رواية تار صعيدي الفصل الرابع 4 بقلم ملك شاهين

فلير بصدمه وتوتر : بدر

رفع رأسه من الموييل واتفاجأ بيها فضل متنح ومصدوم وشم عارف يقول ايه

فراس برفعه حاجب : انتم تعرفوا بعض

بدر اتكلم بسرعه : لا انا لسه كنت هسألها هي مين وعرفتني منين

فلير تنحت ومش عارفه تقول ايه مش مصدقه انه انكر انه يعرفها

فراس وهو بيبص لفلير : تعرفيه من فين

فلير ساكته ومش بترد

فراس بصوت عالي  : انا بكلمك بقولك تعرفيه من فين

بدر : اهدي يا فراس هي مين دي اصلا

فراس : مراتي

بدر فضل متنح له ومش مصدق

هارون : خلاص يا ولدي ابجو اتحددتو بعدين يلا الوكل هيبرد

بعد الفطار فراس و بدر كانوا قاعدين في الجنينه

فراس كان سرحان وعايز يعرف فلير تعرف بدر منين

بدر : فرااس فراااس انت يا بني

فراس : ها ايه يا بدر في ايه

بدر : ايه يا عم سرحان في ايه

فراس : مش سرحان عادي ..المهم انت ايه الي رجعك مش كنت بتقول مش هترجع ايه الي غير رأيك

بدر : طب مانت كنت بتقول مش هتتجوز واتجوزت ايه الي غير رأيك

فراس : انت بتجاوب على سؤال بسؤال ليه بتجاوب وانت ساكت وكمان اومال لو مكنتش عارف ظروف الجوازه

بدر : عندك حق ..رجعت يسيدي علشان تعبت من العيشه هناك قولت ارجع وانقل شركاتي وحاجتي هنا واتجوز بقي

فراس : اممم

بدر بتوتر : فراس انت مقولتيش انت ناوي تعمل ايه مع ..

فراس بعصبيه : بدر.. انا قولتلك لو ادخلت في الموضوع ده هتبقي بتنهي صحبيتنا للابد

بدر : خلاص يا عم في ايه اصل البت شكلها غلبانه ومش هتستحمل اي حاجه

فراس : وانت مالك ومالها وايه بت دي اسمها مدام فراس الجناوي

بدر : في ايه يا فراس انت بتغير

فراس : بغير بغير ايه الي بتتكلم عنها دي تبقي مراتي

بدر : خلاص يا عم انا أسفه انا قايم مروح اصلا قوم روح شركتك ولا شوف رايح فين

فراس : رايح الشركه في اجتماع مهم النهارده

بدر : خلاص تمام هروح انا

عند فلير كانت قاعده مع الجده وبعدين دخلت عليهم بنت ملامحها هاديه

نسمه بهدووء وهي بتحضن جدتها : ازيك يا تيته وحشتني اوي

بدريه  : وه نسمه حمدلله على سلامتك يا بتي مجولتيش ليه انك معاوده

نسمه : حبيت اعملها مفاجأه يا تيته

بدريه : حمدلله على سلامتك يا روح ستك اما اجوم احضرك الوكل واجعدي اتعرفي على مرت اخوكي

بعد ما خرجت

فلير بتوتر : ازيك

نسمه بهدوء  : كويسه الحمدلله انت اسمك ايه

فلير : فلير

نسمه : اسمك غريب انا نسمه ..بس شوفتي حتي معرفش اسم مرات اخويا ايه

فلير : عادي هي الظروف الي حكمت بكده والجواز حصل بسرعه اكيد ملحقتيش تيجي

نسمه بحزن : لا فراس مقاليش اصلا تيته هي الي عرفتني من كام يوم

فلير : ممكن يكون اتشغل ولا حاجه

نسمه بزعل : هينشغل عن اخته سيبك اصلا هو طول عمره كده مش هيتغير

فلير سكتت مش عارفه تقولها  ايه مستغربه هو ليه بيعاملها كده وهي ليه حزينه وكل الحزن والزعل ده في عينها

فلير : بصي انا عارفه اننا منعرفش بعض اوي بس انا حاسه انك فيكي حاجه عينيكي مليانه حزن مالك ؟

نسمه بوجع وعياط : تصدقي انا اول مره حد يلاحظ عليا كده اول مره حد يقولي مالك

فلير وهي بتحاول تضحكها : لا بقولك ايه انا واحده عيوطه ولو عيطي هيعيط معاكي ومحدش هيعرف يوقفني وهعملكم بحر هنا وهتغرقي

نسمه ضحكت

فلير : طب مانت بتضحكي اهو وعندك سنان ده انا افتكرتك مبتضحكيش علشان ملكيش سنان

نسمه بتكشيره : لا طبعا عندي سنان اكيد

فلير : خلاص يستي في ايه اومال حرمانه من الضحكه القمر دي ليه

نسمه : انت تعرفي انك قمر اوي  وانا حبيتك

فلير بغرور : I know  اتحب من اول نظره

نسمه : دي ثقه بنفس ولا غرور

فلير بضحك : غرور طبعا

نسمه : يلا يا مغرووره

فيلر جالها ماسدج على الموبيل فجأه فتحت لقت رقم مش متسجل باعت لها “كلمني يا فراوله “

نسمه : ايه في حاجه ولا ايه

فلير بانتباه ليها : ها لا مفيش المهم بمانك ارتحتيلي وكده مش هتحكيلي مالك

نسمه : هيفضل متخبي جوانا كلام مش قادرين نطلعه لو طلعناه هنتوجع ولو كتمناه بردو هنتوجع فملوش لازمه الكلام

فلير  : كنت قرأت نص بيقول ” كلما كتم المرأ احزانه وراكمها تحولت تدريجيا الي الم جسدي ” متفتكريش ان الكتمان وانك متحكيش لحد ده انتصار  وانك كده واحده قويه بالعكس دي اكبر جريمه بترتكبيها في حق نفسك …الآلم النفسي يا نسمه مع الوقت بتحول لآلم جسدي مميت ليه توصلي لنفسك كده يمكن لما تحكي او تشاركي همومك مع حد وتقعدوا تحكوا لبعض فلما تعرفي هموم الي حواليكي هتهون عليكي همومك صدقيني

نسمه : كلامك حلو اوي مش بقولك تتحبي يا فلير

في انجلترا عند ماري كانت قاعده مع صحابتها

ماري : انا هنزل مصر

زيزي : ايه ده ليه يبنتي

ماري : لازم انزل اشمت في فلير هانم

زيزي : يا حراام صعبانه عليا اوي فلير هانم  الي علطول بتتفاخر بجمالها تتجوز الفلاح ده

ماري : علشان كده هنزل كام يوم اتفرج عليها وهي بتتذل بس هستني شويه كده علشان انت واندرو تيجو معايا

زيزي بضحك : اكييد دي هتبقي رحله برعايه فلير والفلاح واااو

بالليل فلير كانت قاعده بتتكلم في التليفون قي اوضتها

فلير : ها ايوا متأكده

=………

فلير : انا بعت صوره من الملف بتاع المناقصه امبارح بسعر الي داخل بيه زي مكان مكتوب

=……….

فلير بصدمه : ايه ده بجد !

=………….

فلير  بخوف : مقدرش يباشا انا….قطعها دخول فراس الاوضه وهو بيمسكها من شعرها من فوق الطرحه و …..

يتبع…..