رواية أنتِ لي وحدي الفصل السادس 6 بقلم إسراء أشرف

…-جاسر: أستيقظ علي رنين هاتفه فقام بالرد عليه السلام عليكم 

-حسام: وعليكم السلام صح النوم ياكسلان المغرب قربت 

-جاسر: ياراجل طيب هاخد شاور ونتقابل بعد العشا إن شاء الله 

-حسام: هو أنت نايم اليوم كله أزاي وصلاة الجمعة 

-جاسر: لا طبعا صليت الجمعة ورجعت نمت وصحيت العصر صليت ونمت 

-حسام: والله ناصح يلا فوق كفاية نوم 

-جاسر: تمام صحيت خلاص سلام 

_قام جاسر أخد شاور ثم أتجه نحو غرفة أخته دخل بعدما دق الباب وأذنت له بالدخول 

-جاسر: قلب اخوها بتعمل اي  

-نرمين: أبدا بدردش مع صحابي علي الواتس والفيس وهخرج معاهم بالليل 

-جاسر: أقترب منها وقبل رأسها ماشي ياحبيبتي بس متتأخريش وخلي بالك من نفسك وكلي شويه حاسس ان وشك مصفر وتحت عينك أزرق كأنك مدمنة 

-نرمين: ظهر علي وجهها الحزن والخوف في وقت واحد حاضر متقلقش عليا

-جاسر: صحيح هو أنتِ تعرفي حور عبد الحميد 

-نرمين: يااااه دي توأم روحي كانت معايا في الثانوي بس بعد اللي حصل معايا بعدت عنها لأنها ملاك وتستاهل كل خير ومحبش أكون في حياتها عشان متتأذيش 

-جاسر: ليه بتقولي كدا أنتِ جميلة من جواكي وأكيد هتفوقي وتبقي أفضل من الأول بكتير بس أنتِ قربي من ربنا لأن هو أعلم باللي جواكي أكتر مني ومن البشر كلهم 

-نرمين: بس ليه بتسأل علي حور 

-جاسر: عشان أخوها صاحبي وكمان أكتشفت أنها شغالة في الشركة 

-نرمين: هي في كليه هندسه بتحب الديكورات جدا وتصميمها روعة 

-جاسر: شكلك بتحبيها أوي 

-نرمين: جدا ونفسي أسمع صوتها وأتكلم معاها بس بقول بلاش

-جاسر: أعملي كدا ياحبيبتي يلا أسيبك بقا تكملي دردشه مع صحابك ثم قبل رأسها وخرج متجها إلى غرفته أبدل ثيابة ثم ركب سيارته كي يذهب إلى النادي لمقابلة حسام

__________________________________________

_عندما فتح أحمد الباب وجد سالي 

-أحمد:غض بصره علي الفور ثم أردف قائلا أنسه سالي أتفضلي

-سالي:حور موجوده 

-أحمد:أه ثواني حور ياحور 

-حور:خرجت مسرعه اي يأحمد في أي وعندما رأت سالي جريت وقامت بأحتضانها وحشتيني اوي أوي أوي

-سالي:أنتِ أكتر بكتير وربنا يعلم 

-حور:تعالي أدخلي أتجهت حور بها إلى غرفتها ثم وجهت حديثها لأحمد أعمل عصير ياقلب أختك عشان ماما نايمة من تعب طول اليوم

-أحمد:أبتسم لحور ثم قال عنيا حاضر وبالفعل أتجه نحو المطبخ 

_داخل غرفة حور تحدثت معاتبة سالي 

-حور:كدا ياسالي هونت عليكي تبعدي عني 

-سالي:خوفت عليكي ياحور 

-حور:من اي يابنتي ومالك كدا حزينه فين سالي بتاعة زمان كنا ضحكتنا مش بتفارق وجوهنا 

-سالي:هحكيلك 

_دق أحمد باب الغرفة فقامت حور لتفتح له وأخذت منه العصير ثم أغلقت مرة أخرى وأتجه أحمد إلى غرفته وهو يحمد الله علي رجوع سالي إلي حياة حور كي يستطيع الزواج منها كما يدعوا الله ويتمني 

