رواية المستحيل تحقق الفصل الحادي والعشرون 21 بقلم زهرة

نظر لها محمود و قال انا مش عاوز رقمك انتي 

دينا اومال عاوز رقم مين 

محمود بخبث والدك عاوز رقم والدك 

دينا بصدمة عاوز رقم بابا لي 

محمود بخبث ملكيش دعوه هتجبيه وألا ادور عليه بنفسي

روان قالت لدينا بهدوء اديلوا الرقم يا دينا 

أعطت دينا الرقم لمحمود و غادروا الي منازلهم

دينا عاوز رقم شاكر لي الرجل دا .. يلا و انا هوجع دماغ نادية لي يا خبر النهاردة بفلوس بكره ببلاش ..

___________Źahrä____________

بالمساء ..

اجتمعت نهي مع الصحفي يزن و مدير القناة يوسف ..و روت لهم حقيقة روان و أنها بالاصل جاهلة..

يزن بعملية خبر زي دا هيعمل ضجة بس لو طلع فيك تطير فيها رقاب

نهي لا مش فيك بقولك جارتي من و احنا عيال 

يوسف و انتي هتستفيدي اي من تشويه سمعتها كدا 

نهي تقدر تقول قرصه ودن عشان تحرم تمد اديها علي حاجة مش ملكها

يوسف انا مستعد انشر الخبر علي القناه و افضل المذيعين هيزيعوا الخبر بس لو طلع فيك صدقيني انتي الوحيده الي هتنضري

نهي متقلقش و علي العموم تمام لو طلع فيك اعمل الي تعمله دا انا حتي جيبالك صوره من شهادة محو الأمية بتاعتها

اخذ منها يوسف الصورة و دسها في جيبه و قال .. بكرة بأن الله الخبر هيكون مشرف علي القناه..

نظرت نهي الي يزن فقال.. انا هنشر الخبر في الجرنان بكرة برضوا ..و هطالب بعمل لقاء صحفي مع الاستاذة روان ..

نهي بعدم اهتمام اعمل الي تعمله..المهم عندي صورتها تتشوهه و متاخدش شغل تاني .. 

قربت نهايتك يا روان.. عشان تبقي تتحديني تاني..و مروان دا ليا انا ..و فلوسه دي ملكي انا ..الي ذيك المفروض يقضي طول عمره مزلول و ميرفعش عينه علي أسياده..

هل كنتي رب الكون لتقرري مصير أحدهم.. للاسف فلقد عماكي حقدك على أن هناك رب يري و يسمع كل شي ..و معهما طالت مدة الشر سينتصر الخير و ما ارادة الله بالنهاية …

___________Źahrä____________

محمود يا مروان هكلمه بقي 

مروان مستعجل على اي انت 

محمود عاوز اخطبها عشان اكون معاها براحتي

مروان بسخرية و فكرك لو خطبتها هتاخد راحتك معاها انسي يا اخويا

محمود لا مهو هكتب الكتاب علي طول ..

مروان ناصح ياض 

محمود عيب عليك دا انا اخوك برضوا 

مروان طب يلا كلمة

محمود اشطا عليك يا برنس 

مروان بيئة 

محمود هههههههه و أخرج هاتفه و اجري اتصال بوالد دينا …

___________Źahrä____________

كانوا يجلسون و مجبرين علي متابعة المسلسل الهندي بسبب نادية

دينا يا ماما هاتي الريموت بقي المسلسل دا وحش

نادية و هي تاكل اللب ملكيش دعوه و اياكي شوفي اياكي تغيري القناة هعمل منك لحمة مفرومة ..

دينا يا بابا ما تشوف الست دي بقي الاه.. اقولك طلقها و سيبها مع الهندي بتاعها..و 

لم تكمل دينا حديثها فلقد التصق بوجهها فردة الشبشب يتبعه صياح والدتها..عاوزاني اطلق يا بنت الهبله انتي ..و رحمت ستك ما انا سيباكي..ثم أخذت تركض خلفها في جميع انحاق الشقه

دينا ببكاء و هي تهرب بسرعة من والدتها دا ظلم بقي 

شاكر هههههههه أطفال عايش مع أطفال..

قاطع ضحكاته صوت رنين الهاتف ..

