Uncategorized
رواية مطاردة دين الفصل الثاني 2 بقلم ميرنا شاكر
رواية مطاردة دين الفصل الثاني 2 بقلم ميرنا شاكر
 |
| رواية مطاردة دين الفصل الثاني 2 بقلم ميرنا شاكر |
رواية مطاردة دين الفصل الثاني 2 بقلم ميرنا شاكر
…في مستشفى
الكل في انتظار خروج ياسين مليكه …ليلى ….منال واصدقائها
لؤي :بيري ….
بيري :نعم عايز ايه
لؤي :باقولك مين القمر اللي وافقه مع منال دي …حلوة اوي
بيري :يعني ده وقته
لؤي :بما اننا وافقين …قولت اسال …اصلي بصراحه عاجبني اوي
بيري: اللي اعرف ان ليها اخت اكبر منها هي وياسين ممكن تكون هي .
لؤي :متعرفيش هي مخطوبه مرتبطه حد متكلم عليها .
بيري : تصدق انت بارد …سيبهم دلوقتي مش لما يشوفوا ابنهم حصلوا ايه الاول وبعدين حب واتجوز .
لؤي : مين قالك احب واتجوز
بيري:مش انت لسه قايل انها عجبتك .
لؤي : هو معنى كده اني اتجوز …. ده انتي متفائله اوي……بس تصدقي هاروح اكلمها .
*********************
عند مليكه وليلى
ليلي بحزن : يا حبيبي يا ابني …يارب اقومه لينا بالسلامه
مليكه :ان شاء الله يا ماما ادعي بس كده
منال بعياط :اوعى تسيبني احنا جينا مع بعض مقدرش اعيش من غيرك سامحني لو زعلتك في يوم ……اوعى تعملها انت نصي التاني ……اااااااااااااااااه
مليكه : اهدوا انتم الاتنين والله ما هي ناقصه
لؤي لمنال : ايه الاخبار مفيش اخبار
منال :لا
مليكه :مش تعرفنا حضرتك مين؟
لؤي :انا لؤي زميل منال في الكليه .
مليكه :زميلها ازاي ده شكلك اكبر مني انا شخصيا .
لؤي :معلش بقى …تجاره صعبه .وحضرتك مين؟
مليكه :انا اختها الكبيره …ودي مامتها …وامشي من هنا احسنلك .
لؤي :انا اسف …وبيبص لمنال ..لو احتاجتي حاجه كلميني
وهناك عيون تراقب الموقف بشماته
**********************
بيري :ههههههههههههههههههههههههههه منظرك مسخره
لؤي : ايه يا بنتي دي ايه ده النوع ده معداش عليا قبل كده.
بيري : احسن تستاهل علشان تتلم وتبص للي جنبك مش رايح تدور على اي حد دي مش من مقامك .
لؤي : بعند فيكي هي وبس ….وهاتجوزها
*********************
خروج الدكتور من غرفه العمليات
مليكه : ايه الاخبار يا دكتور؟
الدكتور : لاسف نتجيه الحادثه اثرت على الدماغ …وحصل نزيف
وهو حاليا في غيبوبه ….ولاسف ال24 الساعه الجايه فيه خطر على حياته
مليكه : طب هو في امل انه يفوق ويرجع زي الاول
الدكتور :مش هنقدر نعرف الا اما يفوق….ادعو ليه
*******************
مليكه : هيبقى كويس يا ماما متقلقيش
ليلي : ابني راح مني
مليكه : منال خدي ماما وروحوا علشان مش هينفع نفضل كلنا هنا
منال :لا
مليكه : لازم تروحوا ترتاحوا علشان نبدل مع بعض وتجيبوا هدوم لياسين
منال : يلاماما …هنروح ونرجع تاني
ليلى :لا
مليكه : ياسين مش هيبقى عايزك هنا روحي ارتاحي وتعالي
ليلى باستسلام : ماشي ……بس لو حاجه حصلت كلميني
مليكه : تمام ….روحوا انتم ….لو في حاجه هاكلمكم
**************************
مصطفى :ايه يا عم مفيش اخبار جديده
محسن :مفيش …..في جثه جايه لشاب جديده مش عارفين ليه اهل
مصطفي : حلو اوي ميت امتى
محسن :لسه طازه
مصطفى :حلو …ظبط الدنيا بليل ناخده …ونرجعه تاني…بس مات ازاي
محسن : جلطه ….وجسمه سليم جدا
مصطفى :تمام
محسن : لا …مش تمام ….انا عايز فلوسي.الاول
مصطفى: هو انا من امتى باكل عليك فلوس
محسن : لا …ما هو السعر زاد والا معتش هاجيب لك شغل …انا جايلي اسعار تانيه احسن
مصطفي : عديها المره دي …وهاقول اللي عندي
محسن : لا وربنا ابدا
مصطفى : عديها المره دي ….بلاش تقطع برزقك
محسن :ابدا …عايز 50000والا مفيش
مصطفى :ابعتلي صورتها وانا هاسال اللي عندي …..تمام
محسن : تمام …بس رد بسرعه علشان في ناس تانيه طالبه بس علشان احنا اكلنا عيش وملح مع بعض
مصطفى: اه …طبعا وبعد كده تعض الايد اللي بتمد ليك….هاكلمهم وارد عليك …بس ابعت الصور الاول
محسن :تمام …..
وبعت محسن الصور لمصطفى
*****************
مليكه :لو سمحتي مكتب الدكتور اللي عمل العمليه الاقيه فين
الممرضه : قصدك دكتور احمد زهران ..هو اخر الاوضه يمين
مليكه:شكرا
وصلت مليكه لمكتب الدكتور
الدكتور :اتفضل
مليكه : السلام عليكم …انا اخت الحاله اللي لسه عامله حادثه
الدكتور :اهه…اتفضلي ..ارتاحي
مليكه :شكرا لحضرتك…كنت عايزه اسال بالظبط مش فاهمه وضعه بالظبط….يا دكتور
الدكتور:الموضوع ببساطه ….نتجيه الحادثه …في جزء من المخ اتضرر
فلو فاق…لان في حالته الموضوع صعب شويه … ممكن يبقى في مشاكل في الرؤيه او شلل في اجزاء في جسمه ..او ممكن يكون مفيش بتفرق من جسم لتاني وقوته …فبنقول كل الاحتمالات لاهل المريض .
…
…
مليكه:تمام ..شكرا
فجاه ….باب المكتب خبط
دخول شاب في اول الثلاثنيات ذات عيون عسليه وشعر اسود وبشره قمحيه
الدكتور :اتفضل حضرتك
الشاب : انا الرائد سليم الالفي .
الدكتور : اتفضل
سليم : معلش ممكن نتكلم على انفراد
مليكه: انا اسفه عن اذنكم .
احمد :اتفضلي
سليم :كنت جاي بخصوص الحادثه بتاعته النهارده عند الجامعه كنت عايز اعرف …الحاله فاقت ..هل مسموح التحقيق معاها.
احمد : لاسف لا …. الحاله وضعها صعب…والنسبه الاكبر ممكن يموت
سليم:طب ينفع اكلم حد من اهله.
احمد : ما هي اخته اللي كانت قاعده هنا.
سليم :بجد ….اسمها ايه.
احمد :لما تيجي ابقى اسالها …وانا ايه اللي هيعرفني.
سليم :طيب ممكن حد يبعت يجيبها.
احمد :تمام
احمد ضرب الجرس
الممرضه: افندم حضرتك طلبت حد
احمد : تحب تشرب ايه .
سليم :قهوه مظبوطه.
احمد : 2 قهوه مظبوطه …وتروحي تنهدي على الانسه اللي كانت هنا اخت الحاله
…ومر وقت والباب خبط
احمد :اتفضل
مليكه :حضرتك طلبتني …في حاجه حصلت
احمد :حضرتك الرائد سليم محتاج يتكلم معاكي
مليكه : اتفضل
سليم في سره :طب دي اتكلم معاها ازاي ….يخربيت جمالك يا شيخه
احمد ينظر لسليم بغضب
احمد مع كظم غيظه : يا سياده الرائد حضرتك معانا
سليم :مين حضرتك
مليكه : انا مليكه البكري …اخت ياسين الكبيرة ووليه امره
سليم : طب فين والده وولدته
مليكه :والدي متوفي ..ووالدتي ..موجوده …بس حاليا ظروفها محدش هيعرف يكلمها …ولا تعرف حاجه …علشان كده ..قولت اني وليه امره
سليم : هو حضرتك مخطوبه
مليكه : نعم
احمد بغضب:معتقدش ان ده وقته ولا ليه علاقه بالحادثه
سليم :انا اسف….وفي سره ..حرام عليكي في حد كده
مليكه :هو حضرتك حضرتك جاي تحقق ولا تخطب
سليم : الاتنين
مليكه : نعم….حضرتك عايز تسالني في ايه
سليم وهو ينظر لمليكه : اه …نسيت ..كنت عايز اعرف ياسين ليه اعداء
مليكه :لا طبعا ….هو مالوش في حاجه تقريبا …هو مركز في دراسته بس ..وشغله بس
سليم:هو مش طالب
مليكه :اه طالب بس بيدرب في الصيف في شركه مقاولات
سليم :اسمها ايه
مليكه :اسمها شركه النور لمقاولات
سليم : دي اللي ملك عيله الصيرفي
مليكه : ايوه هي…..بس ليه
سليم :علشان الحادثه فيها شبه جنائيه
مليكه :ازاي
سليم : في فيديو من كاميرا محل قريب من مكان الحادثه …اتفضلي شوفيه احسن
مليكه شافت الفيديو
مليكه :يعني هم قعدوا يستنوا انه يخرج وراحوا خبطوه.
سليم : بالظبط
مليكه : طيب محدش عرف صاحب العربيه …او اللي راكبها
سليم : لاسف …ازازها مش مبين اي حاجه..
مليكه :طيب صاحبها.
سليم : ارقام اللوحه مش واضحه ….وبنفرغ الكاميرات الباقيه
مليكه بغضب :طيب وهو حضرتك جاي تفرحني انك مش عارف تجيب حاجه عن صاحب العربيه
سليم : ياريت حضرتك تهدي بس ..لا هنجيبه …بس علشان اسرع اني اجيبه…فكنت عايزه اشوف في مشتبهين لان دي مش حادثه عاديه …دي شروع في قتل
مليكه:انا اسفه ….بس بصراحه عايزه اعرف اللي عمل كده في اخويا
والله لاقتله واقتل عيلته كلها ….انا اخويا عمره اذى حد .
سليم :اهدي بس كده وانا هاجيب ليكي اللي عملها
وفجاه باب مكتب احمد خطب
احمد : اتفضل
الممرضه : الحقنا المريض بتاع الحادثه …قلبه وقف
قام كلا من مليكه واحمد بالجري عند اوضه ياسين
احمد : معلش لازم تخرجي بره
مليكه …اوعى تسيبنا ياسين ….ماليش غيرك يا حبيبي
الممرضه : معلش لازم علشان نلحقه
خرجت مليكه بره اوضه ياسين
سليم :هيبقى كويس …متقلقيش ….هيبقى كويس
مليكه : يارب
وبعد مده………….خرج احمد
مليكه بدموع …ومنتظره برجاء
احمد : لاسف …..حاولنا نلحقه …بس البقاء لله
مليكه : ياسسسسسسسسسسسسسين
وفي تلك اللحظه …ليلى ومنال كانوا وافقين وسامعين اللي حصل
وسقطت ليلى مغشي عليها
***********************************
في اوضه عند ليلى
مليكه : فوقي يا ماما …حرام عليكي …بلاش انت كمان
منال بعياط : علشان خاطري …قومي
فتحت عينيها ..بس مش عارفه تتكلم
مليكه : في ايه مالك
ليلي مش قادره …تحرك ايدها ..ولا تتكلم
احمد : انسه مليكه ….ممكن معايا لحظه بره
خرجت مليكه مع احمد
احمد : انا عارف الموضوع صعب ….بس لاسف …مش عارف اقول ايه
مليكه :حاله ماما ايه ؟
احمد : لاسف جالهاصدمه
مليكه :طيب مفيش علاج
احمد :في بس لاسف محتاجه تبعد عن هنا خالص ….وتسافر اي مكان تاني وتابع فيه علاجها…علشان حالتها النفسيه ..وهتبقى كويسه
مليكه :ممكن ابعتها اسكندريه عند خالتي
احمد : هيبقى احسن ….بس ياريت في اسرع وقت
مليكه :اول ما تخرج على طول ….هاسافرها.
انسه مليكه ….انسه مليكه …..
مليكه : سياده الرائد …في حاجه جديده
سليم : ايوه عرفنا صاحب العربيه
مليكه : مين
…
…
رد فعل مليكه …………………….؟
وايه دور سليم واحمد …..في اللي هيحصل ؟ ????????????