-حور:احكي بقا ياقلبي براحتك أحنا لوحدنا 

-سالي:بصي ياستي بعد ما خلصنا الثانوي وأخدنا الأجازة حسيت أن وحيدة وبدأت علاقتي بربنا تقل وساعات أندم وأرجع تاني ألتزم خوفت عليكي مني عشان مكونش سبب في أنك تبعدي عن ربنا وكمان أنا تعبت من كتر كلام بابا وماما اللي دايما بيستهزؤا بيا وأنتِ هتعملي شيخة وووو لما تعبت 

-حور:طيب وأي الجديد ما كلنا بيحصل معانا دا مش معني كدا أننا نبعد عن الصح ونتجه للغلط عشان نرضي عقول اللي حوالينا 

-سالي:بكت بشده ثم قالت عندك حق والله أنا مش برتاح لكلام حد غيرك ياحور لأن دايما بتوصليلي المعلومة بحب أنا ملقتش غيرك عشان ياخد بإيدي وأكون أفضل من الأول وكمان في حاجات محتاجه مساعدتك فيها اوي 

-حور:أكيد طبعا هكون معاكي بدون شك ياقلبي 

-سالي:عارفة من حوالي أسبوع كدا جالي جواب من مجهول لقيته تحت بابا الشقة كان محتواه الصديقة الصالحة لا تتكرر أرجعي إلى من كانت لكي أخت قبل صديقة مش كلنا محظوظين وفي حياتنا صحبه صالحة عشان كدا لازم المحظوظ يحافظ علي النعمة لما قرأته ندمت علي بعدي عنك أوي

-حور:أهم حاجة أنك رجعتي ياقلبي ودي عندي بالدنيا 

-سالي:حور أنا عندي مشكله كبيرة وحلها صعب 

-حور:مفيش حاجة صعبة علي حور احكي وبإذن الله هنلاقي حل 

-سالي:متقدملي عريس وأخلاقه كويسه دا بشهادة اللي حواليه لكن هو مش ملتزم وكمان لما بيتعصب بيشتم ويسب وألفاظ خارجه جدا وأنا رافضه الموضوع بس بابا وماما موافقين وبيقولوا أهم حاجة انه محترم وانهم عاوزين يفرحوا بيا 

-حور:محترم جمب بيشتم أزاي أي اللي جاب القلعة جمب البحر ????????

-سالي:بضحك والله ما عارفه بس عاوزه حل لأقناع بابا وماما انهم يرفضوا ثم بكت بشده قائلة مش عايزاه ياحور نفسي في شخص ملتزم يرفع بيا لطريق الجنه 

-حور:دا دكتور قد الدنيا بس هيفضل في نظري واد قلب أخته دا 

المهم بقا ياسعدية هقوم البس عشان اي عندي خطة هطفش بيها العريس دا 

-سالي:بجد ياحور ربنا يحفظك ليا كان عندي حق لما قولت مفيش غيرك تحيا حور

-حور:هههه خلي المرشح دا لبعد نجاح الخطة وبالفعل ابدلت حور ثيابها ثم قالت بت استني هنا لحد ما اقول لأحمد يلبس عشان يجي معايا ونرجع سوي واتجهت نحو غرفة اخيها 

-حور:أحمد ممكن تيجي معايا نوصل سالي 

-أحمد:تمام هغير واجي 

-حور:تمام لما تخلص نادي عليا وهدخل استأذن بابا ثم اتجهت لغرفة أبيها وبعدما دقت الباب 

-عبدالحميد:أدخل 

-حور:عبده حبيبي أنا هروح أوصل سالي وأحمد هيجي معايا عشان مرجعش لوحدي 

-عبدالحميد:تمام ياقلب عبده 

-حور:أحلي بوب دا ولا أي ثم قبلت خدوده ورأسه وخرجت 

-فاطمة:دلعك دا هو اللي مقويها علي رفض العرسان 

-عبدالحميد:بكرا تتجوز أحسن شاب وأنا واثق سيبيها تختار 

-فاطمة:يارب افرح بيها قريب

__________________________________________

-جاسر:وصل إلى النادي السلام عليكم

-حسام:وعليكم السلام لسه بدري ياحلو 

-جاسر:معلش الكلام خدني مع نرمين 

-حسام:ولا يهمك بس شايفك مبسوط 

-جاسر:حاسس ان نرمين هتبقا أحسن والفضل هيكون لحور دا غير ان بفكر أتقدم لحور 

-حسام:الله الله دا بقيت تخطط من ورايا أخس عليك يا أبو الصحاب 

-جاسر:والله ابدا بس حاسس انها الزوجة اللي بتمناها من ربنا 

-حسام:بس البنات اللي عينها عليك كتير مش هيسبوك تتهني 

-جاسر:سيبك منهم انا ربنا يعلم أن قلبي محافظ عليه لواحده بس وهي اللي هحس انها تساهلة بجد وهتحافظ عليه 

-حسام:ربنا يسعدك ياحبيبي ويرزقني ببنت الحلال أنا كمان يارب 

_ظل الصديقان يتحدثان قرابه الساعة ثم رجع كل منهم إلى منزلة 

__________________________________________

-حور: خليك مستنيني هنا يأحمد هطلع سالي وأسلم علي مامتها وأنزل بس طلب رن عليا بعد نص ساعة بالظبط 

-احمد:ليه 

-حور: أسمع الكلام بس 

-أحمد:تمام 

-حور:اوعي تنسي وركز في الساعة ثم أخذت سالي وصعدت بها 

بقولك أنتِ دورك تسمعي بس عشان عارفة انك هبلة وهتعكي الدنيا لو اتكلمتي 

-سالي:حاضر يأم العريف 

-حور:تريقه دي أنا بقول اروح احسن 

-سالي:ابدا ياقلبي وأنا أقدر اتريق اجهزي عشان هرن الجرس 

-حور: تمام يارب وفق 

_دقت سالي جرس الباب ففتح عزت الباب سوسو أدخلي 

-سالي:أنا معايا حور يابابا 

-عزت:حور صحبتك خليها تدخل 

-حور:دخلت حور القت السلام ثم قالت أزيك ياعمو عامل اي 

-عزت:أزيك يابنت الغالي ليكي وحشه والله وأبوكي عامل اي 

-حور:بخير الحمدلله 

-عزة:خرجت مين عندنا حور وحشتيني والله أخيرا رضيتي عننا 

-حور:أبدا يازوزو والله ربنا يعلم وحشاني قد اي ثم حضنتها 

-عزة:أنتي اكتر ياحبيبتي 

-سالي:انا بغير علي فكرة 

-عزة:انتوا الاتنين بناتي وربنا يعلم معزه حور في قلبي 

-حور:وأنا عشان عارفة حبكم ليا مفكرتش غير فيكوا تحلوا مشكلتي 

-عزت:خير يا بنتي مشكله اي 

-حور:جلست معهم وبدأت تتحدث قائلة هحكلكم وأنتوا أحكموا مين صح ومين غلط أنا متقدملي عريس هو يبان للي حواليه أنه محترم لكن اول ما يتعصب بيلفظ أقبح الألفاظ ولما رفضت بابا وماما صمموا عشان عوزين يفرحوا بيا 

-عزت:يابنتي احنا بنبقا نفسنا نفرح بيكوا وبنتمنالكوا الخير 

-عزة:اه والله يابنتي دا غير انكم مش عارفين مصلحتكم قدنا 

-حور:ياعمو انت وخالتو أنتوا من كتر ما نفسكم تفرحوا بينا مش بتركزوا علي نقط وشايفنها تافهه لكن هي مهمه جدا 

-عزت:ازاي

-حور:يعني ياعمي واحد مش ملتزم باكتر حاجه ربنا امرنا بيها وأبسط حاجه كمان وهي الصلاة لا وكمان بيشتم ويقول الفاظ خارجه مش بتشتمني أنا اه لكن بكرا يشتمني بأهلي ويهيني وممكن يضرب كمان وساعتها مش هقدر أتكلم عشان هيقولي أنتِ وأهلك عارفين من الأول أن دا أسلوبي يبقا فين فرحتكم بينا وأنا مش بعد تعب أهلي فيا وتربيتهم ليا يجي واحد علي اخر الزمن يقلل منهم وبعدين فين بقا فرحتكم بينا اللي لو وجدت هتكون فترة بسيطة وبعدها تبدأ المأساه والمشاكل ونرجعلكم بشنطة هدومنا وناخد لقب مطلقة وياسلام بقا لو في عيل ولا عيلة اتولدت وتكون ضحية زي أمها والغرض اهلنا عاوزه تفرح بينا فيكون السبب سوء اختيار شريك الحياة والتسرع في القرار دا والنتيجة وجود ضحايا ويبدأ مشاكل نفسية ومصايب ملهاش اخر لازم نحسن الاختيار وبلاش تسرع بالذات في الجواز دا عمر هنقضية مع بعض مش ساعة ولا شهر 

-عزت:ياه يابنتي الله يحميكي ويحفظك أنتِ فعلا بنت عبدالحميد صاحب عمري فتحتي عنيا علي حاجات كانت تايهه عني كنت هضيع بنتي بإيدي 

-عزة:اه والله ياعزت فعلا ياحور أنتِ نجده من ربنا لينا جيتي وضحتلنا أمور كانت الفرحة مخلينا مستبعدنها أحنا ياعزت خلاص هنرفض العريس دا وخلي البنت تختار الزوج الصالح 

-عزت: اكيد مرفوض بعد كلام حور

…

-حور:أحمد خير بجد والله بابا أقتنع ورفض العريس الحمد لله خلاص انا جايه اهو 

-عزت:الحمد لله يا بنتي اهو انقذتي سالي وأنتِ كمان باباكي رفض مفيش داعي اكلمه بقا

-حور: الحمد لله بس أبقي تعالي ياعمي زورنا زي زمان  

-عزت: أكيد ان شاءالله 

-حور:تمام أستأذن انا سلام 

_نزلت حور بعدما ودعت صديقتها وشكرتها وعيونها تشع بريق لمعان من السعادة 

-أحمد:لسه بدري ياهانم 

-حور:لو عرفت اللي حصل هتشكرني 

-أحمد:أحكي 

-حور:لما نروح البيت

_وبالفعل رجعت حور وأحمد إلى البيت أتجهت إلى غرفتها مباشرة 

-أحمد:دخل وراها يلا احكي وبالتفصيل 

-حور:حاضر بص ياعم وسردت له كل ما حدث من لحظة دخول سالي غرفتها إلى أخر الحوار 

-أحمد:يابنت اللعيبة دا أنتِ طلعتي مش سهلة 

-حور:أي خدعة 

-أحمد:عشان كدا لما رنيت عليكي قفلتي وأدعيتي أنك رديتي وان في عريس جايلك والحقيقة انك كنتي بتفوقيهم هما عشان بنتهم 

-حور:أيمن هو دا ????????????

-أحمد:لا تستاهلي حضن وبوسه كمان بس الجواب مين اللي بعته لسالي

-حور:أنا اللي بعتهولها من ساعة ما قولت أنك بتحبها أجهز بقا عشان تبقا تكلم بابا يكلم عم عزت ويحدد معاد رسمي وتخطبها بس البت متعرفش حاجه 

-أحمد:وربنا أجمل أخت في العالم 

-حور:ربنا يسعدك ويجمعك بيها علي خير بس صحيح كان في واحد مخاصمني راح فين 

-أحمد:قلبك أبيض بقا وبعدين كدا تروحي الجامعة لوحدك وترجعي لوحدك وأفضل مستنيكي 

-حور:أسفه مش هتتكرر بس كنت مدايقة وزعلانه من كلام ماما جدا لأن عمري ما كنت مغرورة ولا هكون وكمان مش فرحانه بكتر الشباب عليا وحبهم ليا ومش هتنازل عن أختيار زوج صالح 

-أحمد:ان شاءالله ربنا يرزقك بيه أنتِ تستاهلي كل خير بس كان ذنبي اي تمشي وتسيبيني وأقلق عليكي 

-حور:الشخص وهو مخنوق وزعلان ممكن ياخد قرار في لحظة غضب يندم عليه او يصدر منه فعل او قول يزعل اقرب ما ليه عشان كدا الافضل أبقي لوحدي في الوقت دا لحد ما اتحسن 

-أحمد:عندك حق والله رغم انك اصغر مني بس بتعلم منك كتير ربنا يحفظك 

-حور:مش بالسن والله ويلا روح نام بقا في جامعة الصبح وشغل 

-أحمد:تمام تصبحي علي خير ثم قبل رأسها وذهب لغرفته وهو في غاية السعادة 

_ذهبت حور في سبات عميق بعدما دعت الله أن يوفقها في خطة بكرا 

ياتري أي خطة حور؟! ????دا اللي هنعرفه الفصل الجاي إن شاء الله.