Uncategorized
رواية بحر الزين الفصل الثاني 2 بقلم أمنية الجزار
رواية بحر الزين الفصل الثاني 2 بقلم أمنية الجزار
 |
| رواية بحر الزين الفصل الثاني 2 بقلم أمنية الجزار |
رواية بحر الزين الفصل الثاني 2 بقلم أمنية الجزار
نزلت والكل فرحان لبنات عمي وانا دموعي نازله
رحت لجدي هو الي هيقدر يقنع بابا اني
اكمل تعليمي
اصل احنا قاعدين في بيت عيله
رحت لجدي استقبلني بكل حنان
تعالي ي قلب جدك الف مبروك
النجاح ي حبيبتي
رديت عليه وانا بحضنه
الله يبارك فيك ي جدو ي قمر انت
وبعدين اتكلمت وعيوني بتهدد بنزول الدموع
انا عايزاك تكلم بابا ي جدي
عايز يقعدني من التعليم مش عايزني
اكمل تعليمي وزعقلي
حتي ماما متكلمتش وحاولت تقنعه حتي
طب ي بنتي هو ليه مش موافق بس
اتكلمت وانا دموعي نازله
علشان مجموعي مش عاجبه
مع اني والله كنت بذاكر وعملت الي عليا
بالله عليك ي جدي اقنعه انا نفسي
اكمل تعليمي حرام بعد السنين دي
كلها ويجي على أهم مرحله
ويقعدني
خلاص ي بحر انا هكلمه
وهتكلمي تعليمك حتي لو غصب عنه
امسحي دموعك دي واتبسطي
حضنته وانا فرحانه
حاضر ي حبيبي
سبته وطلعت قوضتي
تحت الجد نده لمحمد والد بحر
نعم ي بابا حضرتك طلبتني
ايوه تقدر تقولي يعني ايه مش
عايز بنتك تكمل دراستها
كده لأنها مجبتش المجموع الي انا عايزه
وهي تعمل ايه يعني
ماهي ذاكرت وعملت الي عليها
والنتيجه دي بتاع ربنا
وأكيد ده فيه خير ليها
بس ي بابا
اتكلم بشئ من الغضب
مافيش بس هنكمل علامها يعني
هتكمله هي ولا بنات عمها الي جايبين
اقل منها مش بكفايه خلتها تعيط في
يوم زي ده بدل ما تفرحها
اتفضل امشي
فوق عند بحر
سمر بنت عمها هو صحيح ي بحر عمي
مش هيخليكي تكملي
ريم بنت عمها واخت سمر التوأم
صحيح ي بحر الكلام ده طب محولتيش
تقنعيه ليه طب اقولك
قولي لجدي واكيد هيخليكي تكملي
رديت على ريم
متقلقيش ي قلبي هكمل
وسبتهم وخرجت قلت اقعد علي سطح
البيت شويه بس قبلت وانا خارجه بابا
اعملي حسابك هتدخلي الجامعه
بس لو تقديرك معجبنيش هتقعدي
انتي فاهمه
وسبني ومشي من غير ما يسمع ردي حتي
اتنهدت بتعب انا معملتش لبابا حاجه
علشان يعملني كده
يلا مش مشكله المهم دلوقتي اني هكمل تعليمي
وهجتهد اكتر يمكن بابا يعاملني حلو
وكملت طريقي وطلعت علي السطح
كنا بليل والسما شكلها جميل
والنجوم وهدوء جو كفيل أنه يريح
الأعصاب والله
فضلت واقفه شويه وبعدين
شغلت عمرو حسن وسرحت
لحد ما لقيت حد بيحط أيده علي كتفي
ي رايقه بقي انتي هنا وانا بدور عليكي تحت
رديت وانا مبتسمه عمر وبعدين كشرت تاني
عمر يبقي ابن عمي وأخو سمر وريم الكبير وزي اخويا
رد وهوبيضحك علي شكلي
ي سلام وانت فين من الصبح
قلبك ابيض بقي كنت مع صحابي
وخدي جبتلك ده هديه نجاحك
ولقيته بيديني ورده ومعاها روايه
قلت وانا بخدها منه
خلاص ي اسطا طالما جبت روايه يبقي براحتك
ي بنتي مش هتبطلي كلامك ده
ايه ي برنس ماله كلامي بس وبعدين انت والبت ريم
الي بتكلم معاهم كده
غير كده انا كيوت والله
كيوت طب حسبي هتولعي من الكدب
المهم انا عرفت أن عمي مش راضي يخليكي تكملي
ي ختاااااي هي البت ريم لحقت قالتلك
بس متقلقش انا كلمت جدك وهو كلم بابا
ووافق اكمل
اتنهدت بتعب وغصب عني عيطت وقولت
انا مش عارفه هو بابا ليه مش بيحبني
ده يوم زي بدل ما يفرحني خلاني اعيط
وماما دايما موافقاه علي اي حاجه
تخيل متكلمتش خالص انهارده
ولما حولت استنجد بيها قالتلي الي باباكي
يقوله هو الي هيحصل هما ليه كده معايا
انا والله بحاول علي قد ماقدر اخليهم
فخورين بيا بس مهما اعمل دايما
معامله بابا معايا وحشه
بصتله ووشي كله دموع
عمر هو انا وحشه للدرجادي
وحشه ومش كويسه أن اهلي ميحبونيش
طبطب عليا واتكلم
لا انتي مش وحشه ومعلش انتي عارفه عمي
صعب وشديد شويه ومامتك مش
بتحب تعارضه في حاجه
وبعدين اتكلم بمرح شويه
وبعدين ي بت انتي من شويه كنتي ولا السرسجيه
قلبتيها نكد ليه صدق الي قال دا الستات تعشق