شاكر الو

محمود احم الو استاذ شاكر والد الانسه دينا معايا 

شاكر بجدية ايون يا ابني خير 

محمود خير ان شاء الله انا بس كنت حابب اشرب مع حضرتك شاي و أطلب ايد الانسه دينا…

كاد يجيب شاكر و لكن استمع صراخ دينا من الداخل فقال ..مش لو خرجت عايشه الأول.

محمود افندم

شاكر ولا حاجة يا ابني اتفضل نورنا انت و عيلتك يوم الجمعة الجاية الساعة ٨

محمود بسعادة حاضر و متشكر اوي لحضرتك ٨ بالدقيقة هكون عند حضرتك 

شاكر ماشي يا ابني بس مقولتليش اسمك اي 

محمود محمود الشامي 

شاكر تمام 

ثم اغلق الخط و اتجه لهم بالداخل فوجد الوضع كالتالي ..دينا فوق الدولاب و نادية تحاول الوصول إليها ..هز رأسه بمعني لا فائدة و اتجه صوب نادية أخذها من يدها و غادر الغرفة..

قبل ان تخرج صاحت بدينا رجعالك تاني 

___________Źahrä____________

مروان ها عملت اي 

محمود هنروح ليهم يوم الجمعة الجاية الساعة ٨ 

مروان علي خيرت الله ثم احتضن اخيه و قال ..مبروك يا محمود اخيرا هتبقي عريس و افرح بيك 

محمود عبالك يا حبيبي

مروان بغمزه قريب إن شاء الله 

___________Źahrä____________

بصباح اليوم التالي كانت علي قنوات الأخبار و الصحف خبر واحد و هو 

المذيعة .. السلام عليكم ورحمه الله وبركاته..منذ صباح اليوم و انتشرت أخبار جديده و مثيرة للجدل حول اشهر مصصمة ازياء في الشرق الأوسط و هي المصممه الشهيرة روان السيد ..كونها لم تكن تدرس و ليس معها شهادة و نعتها بالجاهلة .. انتشر هذا الخبر بسرعة البرق علي مواقع التواصل الاجتماعي..و كل العالم يتنظر تصريحها حول هذا الخبر .. هل هو حقيقة أم مجرد خدعة من أحد منافسيها.. سنكون بالتواصل معكم حين الوصول لاي جديد و السلام عليكم ورحمه الله وبركاته..

كان اول من راي هذا الخبر محمود فقام بسرعة كبيرة و اتجه الي غرفه مروان ..و دلف دون أن يطرق الباب 

كان مروان يغلق ازرار قميصه مستعدا الاتجاه للعمل حتي وجد محمود يدلف الي الداخل بسرعة

مروان في أي يا ابني متسربع كدا لي 

لم يتكلم محمود و لكنه اتجه إلى التلفاز بغرفه اخيه و اضاءه ..

استمع مروان للخبر و صعق فحبيبته متهمه و يجب عليها أن تبرر للعالم كله..اسرع مروان خارجا من الغرفة متجها الي منزل روان فعليه أن يقف بجانبها في هذا الوقت و اسرع وراءه محمود .. 

___________Źahrä____________

كانت مائة كالعادة تقلب بالتلفاز للوصول إلى قناه المسلسلات الهندية استوقفها صورة روان ..الي أن استمعت الي الخبر..

نادية يا حبيبتي يا بنتي ..ثم اتجهت إلى دينا بسرعة ..

نادية بت يا دينا انتي يا زفته

دينا ايوه يا ماما بلبس و خارجه اهو 

نادية اخلصي يخربيت ابوكي تعالى شوفي بيحصل اي لروان 

شاكر و مال أبوها علي الصبح بقي .. 

نادية تعال يا شاكر شوف كاتبين اي علي البنت صعبانه عليا اوي 

خرجت دينا بسرعة و اتجهت مع شاكر الي التلفاز ..و صدمت دينا عندما عرفت الخبر ..

دينا عشان كدا الحيزبونه الي اسمها نهي كانت بتقولها يا جاهلة اقطع دراعي من هنا إن ما كانت ورا الموضوع دا

ثم اتجهت الي حقيبتها بسرعة و استاذنت ابيها للذهاب إلى روان..

