو ده اللي عايز اعرفه انا لازم اروح لعدلي العزيزي عشان اعرف ليه عمل كده

هو الحج عدلي صاحب بابا هو اللي حبسه طب ليه

ماكنش يقصده هو يا فرح هانم اكيد كان قاصدني انا

كان عايز يلبسني قضية مخدرات اخد فيها تأبيده على الأقل

طب ليه يعمل كده معاك بس

هو اللي لازم يجاوب على السؤال ده انا هاروح ليه واعرف منه هو عمل كده ليه وان كان اللي في دماغي صح يبقى تنسى أن ابوكي هايخرج من السجن تاني

بقلمي/ميادة مأمون/////////////////////////////

ولج اليه والشرار يكاد يطق من عينه

كان الاخر يجلس بمنتهى الراحة حين رأه ولاتظهر عليه أي معالم ضيق او حتى تأثر على بضاعته وامواله التي خسرها

انت شرفت

اه يا حج عدلي شكلك كده الاخبار وصلتك

طبعاً وصلتني خسرتوني ٢ مليون غير المكسب ياولاد ال……..

مش شايفك زعلان عليهم يعني

ليه فاكرني…… ياض انا حقي مابيضعش وهاترجعلي بضاعتي غصب عنك

وعايزيني ارجعها ازاي بقى انشاء الله إذا كانت الحكومه حرزتها وحسن اتقبض عليه

ما في ستين د…… انت وحسن بتاعك لكن بضاعتي ملزم تردها يا هي يا تمنها يأما بقي

ايوه هي يأما دي اللي انا مستنيها وعايز اسمعها منك

تتنازل عن قضية عمك ويخرج منها وتطلق فرح بنته

ههههههههههه طب وربنا كنت متأكد بس مش حرام الواد حسن الغلبان يروح فيها

نصيبو بقى انا كنت عايزك انت بس اهي جات كده وفداك بتأبيده أبن ال……. الغبي

كده وضحت الرؤيه ومسكت كل الخيوط في ايدي انسى يا حج عدلي انت حياتك في أيدي مانا بردو مش عيل طري وماسك عليك حاجات توديك ورا الشمس

وحسن انا هترافع عنه في قضيته وهاجبله اخف حكم ومش بعيد تلاقي نفسك ملطوط فيها

و اللي بتقول عليه عمي ده مش هايخرج منها تاني و حياة اللي شوفته على ايده لخليه يدوق الذل كله وهو في السجن

انت بتتحداني يا بن ال…… دانت مش هاتخرج من هنا على رجلك ديتك رصاصه بتلاته مليم

حتى دي مش هتعرف تعملها انا لو مت انت هيتقبض عليك في ثانيه وكل الورق الو……. هايظهر للنور والمخازن هاتتفتح ويبقى فيها اعدام خاف مني من هنا ورايح بقي

سلام يا عدلي يا عزيزي ولو ان مش هيبقى بنا سلام بعد كده

///////////////////////////////

وبعد عدة شهور ارتفع سيط المحامي بيجاد الالفي عُرف جيداً وسط المحافظة بعد ان وقف لصديقه في تلك القضية ونجح فيها وهو يترافع عنه أمام القضاه وحصل له على أقل حكم من خمسة وعشرون عام الي خمس سنوات فقط

كما أشرك عدلي العزيزي فيها حيث أظهر للقاضي أوراق تدل على أن تلك الشحنة بأسمه

لكن الاخر ايضاَ اثبت عن طريق محاميه ان شحنته كانت عبارة عن اسمدة زراعية ولا علاقة له لتجارة المخدرات

ولكن هذا لا يمنع أن هذا البيجاد قد ألفت النظر اليه

واصبحت عين الحكومه ترصده أينما يكون وهذا ما كان يأرقه ويزيد من كرهه وحقده وما ينتويه لبيجاد