Uncategorized

رواية حقيقة أم سراب الفصل الأول 1 بقلم لؤة وليد عبدالقادر

 رواية حقيقة أم سراب الفصل الأول 1 بقلم لؤة وليد عبدالقادر

رواية حقيقة أم سراب الفصل الأول 1 بقلم لؤة وليد عبدالقادر

رواية حقيقة أم سراب الفصل الأول 1 بقلم لؤة وليد عبدالقادر

هناك لحظات تكون النفس جاثيه على ركبتيها مهما كان وضع الجسد.
                                                      فيكتور هوغو.
????????????????????????                       ????????????????????
كانت تجلس بمفردها في غرفتها التي اصبحت هي مسكنها الوحيد الذي كلما ضاقت بها الدنيا ذهبت ليه وظلت مع رفيقها الوحيد الذي لن يتركها ابداً فهو معها في كل وقت وكل مكان يطمانها ويحتويها فهو صديقها وحبيبها وكل شيء بعالمها هو “راسيل” فكانت آسيا تجلس في غرفتها شارده تحدثه فيما سوف يحدث لها بعد ذلك هل ستلتقي به ام لا هل ستجد شخص مثله ام لا لم تتخيل انه سوف ياتي يوم ويتركها فقد تركها الجميع وهو كان الامل الوحيد.
*آسيا فتاه في سن20 بكليه العلوم على الرغم من ان حلم حياتها كان دخول كليه الهندسه ولكن الله اختار لها ذلك وهي عصبيه جدا جدا ولسانها طويل شخصيتها غريبه اوي وغامضه محدش بيقدر يفهمها ولا هي بتفهم نفسها???? اكتسبت الصفات دي من موقف حصلت ف حياتها.
آسيا:راسيل انا مخنوقه اوووي ومش عارفه اكمل حياتي كدة.
                                                                 ….:&
آسيا:مش قادره اثق فحد تاني مش قادرة احس بامان وسطهم حاسه ان كل الناس وحشه.
                                                                …..:&
آسيا:مش قادرة اآمن لحد غيرك نفسي تيجي عشان ارتاح.
                                                                 ….:&
آسيا بغضب وبكاء:ماهو ده الى مضايقني انك مش موجود ومش هاتعرف تيجي ومش هاتطمن لحد ابداً ولا هارتاح.
                                                                 ….:&
آسيا بهدوء:هو انت ممكن تبعتلي حد شبهك…..حد يعوضني عن انك تيجي يعني ممكن تظهر ف شخص موجود واعرفه.
                                                                 ….:&
آسيا بضحك:هو انا اتجننت ????????????بس انا مرتاحه حتى لو كنت اتجننت ف انا كدة مبسوطه.
وفجأه تدخل شقيقتها الصغرى إلى الغرفه.
*كيان وهي شقيقه آسيا الصغرى في سن 12 فضوليه جدا جدا ولكنها خفيفة الظل بعض الشيء.
كيان:اي ده انتي كنتي بتعيطي؟!
آسيا بجمود:لء.
كيان:طيب????‍♀️…بس كنتي بتعيطي لي؟!
آسيا????:هو انتِ مش سالتِ وقلتلك لء.
كيان:اه????.
آسيا بغضب:طب شوفي انتِ عايزة اي واطلعي بره.
كيان:طيب ماشي ماتزوقيش بس.
اخذت كيان شيء من الخزانه ثم قبل ان تخرج لاحظت ان آسيا تبتسم فعادت مره أخرى.
كيان:هو انتي بقى بتضحكي ولا بتعيطي!؟????
آسيا????:ولا ده ولا ده.
كيان:بس انا شفتك بتضحكي بقى.
آسيا:اطلعي بره.
كيان:طب قوليلي بتضحكي لي اضحك معاكي????.
آسيا بغضب:قلت اطلعي بره.
كيان:خلاص طلعنا.
آسيا بزهق:اوووف اي الخنقه دي طب اعمل اي….اه حور????.
فتحت هاتفها وبدأت ترسل لصديقتها “beast friend” حور.
*حور في سن 20 بكليه علوم ايضا وهي صديقة آسيا المقربه والوحيدة التي تعلم ب سر راسيل الذي تخفيه آسيا عن كل الناس عداها هي.
آسيا:حور….حور….يبت ردي.
حور:اي يبنتي مالك.
آسيا:مش عارف بس زهقانه.
حور:طب ارغي قولي مالك.