دينا بعد اذنك يا بابا انا هروح لـ روان 

شاكر روحي يا حبيبتي من حقك برضوا دي صحبتك ..ذهبت دينا و تبقي شاكر مع ناديه التي بدأت في البكاء

شاكر بخضه مالك يا نادو بتعيطي لي 

نادية افتكرت بنتي يا شاكر يا تري عايشه وألا ميته..يا تري بها أي ..

شاكر اي الي فكرك بس كدا هتزعلي و هتتعبي

نادية انا منستهاش أصلا يا شاكر

شاكر ربنا يعطرنا فيها يا رب 

نادية يا رب 

___________Źahrä____________

كانت روان نائمة الي أن استيقظت علي صوت الضجه أمام منزلها..

خرجت روان من الغرفة و اتجهت الي سميره تسالها ماذا هناك .. 

روان اي يا دادة  الدوشه الي تحت دي 

سميرة و الله ما اعرف يا بنتي بس شكلهم صحافة لأن معاهم مايكروفونات و كاميرات 

روان صحافه و في بيتي لي ثم اتجهت الي التلفاز و اضاءته

ما أن علمت روان الخبر حتي جلست علي الارض من هول الصدمة ..

روان لي .. لي كل ما أحاول انسي ظلمك تفكروني..لي عملت فيكم اي لدا كله ..لي ثم أكملت بانهيار حررررام كدا لييي حررررام عليكم .. جرت عليها نادية و احتضنتها و قالت هتعدي يا حبيبتي هتعدي متعمليش في نفسك كدا 

ظلت روان تبكي بحضنها و لم تتكلم 

___________Źahrä____________

محمد ماما انا نازل و لم يكمل جملته بسبب رؤية الخبر بالتفاز 

محمد ماما الحقي 

نظرت امل الي التلفاز و قالة الدنيا جاية عليكي اوي يا روان ..ثم نظرت إلي محمد و قالت عارف بيتها 

محمد أيوة كانت قالتلي العنوان قبل كدا 

امل يلا تعال وصلني ليها 

محمد حاضر لازم برضوا نقف جمبها في الوقت دا 

امل يلا بسرعه 

محمد يلا 

انطلقوا متجهين الي منزل روان 

___________Źahrä____________

نظرت نهي الي التلفاز بتشفي و قالت هنشوف هتعملي اي يا روان  هههههههه  ايوة أنا الي عملت كدا ههدلك كل الي عملتيه علشان انتي واحدة جاهلة متستحقش دا كله هههههههه 

___________Źahrä____________

تلقي سيد الخبر من التلفاز بابتسامة تشفي بروان

سيد أحسن تستاهل و لسه الي جاي يا روان مني انا كمان هههههههه 

___________Źahrä____________

وصلت سيارة مروان و محمود بنفس وقت وصول دينا و ما أن نزلوا حتي وصل محمد و امل و جاءوا يدخلوا الي الداخل من وسط الصحافة و لكن كانت البوابه مخلقه فاتجه لهم حارس العقار و اخذ اسمائهم و اتجه الي الداخل ليخبر روان 

___________Źahrä____________

قامت روان من حضن سميرة و قالت لا مش هسمحلكم تهدوا الي عملتوا..لا هقف في وش الكل و مش هسيب حقي..و هعرف الي عمل كدا مع اني عارفه انها نهي بس لو اتاكدت أن انتي يا نهي اعرفي أن نهايتك و مصيرك زي ماماتك مش هسكت لحد تاني ..و اللعب بقي علي المكشوف ..

قاطعها رنه تلفون المنزل ردت سميرة وجدته حارس المبني 

سميرة الوا 

_ ايوه يا ست سميرة 

سميرة أيوة في حاجة 

_ في ناس هنا عاوزه الست روان 

سميرة مين هما 

_ الأستاذ مروان و الانسه دينا و مدام امل 

اخبرت سميرة روان و كان رد روان 

روان خليهم يدخلوا

دخل الجميع الي المنزل و استمعوا صوت روان تتحدث في الهاتف بنبرة حادة جادة 

روان جهزلي سبق صحفي علي مستوي العالم كمان نص ساعة يكونوا في حديقة المنزل خلينا ننهي المهزلة دي …

___________Źahrä____________

يا تري روان هتعمل اي ؟!

المشاكل هتقف لحد كدا وألا هيكون لروان النصيب الأكبر من الحزن مره تانيه ..

انا عارفة أنها شافت كتير يا جماعة والله بس هعوضها