روايات
رواية مغرورة قلبي الفصل الخامس 5 بقلم نعمة أحمد
رواية مغرورة قلبي الفصل الخامس 5 بقلم نعمة أحمد
رواية مغرورة قلبي البارت الخامس
رواية مغرورة قلبي الجزء الخامس
 |
رواية مغرورة قلبي الحلقة الخامسة
“فيه عربيه سوده جت اخدتنى من تحت البيت ومحستش بالدنيا بعدها”
_ نووووووور
……….
“حطونى فالعربيه وكتفونى “
_اى ده انتو مين وعايزين منى ايه
_عايزينك تسكتى خالص لحد ما نوصل
_انتو متعرفوش أنا مين ولا ايه
_ مسمعتيش قبل كده عن حراميه خطفو بنت وقطعوها حتت ورموها للكلاب
_ بخوف :لا مسمعتش
_ انتى لو اتكلمتى كلمه كمان هتشوفى بعينك ، عملى بقا
_ لا وعلى ايه يعنى هسكت احسن
after 5 minutes
_ ممكن اسأل سؤال
_لا
_ماشي
_ طب انا بابا دخل المستشفى ولازم اروحله
_لا هوا كويس
_لا مش كويس
_ انا بقولك ابوكى زى الفل، لو قصدك عالرساله اللى اتبعتلك ف دى أنا اللى بعتتها
_ يا سلام وده ليه يعنى
_عشان اخطفك
_انا فيه سؤال محيرنى ، هوا انتو خاطفينى عشان اعضائي
_اعضاء ايه يا ام اعضاء انتى وانت فيكى حاجه
_اولا دى اهانه وأنا لا أسمح ثانيا وده الاهم طالما مش عايزين اعضائي خاطفينى ليه
_ والله أنا لو عليا ارميكى عند اقرب زباله
_تشكر يا رجوله
_بس دى أوامر الزعيم
_اي ده عادل امام نيهاهاعا
_حط المسدس على دماغى :هتسكتى ولا
_هسكت هسكت
_ططب…
_شششش
_حاضر
لنفسي:بقا أنا نور محمد الباشا يتعمل فيا كده مبقاش نور أما وريتكو يا كلاب الشوارع انتو ده أنا واخده الحزام الاسود فالكراتيه
_ بتقولي ايه
_باتون ساليه
_ايه
_العب باليه يانرم
_ كلمه كمان وهتشوفي اللى هيجرالك
_دنتو هتروحو جهنم طيران
_هاااا
_خلاص
……………..
“عند محمد”
اتصلت على عمى “
الو يا عمى _
ازيك يا محمد خير فيه حاجه_
فيه عربيه سوده جت خدت نور من تحت البيت_
ازاى يعنى وانت فين _
حكتله على كل حاجه وان فيه رساله جتلها ونزلت جرى بعدها “
طب شوف ايه الرساله دى _
طيب_
(بصيت ف الفون لقيت رقم خاص بعتلها باباكى فالمستشفى )
انا فهمت كل حاجه يا عمى ،متقلقش انا هتصرف _
دى بنتى الوحيده يا محمد_
وانا مسؤول ارجعهالك _
،،روحت فرع الاتصالات،،
لو سمحت يافندم_
اقفل الراوتر وافتحه تانى _
راوتر ايه يا فندم !!انا عايز اعرف مكان الرقم ده_
دى مش شغلتنا والله يا فندم _
لو سمحت انا مراتى اتخطفت وده اخر امل ،ارجوك _
بتنهيده :حاضر
،،بعد فتره من الوقت ،،
****اهو يا استاذ ده المكان _
شكرااجداا_
……………….
“عند نور”
حسيت بحد بيخبط على كتفى جامد
_انتى انتى
_ إيه فيه حد يصحى بنى آدم كده ،انت حيوان
_انت قولتى ايه
_بخوف:ده مجرد سؤال برئ والله
شدنى من هدومى:طب قدامى يلا
_طب برااحه
“دخلنا مكان قديم كده”
_اووه شيت أنا هقعد فالمكان المقرف ده
_حد كان قالك أن ده فندق خمس نجوم
_طيب هتمشونى امتى
_ واحنا لحقنا، لسه معملناش واجب الضيافة
_اكتر من كده شكراا اوى
after 15 minutes
_ هوا مش المفروض يجى ينقذنى
_هوا مين
_ها ولا حاجه،هوا الزعيم ده هيجى امتى عشان زهقت
_عمرى ماشوفت حد مستعجل على موته
_مش أنا مستعجله
_اه
_يبقى فيه
_هوا انتو مافيا
_ آه
_تبع محمد رمضان يعنى
_اه…ايه !!
_محمد رمضاااان
_وبتعديها تانى
_انا بحاول افرفش الجو الكئيب ده
_طلع المسدس وحطه على دماغى: بصى أنا جبت أخرى منك مش عايز أسمع نفس
_حح حاضر
“صوت مرعب جه من ورايا”
_ده اللى قولتلك عليه يا معتز
معتز:الزز عيم
_ طلع من مسدس وضربه بالنار
_اى ده أااا انت قتلته
_اه
_ عادى كده
_اه
_مع أن شكلك محترم يعنى
_نعم!!!!
_مقصدش يعنى بس…
بصوت عالى: احنا جايين هنا نتسامر
_منا نفسي افهم انت جايبنى هنا ليه
_دى مشكله بينى وبين ابوكى
_اديك قولت بينك وبينه أنا مالى
_منا عايز انتقم منه ف لما دورت ملقتش احسن من دى طريقه انتقم بيها منه
_يعنى إيه مش فاهمه
_يعنى اتشاهدى على روحك
“رفع المسدس على دماغى”
غمضت عينى وضميت ايدى على رجلى وقعدت اعيط
“سمعت صوت رزع كتير وضرب نار وبعدين هدوء عم المكان ؛حسيت بحد حط أيده على كتفى”
_نور
رفعت وشي براح ولقيته محمد ، اترميت فحضنه وأنا بعيط
_ككنت هموت
_ضمنى اكتر:متخافيش اهدى
_ طب طلعنى من هنا
_ طيب
“طلعت انا وهوا بره المكان”
_هوا الراجل راح فين
_ اتقبض عليه خلاص
_يعنى كده مهمتك خلصت صح
_ اه
_وهتبعد ؟
بتنهيده حزن:المفروض
_طب وأنا
_تقدرى ترجعى لحياتك تانى
_ودينى عند ماما وبابا
_مش هترجعى معايا
_ ممم ملهاش لازمه بقى،انت مهمتك خلصت ووعد منى ليك هوصى بابا عليك، انت بردو تعبت معايا
_لا متوصيش حد عليا،انا كده كده هنقل شغل
_ليه يعنى
_يعنى هبقي مرتاح اكتر
_للدرجادى كنت تقيله عليك
_لا … انتى بتقو..
بمقاطعه:خلاص لو سمحت روحنى يلا
_حاضر
،،روحت البيت،،
_بعياط :بابا
_حضنى : أنا آسف يا حبيبتى
محمد:طب انا هستأذن بقا وفخلال يومين ان شاء الله هكون مخلص الإجراءات وهبعتلك ورقه الطلاق
“سيبتهم ودخلت جرى ،قعدت عالارض وعيطت”
……………
_متأكد انك هتطلقها يا محمد
_انا هعمل اللى يريحها
_وانت متأكد أن ده اللي هيريحها
_تقصد إيه
_ربنا يوفقك فحياتك يبنى
_طيب عن اذنك
_اتفضل
……………
“اليومين دول كانو اسوء يومين عدو عليا فحياتى “
بابا:نور
_نعم يا بابا
_محمد
_ماله
_عاوز يقابلك
_وانا مش هقابل حد
_فكرى مره واحده بقلبك مش بعقلك عشان مترجعيش تندمى يا نور
بتنهيده:حاضر
“روحت المكان اللى بابا قالى عليه بس كان ضلمه”
_محمد
حسيت بحد جاى من ورايا
_وحشتينى يانور
_بصتله بغرور:فين ورقه الطلاق
فجاه الانوار نورت وبصراحه كده كان مكلف يعنى ????
_يعنى انا عامل ده كله وتقوليلي طلاق
_اه اومال انا جايه ليه
_جايه عشان أقولك انى بحبك ومش هقدر اعيش من غيرك
_اه وبعدين
_بعدين ايه مش وقت عجرفتك دى خالص
_المفروض أقولك انى بحبك بقا وكده صح
_المفروض يعنى انتى وزوقك
_ ب
_هاا
_ح
_ايوه
_ب
_يافرج الله
_بحبنى اوى
بصلي بغيظ ولف ضهره
انا:بحبك
بصدمه: ايوه بقا يا شيخه ، يلهووى
ضحكت
_ممكن تقوليها تانى
_لا ماهو مش حكايه
_خلاص آسف ،انا اللى بحبك وهفضل احبك لحد النهايه
ابتسمت:-..يلا نروح بقا عشان الجو ساقعه
ضحك:يلا
#تمت
لقراءة باقي حلقات الرواية اضغط على (رواية مغرورة قلبي)
تافعه