آسيا:والله مش عارف مخنوقه اوي بس.
حور:امممم طب كلمتى راسيل.
آسيا:اه بس برضوا مخنوقه.
حور:طب شوفي روايه اقرئيها.
آسيا:قريت.
حور:اعملي اي حاجه طيب كلي،اشربي،نامي اعملي اي حاجه.
آسيا:مش عايزه….عايزه ارغي بس مشةعارفه ف اي.
حور:خلاص يستي نرغي نلعب براحتك.
وظلوا لفتره طويله يمرحون ويتناقشون في عدة مواضيع إلى أن تعبتا.
حور:انا تعبت اوي عايزة انام.
آسيا:وانا كمان خلاص تصبحي على خير وهاكلمك بكره.
ذهبت آسيا لتنام ولكنها ظلت فتره تفكر ب راسيل وهل يمكن أن يظهر بحياتها ام لا إلى أن تعبت وذهبت في ثبات عميق.
في اليوم التالي استيقظت آسيا مبكراً لتذهب الى محاضراتها وتلتقي بصديقتها وبمجرد دخولها الجامعه وجدت حور امامها.
آسيا:انتِ لسه جايه.
حور:لء بس مستنياكي نطلع سوى.
آسيا:اشطا يلا عشان مانتاخرش.
حور:يلا…..بس مالك يعني مبسوطه اوي كنتي امبارح مش طايقه نفسك.
آسيا بابتسامه:أصل راسيل قالي مش هايسيبني واني هلاقيه ف شخص قريب مني.
حور????:انتِ بتهزي صح.
آسيا:لء.
حور:انتِ مبسوطه كدة عشان شخص خيالي مالوش وجود قالك انك هاتلاقيه….انتِ كدة هاتتجنني انك بتتأثري بحد مش موجود وكلام مش موجود ده غلط ومرض انتِ مريضه.
آسيا بغضب:أنا غلطانه اصلا اني باتكلم معاكِ عمر ماحد هايفهمني غيره اصلا ولو كنت مجنونه ف انا مبسوطه كدة محدش له دعوه بيا سيبوني في جاني كدة لوحدي.
حور:طيب خلاص مش قصدي اضايقك اهدي خلاص.
نظرت اليها آسيا بغضب ولن تتحدث.
حور:زعلانه؟
آسيا????:لء.
حور:يستي عاجبني بس خلاص ماتزعليش والله انا ماقصدش حاجه بس انا خايفه عليكِ.
آسيا:ماشي.
حور:زعلانه.
آسيا بغضب وصوت مرتفع:ماقلت لء.
حور:خلاص في اي…..المحاضره هاتبدأ ركزي بقى.
آسيا????
-والله بحبها عشان الوحيده الى مستحملاني ده انا لو مكانها كنت فتحت دماغي????.
كانت آسيا تقول ذلك لنفسها عندما ابتسمت.
حور بهمس:انتِ بتضحكي على اي.
آسيا:خليكي ف حالك وركزي ف المحاضره يارغايه.
حور:انا برضوا ماشي????.
واكملوا المحاضره وبعدها خرجوا فوجدت آسيا هاتفها يرن ويوجد ايضاً 30 missed call من والدتها.
آسيا:يالهوي ماما اتصلت كتير اوي اكيد في حاجه حصلت.
حور:طب كلميها شوفي في اي.
آسيا:منا باتصل اهو.
سلمى والدة آسيا:ايوه انتي هاتيجي امتى.
آسيا:أنا خلصت المفروض جايه.
سلمى:طيب بسرعه ماتتاخريش.
آسيا:حاضر بس هو في حاجه يعني.
سلمى:اه جايلك عريس بليل ف انجزي بقى ماتتاخريش.
آسيا بغضب:لء مش جايه ومش عايزه اقابل حد.
سلمى:مش هاينفع….قولناله انك رافضه اي حد بس هو مُصر يقابلك.
آسيا بغضب:يوووو انتوا بتشتغلوني وكل شويه تجيبوا حد ومُصر يقابلك اصلا يعرفني منين ده.
سلمى:بيقول شافك ف الجامعه.
آسيا بخبث:ماشي خليه يقابل بقى.
واغلقت الخط مع والدتها.
حور:هو انتي هاتفضلي كدة على طول.
آسيا بجمود:اه.
حور:طب يبنتي حاولي مش انتي قولتي ان راسيل قالك هاتلاقيه ف شخص قريب منك.
آسيا:اه.
حور:طب وانتي هاتلاقيه ازاي بقى وانتي مش عايزه تقابلي حد ولا تتكلمي مع حد.
آسيا بحزن:ماعرفش بقى.
حور:المفروض تروحي تقابليه وتتكلمي معاه مش ممكن ترتاحي وتلاقي فيه الشخص الى بتدوري عليه.
آسيا بهدوء:ماشي حاضر.
حور:والله مامرتاحالك بس ماشي.
عادت آسيا إلى المنزل وجدت والدتها قد اختارت لها احد الفساتين لكي ترتديه في مقابلة هذا الشخص وجلبت بعض وصفات الماسكات وماشابه.
آسيا????:اي ده!!
سلمى:هو اي الى اي ده اختارتلك فستان حلو بدل اللبس الرجالى الى بتلبسيه ده ودي شويه ماسكات كده اعمليها وحطيها على وشك خليه ينور كده بدل مابقيتي شبه الميتين.
آسيا:طيب حاضر إن شاء الله.
سلمى:هو اي الى حاضر إن شاء الله خدي معاكي الحاجات دي وانجزي عشان لما الناس تيجي وانده عليكي تبقى جاهزه.
آسيا:حاضر.
اخذت آسيا تلك الاشياءالتي عزمت على انها لن تقترب منها ابداً ودخلت غرفتها ظلت تلعب بالهاتف وتقرأ بعض الروايات إلى ان سمعت والدتها.
سلمى:انجزي يا أسيا الناس زمانها جايه.
أسيا:حاضر ياماما.
قامت آسيا وفتحت خزانه اخيها واخترت احدى القمصان وارتدته مع بنطلون كانت قد اخذته من اخيها من قبل.
وانتظرت ان ياتي حتى تخرج وبعد قليل وجدت والدتها تطرق الباب.
سلمى:الناس جم يلا بسرعه.
آسيا:حاضر ياماما جايه اهو.
خرجت آسيا من الغرفه لتجد اخيها يقف امامها.
محمد:طب والله كنت حاسس وبعدين انتي خدتي ده من غير ماتقوليلي لي.
آسيا:يعم هاديهولك تاني بس وطي صوتك بقى هاتفضحني.
محمد:طب خلاص ماشي بس حسبي بقى لو امك شافتك هاتولع فيكي.
آسيا:ماهو انا هاخرج بسرعه قبل ماتدخل عشان ماتعملش حاجه.
*محمد هو شقيق آسيا في سن16 وهو ذو شخصيه طيبه حنونه ولكنه تافه جدا مما يجعلها لا تستطيع التحدث معه او الوثوق بقراراته.
خرجت آسيا لينصدم الجميع بهيأتها وشكلها عدا أحمد فهو رآها ترتدي مثل هذا الزي من قبل في الجامعه.
ونظرت لها والدتها بغضب فلم تتوقع انها تفعل ذلك فكانت من قبل تستمع الى ماتقوله لها وترتدي ما تختاره لها وبعد ذلك ترفضه بدون سبب.
جلست معهم وكان الجميع يتحدث عدا هي وبعد قليل طلب منها والدها أن تاخذ احمد وتذهب الى الشرفه ليتحدثوا.
فعلت آسيا هذا ولكنها ظلت تلعب بهاتفها ولم تعطي له اي اهتمام.
أحمد:ااا هو انتي متضايقه منى.
آسيا:لء خالص.
احمد:طب مابتتكلميش لي.
آسيا:عادي.
احمد:طب ممكن اسالك على حاجه.
آسيا بابتسامه:لء.
أحمد:هو انتي…
آسيا ????:مش انا قلت لء.
أحمد باستغراب:نعم.
آسيا:مش انا قلتلك ماتسالش.
أحمد:هو انتي يعني….
آسيا:لء مش باهزر.
آحمد????:انتي بتتكلمي كدة لي.
آسيا:مزاج بقى بعيد عنك.
أحمد:على فكرة انتي لو مش عايزاني ممكن ترفضي بطريقه احسن من كدة.
آسيا:هو انت مش قالولك إني رافضه ومش عايزه اقابل حد وانت اصريت انك تقابلني.
أحمد:ايوة وعايز اعرف لي يعني.
آسيا:خليك ف حالك.
أحمد:اي.
آسيا:قلنا خليك ف حالك مايخصكش هاتفضل تندهش كل شويه.
نظر لها أحمد بغضب وتركها وخرج استاذن اهله واخذهم ورحل.
خرجت آسيا من الشرفه لتجد والدتها تنظر اليها بغضب.
سلمى:برضوا عملتي زي كل مره…..ومالبستيش لي الى قلتلك عليه.
آسيا:عشان مابحبش البس كدة وبعدين انا تعبانه هاروح انام.
بعد مرور اسبوع.
كانت آسيا في الجامعه لتجد والدها فاروق يتصل بها.
آسيا:ايوه يبابا في حاجه.
فاروق:بصي يبنتي هو في واحد كلمني قالي انو عايز يشوفك.
آسيا:بس يبابا.
فاروق:يبنتي اسمعي هو مايعرفكيش بس بيقولي انه يعرف كذا حد من الى جم اتقدمولك وانتي رفضتيهم وقالي انه عايز يجي يتكلم معاكي قابليه مش يمكن ترتاحي.
آسيا بنفاذ صبر:حاضر يبابا.
عادي إلى المنزل وجدت والدتها مثل كل مره احضرت لها بعض المساكات واختارت فسان لترتديه اثناء المقابله.
آسيا:ماما انا مش هالبس ده سيبيني البس الى انا عايزاه.
سلمى:انتي حره.
دخلت آسيا واختارت قميصا وبنطال من ملابس اخيها محمد وجلست في اتظار ذلك الشخص المجهول وهي في حيره لماذا اصر انت ياتي ويلتقي بها على الرغم من انه يعلم ماتفعله مع من ياتي لمقابلتها وانها تحرجه وترفضه.
وبعد قليل وجدت والدتها تناديها لتخرج خرجت آسيا فوجدته وحده ومعه فتاه تقريبا في سنها.
جلست آسيا وظلت تنظر له باستغراب وهدوء تام.
آدم:مالك؟
آسيا بتوهان:مش عارفه….خايفه اوي.
آدم:من اي.
آسيا:مش عارفه برضوا.
آدم باستغراب:هو الى كانوا بيقولوا انك رخمه وقللة الزوق دول كدابين ولا انتي الى فيكي حاجه غريبه.
آسيا:انا مش فاهمه حاجه.
آدم:مالك طيب.
آسيا بغضب:ماقلت ماعرفش عليك عفريت اسمه مالك مالك.
آدم بابتسامه:ايوة كدة صح طلعي الى جواكي طلعي.
آسيا????:انت عايز اي.
آدم:ولا حاجه.
آسيا بفضول:هو مين البنت الى معاك دي أختك.
آدم:اه بتسالي لي.
آسيا:اسمها ساره صح.
آدم باستغراب:اه بس عرفتي منين اسمها.
آسيا:مش عارفه بس حسيت كدة.
آدم:طيب انتِ عايزه اي.
آسيا:يااراجل انا الى عايزه اي…..هو انت جاي لي اصلا.
آدم:مزاج بقى نقول اي.
آسيا????:طب خد مزاجك ده وحل عني.
آدم:طيب انا كدة كدة ماشي وهاستنى الرد خلال اسبوع يكون وصل.
آسيا????:رد اي يعم والله كلهم بيمشوا وهما عارفين الرد اي ولا انت مابتفهمش????.
آدم:لء منا مش كلهم وهاستنى الرد برضوا يمكن يكون مختلف.
تركها آدم واخذ اخته ورحل بعد ان اخبر فاروق بانتظاره للرد خلال اسبوع.
كانت آسيا في طريقها غرفتها فسالها والدها.
فاروق:شكلك مارخمتيش عليه زي كل مره وبيقولي مستني الرد.
آسيا:قوله موافقه…..????????انا قلت اي.
تشاااااو يقمرات ????❤️رجعت تاني بعد طحنة الامتحانات ????يارب الروايه الجديدة تعجبكم (ملحوظه:دي قصه حقيقيه)????وعايزه تفاعل بجد بلاش احباط لاني من غير تفاعل بافهم انكوا مش عايزينني اكمل وماباعرفش اكتب حاجه تاني ياريت تشجعوني اكمل عشان اقدر انزل البارت الجاي مارضيتش اتاخر عليكوا برضوا كنت قايله يوم 15غالبا انا الكاتبه الوحيد الى بتنزل البارت قبل معاده مدلعاكوا اهو????دلعوني بقى انتوا كمان واتفاعلوا????مش هاشحت منكوا لء يعم ????انتوا حرين بقى مش هانزل البارت الجاي????.
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا

اترك رد