النكد زي عينيها
صحتك عليه وقلت
ستات مين الي نكد ي جدع انت الاه
ايوه طلعي جعفر الي جواكي دانتي الي
هيتجوزك الله يكون في عونه والله
اتكلمت بخفوت
لا مش هتجوز انا
#موني
بحر الزين(3)
في أسوان بيصحي شاب نشيط رياضي
يتوضي ويصلي وينزل علشان يفطر
صباح الخير ي أمي
صباح الخير ي حبيبي يلا علشان تفطر
حاضر امال فين بابا
نزل من بدري علشان شغله
تمام
لسه مصمم على السفر ي زين
اه ي أمي ده شغلي
بس ي ابني رب هنا رب هناك اشتغل هنا
لأ وهناك افضل وبعدين خلاص المطعم
خلص واسبوع كده وهعمل الافتتاح
اتنهدت
خلاص ي حبيبي ربنا يوفقك
ي رب ي حبيبتي
يلا انا هقوم علشان الحق امشي
طب حاجتك جهزه
اه كله جاهز الشنطه جاهزه من امبارح
الشقه الي هقعد فيها اشتريتها خلاص
خلاص ي حبيبي ربنا يوفقك ويوقفلك ولاد الحلال
باس ايديها يارب ي أمي انا لازم امشي دلوقتي ابقي سلميلي علي ابويا
طب ماتستني علي ما يجي
مش هينفع والله ي أمي يدوب الحق امشي
مع السلامه ي ابني
زين سبها ومشي في طريقه للقاهره
عند بحر
يلا ي بحر هنتأخر
يوه ي عمر جيه اهو اخواتك جهزوا
اه يختي جهزنا
طب يلا
اتكلمت ريم اخت عمر وهما في العربيه
احنا رايحين فين ي عمر
هفسحكوا انهارده بمناسبه النجاح
اتكلمت سمر بفرحه
بجد طب نروح الملاهي
اتكلم عمر بسخريه
ملاهي بقي داخلين جامعة وعايزه تروحي الملاهي
اتكلمت بحر
اه نروح الملاهي وبعدين ايه يعني داخلين جامعة
أكبر مننا وبيروحوا
خلاص ي ختي انتي وهي انا هسلك معاكوا ملاهي ملاهي
اتكلمت ريم بفرحه وحب
حبيبي ي عمور
اتكلم بغيظ
عمور طب اكتمي بدل منزلك
اتكلمت بسرعه
علي ايه قلبك ابيض
وراحوا الملاهي وقضوا اليوم كله بره
عند زين
وصل القاهره بعد وقت كبير وراح علي شقته
واتصل علي صاحبه
ايوه ي جاسر
اهلا زين وصلت
اه انا في الشقه اصلا
حمدالله على السلامه
الله يسلمك
ها المطعم أخباره ايه
تمام خلاص الاسبوع الجاي الافتتاح زي ماحنا متفقين
طب والموظفين
كله تمام متقلقش
كويس هقفل بقي علشان هموت وانام وأشوفك بكره
سلام
قفل مع جاسر ونام من تعب السفر
عند بحر
يلا انزلوا
وانت رايح فين
هركن العربيه احسن عمك يولع فيا دي معيا من الصبح
اتكلمت ريم
طب اركنها ي خويا عقبال متجيب عريبه
ي رب يختي
البنات دخلوا البيت وعمر راح يركن العربيه
في البيت
الجد اتكلم بحب
اهلا ي حبايبي اتبسطوا
ردت سمر
اوي ي جدو
الجد اتكلم
تعالي ي بحر ي حبيبتي وحشتيني اوي
ردت بحر وهي بتحضنه
انت اكتر ي قلب بحر والله
سمر سبتهم وطلعت وهي متعصبه
وريم اتكلمت بمرح
ايه ي جدو هي بحر بس الي وحشتك
والله وكده مينفع
رد بضحك وانتي كمان ي حبيبت جدك واخدها في حضنه
دخل عمر واتكلم بمرح
خيانه بتحضنوا من غيري
اخرس ي ولد
احم ايه الإحراج ده طب انا عايز اقولكم على خبر حلو
انا لقيت شغل
بحر اتكلمت بفرحه
بجد فين
احم في مطعم يعني جرسون علي ما كمل علي الفلوس الي معايا علشان افتح الكافيه الي بحلم بيه
اتكلمت أمه بعصبيه
جرسون انت بتستهبل
رد عليها
ي ماما ليه بس انا بشتغل اي حاجه علشان افتح الكافيه الي بحلم بيه
وبعدين الشغل مش عيب
رد الجد
خلاص ي امو عمر سيبه هو حر
سكتت بغيظ
فوق عند سمر بتتكلم في الفون مع صحبتها
ايوه ي بنتي كنت مع عمر اخويا بيفسحنا انا وريم و
الست بحر لزقلنا في كل حته
صحبتها : يبنتي انتي بتكرهيها ليه كده دي حتي باين عليها طيبه وفي حالها
اتكلمت سمر بكره
علشان اخويا بيحبها اكتر مني حتي جدي
طول اليوم بحر مافيش غير بحر
حتي لما عمي كان هيقعدها من التعليم
جدي اقنعه يخليها تكمل
ده حتي ريم اختي بتحبها اكتر مني
صحبتها: اكيد لا جدك اكيد بيحبكوا زي بعض
ما كلكوا احفادوا
وأخواتك اكيد بيحبوها لأنها زي اختهم
بس اكيد مش هيحبوها اكتر منك يعني
اوف معرفش بس انا مش بحبها
وفضلت تتكلم معاها فتره وقفلت
يتبع…
لقراءة الفصل الثالث : اضغط هنا
لقراءة جميع فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير